કામેશ્વર ચૌપાલ / @Google

અયોધ્યા

રામ મંદિરનો અભિષેક સમારોહ 22 જાન્યુઆરી, 2024 ના રોજ સુનિશ્ચિત થયેલ છે. કામેશ્વર ચૌપાલ, જેમણે સર્વસંમતિથી હિંદુઓની તરફેણમાં ટાઇટલ દાવોનો ચુકાદો આપ્યો અને તે પછી રામ મંદિરની પ્રથમ ઇંટ મુકેલી તેમણે ન્યૂ ઈન્ડિયા અબ્રોડ માટે વિનોદ કુમાર શુક્લા સાથે રામ મંદિર ચળવળ સાથેના તેમના જોડાણ અને તેના અન્ય પાસાઓ વિશે વાત કરી.

સવાલ : ભગવાન રામ કામચલાઉ મંદિરથી ભવ્ય મંદિરમાં તેમનું યોગ્ય સ્થાન મેળવવા જઈ રહ્યા છે જે પ્રસંગે પ્રધાનમંત્રી પણ અભિષેક સમારોહમાં હાજરી આપશે. તમારે શું કહેવું છે ?

જવાબ : રામ, કૃષ્ણ અને શંકર એ ભારતનું મૂળ છે અને તે રાષ્ટ્રને એક ઓળખ આપે છે. ભગવાન રામનું શાસન(રામ રાજ્ય) હંમેશા સુશાસનનું માપદંડ રહ્યું છે. તેથી, ભગવાન રામ પછી આવનારી પેઢીઓ માટે, તેમના દ્વારા નિર્ધારિત સુશાસનનો માપદંડ કોઈપણ શાસક માટે હાંસલ કરવા માટેનો આદર્શ સંદર્ભ બિંદુ બની ગયો. આપણો દેશ ભલે બધું ભૂલી ગયો હોય પરંતુ તે ભગવાન રામને ભૂલ્યો નથી અને ક્યારેય ભૂલશે નહીં. ભારતીય સમાજ મંદિરના હેતુ માટે ઉભો થયો અને હવે સમય આવી ગયો છે જ્યારે રામજન્મભૂમિ સ્થળ પર એક ભવ્ય મંદિર બનાવવામાં આવી રહ્યું છે. સત્યને કોઈ ભૂંસી શકતું નથી. તે સત્ય છે અને તે જ આખરે જીતશે. 500 વર્ષોથી, લોકોએ ભગવાન રામના અસ્તિત્વને નકારવાનો પ્રયાસ કર્યો પરંતુ તેઓ નિષ્ફળ ગયા અને હકીકતો, પુરાવા અને તર્ક પર સત્ય જીત્યું અને આજે ભવ્ય રામ મંદિરનું નિર્માણ થઈ રહ્યું છે.

સવાલ : રામ જન્મભૂમિ આંદોલન સાથેના તમારા જોડાણ વિશે અમને કંઈક કહો

 

જવાબ : મારો પરિવાર વૈષ્ણવ છે અને મારો જન્મ મિથિલા પ્રદેશમાં થયો હતો જ્યાં લોકો ભગવાન રામ અને દેવી સીતા સાથે કુદરતી રીતે જોડાયેલા છે. દરેક ઘરમાં મનાવવામાં આવતી દરેક વિધિમાં રામ અને સીતાને યાદ કરવામાં આવે છે. આજે પણ મિથિલાના લોકો સીતાને પોતાની પુત્રી અને રામને જમાઈ માને છે. તેથી, ભગવાન રામમાં મારી શ્રદ્ધા બાળપણથી હતી. હું મારા વિદ્યાર્થી જીવન દરમિયાન આરએસએસ સાથે જોડાયેલો હતો, જ્યારે હું આપણા રાષ્ટ્ર, સંસ્કૃતિ, સભ્યતા, પૂર્વજો અને ભગવાન રામ સહિત તેની પ્રવૃત્તિઓમાં પ્રેરક લોકો વિશે સાંભળતો ત્યારે હંમેશા ઉત્સાહિત થતો. રામ ભારતીય મૂલ્ય પ્રણાલીનો ભાગ રહ્યા છે. રામજન્મભૂમિ ચળવળ 500 વર્ષથી વધુ સમય સુધી ચાલી હતી અને આ માટે ઘણા લોકોએ પોતાના જીવનનું બલિદાન આપ્યું હતું. હું એટલો ભાગ્યશાળી છું કે 1984માં હું પણ આંદોલનમાં જોડાયો અને તેમાં મેં પણ મારુ યોગદાન આપ્યું હતું. 1984 થી આજ સુધી હું આ કાર્ય સાથે જોડાયેલો છું. હું શિલાન્યાસનો પણ ભાગ હતો અને શ્રી રામ જન્મભૂમિ તીર્થ ક્ષેત્ર ટ્રસ્ટના સભ્યોમાંનો પણ એક છું અને મારાથી બને તે રીતે યોગદાન આપી રહ્યો છું. રામજન્મભૂમિને આઝાદ કરવાના ઉદ્દેશ્ય સાથે જોડાયેલા હોવાનો મને ગર્વ છે.

સવાલ : લાખો લોકોની ભાવના ભગવાન રામ સાથે જોડાયેલી હોવા છતાં રામ મંદિર મુદ્દે ખાસ કરીને રાજકારણીઓ દ્વારા નકારાત્મક રાજનીતિ કરવામાં આવી હતી એ વિશે તમારા વિચાર ?

 

જવાબ : રાજનેતાઓ તો છેક આઝાદી પછી  રમતમાં આવ્યા પરંતુ ભગવાન રામના જન્મસ્થળને આઝાદ કરાવવાની લડાઈ શરૂ થઈ ત્યારે ભારત દેશ વિદેશી જુવાળમાંથી મુક્ત થવાની લડાઈ લડી રહ્યો હતો. દેશે એક પછી એક વિદેશી આક્રમણનો સામનો કરવો પડ્યો અને જે લોકો ભારત પર હુમલો કરી રહ્યા હતા તેઓનું માનવું હતું કે માત્ર એક જ ભગવાન છે અને બીજું કંઈ નથી. માત્ર આ માન્યતાને કારણે તેઓ બીજા ભગવાનનું નામ સહન ન કરતા. વાસ્તવમાં, તે લોકો તેમના ધર્મનો પ્રસાર સિદ્ધાંત, સેવા, શિક્ષણ, જ્ઞાન અને મૂલ્ય વ્યવસ્થા દ્વારા નહીં પરંતુ તલવારથી કર્યો હતો. જ્યારે તે ભારત આવ્યા ત્યારે તેઓ સિદ્ધાંત, જ્ઞાન, મૂલ્ય વ્યવસ્થા અને બૌદ્ધિક શક્તિની દ્રષ્ટિએ હિંદુ આસ્થા સાથે વ્યવહાર કરવા માટે પૂરતા સજ્જ ન હતા. તેઓ ચર્ચા કરવામાં અસમર્થ હતા તેથી તેઓએ મંદિરો તોડી, ધાર્મિક પુસ્તકો સળગાવી, વિદ્વાનોને અપમાનિત કરી અને ન્યાયી માર્ગ અપનાવતા લોકો સાથે ક્રૂર વર્તન કરીને અન્યને દબાવવા માટે બળનો ઉપયોગ કર્યો. સેમિટિક ધર્મના લોકો માટે ફક્ત એક જ ભગવાન છે અને તેનામા વિશ્વાસ ન રાખવો એ કુફ્રા (અવિશ્વાસનું કાર્ય) સમાન છે અને તેમના મતે અશ્રદ્ધાળુઓ ને જીવવાનો કોઈ અધિકાર નથી. આવા વિચારો ધરાવતા લોકો બહારથી આવ્યા છે અને તેમાં કોઈ રાજકારણ નથી. રાજકારણ બહુ પાછળથી આવ્યું અને સત્તાનો લોભ ધરાવતા લોકો માટે રાષ્ટ્ર અને ધર્મનું કોઈ મહત્વ નથી. કોંગ્રેસ સિવાયના રાજકીય પક્ષો ભારતમાં 1947 પછી જ ઉભરી આવ્યા હતા. સત્તાની ભૂખે તેમણે રામ મંદિર પર જૂઠાણું ફેલાવીને મત પોતાની તરફ વાળવાનો પ્રયત્ન કર્યો હતો. વાસ્તવમાં, તેમની પાસે કોઈ લાંબા ગાળાનો એજન્ડા નથી કારણ કે રાજકારણ એ પાંચ વર્ષની ગણતરી છે જ્યારે સામાજિક ચિંતકો અને રાજકારણીઓ પેઢીઓથી કામ કરે છે. પેઢીઓ માટે આયોજનનો ખ્યાલ આઝાદી પછી બંધ થઈ ગયો. રાજકારણ અને સત્તા હડપ કરવાની લાલસાનું વર્ચસ્વ હતું, તેથી તેઓએ ભગવાન રામ, કૃષ્ણ અને શંકરના અસ્તિત્વનો ઇનકાર કર્યો. સેમિટિક વિચારધારા ભારતીય રાષ્ટ્ર, સંસ્કૃતિ, સભ્યતા અને મૂલ્ય વ્યવસ્થાને માન્યતા આપતી નથી.

સવાલ : જ્યારે તમને મંદિરની પ્રથમ ઈંટ મૂકવાની તક મળી ત્યારે તમારી પ્રતિક્રિયા શું હતી ? એ વિશે તમારું શું કહેવું છે ?

 

જવાબ : જ્યારે તમને જીવનમાં આવી તક મળે છે, તે તમારા પાછલા જીવનના સારા કાર્યોને કારણે છે. તે તમારા પૂર્વજોના સારા અને પવિત્ર કાર્યોનું અથવા ચોક્કસપણે ભગવાનના આશીર્વાદનું પરિણામ છે. સંતો અને મારી સંસ્થાએ આ ખૂબ જ મહત્વપૂર્ણ કામ માટે મારા જેવા નમ્ર કાર્યકરની પસંદગી કરી તે માટે હું મારી સંસ્થા અને સંતોને નમન કરું છું જેમણે મને આ કાર્ય માટે યોગ્ય પસંદગી તરીકે જોયો.

સવાલ : શું રામજન્મભૂમિ મંદિર ચળવળ તમારા માટે રાજકીય, સાંસ્કૃતિક પુનઃનિર્માણ કે સભ્યતાનો દાવો હતો ?

 

જવાબ : જુઓ છે એવું કે, રામ આ દેશ, સમાજ અને સભ્યતાનો સાર છે. આયોજનબદ્ધ રીતે તેમને ભૂંસી નાખવાનો પ્રયાસ કરવામાં આવ્યો હતો. પરંતુ મને લાગે છે કે પાછલા 1000 વર્ષોના અત્યાચારી શાસકો એ હકીકતથી સ્તબ્ધ હતા કે સમુદાય સત્તામાં ન હોવા છતાં હિન્દુ સમાજ હંમેશા તેના હેતુ માટે ઉભો રહ્યો. હિન્દુ સમાજના આ તત્વને વિવિધ લોકો વિવિધ રીતે વ્યક્ત કરે છે. સ્વામી વિવેકાનંદ પોતાને અમૃતપુત્ર કહેતા હતા જેનું ધ્યાન આપણા સભ્યતાના પ્રવાહને અવિરત રહે તે સુનિશ્ચિત કરવાનું હતું. આપણી સંસ્કૃતિના મુક્ત પ્રવાહનો સ્ત્રોત રામ અને કૃષ્ણ છે. ભગવાન રામનું જીવન હિન્દુ સમાજને સાંસ્કૃતિક રીતે અને સભ્યતાથી જોડે છે, તેથી સમજાયું કે જ્યાં સુધી રામ, કૃષ્ણ અને શિવ છે ત્યાં સુધી સંસ્કૃતિ અને સભ્યતાની એકતા રહેશે. ભગવાન રામે ભારતને ઉત્તરથી દક્ષિણ સુધી જોડ્યું, કૃષ્ણએ પૂર્વથી પશ્ચિમ સુધી તે જ કર્યું જ્યારે શિવ દરેક ખૂણે અને પદાર્થમાં સર્વત્ર છે. આ ત્રણ આદરણીય વ્યક્તિઓ વિના ભારતીય સંસ્કૃતિની કલ્પના કરી શકાતી નથી અને કોઈ તેમના અસ્તિત્વને ભૂંસી શકતું નથી જો કોઈ પ્રયત્ન કરશે તો એ પોતે જ અદૃશ્ય થઈ જશે.

સવાલ : 22 જાન્યુઆરી, 2024ના રોજ સમગ્ર દેશ અને દુનિયાની નજર અયોધ્યા શહેર પર હશે. તમે શ્રી રામ જન્મભૂમિ તીર્થ ક્ષેત્ર ટ્રસ્ટના ટ્રસ્ટીઓમાંથી એક છો, કેવું લાગે છે ?

 

જવાબ : ભગવાન રામને સારા-ખરાબ, સુખ-દુઃખ, ક્ષુદ્રતા અને સમૃદ્ધિમાં હંમેશા યાદ કરવામાં આવે છે અને લોકોની અંતિમ ઈચ્છા હંમેશા તેમના આશીર્વાદની રહી છે. જ્યારે આપણે સંકટમાં હતા અને દેશ સંઘર્ષ કરી રહ્યો હતો ત્યારે પણ ભગવાન રામ અને તેમની ભૂમિમાં લોકોની શ્રદ્ધા અકબંધ હતી. જ્યારે લોકોને યાદ અપાવવામાં આવે છે કે ભારત આપણી માતૃભૂમિ છે અને તે ગુલામીની પીડા સહન કરે છે, ત્યારે માતૃભૂમિના કરોડો પુત્રો આ અનાદર કેવી રીતે સહન કરી શકે માટે તેમણે પોતાના જીવનનું બલિદાન આપીને પણ માતૃભૂમિને બંધનમાંથી મુક્ત કરવાનો સંકલ્પ કર્યો. આ માટેનો મહામંત્ર ભારત માતા કી જય હતો. ભગવાન રામનું કારણ માતૃભૂમિનું કારણ છે, તેથી મને લાગે છે કે હું મારી માતૃભૂમિ માટે કામ કરી રહ્યો છું. આ દેશને ગુલામીમાંથી મુક્ત કરાવવા માટે આપણે પ્રેરણા લીધી છે, તેથી ભગવાન રામ ગાંધીજીના રાષ્ટ્ર નાયક છે, તેથી જ્યારે ભગવાન રામનું ભવ્ય મંદિર બનશે, ત્યારે સમગ્ર વિશ્વ સાથે રાષ્ટ્ર અને તેના લોકો દ્વારા પણ તેનુ સન્માન કરવામાં આવશે. ભારતના લોકો ભગવાન રામના માર્ગ, ચરિત્ર અને કાર્યોનું અનુકરણ કરશે.

સવાલ : ઘણા રાજકારણીઓ અને રાજકીય પક્ષો ક્યારેક તેમના શબ્દો અને કાર્યોથી હિન્દુ સમુદાયની લાગણીઓને ઠેસ પહોંચાડે છે, તમે એમના વિશે શું વિચારો છો ?

 

જવાબ : દેશમાં એવા ઘણા ગુમરાહ થયેલા લોકો છે જે પોતાની ઓળખ વિશે અજાણ છે. તેઓ અજાણ છે કે તેઓ શું છે અને કોણ છે? તેઓ જેની સંગતમાં છે તેનાથી તેઓ પ્રભાવિત છે. તેમને પવિત્ર સરયુ નદી અને પવિત્ર ગંગા નદીમાં વિશે જણાવવું પડશે. તેઓ કોણ છે તેનાથી વાકેફ કરવા માટે તેમને અરીસો બતાવવો પડશે. તેમને કહેવું પડશે કે તેઓ પણ ભગવાન રામના વંશજ છે. તેમને ભગવાન રામના માર્ગ પર ચાલવાનું કહેવું પડશે. તેઓ ભગવાન રામને વાંચતા અને સમજતા નથી પરંતુ માત્ર સાંભળીને ટીકા કરે છે. ભગવાન રામનું આખું જીવન સમાજથી કપાયેલા સામાન્ય લોકો સાથે વિત્યુ હતું. રામે તેમના પ્રત્યે લાગણી દર્શાવીને તેમને એક કર્યા અને તેમનામાં વિશ્વાસ પેદા કર્યો. આ લોકોની મદદથી તે સંત અને સામાન્ય લોકોની પીડા અને દુ:ખ દૂર કરે છે. રામ જંગલવાસી શબરીને માતા તરીકે, જટાયુને પિતા તરીકે અને નમ્ર મૂળના નિષાદરાજને ભાઈ ભરત તરીકે સંબોધે છે. સમાજના કાયદાનો ભંગ કરનાર સુગ્રીવને મદદ કરવા માટે રામ બાલીને મારી નાખે છે અને રાવણને તેના જુલમનો અંત લાવવા માટે મારી નાખે છે. આમા ભગવાન રામ કઈ રીતે સામાજિક ધોરણો વિરુદ્ધ  કંઈ પણ કરે છે. ભારતીય સંસ્કૃતિ, આદરણીય વ્યક્તિઓ, સાહિત્ય અને ગ્રંથો પર હુમલો કરીને તેમને અનાદર અને વિકૃત કરવાનો પ્રયાસ કરવામાં આવ્યો છે. રામાયણ લખનાર સમુદાયની અને વ્યક્તિની ઉપેક્ષા કેવી રીતે થઈ શકે ? ભગવાન રામે વાસ્તવમાં આવી દરેક વસ્તુ કરી છે જે આજે કરવાની જરૂર છે. રામ એ સમાજના માર્ગદર્શક અને શક્તિ છે જેમના આશ્રય હેઠળ દરેક વિકૃતિ દૂર થઈ શકે છે.

સવાલ : રામ મંદિરના નિર્માણ સાથે રામનું કામ પૂર્ણ થયું હવે આગળ શું ?

 

મારા માટે આ અંત નથી, પરંતુ એક શરૂઆત છે. અમે 500 વર્ષ સુધી અપમાન વેઠ્યા પછી રામ મંદિરને પુનઃપ્રાપ્ત કરી શક્યા છીએ અને સદીઓના અપમાનમાંથી મુક્ત થયા છીએ. હવે આપણે પણ રામની જેમ ઝૂંપડીઓની મુલાકાત લેવી પડશે, અલગ લોકો સાથે જોડાવું પડશે અને સમાજમાં સંતુલન સાથે આગળ વધવું પડશે. આપણે ભગવાન રામની જેમ અન્યાયની સામે ઊભા રહેવું પડશે અને સમાજની વિરુદ્ધ એવી દરેક ખરાબી સામે લડવું પડશે જેમ ભગવાન રામ રાવણ સામે લડ્યા હતા. સમાજમાં વિવિધ વિકૃતિઓ છે, આપણે ભગવાન રામને ધ્યાનમાં રાખીને તેનો સામનો કરવો પડશે.