ADVERTISEMENT
ADVERTISEMENT
ਭਾਰਤੀ ਮੂਲ ਦੇ ਵਿਗਿਆਨੀ ਨੇ ਜਿੱਤੀ ਯੂਕੇ ਦੀ £2.2 ਮਿਲੀਅਨ ਗ੍ਰਾਂਟ
ਡਾ. ਸਸੀਕਲਾ ਨੇ ਕਿਹਾ, “ਇੱਕ ਮੱਧਵਰਗੀ ਪਰਿਵਾਰ ਅਤੇ ਛੋਟੇ ਪਿੰਡ ਤੋਂ ਆਉਣ ਵਾਲੀ ਲੜਕੀ ਲਈ ਇਹ ਪਲ ਸੁਪਨੇ ਵਾਂਗ ਲੱਗਦਾ ਹੈ"
-
ਪ੍ਰਨਵੀ ਸ਼ਰਮਾ - Tue, 21, Oct 2025
- 08:48 EDT
- 9
ਭਾਰਤੀ ਵਿਗਿਆਨੀ / Indian Scientist
ਭਾਰਤ ਦੇ ਕੇਰਲਾ ਨਾਲ ਸਬੰਧਤ ਇੱਕ ਬਾਇਓਮੈਡੀਕਲ ਇੰਜੀਨੀਅਰ ਡਾ. ਸਸੀਕਲਾ ਨੂੰ ਯੂ.ਕੇ. ਰਿਸਰਚ ਐਂਡ ਇਨੋਵੇਸ਼ਨ (UKRI) ਵਲੋਂ £2.2 ਮਿਲੀਅਨ ਦੀ “ਫਿਊਚਰ ਲੀਡਰਜ਼ ਫੈਲੋਸ਼ਿਪ” ਨਾਲ ਨਵੀਂ ਬਾਇਓਮੈਟੀਰੀਅਲ ਵਿਕਸਤ ਕਰਨ ਲਈ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਮੈਟੀਰੀਅਲ ਮਨੁੱਖੀ ਸਰੀਰ ਦੇ ਠੀਕ ਹੋਣ ਦੇ ਤਰੀਕੇ ਨੂੰ ਬਦਲ ਸਕਦਾ ਹੈ।
ਯੂਨੀਵਰਸਿਟੀ ਆਫ਼ ਬ੍ਰੈਡਫਰਡ ਦੀ ਇਹ ਖੋਜਕਾਰ ਡਾ. ਸਸੀਕਲਾ ਅਗਲੇ ਚਾਰ ਸਾਲਾਂ ਲਈ ਇੱਕ ਪ੍ਰੋਗਰਾਮ ਦੀ ਅਗਵਾਈ ਕਰੇਗੀ, ਜਿਸ ਵਿੱਚ ਹੱਡੀਆਂ ਦੇ ਅਜਿਹੇ ਇੰਪਲਾਂਟ ਤਿਆਰ ਕੀਤੇ ਜਾਣਗੇ ਜੋ ਸਰੀਰ ਦੀ ਹਿਲਚਲ ਤੋਂ ਬਿਜਲੀ ਪੈਦਾ ਕਰ ਸਕਣ। ਇਹ ਤਕਨਾਲੋਜੀ ਭਵਿੱਖ ਵਿੱਚ ਪੇਸਮੇਕਰ ਨੂੰ ਪਾਵਰ ਦੇਣ ਜਾਂ ਬਿਨਾਂ ਬੈਟਰੀ ਜਾਂ ਤਾਰਾਂ ਦੇ ਹੱਡੀਆਂ ਨੂੰ ਵਧਣ ਲਈ ਉਤਸ਼ਾਹਿਤ ਕਰ ਸਕਦੀ ਹੈ।
ਵਰਤਮਾਨ ਵਿਚ ਉਹ ਯੂਨੀਵਰਸਿਟੀ ਦੇ ਇੰਸਟੀਚਿਊਟ ਆਫ਼ ਹੈਲਥ ਐਂਡ ਸੋਸ਼ਲ ਕੇਅਰ ਵਿੱਚ ਬਾਇਓਮੈਡੀਕਲ ਇੰਜੀਨੀਅਰ ਦੀ ਐਸੀਸਟੈਂਟ ਪ੍ਰੋਫੈਸਰ ਹਨ। ਡਾ. ਸਸੀਕਲਾ ਦਾ ਪ੍ਰੋਜੈਕਟ ਪੀਜ਼ੋਇਲੈਕਟ੍ਰੋਸੀਊਟਿਕਸ (Piezoelectroceutics) ਦੀ ਖੋਜ ਕਰਦੀ ਹੈ — ਇੱਕ ਅਜਿਹਾ ਖੇਤਰ ਜੋ ਪੀਜ਼ੋਇਲੈਕਟ੍ਰਿਕ ਮੈਟੀਰੀਅਲਜ਼ ਨੂੰ ਇਲਾਜ ਸੰਬੰਧੀ ਥੈਰੇਪਿਊਟਿਕ ਐਪਲੀਕੇਸ਼ਨਾਂ (therapeutic applications) ਨਾਲ ਜੋੜਦਾ ਹੈ। ਉਨ੍ਹਾਂ ਨੇ ਬ੍ਰੈਡਫੋਰਡ ਨੂੰ ਦੱਸਿਆ ਕਿ ਇਸ ਦਾ ਟੀਚਾ ਇਹ ਹੈ ਕਿ "ਅਜਿਹੀਆਂ ਸਮਾਰਟ ਸਮੱਗਰੀਆਂ ਦੀ ਵਰਤੋਂ ਕਰਕੇ ਸਰੀਰ ਦਾ ਇਲਾਜ ਕਰਨ ਦੇ ਤਰੀਕੇ ਨੂੰ ਮੁੜ ਸੋਚਿਆ ਜਾਵੇ, ਜੋ ਇਸਦੇ ਵਿਰੁੱਧ ਨਹੀਂ, ਸਗੋਂ ਇਸਦੇ ਨਾਲ ਕੰਮ ਕਰਦੀਆਂ ਹਨ।"
ਉਨ੍ਹਾਂ ਸਮਝਾਇਆ ਕਿ ਇਹ ਤਕਨਾਲੋਜੀ "ਮਰੀਜ਼ਾਂ ਨੂੰ ਤੇਜ਼ੀ ਨਾਲ ਠੀਕ ਹੋਣ, ਵੱਧ ਆਜ਼ਾਦੀ ਨਾਲ ਹਿਲਣ-ਡੁੱਲਣ ਅਤੇ ਰਵਾਇਤੀ ਇਲਾਜ ਦੇ ਸਾਈਡ ਇਫੈਕਟ ਤੋਂ ਬਚਣ ਵਿੱਚ ਮਦਦ ਕਰ ਸਕਦੀ ਹੈ।" ਉਨ੍ਹਾਂ ਅਨੁਸਾਰ, ਇਹ ਨਵੀਂ ਸੋਚ ਸਿਰਫ਼ ਇਲਾਜ ਨੂੰ ਹੀ ਬਿਹਤਰ ਨਹੀਂ ਬਣਾਉਂਦੀ, ਸਗੋਂ ਸਸਤੇ ਅਤੇ ਟਿਕਾਊ ਇਲਾਜ ਦੀ ਦਿਸ਼ਾ ਵਿੱਚ ਵੀ ਇੱਕ ਕਦਮ ਹੈ, ਜਿੱਥੇ ਡਿਸਪੋਜ਼ੇਬਲ ਬੈਟਰੀ ਵਾਲੇ ਇੰਪਲਾਂਟ ਦੀ ਥਾਂ ਆਪਣੇ ਆਪ ਚੱਲਣ ਵਾਲੇ ਵਿਕਲਪ ਵਰਤੇ ਜਾਂਦੇ ਹਨ।
ਡਾ. ਸਸੀਕਲਾ, ਨੇ ਆਪਣੀ ਪ੍ਰਤੀਕ੍ਰਿਆ ਸਾਂਝੀ ਕਰਦਿਆਂ ਲਿਖਿਆ, "ਮੈਂ ਬਹੁਤ ਹੀ ਸਨਮਾਨਿਤ ਅਤੇ ਨਿਮਰ ਮਹਿਸੂਸ ਕਰ ਰਹੀ ਹਾਂ ਕਿ ਮੈਨੂੰ UKRI ਫਿਊਚਰ ਲੀਡਰਜ਼ ਫੈਲੋਸ਼ਿਪ ਮਿਲੀ ਹੈ, ਜੋ ਯੂ.ਕੇ. ਦੀਆਂ ਸਭ ਤੋਂ ਵੱਕਾਰੀ ਰਿਸਰਚ ਫੈਲੋਸ਼ਿਪਾਂ ਵਿੱਚੋਂ ਇੱਕ ਹੈ। ਇੱਕ ਮੱਧਵਰਗੀ ਪਰਿਵਾਰ ਅਤੇ ਛੋਟੇ ਪਿੰਡ ਤੋਂ ਆਉਣ ਵਾਲੀ ਲੜਕੀ ਲਈ ਇਹ ਪਲ ਸੁਪਨੇ ਵਾਂਗ ਲੱਗਦਾ ਹੈ।"
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login