ADVERTISEMENTs
-10”-x-5.jpg)
ਕੈਲੀਫ਼ੋਰਨੀਆ ਵਿੱਚ AAPI ਭਾਈਚਾਰਾ ICE ਛਾਪਿਆਂ ਨਾਲ ਖ਼ਤਰੇ ਹੇਠ
ਵਕੀਲਾਂ ਨੇ ਸੈਕਰਾਮੈਂਟੋ ਵਿੱਚ ਕੈਂਡਲਲਾਈਟ ਵਿਜ਼ਿਲ ਕੀਤਾ ਅਤੇ ਇਸ ਮੁੱਦੇ 'ਤੇ ਜਾਗਰੂਕਤਾ ਵਧਾਉਣ ਲਈ 28 ਅਗਸਤ ਨੂੰ ਇੱਕ ਔਨਲਾਈਨ ਟੈੱਕ-ਇਨ ਆਯੋਜਿਤ ਕਰਨਗੇ।
-
ਪ੍ਰਨਵੀ ਸ਼ਰਮਾ - Mon, 25, Aug 2025
- 09:11 EDT
- 4
.jpg)
Representative image / courtesy photo
ਏਸ਼ੀਅਨ ਅਮਰੀਕੀ ਅਤੇ ਪੈਸੇਫਿਕ ਟਾਪੂਆਂ ਦੇ ਪ੍ਰਵਾਸੀ ਅਤੇ ਸ਼ਰਨਾਰਥੀ ਅਜੇ ਵੀ ਇਮੀਗ੍ਰੇਸ਼ਨ ਐਂਡ ਕਸਟਮਜ਼ ਇਨਫੋਰਸਮੈਂਟ (ICE) ਦੇ ਖ਼ਤਰੇ ਹੇਠ ਹਨ, ਇਹ ਗੱਲ AAPIs ਫੋਰ ਸਿਵਿਕ ਇਮਪਾਵਰਮੈਂਟ ਐਜੂਕੇਸ਼ਨ ਫੰਡ (AAPI FORCE-EF) ਨੇ ਕਹੀ ਹੈ।
ਇਸ ਗਰੁੱਪ ਨੇ ਦੱਸਿਆ ਕਿ ICE ਕੈਲੀਫ਼ੋਰਨੀਆ ਵਿੱਚ ਛੋਟੀਆਂ ਛਾਪੇਮਾਰ ਕਾਰਵਾਈਆਂ ਕਰਦੀ ਰਹੀ ਹੈ, ਜਿਹੜੀਆਂ ਗਾਰਮੈਂਟ ਸ਼ੌਪਾਂ, ਸ਼ੌਪਿੰਗ ਸੈਂਟਰਾਂ, ਨੇਲ ਸੈਲੂਨਾਂ, ਮਸਾਜ਼ ਪਾਰਲਰਾਂ, ਰੈਸਟੋਰੈਂਟਾਂ ਅਤੇ ਹੋਰ ਕੰਮਕਾਜ ਵਾਲੀਆਂ ਥਾਵਾਂ ‘ਤੇ ਕੰਮ ਕਰਨ ਵਾਲਿਆਂ ਨੂੰ ਨਿਸ਼ਾਨਾ ਬਣਾਉਂਦੀਆਂ ਹਨ।
19 ਅਗਸਤ ਨੂੰ, 150 ਤੋਂ ਵੱਧ ਵਕੀਲਾਂ ਨੇ ਚੁਣੇ ਹੋਏ ਅਧਿਕਾਰੀਆਂ ਨਾਲ ਮਿਲ ਕੇ ਸੈਕਰਾਮੈਂਟੋ ਵਿੱਚ ਅਮਰੀਕੀ ਨਾਗਰਿਕਤਾ ਅਤੇ ਇਮੀਗ੍ਰੇਸ਼ਨ ਸੇਵਾਵਾਂ ਦੇ ਫ਼ੀਲਡ ਦਫ਼ਤਰ ਦੇ ਬਾਹਰ ਮੋਮਬੱਤੀ ਜਗਾ ਕੇ ਵਿਜ਼ਿਲ ਕੀਤਾ। ਇਸ ਇਕੱਠ ਦਾ ਮਕਸਦ ਉਹ ਗੱਲ ਉਜਾਗਰ ਕਰਨਾ ਸੀ ਜਿਸਨੂੰ ਭਾਗੀਦਾਰਾਂ ਨੇ “ICE ਦਾ ਖੌਫ਼” (ICE terror) ਕਰਾਰ ਦਿੱਤਾ, ਜੋ ਕਿ ਏਸ਼ੀਆਈ ਅਮਰੀਕੀ ਅਤੇ ਪ੍ਰਸ਼ਾਂਤ ਟਾਪੂਵਾਸੀ ਭਾਈਚਾਰਿਆਂ ਵੱਲ ਮੋੜਿਆ ਗਿਆ ਹੈ।
AAPI FORCE-EF ਨੇ ਕਿਹਾ ਕਿ ਇਸਦੀ ਵਕਾਲਤ ਇਸ ਮਹੀਨੇ ਦੇ ਅੰਤ ਤੱਕ ਜਾਰੀ ਰਹੇਗੀ, ਜਿਸ ਵਿੱਚ ਇੱਕ ਆਨਲਾਈਨ “ਟੈੱਕ-ਇਨ” ਸ਼ਾਮਲ ਹੈ, ਜਿਸਦਾ ਸਿਰਲੇਖ ‘California AAPIs Against Fascism’ ਹੈ। ਇਹ ਇਵੈਂਟ 28 ਅਗਸਤ ਨੂੰ ਸ਼ਾਮ 5:30 ਤੋਂ 7 ਵਜੇ ਤੱਕ ਹੋਵੇਗਾ।
ਸੈਕਰਾਮੈਂਟੋ ਕੌਂਸਲ ਮੈਂਬਰ ਮਾਈ ਵਾਂਗ ਨੇ ਕਿਹਾ ਕਿ ਗ੍ਰਿਫ਼ਤਾਰੀਆਂ ਅਤੇ ਹਿਰਾਸਤਾਂ ਵੱਡੇ ਰਾਜਨੀਤਿਕ ਸੰਕਟ ਨੂੰ ਦਰਸਾਉਂਦੀਆਂ ਹਨ। ਉਹ ਕਿਹਾ, “ਅਸੀਂ ਇਤਿਹਾਸ ਦੇ ਖ਼ਤਰਨਾਕ ਸਮੇਂ ਵਿੱਚ ਜੀਅ ਰਹੇ ਹਾਂ। ਫੈਸਿਜ਼ਮ ਪਹਿਲਾਂ ਹੀ ਇੱਥੇ ਮੌਜੂਦ ਹੈ। ਸਾਡੇ ਵਿਦਿਆਰਥੀਆਂ ਨੂੰ ਸੱਚ ਬੋਲਣ ਲਈ ਹਿਰਾਸਤ ਵਿੱਚ ਲਿਆ ਜਾ ਰਿਹਾ ਹੈ, ਸਾਡੇ ਅਜ਼ੀਜ਼ਾਂ ਨੂੰ ਇਸ ਪ੍ਰਸ਼ਾਸਨ ਵੱਲੋਂ ਅਗਵਾ ਕੀਤਾ ਜਾ ਰਿਹਾ ਹੈ, ਸਾਡੇ ਲਈ ਅਹਿਮ ਸੁਰੱਖਿਆ ਪ੍ਰੋਗਰਾਮਾਂ ਨੂੰ ਕੱਟਿਆ ਜਾ ਰਿਹਾ ਹੈ।”
ਅਸੈਂਬਲੀ ਮੈਂਬਰ ਐਲ ਮੁਰਾਤਸੁਚੀ ਨੇ ਛਾਪੇਮਾਰੀ ਨੂੰ ਸਿੱਖਿਆ ਨਾਲ ਸੰਬੰਧਤ ਚਿੰਤਾਵਾਂ ਨਾਲ ਜੋੜਿਆ। ਉਹਨਾਂ ਕਿਹਾ, "ਸਕੂਲ ਸੁਰੱਖਿਅਤ ਪਨਾਹਗਾਹ ਹੋਣੇ ਚਾਹੀਦੇ ਹਨ ਜਿੱਥੇ ਸਾਰੇ ਬੱਚੇ ਸੁਰੱਖਿਅਤ ਅਤੇ ਸਹਿਯੋਗੀ ਮਹਿਸੂਸ ਕਰਨ। ਇਹ ਡਰ ਅਤੇ ਧਮਕੀਆਂ ਦੀ ਮੁਹਿੰਮ ਸਾਡੇ ਵਿਦਿਆਰਥੀਆਂ ਨੂੰ ਉਸ ਸਿੱਖਿਆ ਤੋਂ ਦੂਰ ਰੱਖ ਰਹੀ ਹੈ ਜੋ ਉਹਨਾਂ ਦਾ ਸੰਵਿਧਾਨਕ ਅਧਿਕਾਰ ਹੈ। ਮੈਂ ਮਾਣ ਨਾਲ ਤੁਹਾਡੇ ਨਾਲ ਖੜ੍ਹਾ ਹਾਂ ਇਸ ਡਰ ਦੀ ਮੁਹਿੰਮ — ਇਸ ਫੈਸਿਜ਼ਮ— ਦੇ ਖ਼ਿਲਾਫ਼ ਲੜਨ ਲਈ ਜੋ ਸਾਡੇ ਦੇਸ਼ ਵਿੱਚ ਹੋ ਰਿਹਾ ਹੈ।”
ਸੈਂਟਰਲ ਵੈਲੀ ਪੈਸਿਫ਼ਿਕ ਆਇਲੈਂਡਰ ਅਲਾਇੰਸ ਦੇ ਵਕਾਲਤ ਕੋਆਰਡੀਨੇਟਰ ਉਰਾਇਆ ਬਲੈਕਵੈਲ ਨੇ ਜ਼ੋਰ ਦਿੱਤਾ ਕਿ ਪ੍ਰਸ਼ਾਂਤ ਟਾਪੂਵਾਸੀ ਪਰਿਵਾਰ ਵੀ ਪ੍ਰਭਾਵਿਤ ਹੋ ਰਹੇ ਹਨ। ਉਹ ਦਾ ਕਹਿਣਾ ਹੈ ਕਿ “ਇਹ ਸਮਾਂ ਖੁਦ ਨੂੰ ਵੱਖ ਕਰਨ ਦਾ ਨਹੀਂ ਹੈ, ਇਹ ਸਮਾਂ ਹੈ ਕਿ ਅਸੀਂ ਸਾਰੇ ਇਕੱਠੇ ਖੜ੍ਹ ਕੇ ਸਾਰੇ ਇਮੀਗ੍ਰੈਂਟ ਭਾਈਚਾਰਿਆਂ ਦਾ ਸਹਿਯੋਗ ਕਰੀਏ।”
APALA-ਸੈਕਰਾਮੈਂਟੋ ਦੀ ਪ੍ਰਧਾਨ ਓਰਾਨਿਤ ਲਿਮਾਨੀਪ੍ਰਸਰਤ ਨੇ ਕਿਹਾ, “ਸਾਡੇ ਭਾਈਚਾਰੇ ਦੇ ਇਮੀਗ੍ਰੈਂਟਾਂ ਅਤੇ ਸ਼ਰਨਾਰਥੀਆਂ ਦੀ ਮਾਨਸਿਕ ਤੰਦਰੁਸਤੀ, ਆਰਥਿਕ ਹਾਲਤ ਅਤੇ ਜੀਵਨ ਦੀਆਂ ਸਥਿਤੀਆਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈਆਂ ਹਨ। ਕੁਝ ਲੋਕਾਂ ਨੂੰ ਆਪਣੇ ਪਰਿਵਾਰ ਤੋਂ ਹਜ਼ਾਰਾਂ ਮੀਲ ਦੂਰ ਡਿਟੈਨਸ਼ਨ ਸੈਂਟਰ ਵਿੱਚ ਭੇਜਿਆ ਗਿਆ ਹੈ ਅਤੇ ਉਹਨਾਂ ਨੇ ਮਹੀਨਿਆਂ ਤੋਂ ਆਪਣੇ ਪਰਿਵਾਰ ਨੂੰ ਨਹੀਂ ਵੇਖਿਆ। ਸਾਡੀ ਸਰਕਾਰ ਨੂੰ ਸਾਡੇ ਭਾਈਚਾਰੇ ਨਾਲ ਨਿਆਇਕ, ਇਨਸਾਨੀਅਤ ਭਰੇ ਅਤੇ ਆਦਰ ਨਾਲ ਪੇਸ਼ ਆਉਣ ਦੀ ਲੋੜ ਹੈ।”
Related
.jpg)
.jpg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login