ADVERTISEMENT
ADVERTISEMENT
ਏਅਰ ਇੰਡੀਆ ਨੇ ਮੁੱਖ ਅੰਤਰਰਾਸ਼ਟਰੀ ਰੂਟਾਂ 'ਤੇ ਇਨਫਲਾਈਟ ਭੋਜਨ ਮੀਨੂ ਨੂੰ ਕੀਤਾ ਅੱਪਡੇਟ
ਏਅਰਲਾਈਨ ਨੇ ਕਿਹਾ ਕਿ ਇਸ ਨੂੰ ਬਾਕੀ ਬਚੇ ਅੰਤਰਰਾਸ਼ਟਰੀ ਅਤੇ ਘਰੇਲੂ ਖੇਤਰਾਂ ਤੱਕ ਵੀ ਵਧਾਇਆ ਜਾਵੇਗਾ
-
ਮਾਲਵਿਕਾ ਚੌਧਰੀ - Wed, 26, Nov 2025
- 05:00 EST
- 7
ਏਅਰ ਇੰਡੀਆ- ਸਾਊਥ-ਇੰਡੀਅਨ ਪਲੇਟਟਰ / ਮਾਲਵਿਕਾ ਚੌਧਰੀ
ਏਅਰ ਇੰਡੀਆ ਨੇ ਯਾਤਰੀਆਂ ਲਈ ਇਨ-ਫਲਾਈਟ ਭੋਜਨ ਨੂੰ ਹੋਰ ਸ਼ਾਨਦਾਰ ਅਤੇ ਪ੍ਰੀਮੀਅਮ ਬਣਾਉਣ ਲਈ ਇੱਕ ਨਵਾਂ ਰੀਫ੍ਰੈਸ਼ ਗਲੋਬਲ ਮੀਨੂ ਪੇਸ਼ ਕੀਤਾ ਹੈ। ਅੱਪਡੇਟ ਕੀਤਾ ਮੀਨੂ ਖੇਤਰੀ ਭਾਰਤੀ ਪਕਵਾਨਾਂ ਦੇ ਨਾਲ-ਨਾਲ ਏਸ਼ੀਆਈ ਅਤੇ ਯੂਰਪੀਅਨ ਪਕਵਾਨਾਂ ਨੂੰ ਵੀ ਸ਼ਾਮਲ ਕਰਦਾ ਹੈ। ਇਸ ਵਿੱਚ ਅਵਧੀ ਪਨੀਰ, ਮੁਰਗ ਮਸਾਲਮ, ਮਾਲਾਬਾਰੀ ਚਿਕਨ ਕਰੀ, ਰਾਜਸਥਾਨੀ ਬੇਸਨ ਚਿੱਲਾ, ਮਲਾਈ ਪਾਲਕ ਕੋਫਤਾ ਸ਼ਾਨਲ ਹਨ। ਜਦਕਿ ਅੰਤਰਰਾਸ਼ਟਰੀ ਪਕਵਾਨਾਂ ਵਿਚ ਜਾਪਾਨੀ ਟੇਪੇਨਯਾਕੀ ਬਾਊਲਜ਼, ਸਿਟਰਸ ਟਾਈਗਰ ਪ੍ਰੌਨਜ਼, ਸਿਓਲ-ਫਲੇਮਡ ਪ੍ਰੌਨਜ਼, ਮੈਨੀਕੋਟੀ ਫੋਰੈਸਟੀਅਰ, ਮੈਡੀਟੇਰੀਅਨ ਕੋਲਡ ਪਲੇਟਸ ਵਰਗੇ ਪਕਵਾਨ ਵੀ ਸ਼ਾਮਲ ਕੀਤੇ ਗਏ ਹਨ।
ਅੱਪਡੇਟ ਕੀਤਾ ਮੀਨੂ ਹੁਣ ਭਾਰਤ ਤੋਂ ਰਵਾਨਾ ਹੋਣ ਵਾਲੀਆਂ ਜ਼ਿਆਦਾਤਰ ਲੰਬੀਆਂ ਉਡਾਣਾਂ 'ਤੇ ਉਪਲਬਧ ਹੈ, ਜਿਸ ਵਿੱਚ ਦਿੱਲੀ ਤੋਂ ਲੰਡਨ ਹੀਥਰੋ, ਨਿਊਯਾਰਕ, ਮੈਲਬੌਰਨ, ਸਿਡਨੀ, ਟੋਰਾਂਟੋ ਅਤੇ ਦੁਬਈ; ਮੁੰਬਈ ਅਤੇ ਬੈਂਗਲੁਰੂ ਤੋਂ ਸੈਨ ਫ੍ਰਾਂਸਿਸਕੋ; ਅਤੇ ਮੁੰਬਈ ਤੋਂ ਨਿਊਯਾਰਕ ਵਰਗੇ ਰੂਟ ਸ਼ਾਮਲ ਹਨ।
ਏਅਰਲਾਈਨ ਨੇ ਨੌਜਵਾਨ ਯਾਤਰੀਆਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪਕਵਾਨ ਵੀ ਸ਼ਾਮਲ ਕੀਤੇ ਹਨ, ਜਿਵੇਂ ਕਿ ਚਿਕਨ ਬਿਬਿਮਬਾਪ ਅਤੇ ਮਾਚਾ (matcha)-ਆਧਾਰਿਤ ਮਿਠਾਈਆਂ। ਏਅਰ ਇੰਡੀਆ ਨੇ ਕਿਹਾ ਕਿ ਉਹ 18 ਤੋਂ ਵੱਧ ਵਿਸ਼ੇਸ਼ ਭੋਜਨ ਕਿਸਮਾਂ ਦੀ ਪੇਸ਼ਕਸ਼ ਕਰਨਾ ਜਾਰੀ ਰੱਖੇਗੀ, ਜਿਸ ਵਿੱਚ ਵੀਗਨ, ਗਲੂਟਨ-ਮੁਕਤ ਅਤੇ ਐਲਰਜੀ-ਸੰਬੰਧੀ ਵਿਕਲਪ ਸ਼ਾਮਲ ਹਨ। ਯਾਤਰੀ ਏਅਰਲਾਈਨ ਦੀ ਐਪ ਰਾਹੀਂ ਪਹਿਲਾਂ ਤੋਂ ਹੀ ਭੋਜਨ ਦੀ ਚੋਣ ਕਰ ਸਕਦੇ ਹਨ, ਜੋ ਐਲਰਜੀ ਸੰਬੰਧੀ ਜਾਣਕਾਰੀ ਵੀ ਪ੍ਰਦਾਨ ਕਰਦੀ ਹੈ।
ਇਹ ਤਬਦੀਲੀਆਂ ਸ਼ੈੱਫ ਸੰਦੀਪ ਕਾਲੜਾ ਦੀ ਨਿਗਰਾਨੀ ਹੇਠ ਕੀਤੀਆਂ ਗਈਆਂ, ਜੋ ਹਾਲ ਹੀ ਵਿੱਚ ਏਅਰਲਾਈਨ ਨਾਲ ਜੁੜੇ ਹਨ। ਕੈਬਿਨ ਕਰੂ ਨੂੰ ਲਾਗੂ ਕਰਨ ਤੋਂ ਪਹਿਲਾਂ ਵਾਧੂ ਸਿਖਲਾਈ ਦਿੱਤੀ ਗਈ ਹੈ। ਇਹ ਤਬਦੀਲੀਆਂ ਸਾਰੀਆਂ ਕੈਬਿਨ ਸ਼੍ਰੇਣੀਆਂ 'ਤੇ ਲਾਗੂ ਹੁੰਦੀਆਂ ਹਨ।
ਫਸਟ ਕਲਾਸ ਵਿਚ ਵਿਸਤ੍ਰਿਤ ਮਲਟੀ-ਕੋਰਸ ਭੋਜਨ ਪ੍ਰਦਾਨ ਕੀਤੇ ਜਾਣਗੇ, ਜਿਨ੍ਹਾਂ ਵਿੱਚ ਡੈਜ਼ਰਟ ਅਤੇ ਪੀਣ ਵਾਲੇ ਪਦਾਰਥਾਂ ਦੀ ਵੱਡੀ ਰੇਂਜ ਸ਼ਾਮਲ ਹੋਵੇਗੀ, ਜਦਕਿ ਬਿਜ਼ਨਸ ਕਲਾਸ ਵਿੱਚ ਭੋਜਨ ਨੂੰ ਵਰਤੋਂਕਾਰ ਦੇ ਅਨੁਸਾਰ ਕਸਟਮਾਈਜ਼ ਕੀਤਾ ਜਾ ਸਕੇਗਾ। ਪ੍ਰੀਮੀਅਮ ਇਕਾਨੋਮੀ ਅਤੇ ਇਕਾਨੋਮੀ ਕਲਾਸ ਵਿੱਚ ਅੱਪਡੇਟ ਕੀਤੇ ਖੇਤਰੀ ਪਕਵਾਨ ਅਤੇ ਸੋਧੇ ਹੋਏ ਟ੍ਰੇ ਲੇਆਉਟ ਦੇਖਣ ਨੂੰ ਮਿਲਣਗੇ।
ਏਅਰਲਾਈਨ ਨੇ ਕਿਹਾ ਕਿ ਇਹ ਸੁਧਾਰ ਬਾਕੀ ਬਚੇ ਅੰਤਰਰਾਸ਼ਟਰੀ ਅਤੇ ਘਰੇਲੂ ਖੇਤਰਾਂ ਤੱਕ ਵੀ ਵਧਾਏ ਜਾਣਗੇ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login