ADVERTISEMENT
ADVERTISEMENT
$100000 ਫੀਸ ਨਾਲ ਵੀ H-1B ਭਰਤੀ ਫਾਇਦੇਮੰਦ: ਅਧਿਐਨ
ਇਹ ਰਿਸਰਚ ਪੇਪਰ ਜਾਰਜ ਬੋਰਜਾਸ ਦੁਆਰਾ ਲਿਖਿਆ ਗਿਆ ਹੈ, ਜਿਨ੍ਹਾਂ ਨੂੰ ਅਕਸਰ ਟਰੰਪ ਦੀਆਂ ਇਮੀਗ੍ਰੇਸ਼ਨ ਫੀਸਾਂ ਦੇ ਪਿੱਛੇ ਮੁੱਖ ਦਿਮਾਗ ਮੰਨਿਆ ਜਾਂਦਾ ਹੈ
-
ਜੈਫਿਨ ਟੀ. ਕਾਲੇਕਲ - Tue, 10, Feb 2026
- 07:00 EST
- 7
ਪ੍ਰਸਿੱਧ ਅਰਥ ਸ਼ਾਸਤਰੀ ਜਾਰਜ ਬੋਰਜਾਸ / Manhattan institute
ਨੈਸ਼ਨਲ ਬਿਊਰੋ ਆਫ਼ ਇਕਨਾਮਿਕ ਰਿਸਰਚ (NBER) ਨੇ ਪ੍ਰਸਿੱਧ ਅਰਥ ਸ਼ਾਸਤਰੀ ਜਾਰਜ ਬੋਰਜਾਸ ਦੁਆਰਾ H-1B ਤਨਖਾਹ ਦੇ ਅੰਤਰ 'ਤੇ ਇੱਕ ਅਧਿਐਨ ਪ੍ਰਕਾਸ਼ਿਤ ਕੀਤਾ ਹੈ। ਇਸ ਅਧਿਐਨ ਅਨੁਸਾਰ, H-1B ਕਰਮਚਾਰੀਆਂ 'ਤੇ ਲਗਾਈ ਗਈ $100,000 ਦੀ ਫੀਸ ਸ਼ਾਇਦ ਉਨ੍ਹਾਂ ਦੀ ਭਰਤੀ ਵਿੱਚ ਕੋਈ ਵੱਡੀ ਰੁਕਾਵਟ ਨਾ ਬਣੇ। 'The H-1B Wage Gap, Visa Fees, and Employer Demand' ਸਿਰਲੇਖ ਵਾਲੇ ਇਸ ਪੇਪਰ ਵਿੱਚ ਅਮਰੀਕੀ ਕਰਮਚਾਰੀਆਂ ਅਤੇ H-1B ਕਰਮਚਾਰੀਆਂ ਵਿਚਕਾਰ ਤਨਖਾਹ ਦੇ ਵੱਡੇ ਪਾੜੇ ਨੂੰ ਉਜਾਗਰ ਕੀਤਾ ਗਿਆ ਹੈ ਅਤੇ ਇਹ ਜਾਂਚ ਕੀਤੀ ਗਈ ਹੈ ਕਿ ਕੀ ਨਵੇਂ ਕਾਨੂੰਨ ਟਿਕਾਊ ਹਨ?
ਬੋਰਜਾਸ, ਜਿਨ੍ਹਾਂ ਨੂੰ ਅਕਸਰ ਟਰੰਪ ਦੀਆਂ ਇਮੀਗ੍ਰੇਸ਼ਨ ਫੀਸਾਂ ਪਿੱਛੇ ਮੁੱਖ ਦਿਮਾਗ ਮੰਨਿਆ ਜਾਂਦਾ ਹੈ, ਉਨ੍ਹਾਂ ਨੇ ਦੱਸਿਆ ਕਿ "ਇੱਕ ਔਸਤ H-1B ਕਰਮਚਾਰੀ ਉਸੇ ਇਲਾਕੇ ਵਿਚ, ਵਿਦਿਅਕ ਯੋਗਤਾ, ਉਮਰ, ਲਿੰਗ ਅਤੇ ਕਿੱਤੇ ਵਾਲੇ ਅਮਰੀਕੀ ਮੂਲ ਦੇ ਕਰਮਚਾਰੀ ਨਾਲੋਂ ਲਗਭਗ 16 ਫੀਸਦੀ ਘੱਟ ਕਮਾਉਂਦਾ ਹੈ।"
ਪੇਪਰ ਵਿੱਚ ਵਿਸ਼ਲੇਸ਼ਣ ਕੀਤਾ ਗਿਆ ਹੈ ਕਿ $100,000 ਦੀ ਨਵੀਂ ਫੀਸ ਦੇ ਬਾਵਜੂਦ ਇਹ ਅੰਤਰ ਰੁਜ਼ਗਾਰਦਾਤਾਵਾਂ ਦੀ ਹਾਈ-ਸਕਿਲਡ H-1B ਕਰਮਚਾਰੀਆਂ ਨੂੰ ਰੱਖਣ ਦੀ ਇੱਛਾ 'ਤੇ ਕਿਵੇਂ ਪ੍ਰਭਾਵ ਪਾਉਂਦਾ ਹੈ। ਇਸ ਵਿਚ ਨੋਟ ਕੀਤਾ ਗਿਆ ਕਿ ਕਿਉਂਕਿ ਇਹ ਹਾਈ-ਸਕਿਲਡ ਕਰਮਚਾਰੀ ਆਮ ਤੌਰ 'ਤੇ ਸਾਲਾਨਾ $100,000 ਤੋਂ ਵੱਧ ਕਮਾਉਂਦੇ ਹਨ, ਇਸ ਲਈ ਰੁਜ਼ਗਾਰਦਾਤਾ ਨੂੰ ਅਜੇ ਵੀ ਉਨ੍ਹਾਂ ਨੂੰ ਰੱਖਣਾ ਫਾਇਦੇਮੰਦ ਲੱਗੇਗਾ। ਇਸਦਾ ਕਾਰਨ ਇਹ ਹੈ ਕਿ "ਇੱਕ ਸਿੰਗਲ H-1B ਭਰਤੀ ਰਾਹੀਂ ਛੇ ਸਾਲਾਂ ਦੀ ਵੀਜ਼ਾ ਮਿਆਦ ਦੌਰਾਨ ਤਨਖਾਹ ਵਿੱਚ ਹੋਣ ਵਾਲੀ ਔਸਤ ਬੱਚਤ $100,000 ਦੇ ਕਰੀਬ ਹੁੰਦੀ ਹੈ।"
ਹਾਰਵਰਡ ਤੋਂ ਪੜ੍ਹੇ ਅਰਥ ਸ਼ਾਸਤਰੀ ਨੇ ਦਾਅਵਾ ਕੀਤਾ ਕਿ "$150,000 ਤੋਂ $200,000 ਦੇ ਵਿਚਕਾਰ ਵੀਜ਼ਾ ਫੀਸ ਲਗਾਉਣ ਨਾਲ ਵੀ H-1B ਕਰਮਚਾਰੀਆਂ ਦੀ ਗਿਣਤੀ ਵਿੱਚ ਬਹੁਤਾ ਬਦਲਾਅ ਨਹੀਂ ਆਵੇਗਾ।” ਇਸ ਤੋਂ ਇਲਾਵਾ, ਬੋਰਜਾਸ ਅਨੁਸਾਰ, ਅਜਿਹੀ ਫੀਸ ਨਾਲ "ਸਾਲਾਨਾ 10 ਬਿਲੀਅਨ ਤੋਂ 20 ਬਿਲੀਅਨ ਡਾਲਰ ਦਾ ਮਾਲੀਆ ਪੈਦਾ ਹੋਵੇਗਾ ਅਤੇ H-1B ਕਰਮਚਾਰੀਆਂ ਦੀ ਸਕਿਲ ਕੰਪੋਜ਼ੀਸ਼ਨ ਵਿੱਚ ਸੁਧਾਰ ਹੋਵੇਗਾ, ਜਿਸ ਨਾਲ ਉਹ ਹੋਰ ਵੀ ਕੁਸ਼ਲ ਬਣ ਜਾਣਗੇ।"
ਉਨ੍ਹਾਂ ਨੇ ਇਸ਼ਾਰਾ ਕੀਤਾ ਕਿ ਇਮੀਗ੍ਰੇਸ਼ਨ ਤੋਂ ਆਰਥਿਕ ਲਾਭ ਉਦੋਂ ਜ਼ਿਆਦਾ ਹੁੰਦੇ ਹਨ ਜਦੋਂ ਪ੍ਰਵਾਸੀਆਂ ਵਿੱਚ ਉੱਚ-ਕੁਸ਼ਲ ਕਰਮਚਾਰੀ ਸ਼ਾਮਲ ਹੁੰਦੇ ਹਨ। ਇਸ ਤੋਂ ਇਲਾਵਾ, ਉਨ੍ਹਾਂ ਨੇ ਦਲੀਲ ਦਿੱਤੀ ਕਿ ਕਿਉਂਕਿ ਕੰਪਨੀਆਂ ਨੂੰ ਕਿਸੇ ਖ਼ਾਸ ਕਰਮਚਾਰੀ ਨੂੰ ਅਸਥਾਈ ਤੌਰ ‘ਤੇ ਨੌਕਰੀ ‘ਤੇ ਰੱਖਣ ਲਈ ਸਰਕਾਰੀ ਮਨਜ਼ੂਰੀ ਲੈਣੀ ਪੈਂਦੀ ਹੈ, ਇਸ ਨਾਲ ਰੁਜ਼ਗਾਰਦਾਤਾਵਾਂ ਨੂੰ ਕੁਝ 'ਮਾਰਕੀਟ ਪਾਵਰ' ਮਿਲਦੀ ਹੈ, ਜੋ ਸ਼ਾਇਦ H-1B ਕਰਮਚਾਰੀਆਂ ਦੀ ਤਨਖਾਹ ਨੂੰ ਘਟਾਉਂਦੀ ਹੈ। ਇਹ ਸਥਿਤੀ ਇਸ ਕਰਕੇ ਹੋਰ ਵੀ ਮਜ਼ਬੂਤ ਬਣ ਜਾਂਦੀ ਹੈ ਕਿਉਂਕਿ ਮੁਨਾਫਾ ਕਮਾਉਣ ਵਾਲੀਆਂ ਕੰਪਨੀਆਂ ਲਈ ਹਰ ਸਾਲ ਜਾਰੀ ਕੀਤੀਆਂ ਜਾਣ ਵਾਲੀਆਂ ਨਵੀਆਂ H-1B ਵੀਜ਼ਾਵਾਂ ਦੀ ਗਿਣਤੀ ਕਾਨੂੰਨੀ ਤੌਰ ‘ਤੇ 85,000 ਤੱਕ ਸੀਮਿਤ ਹੈ, ਜਿਸ ਨਾਲ H-1B ਵੀਜ਼ਾ ਇੱਕ ਕੀਮਤੀ ਅਤੇ ਦੁਰਲੱਭ ਸਰੋਤ ਬਣ ਜਾਂਦਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login