ADVERTISEMENT
ADVERTISEMENT
ਲੂਈਸਿਆਨਾ ਵੋਟਿੰਗ ਅਧਿਕਾਰ ਫੈਸਲੇ 'ਤੇ ਭਾਰਤੀ-ਅਮਰੀਕੀ ਨੇਤਾਵਾਂ ਦੇ ਵਿਚਾਰਾਂ ਵਿੱਚ ਮੱਤਭੇਦ
ਸਾਬਕਾ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਨੇ ਕਿਹਾ ਕਿ ਇਹ ਫੈਸਲਾ "ਵੋਟਿੰਗ ਰਾਈਟਸ ਐਕਟ ਨੂੰ ਤਬਾਹ ਕਰਦਾ ਹੈ
-
ਮਾਲਵਿਕਾ ਚੌਧਰੀ - Thu, 30, Apr 2026
- 04:03 EDT
- 9
File Photo / IANS
29 ਅਪ੍ਰੈਲ ਨੂੰ ਲੂਈਸਿਆਨਾ ਦੇ ਕਾਂਗਰਸੀ ਨਕਸ਼ੇ 'ਤੇ ਅਮਰੀਕੀ ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਬਾਅਦ ਭਾਰਤੀ-ਅਮਰੀਕੀ ਨੇਤਾਵਾਂ ਦੇ ਵੱਖ-ਵੱਖ ਵਿਚਾਰ ਸਾਹਮਣੇ ਆਏ ਹਨ। ਕੁਝ ਨੇ ਇਸ ਨੂੰ ਵੋਟਿੰਗ ਅਧਿਕਾਰਾਂ ਨੂੰ ਕਮਜ਼ੋਰ ਕਰਨ ਵਾਲਾ ਦੱਸ ਕੇ ਇਸ ਦੀ ਨਿੰਦਾ ਕੀਤੀ ਹੈ, ਜਦਕਿ ਦੂਜਿਆਂ ਨੇ ਇਸ ਨੂੰ ਇੱਕ ਵੱਡਾ ਕਾਨੂੰਨੀ ਮੀਲ ਪੱਥਰ ਦੱਸਦਿਆਂ ਇਸ ਦਾ ਸਮਰਥਨ ਕੀਤਾ ਹੈ।
ਸਾਬਕਾ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਨੇ ਕਿਹਾ ਕਿ ਇਹ ਫੈਸਲਾ "ਵੋਟਿੰਗ ਰਾਈਟਸ ਐਕਟ ਨੂੰ ਤਬਾਹ ਕਰਦਾ ਹੈ ਅਤੇ ਸਾਡੀ ਚੋਣ ਪ੍ਰਣਾਲੀ ਵਿੱਚ ਸਮਾਨਤਾ ਤੇ ਨਿਰਪੱਖਤਾ ਦੇ ਬੁਨਿਆਦੀ ਵਾਅਦੇ ਨੂੰ ਪਿੱਛੇ ਲੈ ਜਾਂਦਾ ਹੈ।" ਉਨ੍ਹਾਂ ਅਨੁਸਾਰ ਵੋਟਿੰਗ ਰਾਈਟਸ ਐਕਟ ਦੀ ਧਾਰਾ 2 ਘੱਟ ਗਿਣਤੀ ਵੋਟਰਾਂ ਲਈ ਆਖਰੀ ਸੁਰੱਖਿਆ ਕਵਚ ਸੀ, ਜਿਸ ਨੂੰ ਹੁਣ ਖੋਹ ਲਿਆ ਗਿਆ ਹੈ।
ਨਿਊਯਾਰਕ ਸਿਟੀ ਮੇਅਰ ਜ਼ੋਹਰਾਨ ਮਮਦਾਨੀ ਨੇ ਇਸ ਫੈਸਲੇ ਨੂੰ "ਵੋਟਿੰਗ ਰਾਈਟਸ ਐਕਟ ਦੇ ਵਾਅਦੇ 'ਤੇ ਸਿੱਧਾ ਹਮਲਾ" ਕਰਾਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਲੱਖਾਂ ਅਮਰੀਕੀਆਂ ਦੇ ਵੋਟ ਦੇ ਅਧਿਕਾਰ ਪ੍ਰਭਾਵਿਤ ਹੋਣ ਦਾ ਖਤਰਾ ਹੈ ਅਤੇ ਇਹ ਲੋਕਤੰਤਰ ਦੀ ਬੁਨਿਆਦ ਨੂੰ ਕਮਜ਼ੋਰ ਕਰਦਾ ਹੈ।
ਅਮਰੀਕੀ ਪ੍ਰਤੀਨਿਧੀ ਸਭਾ ਮੈਂਬਰ ਰੋ ਖੰਨਾ ਨੇ ਕਿਹਾ ਕਿ ਇਹ ਫੈਸਲਾ "ਅਸਲ ਵਿੱਚ ਗੈਰ-ਗੋਰੇ ਅਮਰੀਕੀਆਂ ਦੀ ਵੋਟਿੰਗ ਸ਼ਕਤੀ ਨੂੰ ਘੱਟ ਕਰੇਗਾ।" ਉਨ੍ਹਾਂ ਦੋਸ਼ ਲਾਇਆ ਕਿ ਰਿਪਬਲਿਕਨ ਨੇਤਾ ਬਹੁ-ਨਸਲੀ ਲੋਕਤੰਤਰ ਨੂੰ ਕਮਜ਼ੋਰ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਨਿਊਯਾਰਕ ਸਿਟੀ ਕੌਂਸਲ ਲਈ ਚੁਣੇ ਗਏ ਪਹਿਲੇ ਭਾਰਤੀ-ਅਮਰੀਕੀ ਵਜੋਂ NYC ਕੌਂਸਲ ਮੈਂਬਰ ਸ਼ੇਖਰ ਕ੍ਰਿਸ਼ਨਨ ਨੇ ਕਿਹਾ ਕਿ ਪ੍ਰਤੀਨਿਧਤਾ ਬਹੁਤ ਮਹੱਤਵਪੂਰਨ ਹੈ ਅਤੇ ਇਹ ਫੈਸਲਾ ਸਾਡੇ ਭਾਈਚਾਰਿਆਂ ਲਈ ਬਰਾਬਰ ਪਹੁੰਚ ਨੂੰ ਕਮਜ਼ੋਰ ਕਰਦਾ ਹੈ।
ਉਥੇ ਹੀ ਦੂਜੇ ਪਾਸੇ ਅਸਿਸਟੈਂਟ ਅਟਾਰਨੀ ਜਨਰਲ ਹਰਮੀਤ ਢਿੱਲੋਂ ਨੇ ਫੈਸਲੇ ਦਾ ਸਵਾਗਤ ਕੀਤਾ। ਉਨ੍ਹਾਂ ਕਿਹਾ, "ਅਸੀਂ ਜਿਸ ਫੈਸਲੇ ਦੀ ਉਡੀਕ ਕਰ ਰਹੇ ਸੀ, ਉਸ ਨੂੰ ਦੇਖ ਕੇ ਬਹੁਤ ਖੁਸ਼ੀ ਹੋਈ।" ਉਨ੍ਹਾਂ ਨੇ ਇਸ ਨੂੰ ਵੋਟਿੰਗ ਰਾਈਟਸ ਐਕਟ ਦੇ ਇਤਿਹਾਸ ਵਿੱਚ ਦਹਾਕਿਆਂ ਦਾ ਸਭ ਤੋਂ ਮਹੱਤਵਪੂਰਨ ਵਿਕਾਸ ਦੱਸਿਆ।
ਦੱਸ ਦਈਏ ਕਿ ਲੂਸੀਆਨਾ ਬਨਾਮ ਕੈਲੇਸ ਕੇਸ ਵਿੱਚ ਸੁਪਰੀਮ ਕੋਰਟ ਨੇ 6-3 ਦੇ ਬਹੁਮਤ ਨਾਲ ਫੈਸਲਾ ਸੁਣਾਇਆ ਕਿ ਲੂਸੀਆਨਾ ਦੁਆਰਾ ਦੂਜਾ ਬਹੁ-ਗਿਣਤੀ-ਕਾਲਾ ਕਾਂਗਰਸੀ ਹਲਕਾ ਬਣਾਉਣਾ ਇੱਕ ਗੈਰ-ਸੰਵਿਧਾਨਕ 'ਨਸਲੀ ਗੇਰੀਮੈਂਡਰ' (racial gerrymander) ਸੀ। ਅਦਾਲਤ ਨੇ ਕਿਹਾ ਕਿ ਵੋਟਿੰਗ ਰਾਈਟਸ ਐਕਟ ਦੀ ਪਾਲਣਾ ਕਰਨਾ ਨਸਲ ਦੇ ਅਧਾਰ 'ਤੇ ਹਲਕਾਬੰਦੀ ਕਰਨ ਨੂੰ ਸਹੀ ਨਹੀਂ ਠਹਿਰਾਉਂਦਾ।
ਇਸ ਫੈਸਲੇ ਨਾਲ ਆਉਣ ਵਾਲੀਆਂ ਚੋਣਾਂ ਵਿੱਚ, ਖਾਸ ਕਰਕੇ ਦੱਖਣੀ ਰਾਜਾਂ ਵਿੱਚ, ਘੱਟ ਗਿਣਤੀ ਪ੍ਰਤੀਨਿਧਤਾ ਅਤੇ ਕਾਂਗਰਸੀ ਸੀਟਾਂ ਦੇ ਨਿਯੰਤਰਣ 'ਤੇ ਵੱਡਾ ਅਸਰ ਪੈਣ ਦੀ ਉਮੀਦ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login