ADVERTISEMENT
ADVERTISEMENT
ਰੋ ਖੰਨਾ ਨੇ ਏਆਈ ਅਤੇ ਟੈਰਿਫ ਕਾਰਨ ਹੋਣ ਵਾਲੀਆਂ ਛਾਂਟੀਆਂ ਦੇ ਹੱਲ ਲਈ ‘ਜ਼ੋਬ ਪਲਾਨ' ਦੀ ਕੀਤੀ ਮੰਗ
ਅਰਥਸ਼ਾਸਤਰੀਆਂ ਦਾ ਮੰਨਣਾ ਹੈ ਕਿ ਆਟੋਮੇਸ਼ਨ 2030 ਤੱਕ ਦੁਨੀਆ ਭਰ ਵਿੱਚ ਲੱਖਾਂ ਨੌਕਰੀਆਂ ਨੂੰ ਖਤਮ ਕਰ ਸਕਦਾ ਹੈ
-
1759163132.png)
ਅਨੁਸ਼ਕਾ ਪਾਠਕ - Thu, 30, Oct 2025
- 02:50 EDT
- 15
ਰੋ ਖੰਨਾ ਨੇ ਏਆਈ ਅਤੇ ਟੈਰਿਫ ਕਾਰਨ ਹੋਣ ਵਾਲੀਆਂ ਛਾਂਟੀਆਂ ਨੂੰ ਹੱਲ ਕਰਨ ਲਈ 'ਨਿਯੁ ਡੀਲ AI ਜ਼ੋਬ ਪਲਾਨ' ਦੀ ਕੀਤੀ ਮੰਗ /
ਅਮਰੀਕੀ ਕਾਂਗਰਸਮੈਨ ਰੋ ਖੰਨਾ ਨੇ "ਏਆਈ ਜੌਬਸ ਇਨੀਸ਼ੀਏਟਿਵ" ਸ਼ੁਰੂ ਕਰਨ ਦੀ ਮੰਗ ਕੀਤੀ ਹੈ। ਉਸਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਅਤੇ ਟੈਰਿਫ ਕਾਰਨ ਹੋਣ ਵਾਲੇ ਨੌਕਰੀਆਂ ਦੇ ਨੁਕਸਾਨ ਨੂੰ ਹੱਲ ਕਰਨ ਲਈ ਇੱਕ ਸੰਘੀ ‘ਨਿਊ ਡੀਲ AI ਜ਼ੋਬ ਪਲਾਨ’ ਦਾ ਸੁਝਾਅ ਦਿੱਤਾ ਹੈ।
ਕਾਂਗਰਸਮੈਨ ਰੋ ਖੰਨਾ ਨੇ 29 ਅਕਤੂਬਰ ਨੂੰ ਕਿਹਾ ਕਿ ਕਾਂਗਰਸ ਨੂੰ ਇਸ ਯੋਜਨਾ ਨੂੰ ਅਪਣਾਉਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਏਆਈ ਅਤੇ ਵਪਾਰਕ ਟੈਰਿਫ ਵੱਡੀਆਂ ਅਮਰੀਕੀ ਕੰਪਨੀਆਂ ਵਿੱਚ ਵੱਡੇ ਪੱਧਰ 'ਤੇ ਨੌਕਰੀਆਂ ਦਾ ਨੁਕਸਾਨ ਕਰ ਰਹੇ ਹਨ।
ਇੱਕ ਵੀਡੀਓ ਬਿਆਨ ਵਿੱਚ, ਖੰਨਾ ਨੇ ਚੇਤਾਵਨੀ ਦਿੱਤੀ ਕਿ ਆਟੋਮੇਸ਼ਨ ਅਤੇ ਟੈਰਿਫ ਦੇ ਆਲੇ-ਦੁਆਲੇ ਅਨਿਸ਼ਚਿਤਤਾ ਬਹੁਤ ਸਾਰੇ ਉਦਯੋਗਾਂ ਵਿੱਚ ਤੇਜ਼ੀ ਨਾਲ ਨੌਕਰੀਆਂ ਦੇ ਨੁਕਸਾਨ ਦਾ ਕਾਰਨ ਬਣ ਰਹੀ ਹੈ। ਉਹਨਾਂ ਨੇ ਕਿਹਾ ,"ਏਆਈ ਅਤੇ ਟੈਰਿਫ ਵੱਡੀਆਂ ਕੰਪਨੀਆਂ ਵਿੱਚ ਵੱਡੇ ਪੱਧਰ 'ਤੇ ਛਾਂਟੀ ਦਾ ਕਾਰਨ ਬਣ ਰਹੇ ਹਨ।" ਉਹਨਾਂ ਨੇ ਐਮਾਜ਼ਾਨ ਵਿੱਚ 14,000, ਯੂਪੀਐਸ ਵਿੱਚ 48,000, ਮਾਈਕ੍ਰੋਸਾਫਟ ਵਿੱਚ 9,000, ਇੰਟੇਲ ਵਿੱਚ 20,000 ਅਤੇ ਨੇਸਲੇ ਵਿੱਚ 16,000 ਨੌਕਰੀਆਂ ਵਿੱਚ ਕਟੌਤੀ ਦਾ ਹਵਾਲਾ ਦਿੱਤਾ।
ਰੋ ਖੰਨਾ ਨੇ ਰੁਜ਼ਗਾਰ ਨੂੰ ਸਥਿਰ ਕਰਨ ਲਈ ਤਿੰਨ-ਨੁਕਾਤੀ ਯੋਜਨਾ ਦੀ ਰੂਪਰੇਖਾ ਦਿੱਤੀ। ਉਨ੍ਹਾਂ ਨੇ ਇੱਕ "ਭਵਿੱਖ ਦਾ ਕਾਰਜਬਲ ਪ੍ਰਸ਼ਾਸਨ" ਬਣਾਉਣ ਦਾ ਪ੍ਰਸਤਾਵ ਰੱਖਿਆ ਜੋ ਬੇਰੁਜ਼ਗਾਰ ਨੌਜਵਾਨ ਅਮਰੀਕੀਆਂ ਨੂੰ ਨੌਕਰੀ 'ਤੇ ਰੱਖੇਗਾ। ਉਸਨੇ ਟੈਕਸ ਕਾਨੂੰਨਾਂ ਵਿੱਚ ਬਦਲਾਅ ਦਾ ਸੁਝਾਅ ਵੀ ਦਿੱਤਾ ਤਾਂ ਜੋ ਕੰਪਨੀਆਂ ਨੂੰ ਮਸ਼ੀਨਾਂ ਦੀ ਬਜਾਏ ਮਨੁੱਖਾਂ ਨੂੰ ਰੁਜ਼ਗਾਰ ਦੇਣ ਲਈ ਵਧੇਰੇ ਪ੍ਰੋਤਸਾਹਨ ਦਿੱਤੇ ਜਾ ਸਕਣ। ਉਹਨਾਂ ਨੇ ਕਈ ਟੈਰਿਫਾਂ ਨੂੰ ਹਟਾਉਣ ਦੀ ਵੀ ਮੰਗ ਕੀਤੀ ਜੋ ਉਹਨਾਂ ਦਾ ਮੰਨਣਾ ਹੈ ਕਿ ਆਰਥਿਕ ਅਸਥਿਰਤਾ ਅਤੇ ਨੌਕਰੀਆਂ ਦੇ ਨੁਕਸਾਨ ਦਾ ਕਾਰਨ ਬਣ ਰਹੀਆਂ ਹਨ।
ਖੰਨਾ ਨੇ ਆਪਣੇ ਪ੍ਰਸਤਾਵ ਦੀ ਤੁਲਨਾ 1930 ਦੇ ਦਹਾਕੇ ਦੇ ਨਿਊ ਡੀਲ ਪ੍ਰੋਗਰਾਮਾਂ ਨਾਲ ਕੀਤੀ। ਉਨ੍ਹਾਂ ਕਿਹਾ ਕਿ ਇਹ ਇੱਕ ਆਧੁਨਿਕ ਪਹਿਲਕਦਮੀ ਸੀ ਜਿਸਦਾ ਉਦੇਸ਼ ਉਨ੍ਹਾਂ ਲੋਕਾਂ ਲਈ ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਕਰਨਾ ਸੀ, ਜਿਨ੍ਹਾਂ ਨੇ ਤਕਨਾਲੋਜੀ ਕਾਰਨ ਆਪਣੀਆਂ ਨੌਕਰੀਆਂ ਗੁਆ ਦਿੱਤੀਆਂ ਹਨ।
ਉਹਨਾਂ ਨੇ ਕਿਹਾ ,"ਸਾਨੂੰ ਉਨ੍ਹਾਂ ਲੋਕਾਂ ਲਈ, ਖਾਸ ਕਰਕੇ ਅਮਰੀਕਾ ਦੇ ਨੌਜਵਾਨਾਂ ਲਈ ਨੌਕਰੀਆਂ ਪੈਦਾ ਕਰਨ ਦੀ ਯੋਜਨਾ ਦੀ ਲੋੜ ਹੈ ਜਿਨ੍ਹਾਂ ਨੇ ਆਪਣੀਆਂ ਨੌਕਰੀਆਂ ਗੁਆ ਦਿੱਤੀਆਂ ਹਨ। "
ਇਹ ਬਿਆਨ ਨੌਕਰੀਆਂ 'ਤੇ AI ਦੇ ਪ੍ਰਭਾਵ ਬਾਰੇ ਵਧਦੀ ਚਿੰਤਾ ਦੇ ਸਮੇਂ ਆਇਆ ਹੈ। ਅਰਥਸ਼ਾਸਤਰੀਆਂ ਦਾ ਮੰਨਣਾ ਹੈ ਕਿ ਆਟੋਮੇਸ਼ਨ 2030 ਤੱਕ ਦੁਨੀਆ ਭਰ ਵਿੱਚ ਲੱਖਾਂ ਨੌਕਰੀਆਂ ਨੂੰ ਖਤਮ ਕਰ ਸਕਦਾ ਹੈ।
ਜਿੱਥੇ ਬਹੁਤ ਸਾਰੇ ਲੋਕ ਖੰਨਾ ਦੇ ਪ੍ਰਸਤਾਵ ਨੂੰ ਇੱਕ ਚੰਗਾ ਅਤੇ ਜ਼ਰੂਰੀ ਕਦਮ ਦੱਸ ਰਹੇ ਹਨ, ਉੱਥੇ ਕੁਝ ਆਲੋਚਕਾਂ ਦਾ ਕਹਿਣਾ ਹੈ ਕਿ ਅਮਰੀਕਾ ਅਤੇ ਚੀਨ ਵਿਚਕਾਰ ਚੱਲ ਰਹੇ ਵਪਾਰਕ ਤਣਾਅ ਦੇ ਵਿਚਕਾਰ ਟੈਰਿਫਾਂ ਨੂੰ ਹਟਾਉਣਾ ਮੁਸ਼ਕਲ ਹੋ ਸਕਦਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login