ADVERTISEMENT
ADVERTISEMENT
ਸਿਆਟਲ ਯੂਨੀਵਰਸਿਟੀ ਦੇ ਰਾਊਂਡਗਲਾਸ ਇੰਡੀਆ ਸੈਂਟਰ ਨੂੰ ਖਾਸ ਅਵਾਰਡ ਨਾਲ ਕੀਤਾ ਗਿਆ ਸਨਮਾਨਿਤ
ਇਹ ਅਵਾਰਡ ਉਨ੍ਹਾਂ ਟੀਮਾਂ ਨੂੰ ਮਾਨਤਾ ਦਿੰਦਾ ਹੈ ਜਿਨ੍ਹਾਂ ਨੇ ਸੰਮਲਿਤ ਉੱਤਮਤਾ ਨੂੰ ਉਤਸ਼ਾਹਿਤ ਕਰਨ ਵਿੱਚ ਸ਼ਾਨਦਾਰ ਨਵੀਨਤਾ ਅਤੇ ਰਚਨਾਤਮਕਤਾ ਦਿਖਾਈ ਹੈ।
-
1749497506.png)
ਮਾਲਵਿਕਾ ਚੌਧਰੀ - Wed, 03, Jul 2024
- 06:16 EDT
- 372
- USA
.png)
ਸਿਆਟਲ ਯੂਨੀਵਰਸਿਟੀ ਦੇ ਰਾਊਂਡਗਲਾਸ ਇੰਡੀਆ ਸੈਂਟਰ ਨੂੰ ਇਨਕਲੂਸਿਵ ਐਕਸੀਲੈਂਸ ਇਨੋਵੇਸ਼ਨ ਅਵਾਰਡ ਨਾਲ ਕੀਤਾ ਗਿਆ ਸਨਮਾਨਿਤ / NIA
ਰਾਊਂਡ ਗਲਾਸ ਇੰਡੀਆ ਸੈਂਟਰ ਨੂੰ ਇਨਕਲੂਸਿਵ ਐਕਸੀਲੈਂਸ ਇਨੋਵੇਸ਼ਨ ਅਵਾਰਡ ਨਾਲ ਮਾਨਤਾ ਦਿੱਤੀ ਗਈ ਹੈ। ਇਹ ਮਾਨਤਾ ਸਿਆਟਲ ਯੂਨੀਵਰਸਿਟੀ ਦੇ ਆਫਿਸ ਆਫ ਡਾਇਵਰਸਿਟੀ ਐਂਡ ਇਨਕਲੂਜ਼ਨ ਨੇ ਦਿੱਤੀ ਹੈ।
ਇਹ ਅਵਾਰਡ ਉਨ੍ਹਾਂ ਟੀਮਾਂ ਨੂੰ ਮਾਨਤਾ ਦਿੰਦਾ ਹੈ ਜਿਨ੍ਹਾਂ ਨੇ ਸੰਮਲਿਤ ਉੱਤਮਤਾ ਨੂੰ ਉਤਸ਼ਾਹਿਤ ਕਰਨ ਵਿੱਚ ਸ਼ਾਨਦਾਰ ਨਵੀਨਤਾ ਅਤੇ ਰਚਨਾਤਮਕਤਾ ਦਿਖਾਈ ਹੈ। ਦੱਸ ਦਈਏ ਕਿ ਅਕਾਦਮਿਕ, ਵਪਾਰਕ ਅਤੇ ਸੱਭਿਆਚਾਰਕ ਪਹਿਲਕਦਮੀਆਂ ਰਾਹੀਂ ਸਿਆਟਲ ਅਤੇ ਭਾਰਤ ਵਿਚਕਾਰ ਸਬੰਧ ਬਣਾਉਣ ਦੇ ਕੰਮ ਲਈ ਇਸ ਕੇਂਦਰ ਦੀ ਵਿਸ਼ੇਸ਼ ਤੌਰ 'ਤੇ ਸ਼ਲਾਘਾ ਕੀਤੀ ਗਈ।
ਯੂਨੀਵਰਸਿਟੀ ਦੀ ਉਪ ਪ੍ਰਧਾਨ ਨਤਾਸ਼ਾ ਮਾਰਟਿਨ ਨੇ ਇਸ ਕੇਂਦਰ ਨੂੰ ਇੱਕ ਪਰਿਵਰਤਨਸ਼ੀਲ ਪਹਿਲਕਦਮੀ ਵਜੋਂ ਉਜਾਗਰ ਕੀਤਾ ਜੋ ਯੂਨੀਵਰਸਿਟੀ ਨੂੰ ਵਿਸ਼ਵਵਿਆਪੀ ਭਾਰਤੀ ਡਾਇਸਪੋਰਾ ਨਾਲ ਜੋੜਦਾ ਹੈ। ਮਾਰਟਿਨ ਨੇ ਕਿਹਾ, “ਰਾਊਂਡਗਲਾਸ ਇੰਡੀਆ ਸੈਂਟਰ" ਕੈਂਪਸ ਵਿੱਚ ਸਭ ਤੋਂ ਦਿਲਚਸਪ ਅਤੇ ਭਰਪੂਰ ਅਕਾਦਮਿਕ ਪਹਿਲਕਦਮੀਆਂ ਵਿੱਚੋਂ ਇੱਕ ਹੈ। "ਇਸ ਨੇ ਯੂਨੀਵਰਸਿਟੀ ਅਤੇ ਖੇਤਰ ਨੂੰ ਭਾਰਤੀ ਡਾਇਸਪੋਰਾ ਵਿੱਚ ਇੱਕ ਵਿਸ਼ਵਵਿਆਪੀ ਭਾਈਚਾਰੇ ਨਾਲ ਜੋੜਦੇ ਹੋਏ ਕੀਮਤੀ ਵਿਦਵਤਾ ਨਾਲ ਭਰਪੂਰ ਸ਼ਮੂਲੀਅਤ ਅਤੇ ਵਿਦਿਅਕ ਪ੍ਰੋਗਰਾਮਾਂ ਨੂੰ ਉਤਸ਼ਾਹਿਤ ਕੀਤਾ ਹੈ।"
ਸੈਂਟਰ ਦੇ ਸੰਸਥਾਪਕ ਅਤੇ ਕਾਰਜਕਾਰੀ ਨਿਰਦੇਸ਼ਕ ਸੀਤਲ ਕਲੰਤਰੀ ਨੇ ਮੈਨੇਜਰ ਸ਼ੈਨਨ ਯੰਗ ਨਾਲ ਮਿਲ ਕੇ ਇਹ ਪੁਰਸਕਾਰ ਸਵੀਕਾਰ ਕੀਤਾ। ਕਲੰਤਰੀ, ਇੱਕ ਸਾਬਕਾ ਕਾਰਨੇਲ ਲਾਅ ਸਕੂਲ ਦੇ ਪ੍ਰੋਫੈਸਰ ਹਨ , ਜਿੰਨ੍ਹਾਂ ਨੇ ਸਿਆਟਲ ਅਤੇ ਭਾਰਤ ਵਿਚਕਾਰ ਅਕਾਦਮਿਕ, ਵਪਾਰਕ ਅਤੇ ਸੱਭਿਆਚਾਰਕ ਸਬੰਧ ਬਣਾਉਣ ਲਈ ਇਸ ਕੇਂਦਰ ਦੀ ਕਲਪਨਾ ਕੀਤੀ ਸੀ।
ਇਸ ਕੇਂਦਰ ਦੀਆਂ ਗਤੀਵਿਧੀਆਂ ਵਿੱਚ ਭਾਰਤ ਅਤੇ ਭਾਰਤੀ ਡਾਇਸਪੋਰਾ ਨਾਲ ਸਬੰਧਤ ਅੰਤਰ-ਅਨੁਸ਼ਾਸਨੀ ਵਿਸ਼ਿਆਂ 'ਤੇ ਪ੍ਰਮੁੱਖ ਬੁਲਾਰਿਆਂ ਦੀ ਮੇਜ਼ਬਾਨੀ ਕਰਨਾ, ਸਮਾਗਮਾਂ ਦਾ ਆਯੋਜਨ ਕਰਨਾ ਅਤੇ ਵਿਦਿਅਕ ਸੰਸਥਾਵਾਂ ਦੇ ਨਾਲ ਸਹਿਯੋਗ ਨੂੰ ਉਤਸ਼ਾਹਿਤ ਕਰਨਾ ਸ਼ਾਮਲ ਹੈ। ਇਹ ਭਾਰਤ ਅਤੇ ਸੰਯੁਕਤ ਰਾਜ ਦੋਵਾਂ ਵਿੱਚ ਸਮਾਜਿਕ ਤਬਦੀਲੀ ਅਤੇ ਵਿਕਾਸ ਨੂੰ ਉਤਸ਼ਾਹਿਤ ਕਰਨ ਲਈ, ਭਾਰਤ ਬਾਰੇ ਫੈਕਲਟੀ ਖੋਜ ਦਾ ਸਮਰਥਨ ਵੀ ਕਰਦਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login