ADVERTISEMENTs
-10”-x-5.jpg)
ਭਾਰਤ ਦੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ ਦਾ ਸਥਾਈ ਮੈਂਬਰ ਨਾ ਹੋਣ ਨੂੰ ਮਸਕ ਨੇ ਕਿਹਾ 'ਬੇਤੁਕਾ'
ਮਸਕ ਦੀਆਂ ਟਿੱਪਣੀਆਂ, ਸੰਯੁਕਤ ਰਾਸ਼ਟਰ ਦੇ ਸੱਕਤਰ-ਜਨਰਲ ਦੁਆਰਾ ਕਿਸੇ ਵੀ ਅਫਰੀਕੀ ਰਾਸ਼ਟਰ ਦੀ ਨੁਮਾਇੰਦਗੀ ਦੀ ਘਾਟ ਬਾਰੇ ਖਦਸ਼ਾਜ਼ਾਹਰ ਕਰਨ ਤੋਂ ਪ੍ਰਰਿਤ ਸਨ।
-
ਮਹਿਕ ਲੂਥਰਾ - Thu, 25, Jan 2024
- 14:11 EST
- 302
ਐਲੋਨ ਮਸਕ / Pixabay
ਅਰਬਪਤੀ ਤਕਨੀਕੀ ਮੈਗਨੇਟ ਐਲੋਨ ਮਸਕ ਨੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ (ਯੂਐੱਨਐੱਸਸੀ) ਦੇ ਸਥਾਈ ਮੈਂਬਰ ਵਜੋਂ ਭਾਰਤ ਨੂੰ ਸ਼ਾਮਲ ਨਾ ਕਰਨ ਨੂੰ "ਬੇਤੁਕਾ" ਕਰਾਰ ਦਿੱਤਾ ਹੈ।
ਟੇਸਲਾ ਦੇ ਸੀਈਓ ਨੇ ਏਜੰਸੀ ਦੇ ਵਿਆਪਕ ਸੁਧਾਰ ਦੀ ਵਕਾਲਤ ਕਰਦਿਆਂ ਅੱਗੇ ਟਿੱਪਣੀ ਕੀਤੀ ਕਿ ਯੂਐੱਨਐੱਸਸੀ ਦਾ ਮੌਜੂਦਾ ਢਾਂਚਾ ਵਿਸ਼ਵ ਦੇ ਸਭ ਤੋਂ ਵੱਧ ਆਬਾਦੀ ਵਾਲੇ ਦੇਸ਼ਾਂ ਦੀ ਨੁਮਾਇੰਦਗੀ ਕਰਨ ਵਿੱਚ ਅਸਫਲ ਰਹਿੰਦਾ ਹੈ।
“ਕੁਝ ਗੱਲਾਂ 'ਤੇ ਸੰਯੁਕਤ ਰਾਸ਼ਟਰ ਦੀਆਂ ਸੰਸਥਾਵਾਂ ਦਾ ਸੰਸ਼ੋਧਨ ਕਰਨ ਦੀ ਜ਼ਰੂਰਤ ਹੈ। ਸਮੱਸਿਆ ਇਹ ਹੈ ਕਿ ਜ਼ਿਆਦਾ ਸ਼ਕਤੀ ਵਾਲੇ ਇਸ ਨੂੰ ਛੱਡਣਾ ਨਹੀਂ ਚਾਹੁੰਦੇ। ਧਰਤੀ 'ਤੇ ਸਭ ਤੋਂ ਵੱਧ ਆਬਾਦੀ ਵਾਲਾ ਦੇਸ਼ ਹੋਣ ਦੇ ਬਾਵਜੂਦ ਭਾਰਤ ਦੀ ਸੁਰੱਖਿਆ ਕੌਂਸਲ ਵਿਚ ਸਥਾਈ ਸੀਟ ਨਾ ਹੋਣਾ ਬੇਤੁਕਾ ਹੈ”, ਮਸਕ ਨੇ ਐਕਸ 'ਤੇ ਪੋਸਟ ਕੀਤਾ।
ਮਸਕ ਦੀਆਂ ਟਿੱਪਣੀਆਂ, ਸੰਯੁਕਤ ਰਾਸ਼ਟਰ ਦੇ ਸਕੱਤਰ-ਜਨਰਲ ਐਂਟੋਨੀਓ ਗੁਟੇਰੇਸ ਨੇ ਯੂਐੱਨਐੱਸਸੀ ਦੇ ਸਥਾਈ ਮੈਂਬਰਾਂ ਵਿੱਚ ਕਿਸੇ ਵੀ ਅਫਰੀਕੀ ਦੇਸ਼ ਦੀ ਨੁਮਾਇੰਦਗੀ ਦੀ ਘਾਟ ਬਾਰੇ ਖਦਸ਼ਾ ਜ਼ਾਹਰ ਤੋਂ ਪ੍ਰਰਿਤ ਸਨ।
"ਅਸੀਂ ਇਹ ਕਿਵੇਂ ਸਵੀਕਾਰ ਕਰ ਸਕਦੇ ਹਾਂ ਕਿ ਅਫ਼ਰੀਕਾ ਕੋਲ ਅਜੇ ਵੀ ਸੁਰੱਖਿਆ ਕੌਂਸਲੇ ਵਿੱਚ ਇੱਕ ਵੀ ਸਥਾਈ ਮੈਂਬਰ ਦੀ ਘਾਟ ਹੈ? ਸੰਸਥਾਵਾਂ ਨੂੰ ਅੱਜ ਦੇ ਸੰਸਾਰ ਨੂੰ ਪ੍ਰਤੀਬਿੰਬਤ ਕਰਨਾ ਚਾਹੀਦਾ ਹੈ, ਨਾ ਕਿ 80ਸਾਲ ਪਹਿਲਾਂ ਦੇ। ਭਵਿੱਖ ਦਾ ਸਤੰਬਰ ਦਾ ਸੰਮੇਲਨ ਗਲੋਬਲ ਗਵਰਨੈਂਸ ਸੁਧਾਰਾਂ 'ਤੇ ਵਿਚਾਰ ਕਰਨ ਅਤੇ ਵਿਸ਼ਵਾਸ ਨੂੰ ਮੁੜ ਬਣਾਉਣ ਦਾ ਇੱਕ ਮੌਕਾ ਹੋਵੇਗਾ।" ਗੁਟੇਰੇਸ ਨੇ ਪਹਿਲਾਂ ਮਾਈਕ੍ਰੋਬਲਾਗਿੰਗ ਸਾਈਟ 'ਤੇ ਲਿਖਿਆ ਸੀ।
ਇਸ ਤੋਂ ਬਾਅਦ ਇਜ਼ਰਾਈਲੀ ਲੇਖਕ ਮਾਈਕਲ ਆਇਜ਼ਨਬਰਗ ਨੇ ਵੀ ਭਾਰਤ ਨੂੰ ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ ਦੇ ਸਥਾਈ ਮੈਂਬਰ ਵਜੋਂ ਸ਼ਾਮਲ ਨਾ ਕੀਤੇ ਜਾਣ 'ਤੇ ਸਵਾਲ ਉਠਾਏ ਹਨ। “ਅਤੇ ਭਾਰਤ ਬਾਰੇ ਕੀ? ਯੂਐੱਨ ਨੂੰ ਤੋੜਨਾ ਅਤੇ ਅਸਲ ਲੀਡਰਸ਼ਿਪ ਨਾਲ ਕੁਝ ਨਵਾਂ ਬਣਾਉਣਾ ਬਿਹਤਰ ਹੈ,” ਉਨ੍ਹਾਂ ਨੇ ਪੋਸਟ ਕੀਤਾ।
ਯੂਐੱਨਐੱਸਸੀ ’ਚ ਸਥਾਈ ਸੀਟ ਲਈ ਭਾਰਤ ਦੀਆਂ ਕੋਸ਼ਿਸ਼ਾਂ
ਭਾਰਤ ਲੰਬੇ ਸਮੇਂ ਤੋਂ ਯੂਐੱਨਐੱਸਸੀ ਵਿੱਚ ਸਥਾਈ ਸੀਟ ਦੀ ਮੰਗ ਕਰ ਰਿਹਾ ਹੈ। ਹਾਲਾਂਕਿ, ਇਸ ਸਥਾਨ ਨੂੰ ਸੁਰੱਖਿਅਤ ਕਰਨ ਲਈ ਨਵੀਂ ਦਿੱਲੀ ਦੀਆਂ ਕੋਸ਼ਿਸ਼ਾਂ ਨੂੰ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ ਹੈ, ਖਾਸ ਤੌਰ 'ਤੇ ਚੀਨ ਤੋਂ, ਜਿਸ ਨੇ ਭਾਰਤ ਨੂੰ ਸ਼ਾਮਲ ਕਰਨ ਵਿੱਚ ਰੁਕਾਵਟ ਪਾਉਣ ਲਈ ਆਪਣੀ ਵੀਟੋ ਸ਼ਕਤੀ ਦੀ ਵਰਤੋਂ ਕੀਤੀ। ਇਸ ਵਿਰੋਧ ਦੇ ਬਾਵਜੂਦ ਅਮਰੀਕਾ ਅਤੇ ਫਰਾਂਸ ਵਰਗੇ ਹੋਰ ਸਥਾਈ ਮੈਂਬਰਾਂ ਨੇ ਭਾਰਤ ਦੀ ਉਮੀਦਵਾਰੀ ਦਾ ਸਮਰਥਨ ਕੀਤਾ ਹੈ। ਭਾਰਤ ਦੇ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਪਹਿਲਾਂ ਯੂਐੱਨਐੱਸਸੀ ਨੂੰ "ਪੁਰਾਣਾ ਕਲੱਬ" ਕਿਹਾ ਸੀ ਜਿੱਥੇ ਮੌਜੂਦਾ ਮੈਂਬਰ ਦੇਸ਼ ਸੰਭਾਵੀ ਨਿਯੰਤਰਣ ਦੇ ਨੁਕਸਾਨ ਦੀਆਂ ਚਿੰਤਾਵਾਂ ਕਾਰਨ ਨਵੇਂ ਮੈਂਬਰਾਂ ਨੂੰ ਸਵੀਕਾਰ ਕਰਨ ਦਾ ਵਿਰੋਧ ਕਰਦੇ ਹਨ।
“ਸੁਰੱਖਿਆ ਕੌਂਸਲ ਇੱਕ ਪੁਰਾਣੇ ਕਲੱਬ ਦੀ ਤਰ੍ਹਾਂ ਹੈ, ਜਿੱਥੇ ਸੈੱਟ ਮੈਂਬਰ ਹਨ ਜੋ ਪਕੜ ਨੂੰ ਛੱਡਣਾ ਨਹੀਂ ਚਾਹੁੰਦੇ ਹਨ। ਉਹ ਕਲੱਬ 'ਤੇ ਕੰਟਰੋਲ ਰੱਖਣਾ ਚਾਹੁੰਦੇ ਹਨ। ਹੋਰ ਮੈਂਬਰਾਂ ਨੂੰਸਵੀਕਾਰ ਕਰਨ ਲਈ ਬਹੁਤਾ ਉਤਸੁਕ ਨਹੀਂ, ਉਨ੍ਹਾਂ ਦੇ ਕੰਮਾਂ 'ਤੇ ਸਵਾਲ ਚੁੱਕਣ ਲਈ ਉਤਸੁਕ ਨਹੀਂ”, ਜੈਸ਼ੰਕਰ ਨੇ ਕਿਹਾ।
ਵਰਤਮਾਨ ਵਿੱਚ, ਯੂਐੱਨਐੱਸਸੀ ਦੇ ਪੰਜ ਸਥਾਈ ਮੈਂਬਰ ਸੰਯੁਕਤ ਰਾਜ ਅਮਰੀਕਾ, ਯੂਨਾਈਟਿਡ ਕਿੰਗਡਮ (ਬਰਤਾਨੀਆ), ਫਰਾਂਸ, ਰੂਸ ਅਤੇ ਚੀਨ ਹਨ। ਇਹ ਰਾਸ਼ਟਰ ਕਾਫ਼ੀ ਪ੍ਰਭਾਵ ਰੱਖਦੇ ਹਨ, ਜਿਸ ਵਿੱਚ ਵੀਟੋ ਮਤਿਆਂ ਦਾ ਅਧਿਕਾਰ ਵੀ ਸ਼ਾਮਲ ਹੈ। ਇਸ ਦੇ ਉਲਟ,ਗੈਰ-ਸਥਾਈ ਮੈਂਬਰ, ਜੋ ਦੋ ਸਾਲਾਂ ਦੇ ਕਾਰਜਕਾਲ ਲਈ ਚੁਣੇ ਜਾਂਦੇ ਹਨ, ਕੌਂਸਲ ਦੇ ਏਜੰਡੇ ਵਿੱਚ ਯੋਗਦਾਨ ਪਾਉਂਦੇ ਹਨ, ਪਰ ਉਨ੍ਹਾਂ ਕੋਲ ਸਥਾਈ ਹਮਰੁਤਬਾ ਦੁਆਰਾ ਰੱਖੀ ਗਈ ਵੀਟੋ ਸ਼ਕਤੀ ਨਹੀਂ ਹੁੰਦੀ ਹੈ।
Related
.jpeg)
.jpg)
.jpg)
.jpeg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login