ADVERTISEMENTs
ਅੰਤਰਰਾਸ਼ਟਰੀ ਯੋਗ ਦਿਵਸ 'ਤੇ ਟੈਕਸਾਸ ਦੇ ਰੈਸਟੋਰੈਂਟਾਂ ਦੀ ਖ਼ਾਸ ਪਹਿਲਕਦਮੀ, ਸਾਤਵਿਕ ਤੇ ਯੋਗਿਕ ਭੋਜਨ ਕੀਤੇ ਤਿਆਰ
ਇਸ ਮੌਕੇ ਦੌਰਾਨ ਟੈਕਸਾਸ ਦੇ ਤਿੰਨ ਫਾਈਨ ਡਾਈਨਿੰਗ ਰੈਸਟੋਰੈਂਟ ਖਾਸ ਸਾਤਵਿਕ ਅਤੇ ਯੋਗਿਕ ਭੋਜਨ ਪੇਸ਼ ਕਰ ਰਹੇ ਹਨ। ਹਿਊਸਟਨ 'ਚ ਭਾਰਤੀ ਕੌਂਸਲੇਟ ਨੇ ਇਸ ਪਹਿਲਕਦਮੀ ਦਾ ਸਮਰਥਨ ਕੀਤਾ ਹੈ।
-
ਪ੍ਰਨਵੀ ਸ਼ਰਮਾ - Sat, 21, Jun 2025
- 05:24 EDT
- 10
.jpg)
ਫਾਈਨ ਡਾਈਨਿੰਗ ਰੈਸਟੋਰੈਂਟਾਂ ਨੇ ਤਿਆਰ ਕੀਤੇ ਖਾਸ ਸਾਤਵਿਕ ਭੋਜਨ / Courtesy Photo
ਜਿਥੇ ਇਕ ਪਾਸੇ 21 ਜੂਨ ਨੂੰ ਵਿਸ਼ਵ ਪੱਧਰ 'ਤੇ ਅੰਤਰਰਾਸ਼ਟਰੀ ਯੋਗ ਦਿਵਸ (International Day of Yoga) ਮਨਾਇਆ ਜਾ ਰਿਹਾ ਹੈ। ਉਥੇ ਹੀ ਇਸ ਮੌਕੇ ਦੌਰਾਨ ਟੈਕਸਾਸ ਦੇ ਤਿੰਨ ਫਾਈਨ ਡਾਈਨਿੰਗ ਰੈਸਟੋਰੈਂਟ (Three Fine Dining Restaurants) ਖਾਸ ਸਾਤਵਿਕ ਅਤੇ ਯੋਗਿਕ ਭੋਜਨ (Satvik And Yogic Meals) ਪੇਸ਼ ਕਰ ਰਹੇ ਹਨ। ਹਿਊਸਟਨ 'ਚ ਭਾਰਤੀ ਕੌਂਸਲੇਟ ਨੇ ਇਸ ਪਹਿਲਕਦਮੀ ਦਾ ਸਮਰਥਨ ਕੀਤਾ ਹੈ। ਹਿਊਸਟਨ ਦੇ ਵਰਾਂਡਾ ਵਿਖੇ ਪ੍ਰੋਗਰੈਸਿਵ ਇੰਡੀਅਨ ਕੁਜ਼ੀਨ (Progressive Indian Cuisine) ਰੈਸਟੋਰੈਂਟ 18 ਜੂਨ ਤੋਂ 23 ਜੂਨ ਤੱਕ ਇੱਕ "ਯੋਗਿਕ ਮੀਨੂ ਐਕਸਪੀਰੀਐਂਸ" (Yogic Menu Experience) ਦੀ ਮੇਜ਼ਬਾਨੀ ਕਰ ਰਿਹਾ ਹੈ। ਇਹ ਰੈਸਟੋਰੈਂਟ ਅਜਿਹੇ ਪਕਵਾਨ ਪੇਸ਼ ਕਰ ਰਿਹਾ ਹੈ ਜੋ ਯੋਗਾ ਦੇ ਫਲਸਫੇ ਦੇ ਅਨੁਕੂਲ ਹਨ, ਜਿਨ੍ਹਾਂ ਨੂੰ ਸਿਹਤ ਲਈ "ਹਲਕਾ ਅਤੇ ਪੌਸ਼ਟਿਕ" ਦੱਸਿਆ ਗਿਆ ਹੈ।
ਇਸ ਵਿਸ਼ੇਸ਼ ਮੀਨੂ ਵਿੱਚ ਡੀਟੌਕਸ ਸਮੂਦੀਜ਼ (Detox Smoothies), ਹਰਬਲ ਏਲਿਕਸਰ (ਜੜੀ-ਬੂਟੀਆਂ ਵਾਲੇ ਪੀਣ ਵਾਲੇ ਪਦਾਰਥ) (Herbal Elixirs), ਅਤੇ ਸਾਤਵਿਕ-ਪ੍ਰੇਰਿਤ ਪਕਵਾਨ (Satvik-Inspired Dishes) ਸ਼ਾਮਲ ਹਨ। ਰੈਸਟੋਰੈਂਟ ਦੇ ਪੋਸਟਰ 'ਤੇ ਲਿਖਿਆ ਹੈ, "ਇਸ ਅੰਤਰਰਾਸ਼ਟਰੀ ਯੋਗ ਦਿਵਸ 'ਤੇ, ਮਨ, ਸਰੀਰ ਅਤੇ ਆਤਮਾ ਦੀ ਸਾਂਝੀਵਾਲਤਾ ਨੂੰ ਅਪਣਾਓ।" ਇਹ ਪਹਿਲਕਦਮੀ ਸਿਹਤਮੰਦ ਜੀਵਨ ਸ਼ੈਲੀ ਅਤੇ ਪੌਸ਼ਟਿਕ ਭੋਜਨ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਕੀਤੀ ਗਈ ਹੈ।
ਸ਼ੂਗਰ ਲੈਂਡ, ਟੈਕਸਾਸ ਵਿੱਚ ਇੱਕ ਹੋਰ ਫਾਈਨ ਡਾਈਨਿੰਗ ਰੈਸਟੋਰੈਂਟ, ਇੰਡੀਆ ਸਮਰ, 17 ਜੂਨ ਤੋਂ 22 ਜੂਨ ਤੱਕ "ਸਾਤਵਿਕ ਮੀਨੂ ਐਕਸਪੀਰੀਐਂਸ" (The Satvik Menu Experience) ਪੇਸ਼ ਕਰ ਰਿਹਾ ਹੈ। 11ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਜਸ਼ਨ ਵਿੱਚ, ਇਹ ਰੈਸਟੋਰੈਂਟ ਸਾਤਵਿਕ ਸਿਧਾਂਤਾਂ 'ਤੇ ਅਧਾਰਤ ਇੱਕ ਸਿਹਤਮੰਦ ਮੀਨੂ ਪਰੋਸ ਰਿਹਾ ਹੈ। ਇਸ ਵਿੱਚ ਦਾਲਾਂ, ਚੌਲਾਂ ਅਤੇ ਸਬਜ਼ੀਆਂ ਵਰਗੇ ਸਾਦੇ, ਸਾਫ਼ ਭੋਜਨਾਂ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ।
ਫਰਿਸਕੋ ਦਾ 'ਦਿ ਫਲੇਵਰ ਲੌਂਜ' (The Flavor Lounge) ਵੀ ਇਸ ਜਸ਼ਨ ਵਿੱਚ ਸ਼ਾਮਲ ਹੋਇਆ ਅਤੇ 18 ਤੋਂ 23 ਜੂਨ ਤੱਕ ਇੱਕ ਖਾਸ ਸਾਤਵਿਕ ਥਾਲੀ ਪੇਸ਼ ਕਰ ਰਿਹਾ ਹੈ। ਇਸ ਵਿਸ਼ੇਸ਼ ਤੌਰ 'ਤੇ ਤਿਆਰ ਕੀਤੇ ਗਏ ਮੀਨੂ ਨੂੰ ਇਸ ਤਰ੍ਹਾਂ ਦੱਸਿਆ ਗਿਆ ਹੈ ਜੋ "ਸਰੀਰ ਨੂੰ ਪੋਸ਼ਣ ਦੇਣ, ਮਨ ਨੂੰ ਸ਼ਾਂਤ ਕਰਨ, ਅਤੇ ਆਤਮਾ ਨੂੰ ਉੱਚਾ ਚੁੱਕਣ" ਦੇ ਨਾਲ-ਨਾਲ ਸਾਦਗੀ ਅਤੇ ਸੁਚੇਤ ਖਾਣ-ਪੀਣ ਨੂੰ ਉਤਸ਼ਾਹਿਤ ਕਰਦਾ ਹੈ।
ਸਾਤਵਿਕ ਖੁਰਾਕ (Satvik Diet), ਜੋ ਕਿ ਪ੍ਰਾਚੀਨ ਭਾਰਤੀ ਪਰੰਪਰਾਵਾਂ ਵਿੱਚ ਜੜ੍ਹੀ ਹੋਈ ਹੈ, ਪ੍ਰੋਸੈਸਡ ਭੋਜਨ, ਲਸਣ, ਪਿਆਜ਼ ਅਤੇ ਭਾਰੀ ਮਸਾਲਿਆਂ ਦਾ ਪਰਹੇਜ਼ ਕਰਦੀ ਹੈ। ਇਹ ਯੋਗਿਕ ਆਦਰਸ਼ਾਂ, ਜਿਵੇਂ ਕਿ ਸੰਤੁਲਨ ਅਤੇ ਸਪੱਸ਼ਟਤਾ, ਨਾਲ ਮੇਲ ਖਾਂਦੀ ਹੈ। ਇਹ ਡਾਇਨਿੰਗ ਐਕਸਪੀਰੀਐਂਸ (Dining Experience) ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਹਫ਼ਤੇ ਦੌਰਾਨ ਇਨ੍ਹਾਂ ਕਦਰਾਂ-ਕੀਮਤਾਂ ਨੂੰ ਦਰਸਾਉਣ ਲਈ ਤਿਆਰ ਕੀਤੇ ਗਏ ਹਨ।
Related
.jpg)
.jpg)
.jpg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login