ADVERTISEMENTs
ਯੂਐੱਸ-ਇੰਡੀਆ SME ਕੌਂਸਲ ਵੱਲੋਂ ਸਿਹਤ ਸੰਭਾਲ, ਤਕਨੀਕੀ ਅਤੇ ਕਮਿਊਨਿਟੀ ਆਗੂਆਂ ਦਾ ਸਨਮਾਨ
ਇਸ ਸਮਾਗਮ ਵਿੱਚ ਅਮਰੀਕਾ ਅਤੇ ਭਾਰਤ ਤੋਂ ਆਏ ਹੋਏ ਡਿਪਲੋਮੈਟਾਂ, ਵਿਦਵਾਨਾਂ, ਉਦਮੀਆਂ ਅਤੇ ਪੇਸ਼ੇਵਰਾਂ ਨੇ ਭਾਗ ਲਿਆ
-
ਸਟਾਫ਼ ਪੱਤਰਕਾਰ - Sat, 11, Oct 2025
- 01:42 EDT
- 16
ਸਾਲਾਨਾ ਸਮਾਰੋਹ ਵਿੱਚ ਭਾਈਚਾਰਕ ਆਗੂਆਂ ਅਤੇ ਰਾਜਨੀਤਿਕ ਆਗੂਆਂ ਦੁਆਰਾ ਕੀਤੇ ਗਏ ਵਿਸ਼ੇਸ਼ ਯੋਗਦਾਨਾਂ ਨੂੰ ਮਾਨਤਾ ਦਿੱਤੀ ਗਈ / Handout: US-India SME Council
24 ਸਤੰਬਰ ਨੂੰ ਯੂਐੱਸ-ਇੰਡੀਆ SME ਕੌਂਸਲ ਨੇ ਚੌਥੇ ਸਾਲਾਨਾ ਇਨਕ੍ਰੈਡੀਬਲ ਆਈਐੱਨਸੀ. 50 ਐਵਾਰਡਜ਼ ਗਾਲਾ ਦਾ ਆਯੋਜਨ ਗ੍ਰੀਨਬੈਲਟ, ਮੈਰੀਲੈਂਡ ਵਿੱਚ ਕੀਤਾ। ਇਹ ਸਮਾਰੋਹ ਗਲੋਬਲ ਇਨੋਵੇਸ਼ਨ ਅਤੇ ਮਨੁੱਖਤਾ ਦੀ ਮਹਾਨਤਾ ਨੂੰ ਸਮਰਪਿਤ ਸੀ, ਜਿਸ ਵਿੱਚ ਅਮਰੀਕਾ ਅਤੇ ਭਾਰਤ ਤੋਂ ਆਏ ਹੋਏ ਡਿਪਲੋਮੈਟਾਂ, ਵਿਦਵਾਨਾਂ, ਉਦਮੀਆਂ ਅਤੇ ਪੇਸ਼ੇਵਰਾਂ ਨੇ ਭਾਗ ਲਿਆ।
ਪਨਾਮਾ ਦੀ ਰਾਜਦੂਤ ਅਤੇ ਆਰਗੇਨਾਈਜ਼ੇਸ਼ਨ ਆਫ਼ ਅਮਰੀਕਨ ਸਟੇਟਸ ਲਈ ਸਥਾਈ ਪ੍ਰਤੀਨਿਧੀ, ਐਨਾ ਆਇਰੀਨ ਨੇ ਮੁੱਖ ਭਾਸ਼ਣ ਦਿੱਤਾ। ਉਨ੍ਹਾਂ ਨੇ ਤਰੱਕੀ, ਸਮਾਵੇਸ਼ ਅਤੇ ਅੰਤਰ-ਸੱਭਿਆਚਾਰਕ ਸਹਿਯੋਗ ਦਾ ਸਾਂਝਾ ਦ੍ਰਿਸ਼ਟੀਕੋਣ ਪੇਸ਼ ਕੀਤਾ। ਇਸ ਸਮਾਗਮ ਵਿੱਚ ਗਲੋਬਲ ਐੱਸਐੱਮਈ ਅਲਾਇੰਸ ਦੇ ਚੇਅਰਮੈਨ, ਡਾ. ਸੁਧਾਕਰ ਗਾਂਡੇ, ਅਤੇ ਯੂਐੱਸ-ਇੰਡੀਆ ਐੱਸਐੱਮਈ ਕੌਂਸਲ ਦੇ ਪ੍ਰਧਾਨ ਅਤੇ ਸੀਈਓ, ਏਲੀਸ਼ਾ ਪੁਲੀਵਰਥੀ ਨੇ ਵੀ ਇਸ ਗਾਲਾ ਵਿੱਚ ਸ਼ਿਰਕਤ ਕੀਤੀ। ਪੁਰਸਕਾਰ ਸਮਾਰੋਹ ਵਿੱਚ ਕਈ ਕੌਮੀ ਤੇ ਸਿਆਸੀ ਆਗੂਆਂ ਨੂੰ ਹੈਲਥਕੇਅਰ, ਟੈਕਨੋਲੋਜੀ ਅਤੇ ਕਮਿਊਨਟੀ ਸਰਵਿਸ ਵਿਚ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ।
ਸੈਂਟਰ ਫਾਰ ਸੋਸ਼ਲ ਚੇਂਜ ਦੇ ਮੁੱਖ ਸੰਚਾਲਨ ਅਧਿਕਾਰੀ, ਡਾ. ਜੈਸੀ ਸਿੰਘ ਨੂੰ ਡਾ. ਸਾਜਿਦ ਤਰਾੜ ਦੇ ਨਾਲ, ਅਪਾਹਜ ਬੱਚਿਆਂ ਅਤੇ ਬਾਲਗਾਂ ਦੇ ਜੀਵਨ ਨੂੰ ਬਿਹਤਰ ਬਣਾਉਣ ਵਿੱਚ ਉਨ੍ਹਾਂ ਦੀ ਬੇਮਿਸਾਲ ਹਮਦਰਦੀ ਅਤੇ ਅਗਵਾਈ ਲਈ ਸਨਮਾਨਿਤ ਕੀਤਾ ਗਿਆ, ਉਨ੍ਹਾਂ ਨੂੰ ਆਊਟਸਟੈਂਡਿੰਗ ਕੰਪੈਸ਼ਨੇਟ ਸਰਵਿਸ ਐਵਾਰਡ ਪ੍ਰਾਪਤ ਹੋਇਆ। ਉਨ੍ਹਾਂ ਦੇ ਕੰਮ ਨੂੰ ਸੇਵਾ ਦਾ ਇੱਕ ਅਜਿਹਾ ਮਾਡਲ ਦੱਸਿਆ ਗਿਆ ਜੋ ਸਭ ਤੋਂ ਕਮਜ਼ੋਰ ਲੋਕਾਂ ਨੂੰ ਸਨਮਾਨ ਅਤੇ ਹਮਦਰਦੀ ਨਾਲ ਉੱਪਰ ਚੁੱਕਦਾ ਹੈ।
ਡਾ. ਸੁਜਾਤਾ ਨੂੰ ਹਾਈ-ਟੈਕ ਹੈਲਥਕੇਅਰ ਸਰਵਿਸਿਜ਼, ਡਾ. ਨੀਰਜ ਏਗਾਨਾ ਨੂੰ ਮਾਨਸਿਕ ਸਿਹਤ ਨਵੀਨਤਾ ਅਤੇ ਮਿਸਟਰ ਰੇਵਾ ਜਾਫਰ ਨੂੰ ਗਲੋਬਲ ਆਈਸੀਟੀ ਲੀਡਰਸ਼ਿਪ ਲਈ ਸਨਮਾਨ ਮਿਲਿਆ। ਮੈਰੀਲੈਂਡ ਦੇ ਉੱਚ ਸਿੱਖਿਆ ਸਕੱਤਰ ਡਾ. ਸੰਜੇ ਰਾਏ ਨੂੰ ਡਾ. ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਡਿਸਟਿੰਗਵਿਸ਼ਡ ਸਰਵਿਸ ਐਵਾਰਡ ਦਿੱਤਾ ਗਿਆ, ਜਦਕਿ ਨਿਊ ਜਰਸੀ ਦੇ ਗਵਰਨਰ ਫਿਲ ਮਰਫੀ ਨੂੰ ਮਹਾਤਮਾ ਗਾਂਧੀ ਗਲੋਬਲ ਪੀਸ ਐਵਾਰਡ ਨਾਲ ਨਿਵਾਜਿਆ ਗਿਆ। ਇਸ ਸਮਾਰੋਹ ਡਾ. ਜੈਸੀ ਸਿੰਘ ਅਤੇ ਡਾ. ਸਾਜਿਦ ਤਰਾੜ ਨੂੰ ਮਨੁੱਖਤਾ ਲਈ ਉਨ੍ਹਾਂ ਦੀ ਨਿਰੰਤਰ ਸੇਵਾ ਲਈ 3ਡੀ ਕ੍ਰਿਸਟਲ ਐਵਾਰਡ ਵੀ ਦਿੱਤਾ ਗਿਆ।
ਐਂਬੈਸਡਰ ਡੈਲਗਾਡੋ ਨੇ ਆਪਣੇ ਭਾਸ਼ਣ ਵਿੱਚ ਯੂਐੱਸ-ਇੰਡੀਆ ਐੱਸਐੱਮਈ ਕੌਂਸਲ ਦੀ ਮਹਿਲਾ ਸਸ਼ਕਤੀਕਰਨ, ਅਗਵਾਈ ਅਤੇ ਕਮਿਊਨਟੀ ਨੂੰ ਵਧਾਵਾ ਦੇਣ ਦੀ ਲੰਬੀ ਕੋਸ਼ਿਸ਼ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਕਿਹਾ, “ਇਹ ਸਮਾਰੋਹ ਸਿਰਫ਼ ਇਨਾਮ ਦੇਣ ਦਾ ਨਹੀਂ- ਇਹ ਮਨੁੱਖੀ ਸਮਰੱਥਾ ਅਤੇ ਸਾਂਝਦਾਰੀ ਦੀ ਸ਼ਕਤੀ ਦਾ ਜਸ਼ਨ ਹੈ।”
ਯੂਐੱਸ-ਇੰਡੀਆ ਐੱਸਐੱਮਈ ਕੌਂਸਲ ਦੇ ਪ੍ਰਧਾਨ ਅਤੇ ਸੀਈਓ, ਏਲੀਸ਼ਾ ਪੁਲੀਵਰਥੀ ਨੂੰ ਨਿਰਸਵਾਰਥ ਸੇਵਾ ਲਈ ਖ਼ਾਸ ਸਨਮਾਨ ਦਿੱਤਾ ਗਿਆ। ਉਨ੍ਹਾਂ ਨੂੰ "ਕਮਿਊਨਟੀ ਦੀ ਲੀਜੈਂਡ" ਵਜੋਂ ਦਰਸਾਇਆ ਗਿਆ ਜਿਨ੍ਹਾਂ ਨੇ ਹਮੇਸ਼ਾ ਲੋਕਾਂ ਨੂੰ ਉਤਸ਼ਾਹਿਤ ਕਰਨ ਅਤੇ ਦੇਸ਼ਾਂ ਦਰਮਿਆਨ ਮਿੱਤਰਤਾ ਬਣਾਉਣ ਲਈ ਕੰਮ ਕੀਤਾ। ਸਮਾਰੋਹ ਦਾ ਇੱਕ ਮੁੱਖ ਆਕਰਸ਼ਣ ਸੱਭਿਆਚਾਰਕ ਪੇਸ਼ਕਾਰੀ ਸੀ, ਜਿਸ ਵਿੱਚ ‘ਬੰਬੇ ਗਰਲਜ਼’ ਦੀ ਪਰਫਾਰਮੈਂਸ ਅਤੇ ਰੰਗੀਨ ਸੰਗੀਤਕ ਰਚਨਾਵਾਂ ਸ਼ਾਮਲ ਸਨ।
ਆਪਣੇ ਸਮਾਪਤੀ ਭਾਸ਼ਣ ਵਿੱਚ, ਡਾ. ਸੁਧਾਕਰ ਗਾਂਡੇ ਨੇ ਕਿਹਾ ਕਿ ਆਈਐੱਨਸੀ. 50 ਐਵਾਰਡਜ਼ ਸਿਰਫ਼ ਕਾਰੋਬਾਰ ਜਾਂ ਪੇਸ਼ੇਵਰ ਸਫਲਤਾ ਦਾ ਪ੍ਰਤੀਕ ਨਹੀਂ, ਸਗੋਂ ਮਨੁੱਖਤਾ ਦੇ ਸਰਵਉੱਚ ਆਦਰਸ਼ਾਂ — ਦਇਆ, ਰਚਨਾਤਮਕਤਾ, ਅਤੇ ਹਿੰਮਤ ਦਾ ਜਸ਼ਨ ਹੈ।
Related
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
Video
Comments
Start the conversation
Become a member of New India Abroad to start commenting.
Sign Up Now
Already have an account? Login