ADVERTISEMENT
ADVERTISEMENT
ਭਾਰਤ ‘ਚ ਕੁਝ ਸਮਾਂ ਬਿਤਾਉਣ ਵਾਲੇ ਅਮਰੀਕੀ ਪਰਿਵਾਰ ਨੇ ਦੋਵਾਂ ਦੇਸ਼ਾਂ ਦੀ ਰੋਜ਼ਾਨਾ ਜ਼ਿੰਦਗੀ ਦੀ ਕੀਤੀ ਤੁਲਨਾ
ਢਾਈ ਮਹੀਨਿਆਂ ਦੀ ਯਾਤਰਾ ਨੇ ਇੱਕ ਅਮਰੀਕੀ ਪਰਿਵਾਰ ਨੂੰ ਡੂੰਘੇ ਸੱਭਿਆਚਾਰਕ ਅੰਤਰਾਂ ਨੂੰ ਸਮਝਣ ਵਿੱਚ ਸਹਾਇਤਾ ਕੀਤੀ
-
ਪ੍ਰਨਵੀ ਸ਼ਰਮਾ - Sun, 07, Dec 2025
- 11:27 EST
- 11
ਅਮਰੀਕੀ ਪਰਿਵਾਰ ਭਾਰਤ ਵਿੱਚ ਸਮਾਂ ਬਿਤਾਉਂਦਾ ਹੋਇਆ / image provided
ਭਾਰਤ ਵਿੱਚ ਦੋ-ਢਾਈ ਮਹੀਨੇ ਬਿਤਾਉਣ ਵਾਲੇ ਇੱਕ ਅਮਰੀਕੀ ਪਰਿਵਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਲਈ ਸਭ ਤੋਂ ਹੈਰਾਨੀਜਨਕ ਗੱਲ ਇਹ ਸੀ ਕਿ ਰੋਜ਼ਾਨਾ ਜ਼ਿੰਦਗੀ ਇਕੋ ਵੇਲੇ ਗ਼ੈਰ-ਤਰਤੀਬ ਵੀ ਲੱਗਦੀ ਹੈ ਅਤੇ ਬੇਹੱਦ ਸਵਾਗਤੀ ਵੀ। ਦੋ ਬੱਚਿਆਂ ਦੀ ਮਾਂ ਅੰਨਾ ਹੈਕੇਨਸਨ ਨੇ ਆਪਣੀ ਇਸ ਯਾਤਰਾ ਨੂੰ ਇੰਸਟਾਗ੍ਰਾਮ ‘ਤੇ ਦਸਤਾਵੇਜ਼ੀ ਰੂਪ ਦਿੱਤਾ ਅਤੇ ਉਸਦੀ ਪੋਸਟ ਨੂੰ ਹੁਣ ਤੱਕ ਲੱਖਾਂ ਵਿਊਜ਼ ਮਿਲ ਚੁੱਕੇ ਹਨ।
ਹੈਕੈਨਸਨ ਨੇ ਲਿਖਿਆ ਕਿ ਉਸਨੂੰ ਅੰਦਾਜ਼ਾ ਤਾਂ ਸੀ ਕਿ ਭਾਰਤ, ਅਮਰੀਕਾ ਤੋਂ ਵੱਖਰਾ ਮਹਿਸੂਸ ਹੋਵੇਗਾ, ਪਰ ਇਹ ਫ਼ਰਕ ਕਿੰਨਾ ਵੱਡਾ ਹੈ— ਇਹ ਤਾਂ ਉਹ ਉਦੋਂ ਸਮਝੀ ਜਦੋਂ ਉਸਦਾ ਪਰਿਵਾਰ ਵੱਖ-ਵੱਖ ਸ਼ਹਿਰਾਂ ਵਿੱਚ ਸੈਟਲ ਹੋਇਆ। ਉਸਨੇ ਛੋਟੀਆਂ-ਛੋਟੀਆਂ ਗੱਲਾਂ ‘ਤੇ ਧਿਆਨ ਦਿੱਤਾ ਜਿਵੇਂ ਕਿ ਲੋਕ ਗੱਡੀ ਕਿਵੇਂ ਚਲਾਉਂਦੇ ਹਨ, ਅਜਨਬੀਆਂ ਨਾਲ ਗੱਲ ਕਿਵੇਂ ਕਰਦੇ ਹਨ, ਖਾਣੇ ਦਾ ਸਵਾਦ ਕਿਵੇਂ ਬਦਲਦਾ ਹੈ ਅਤੇ ਪਰਿਵਾਰਕ ਜੀਵਨ ਕਿਵੇਂ ਜੀਵਿਆ ਜਾਂਦਾ ਹੈ।
ਉਸਨੇ ਸਮਝਾਇਆ ਕਿ ਅਮਰੀਕਾ ਵਿੱਚ ਹਾਰਨ ਵਜਾਉਣ ਦਾ ਮਤਲਬ ਆਮ ਤੌਰ 'ਤੇ ਨਿਰਾਸ਼ਾ ਹੁੰਦਾ ਹੈ, ਜਦੋਂਕਿ ਭਾਰਤ ਵਿੱਚ ਇਹ ਜ਼ਿਆਦਾਤਰ “ਮੈਂ ਇੱਥੇ ਹਾਂ, ਧਿਆਨ ਨਾਲ, ਧੰਨਵਾਦ” ਵਾਂਗ ਸੰਕੇਤ ਦਿੰਦਾ ਹੈ। ਉਸਨੇ ਇਹ ਵੀ ਲਿਖਿਆ ਕਿ ਖਾਣੇ ਦੀ ਮਿਰਚ ਤੇ ਮਸਾਲੇ ਦਾ ਪੱਧਰ ਵਿਦੇਸ਼ੀਆਂ ਲਈ ਬਹੁਤ ਜ਼ਿਆਦਾ ਹੋ ਸਕਦਾ ਹੈ— ਪਰ ਭਾਰਤ ਵਿੱਚ “ਤਿੱਖੇ” ਦਾ ਮਤਲਬ ਕੁਝ ਹੋਰ ਹੀ ਹੁੰਦਾ ਹੈ।
ਹੈਕੈਨਸਨ ਦਾ ਕਹਿਣਾ ਹੈ ਕਿ ਭਾਰਤ ਦੇ ਲੋਕ ਆਮ ਤੌਰ ‘ਤੇ ਜ਼ਿਆਦਾ ਖੁੱਲ੍ਹੇ ਦਿਲ ਨਾਲ ਗੱਲ ਕਰਦੇ ਹਨ। ਉਸਨੇ ਲਿਖਿਆ, "ਅਮਰੀਕਾ ਵਿੱਚ, ਲੋਕ ਦਿਖਾਵਾ ਕਰਦੇ ਹਨ ਕਿ ਤੁਹਾਡਾ ਕੋਈ ਵਜੂਦ ਨਹੀਂ ਹੈ। ਭਾਰਤ ਵਿੱਚ ਲੋਕ ਨਿਸ਼ਚਿਤ ਤੌਰ ‘ਤੇ ਪੁੱਛਦੇ ਹਨ ਕਿ ਤੁਸੀਂ ਕਿੱਥੋਂ ਹੋ, ਕਿੱਥੇ ਜਾਂਦੇ ਹੋ, ਅਤੇ ਕਿਉਂ।” ਉਸਨੇ ਕੂੜਾ-ਕਰਕਟ, ਟ੍ਰੈਫ਼ਿਕ ਅਤੇ ਦੋਵਾਂ ਦੇਸ਼ਾਂ ਦੇ ਬਦਲਦੇ ਮੌਸਮਾਂ ਦੀ ਵੀ ਤੁਲਨਾ ਕੀਤੀ। ਭਾਰਤੀ ਸੜਕਾਂ ਨੂੰ “ਨਿਯੰਤਰਿਤ ਹੰਗਾਮਾ” ਦੱਸਦਿਆਂ ਅਤੇ ਸਥਾਨਕ ਮੌਸਮਾਂ ਨੂੰ ਗਰਮੀ, ਮਾਨਸੂਨ, ਅਤੇ “ਅਚਾਨਕ ਵਾਧੂ ਗਰਮੀ” ਵਜੋਂ ਦਰਸਾਇਆ।
ਪਰਿਵਾਰ ਨੇ ਖਰਚੇ ਦਾ ਵੀ ਮੁੱਦਾ ਚੁੱਕਿਆ। ਹੈਕੈਨਸਨ ਨੇ ਕਿਹਾ ਕਿ ਅਮਰੀਕਾ ਵਿੱਚ ਰੋਜ਼ਾਨਾ ਦੇ ਖਰਚੇ ਕਾਫ਼ੀ ਵਧੇਰੇ ਮਹਿਸੂਸ ਹੁੰਦੇ ਹਨ, ਜਦੋਂਕਿ ਭਾਰਤ ਵਿੱਚ ਇਹ ਬਹੁਤ ਹੱਦ ਤੱਕ ਠੀਕ ਲੱਗਦੇ ਹਨ। ਉਸਨੇ ਇਹ ਵੀ ਲਿਖਿਆ ਕਿ ਭਾਰਤ ਵਿੱਚ ਘਰ ਜ਼ਿਆਦਾ ਤੌਰ ‘ਤੇ ਜਿਆਦਾ-ਪੀੜੀਆਂ ਦੇ ਇਕੱਠਿਆਂ ਰਹਿਣ ਵਾਲੇ ਹੁੰਦੇ ਹਨ, ਜਦੋਂਕਿ ਅਮਰੀਕਾ ਵਿੱਚ ਇਹ ਰਿਵਾਜ ਘੱਟ ਦਿਖਾਈ ਦਿੰਦਾ ਹੈ।
ਇਹ ਪੋਸਟ ਹੁਣ ਤਕ ਲਗਭਗ ਚਾਰ ਮਿਲੀਅਨ ਵਾਰ ਦੇਖੀ ਜਾ ਚੁੱਕੀ ਹੈ ਅਤੇ ਹਜ਼ਾਰਾਂ ਟਿੱਪਣੀਆਂ ਮਿਲ ਚੁੱਕੀਆਂ ਹਨ। ਇੱਕ ਯੂਜ਼ਰ ਨੇ ਲਿਖਿਆ, “ਤੁਸੀਂ ਜੋ ਅੰਤਰ ਵੇਖੇ ਹਨ, ਉਹ ਸਾਂਝੇ ਕਰਨ ਲਈ ਧੰਨਵਾਦ।” ਇੱਕ ਹੋਰ ਨੇ ਲਿਖਿਆ ਕਿ ਜਿਆਦਾ-ਪੀੜੀਆਂ ਦੇ ਇਕੱਠਿਆਂ ਰਹਿਣਾ ਸਧਾਰਨ ਗੱਲ ਹੈ, “ਮੇਰਾ ਪਰਿਵਾਰ, ਦੋ ਚਾਚਿਆਂ ਦੇ ਪਰਿਵਾਰ ਅਤੇ ਦਾਦੀ, ਅਸੀਂ ਸਾਰੇ ਇਕੱਠੇ ਇਕ ਘਰ ਵਿੱਚ ਰਹਿੰਦੇ ਹਾਂ।”
ਕੁਝ ਪੜ੍ਹਨ ਵਾਲਿਆਂ ਨੇ ਉਸਨੂੰ ਟੋਕਿਆ ਵੀ, ਇੱਕ ਟਿੱਪਣੀਕਾਰ ਨੇ ਲਿਖਿਆ ਕਿ ਹੈਕੈਨਸਨ ਨੇ ਸ਼ਾਇਦ ਸਿਰਫ ਦੱਖਣੀ ਭਾਰਤ ਦਾ ਮੌਸਮ ਦੇਖਿਆ ਹੈ ਅਤੇ ਉਸਨੂੰ “ਹਿਮਾਲਿਆਈ ਇਲਾਕੇ ਵੀ ਦੇਖਣੇ ਚਾਹੀਦੇ ਹਨ।”ਹੋਰਨਾਂ ਨੇ ਕਿਹਾ ਕਿ ਉਸਦਾ ਵੇਰਵਾ ਕਾਫ਼ੀ ਹੱਦ ਤੱਕ ਸਹੀ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login