ADVERTISEMENT
ADVERTISEMENT
USCIS એ વર્ક પરમિટની માન્યતા ઘટાડીને ૧૮ મહિના કરી
એજન્સીએ જણાવ્યું કે, ટૂંકી મુદતનું કારણ સુરક્ષા તપાસ વધારવી અને છેતરપિંડી અટકાવવાનો છે.
-
પ્રણાવી શર્મા - Fri, 05, Dec 2025
- 04:01 EST
- 15
પ્રતીકાત્મક તસ્વીર / Wikipedia
અમેરિકાની નાગરિકતા અને ઇમિગ્રેશન સેવા (યુએસસીઆઇએસ)એ ૪ ડિસેમ્બરે પોતાના અપડેટેડ પોલિસી મેન્યુઅલમાં જાહેરાત કર્યું કે, અનેક પ્રકારના બિન-નાગરિકો માટે પ્રારંભિક તેમજ નવીનીકરણ વાળા એમ્પ્લોયમેન્ટ ઓથોરાઇઝેશન ડોક્યુમેન્ટ (EAD-વર્ક પરમિટ)ની મહત્તમ માન્યતા અવધિ પાંચ વર્ષમાંથી ઘટાડીને ૧૮ મહિના કરવામાં આવી છે.
આ ફેરફાર ૫ ડિસેમ્બર, ૨૦૨૫ કે તે પછી પેન્ડિંગ અથવા નવી દાખલ થયેલી તમામ અરજીઓ પર લાગુ પડશે. યુએસસીઆઇએસના જણાવ્યા અનુસાર, આ પગલાનો હેતુ અમેરિકામાં કામ કરવાની પરવાનગી માંગતા લોકોની સુરક્ષા તપાસની આવૃત્તિ વધારવાનો છે, જેથી છેતરપિંડી ઓળખી શકાય અને જોખમી વ્યક્તિઓને ચિહ્નિત કરી શકાય.
ડિરેક્ટર જોસેફ એડલોએ આ નિર્ણયને “જાહેર સુરક્ષા” સાથે જોડ્યો છે. તેમણે કહ્યું કે, વોશિંગ્ટનમાં નેશનલ ગાર્ડ સૈનિકો પર તાજેતરના હુમલા પછી “વિદેશીઓની વારંવાર તપાસ કરવી જરૂરી છે”. ટૂંકી EAD મુદતથી “અમેરિકામાં કામ કરવા માંગતા લોકો જાહેર સુરક્ષાને જોખમ ન ઊભું કરે કે અમેરિકા-વિરોધી વિચારધારાને પ્રોત્સાહન ન આપે તેની ખાતરી થશે”.
૧૮ મહિનાની મર્યાદા નીચે મુજબના વર્ગો પર લાગુ પડે છે:
- શરણાર્થીઓ (રેફ્યુજી)
- આશ્રય મેળવનારાઓ (એસાઇલી)
- ડિપોર્ટેશન અથવા રિમૂવલ પર રોક મેળવનારાઓ
- પેન્ડિંગ આશ્રય અથવા વિથહોલ્ડિંગ અરજીવાળા
- સેક્શન ૨૪૫ હેઠળ એડજસ્ટમેન્ટ ઓફ સ્ટેટસની પેન્ડિંગ અરજીવાળા
- સસ્પેન્શન ઓફ ડિપોર્ટેશન, કેન્સલેશન ઓફ રિમૂવલ અથવા NACARA હેઠળ રાહતની પેન્ડિંગ અરજીવાળા
આની સાથે જ અલગથી, ૪ જુલાઈએ રાષ્ટ્રપતિ દ્વારા હસ્તાક્ષરિત H.R. 1 – “વન બિગ બ્યુટિફુલ બિલ એક્ટ” હેઠળના ફેરફારો અનુસાર, પેરોલ્ડ રેફ્યુજી, TPS લાભાર્થીઓ, પેરોલ મેળવનારા, પેન્ડિંગ TPS અરજીદારો તેમજ એન્ટરપ્રિન્યોર પેરોલના જીવનસાથીઓ માટે વર્ક પરમિટની મહત્તમ માન્યતા માત્ર એક વર્ષ કે તેમની પેરોલ/TPS અવધિના અંત સુધી (જે પહેલાં આવે તે) રાખવામાં આવી છે.
આ બીજા ફેરફારો ૨૨ જુલાઈ, ૨૦૨૫થી અમલમાં છે, જ્યારે યુએસસીઆઇએસે ફેડરલ રજિસ્ટરમાં સૂચના પ્રકાશિત કરી હતી.
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login