ADVERTISEMENT
ADVERTISEMENT
ਸੁੰਦਰ ਪਿਚਾਈ ਨੇ H-1B ਬਹਿਸ ਦੌਰਾਨ ਪ੍ਰਵਾਸੀਆਂ ਦੇ ਯੋਗਦਾਨ ਨੂੰ ਦੱਸਿਆ 'ਬੇਮਿਸਾਲ'
ਐਚ-1ਬੀ ਪ੍ਰੋਗਰਾਮ 'ਤੇ ਨਵੇਂ ਰਾਜਨੀਤਿਕ ਦਬਾਅ ਦੇ ਚਲਦਿਆਂ ਪਿਚਾਈ ਨੇ ਪ੍ਰਮੁੱਖ ਤਕਨੀਕੀ ਖੋਜਾਂ ਵਿੱਚ ਪ੍ਰਵਾਸੀਆਂ ਦੀ ਭੂਮਿਕਾ ਨੂੰ ਉਜਾਗਰ ਕੀਤਾ
-
ਪ੍ਰਨਵੀ ਸ਼ਰਮਾ - Thu, 20, Nov 2025
- 00:57 EST
- 29
ਸੁੰਦਰ ਪਿਚਾਈ / ਪ੍ਰਨਵੀ ਸ਼ਰਮਾ
ਸੁੰਦਰ ਪਿਚਾਈ ਨੇ ਏ.ਆਈ. (AI) ਦੇ ਉਭਾਰ ਬਾਰੇ ਇੱਕ ਤਾਜ਼ਾ ਬੀ.ਬੀ.ਸੀ. ਇੰਟਰਵਿਊ ਵਿੱਚ ਕਿਹਾ ਕਿ ਪ੍ਰਵਾਸੀਆਂ ਨੇ ਅਮਰੀਕੀ ਤਕਨਾਲੋਜੀ ਦੇ ਵਿਕਾਸ ਵਿੱਚ ਬੇਮਿਸਾਲ ਭੂਮਿਕਾ ਨਿਭਾਈ ਹੈ। ਉਨ੍ਹਾਂ ਦਰਸਾਇਆ ਕਿ ਕਈ ਵੱਡੀਆਂ ਤਕਨੀਕੀ ਤਰੱਕੀਆਂ ਉਹਨਾਂ ਲੋਕਾਂ ਤੋਂ ਆਈਆਂ ਹਨ, ਜੋ H-1B ਵੀਜ਼ਾ ਵਰਗੇ ਪ੍ਰੋਗਰਾਮਾਂ ਰਾਹੀਂ ਅਮਰੀਕਾ ਪਹੁੰਚੇ।
ਐਚ-1ਬੀ ਵੀਜ਼ਾ ਵੱਲ ਜਾਣ ਤੋਂ ਪਹਿਲਾਂ ਇੱਕ ਅੰਤਰਰਾਸ਼ਟਰੀ ਵਿਦਿਆਰਥੀ ਵਜੋਂ ਪਹਿਲੀ ਵਾਰ ਸੰਯੁਕਤ ਰਾਜ ਅਮਰੀਕਾ ਆਏ ਪਿਚਾਈ ਨੇ ਕਿਹਾ ਕਿ ਸਰਕਾਰ ਹੁਣ ਕਾਬਲ ਪ੍ਰਵਾਸੀਆਂ ਦੀ ਕਦਰ ਨੂੰ ਸਮਝ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇੱਕ “ਫਰੇਮਵਰਕ” ਮੌਜੂਦ ਹੈ, ਜਿਸ ਰਾਹੀਂ ਅਜੇ ਵੀ ਹੁੰਨਰਮੰਦ ਲੋਕਾਂ ਨੂੰ ਅਮਰੀਕਾ ਲਿਆਂਦਾ ਜਾ ਸਕਦਾ ਹੈ ਅਤੇ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਅਧਿਕਾਰੀ ਮੌਜੂਦਾ ਪ੍ਰੋਗਰਾਮ ਦੀਆਂ ਖਾਮੀਆਂ ਨੂੰ ਦੂਰ ਕਰਨ ਲਈ ਕੁਝ ਬਦਲਾਅ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਗੂਗਲ ਦੀਆਂ ਹਾਲੀਆ ਨੋਬਲ-ਸੰਬੰਧੀ ਪ੍ਰਾਪਤੀਆਂ ਦੇ ਪਿੱਛੇ ਕੰਮ ਕਰਨ ਵਾਲੇ ਕਈ ਵਿਗਿਆਨੀ ਪ੍ਰਵਾਸੀ ਸਨ। ਉਨ੍ਹਾਂ ਨੇ ਤਕਨੀਕੀ ਖੇਤਰ ਵਿੱਚ ਪ੍ਰਵਾਸੀਆਂ ਦੀ ਅਗਵਾਈ ਵਾਲੀਆਂ ਤਰੱਕੀਆਂ ਦੇ ਲੰਬੇ ਇਤਿਹਾਸ ਵੱਲ ਵੀ ਇਸ਼ਾਰਾ ਕੀਤਾ। ਪਿਚਾਈ ਨੇ ਕਿਹਾ ਕਿ ਪ੍ਰਵਾਸੀਆਂ ਦਾ ਯੋਗਦਾਨ ਕਿਸੇ ਮਿਸਾਲ ਤੋਂ ਘੱਟ ਨਹੀਂ ਹੈ ਅਤੇ ਵਿਸ਼ਵਾਸ ਪ੍ਰਗਟਾਇਆ ਕਿ ਅਮਰੀਕਾ ਗਲੋਬਲ ਟੈਲੈਂਟ ਵਿੱਚ ਨਿਵੇਸ਼ ਕਰਨਾ ਜਾਰੀ ਰੱਖੇਗਾ।
ਇਹ ਟਿੱਪਣੀਆਂ ਉਸ ਵੇਲੇ ਸਾਹਮਣੇ ਆਈਆਂ ਹਨ, ਜਦੋਂ ਭਾਰਤੀ-ਅਮਰੀਕੀ ਭਾਈਚਾਰੇ ਦੇ ਪ੍ਰਭਾਵਸ਼ਾਲੀ ਲੋਕ H-1B ਪ੍ਰੋਗਰਾਮ ਬਾਰੇ ਖੁੱਲ੍ਹ ਕੇ ਬੋਲਣ ਲੱਗੇ ਹਨ। ਪਿਚਾਈ ਦੀਆਂ ਗੱਲਾਂ ਇਸ ਚਰਚਾ ਨੂੰ ਹੋਰ ਵਜ਼ਨ ਦਿੰਦੀਆਂ ਹਨ, ਖ਼ਾਸ ਕਰਕੇ ਉਸ ਸਮੇਂ ਜਦੋਂ ਪ੍ਰੋਗਰਾਮ ਦਾ ਭਵਿੱਖ ਰਾਜਨੀਤਿਕ ਦਬਾਅ ਅਤੇ ਨਵੀਂਆਂ ਹਦਾਇਤਾਂ ਵਿਚੋਂ ਲੰਘ ਰਿਹਾ ਹੈ।
ਸਤੰਬਰ ਵਿੱਚ ਭਾਰਤ ਦੇ ਸੰਸਦ ਮੈਂਬਰ ਸ਼ਸ਼ੀ ਥਰੂਰ ਨੇ ਅਮਰੀਕੀ ਨੀਤੀਆਂ ‘ਤੇ ਭਾਰਤੀ-ਅਮਰੀਕੀ ਸਮੂਹ ਦੀ ਚੁੱਪੀ ‘ਤੇ ਸਵਾਲ ਉਠਾਇਆ ਸੀ, ਉਹ ਨੀਤੀਆਂ ਜਿਨ੍ਹਾਂ ਦਾ ਸਿਧਾ ਅਸਰ ਭਾਰਤ ‘ਤੇ ਪੈਂਦਾ ਹੈ, ਜਿਸ ਵਿੱਚ ਟਰੰਪ ਪ੍ਰਸ਼ਾਸਨ ਵੱਲੋਂ 50 ਪ੍ਰਤੀਸ਼ਤ ਟੈਰਿਫ਼ ਲਗਾਉਣਾ ਅਤੇ H-1B ਵੀਜ਼ਾ ਫੀਸ ਨੂੰ 100,000 ਡਾਲਰ ਤੱਕ ਵਧਾਉਣਾ ਸ਼ਾਮਲ ਸੀ।
ਪਿਚਾਈ ਇਸ ਤੋਂ ਪਹਿਲਾਂ ਵੀ ਪ੍ਰਵਾਸੀ-ਸਹਾਇਕ ਨੀਤੀਆਂ ਦਾ ਸਮਰਥਨ ਕਰ ਚੁੱਕੇ ਹਨ। ਜੂਨ 2020 ਵਿੱਚ ਜਦੋਂ ਟਰੰਪ ਪ੍ਰਸ਼ਾਸਨ ਨੇ ਕਈ ਵਰਕ ਵੀਜ਼ਾ ਸ਼੍ਰੇਣੀਆਂ ਨੂੰ ਸਸਪੈਂਡ ਕੀਤਾ ਸੀ, ਉਦੋਂ ਪਿਚਾਈ ਨੇ ਐਕਸ ‘ਤੇ ਲਿਖਿਆ ਸੀ ਕਿ ਪ੍ਰਵਾਸੀਆਂ ਨੇ “ਅਮਰੀਕਾ ਦੀ ਆਰਥਿਕ ਸਫਲਤਾ ਵਿੱਚ ਬੇਹੱਦ ਯੋਗਦਾਨ ਪਾਇਆ ਹੈ” ਅਤੇ ਗੂਗਲ ਨੂੰ “ਅੱਜ ਜੋ ਕੰਪਨੀ ਉਹ ਹੈ, ਬਣਾਉਣ ਵਿੱਚ ਮਦਦ ਕੀਤੀ ਹੈ।”
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login