ADVERTISEMENT
ADVERTISEMENT
ਪ੍ਰਤਿਨਿਧੀ ਪ੍ਰਮਿਲਾ ਜੈਪਾਲ ਵਲੋਂ ਡੈਮੋਕ੍ਰੈਟਿਕ ਜਿੱਤਾਂ ਦਾ ਜਸ਼ਨ, ਟਰੰਪ ’ਤੇ ਕੀਤਾ ਤਿੱਖਾ ਹਮਲਾ
ਕਾਂਗਰਸਵੂਮੈਨ ਨੇ ਕਿਹਾ ਕਿ ਵੋਟਰਾਂ ਨੇ “ਟਰੰਪ ਦੇ ਕਟੜ ਏਜੰਡੇ ਨੂੰ ਰੱਦ ਕਰ ਦਿੱਤਾ ਹੈ
-
ਮਾਲਵਿਕਾ ਚੌਧਰੀ - Sat, 08, Nov 2025
- 01:51 EST
- 3
ਵਾਸ਼ਿੰਗਟਨ ਦੀ ਡੈਮੋਕ੍ਰੈਟਿਕ ਕਾਂਗਰਸਵੂਮੈਨ ਪ੍ਰਮਿਲਾ ਜੈਪਾਲ / X - @PramilaJayapal
ਵਾਸ਼ਿੰਗਟਨ ਦੀ ਡੈਮੋਕ੍ਰੈਟਿਕ ਕਾਂਗਰਸਵੂਮੈਨ ਪ੍ਰਮਿਲਾ ਜੈਪਾਲ ਨੇ ਇਸ ਹਫ਼ਤੇ ਹੋਈਆਂ ਚੋਣਾਂ ਵਿੱਚ ਡੈਮੋਕ੍ਰੈਟਿਕ ਪਾਰਟੀ ਦੀਆਂ ਜਿੱਤਾਂ ’ਤੇ ਖੁਸ਼ੀ ਪ੍ਰਗਟਾਈ ਤੇ ਨਾਲ ਹੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਕਾਂਗਰਸੀ ਰਿਪਬਲਿਕਨਾਂ ਦੀ ਤਿੱਖੀ ਆਲੋਚਨਾ ਕੀਤੀ। ਉਹਨਾਂ ਨੇ ਇਹ ਬਿਆਨ ਚੱਲ ਰਹੇ ਸਰਕਾਰੀ ਸ਼ਟਡਾਊਨ ਅਤੇ ਇਮੀਗ੍ਰੇਸ਼ਨ ਨੀਤੀਆਂ ਨੂੰ ਲੈ ਕੇ ਦਿੱਤਾ।
ਐਕਸ 'ਤੇ ਪੋਸਟ ਕੀਤੇ ਗਏ ਆਪਣੇ ਤਾਜ਼ਾ ਹਫ਼ਤਾਵਾਰੀ ਸੰਬੋਧਨ “ਤਿੰਨ ਮਾੜੀਆਂ, ਤਿੰਨ ਚੰਗੀਆਂ ਗੱਲਾਂ” ਵਿੱਚ, ਜੈਪਾਲ ਨੇ ਕਿਹਾ ਕਿ ਚੋਣਾਂ ਦੇ ਨਤੀਜੇ “ਅਮਰੀਕੀ ਲੋਕਾਂ ਨੇ ਡੋਨਾਲਡ ਟਰੰਪ ਦੇ ਕਟੜ ਏਜੰਡੇ ਨੂੰ ਸਪੱਸ਼ਟ ਤੌਰ ‘ਤੇ ਰੱਦ ਕੀਤਾ ਹੈ।” ਜੈਪਾਲ ਨੇ ਕਿਹਾ, “ਮੰਗਲਵਾਰ ਦੀ ਰਾਤ ਇਤਿਹਾਸਕ ਸੀ। ਉਨ੍ਹਾਂ ਕਿਹਾ, “ਅਮਰੀਕੀ ਲੋਕਾਂ ਨੇ ਵੱਡੀ ਗਿਣਤੀ ਵਿੱਚ ਵੋਟ ਪਾ ਕੇ ਟਰੰਪ ਦੇ ਏਜੰਡੇ ਨੂੰ ਰੱਦ ਕਰ ਦਿੱਤਾ। ਵਰਜੀਨੀਆ, ਨਿਊ ਜਰਸੀ, ਨਿਊਯਾਰਕ, ਵਾਸ਼ਿੰਗਟਨ ਸਟੇਟ, ਕੈਲੀਫ਼ੋਰਨੀਆ—ਹਰ ਥਾਂ ਡੈਮੋਕ੍ਰੈਟਿਕ ਉਮੀਦਵਾਰਾਂ ਨੇ ਜਿੱਤ ਦਰਜ ਕੀਤੀ।”
ਉਨ੍ਹਾਂ ਨੇ ਕਿਹਾ ਕਿ ਤਾਜ਼ਾ ਸਰਵੇਖਣ ਅਨੁਸਾਰ 63 ਫ਼ੀਸਦੀ ਵੋਟਰ ਟਰੰਪ ਦੇ ਕੰਮ ਤੋਂ ਅਸੰਤੁਸ਼ਟ ਹਨ, ਜੋ ਇਸ ਗੱਲ ਦਾ ਸੰਕੇਤ ਹੈ ਕਿ “ਲੋਕ ਆਪਣੇ ਹੱਥਾਂ ਵਿੱਚ ਵੋਟ ਦੀ ਤਾਕਤ ਲੈ ਰਹੇ ਹਨ।” ਇਹ ਟਿੱਪਣੀਆਂ ਉਸ ਸਮੇਂ ਆਈਆਂ ਹਨ ਜਦੋਂ ਅਮਰੀਕਾ ਦਾ ਸਭ ਤੋਂ ਲੰਮਾ ਸਰਕਾਰੀ ਸ਼ਟਡਾਊਨ 37ਵੇਂ ਦਿਨ ’ਚ ਦਾਖਲ ਹੋ ਚੁੱਕਾ ਹੈ। ਇਹ ਸ਼ਟਡਾਊਨ 1 ਅਕਤੂਬਰ ਨੂੰ ਸ਼ੁਰੂ ਹੋਇਆ ਸੀ, ਜਦੋਂ ਕਾਂਗਰਸ ਵੱਲੋਂ ਖਰਚ ਬਿੱਲ ਪਾਸ ਨਾ ਹੋਣ ਕਾਰਨ ਸਰਕਾਰੀ ਵਿਭਾਗਾਂ ਦਾ ਕੰਮ ਰੁਕ ਗਿਆ ਸੀ। ਸੈਂਕੜਿਆਂ ਹਜ਼ਾਰ ਫੈਡਰਲ ਕਰਮਚਾਰੀ ਬਿਨਾਂ ਤਨਖ਼ਾਹ ਕੰਮ ਕਰਨ ਲਈ ਮਜਬੂਰ ਹਨ।
ਜੈਪਾਲ ਨੇ ਅੱਗੇ ਕਿਹਾ, “ਰਿਪਬਲਿਕਨ ਸ਼ਟਡਾਊਨ ਹੁਣ ਅਮਰੀਕੀ ਇਤਿਹਾਸ ਵਿੱਚ ਸਭ ਤੋਂ ਲੰਮਾ ਬਣ ਚੁੱਕਾ ਹੈ—ਅੱਜ ਦਿਨ 37 ਹੈ। ਟਰੰਪ ਨੇ ਗੈਰਕਾਨੂੰਨੀ ਤੌਰ ’ਤੇ ਲੱਖਾਂ ਅਮਰੀਕੀਆਂ ਲਈ SNAP ਖ਼ੁਰਾਕ ਸਹਾਇਤਾ ਨੂੰ ਘਟਾ ਦਿੱਤਾ ਹੈ ਅਤੇ ਹਜ਼ਾਰਾਂ ਸਰਕਾਰੀ ਕਰਮਚਾਰੀਆਂ ਦੀ ਤਨਖ਼ਾਹ ਨੂੰ ਖ਼ਤਰੇ ’ਚ ਪਾਇਆ ਹੈ।” ਉਹਨਾਂ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਟਰੰਪ ਪ੍ਰਸ਼ਾਸਨ ਨੇ ਹਵਾਈ ਅੱਡਿਆਂ ’ਤੇ ਉਡਾਨ ਸਮਰੱਥਾ ਘਟਾ ਕੇ ਜਨਤਾ ’ਤੇ “ਜਾਨਬੂਝ ਕੇ ਵੱਧ ਤੋਂ ਵੱਧ ਦੁੱਖ ਢਾਹੁਣ ਦੀ ਕੋਸ਼ਿਸ਼ ਕੀਤੀ।”
ਅਰਥਸ਼ਾਸਤ੍ਰੀਆਂ ਦਾ ਅੰਦਾਜ਼ਾ ਹੈ ਕਿ ਸ਼ਟਡਾਊਨ ਨਾਲ ਹਫ਼ਤੇ ਦੇ ਤਕਰੀਬਨ 15 ਬਿਲੀਅਨ ਡਾਲਰ ਦਾ ਨੁਕਸਾਨ ਹੋ ਰਿਹਾ ਹੈ। ਵ੍ਹਾਈਟ ਹਾਊਸ ਨੇ ਆਪਣੇ ਪੱਖ ਦਾ ਬਚਾਅ ਕਰਦੇ ਹੋਏ ਕਿਹਾ ਹੈ ਕਿ ਡੈਮੋਕ੍ਰੇਟਸ ਲੋੜੀਂਦੇ ਸਰਹੱਦੀ ਸੁਰੱਖਿਆ ਫੰਡਿੰਗ ਨੂੰ ਰੋਕ ਰਹੇ ਹਨ, ਜਦੋਂ ਕਿ ਡੈਮੋਕ੍ਰੇਟਸ ਦਾ ਤਰਕ ਹੈ ਕਿ ਟਰੰਪ ਸਿਆਸੀ ਮੰਗਾਂ ਨੂੰ ਮਨਵਾਉਣ ਲਈ “ਸਰਕਾਰ ਨੂੰ ਬੰਧਕ ਬਣਾ ਰਹੇ ਹਨ।”
ਉਨ੍ਹਾਂ ਨੇ ਇਮੀਗ੍ਰੇਸ਼ਨ ਇਨਫ਼ੋਰਸਮੈਂਟ ਦੇ ਤਰੀਕਿਆਂ ਦੀ ਵੀ ਨਿੰਦਾ ਕਰਦੇ ਹੋਏ ਕਿਹਾ ਕਿ “ਟਰੰਪ ਦਾ ਕਹਿਣਾ ਹੈ ਕਿ ਇਮੀਗ੍ਰੇਸ਼ਨ ਛਾਪੇ ‘ਕਾਫ਼ੀ ਨਹੀਂ ਹੋਏ,’ ਪਰ ਹਕੀਕਤ ਇਹ ਹੈ ਕਿ ਅਮਰੀਕੀ ਨਾਗਰਿਕਾਂ ਤੱਕ ਨੂੰ ਇਸ ਵਿੱਚ ਫਸਾਇਆ ਜਾ ਰਿਹਾ ਹੈ।” ਉਨ੍ਹਾਂ ਕਿਹਾ, “ਇੱਕ ਡੇਅਕੇਅਰ ਵਰਕਰ ਨੂੰ ਕਲਾਸਰੂਮ ਵਿੱਚੋਂ ਜ਼ਬਰਦਸਤੀ ਖਿੱਚ ਕੇ ਲਿਆਂਦਾ ਗਿਆ, ਦੋ ਸਾਲ ਦੇ ਅਮਰੀਕੀ ਬੱਚੇ ’ਤੇ ਟੀਅਰ ਗੈਸ ਚਲਾਈ ਗਈ — ਇਹ ਲੋਕਤੰਤਰ ਨਹੀਂ, ਇਕ ਫੌਜੀ ਹਕੂਮਤ ਵਰਗਾ ਹੈ। ਬੱਸ ਕਰੋ!”
ਇਹ ਬਿਆਨ ਉਸ ਅਦਾਲਤੀ ਹੁਕਮ ਤੋਂ ਬਾਅਦ ਆਏ, ਜਿਸ ਵਿੱਚ ਇਲਿਨੋਇਸ ਦੀ ਬ੍ਰਾਡਵਿਊ ਡਿਟੇਨਸ਼ਨ ਫ਼ੈਸਿਲਟੀ ਵਿੱਚ ਮੌਜੂਦ ਹਾਲਾਤਾਂ ਨੂੰ “ਘਿਨਾਉਣਾ” ਕਰਾਰ ਦਿੱਤਾ ਗਿਆ। ਜੱਜ ਰਾਬਰਟ ਗੈਟਲਮੈਨ ਨੇ ICE ਨੂੰ ਤੁਰੰਤ ਸਾਫ਼-ਸੁਥਰੇ ਹਾਲਾਤ ਅਤੇ ਕਾਨੂੰਨੀ ਪਹੁੰਚ ਯਕੀਨੀ ਬਣਾਉਣ ਲਈ ਆਦੇਸ਼ ਦਿੱਤਾ।
ਜੈਪਾਲ ਨੇ ਇੱਕ ਹੋਰ ਫੈਡਰਲ ਫੈਸਲੇ ਦੀ ਵੀ ਪ੍ਰਸ਼ੰਸਾ ਕੀਤੀ ਜਿਸ ਵਿੱਚ ਟਰੰਪ ਦੇ ਵੋਟਿੰਗ ਨਿਯਮ ਸਖ਼ਤ ਕਰਨ ਵਾਲੇ ਐਗਜ਼ਿਕਿਊਟਿਵ ਆਰਡਰ ਨੂੰ ਰੱਦ ਕਰ ਦਿੱਤਾ ਗਿਆ। ਉਨ੍ਹਾਂ ਕਿਹਾ, “ਜੱਜ ਨੇ ਸਪੱਸ਼ਟ ਕਿਹਾ — ਚੋਣਾਂ ਦਾ ਨਿਯੰਤਰਣ ਰਾਜਾਂ ਅਤੇ ਕਾਂਗਰਸ ਦੇ ਹੱਥ ’ਚ ਹੈ, ਕਿਸੇ ਬੇਕਾਬੂ ਰਾਸ਼ਟਰਪਤੀ ਦੇ ਨਹੀਂ।”
Related
.png)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login