ADVERTISEMENTs
ਭਾਰਤੀ ਮੂਲ ਦੀ ਖੋਜਕਰਤਾ ਨੇ ਕੈਂਸਰ ਸੈੱਲਾਂ ਦੀ ਪਛਾਣ ਲਈ ਨਵਾਂ ਏਆਈ ਟੂਲ ਕੀਤਾ ਵਿਕਸਤ
"AAnet" ਟੂਲ ਕੈਂਸਰ ਦੇ ਇਲਾਜ ਲਈ ਇਕ ਗੇਮ ਚੇਂਜਰ ਹੋ ਸਕਦਾ ਹੈ
-
ਪ੍ਰਨਵੀ ਸ਼ਰਮਾ - Mon, 07, Jul 2025
- 08:21 EDT
- 16
.jpg)
ਸਮੀਤਾ ਕ੍ਰਿਸ਼ਨਾਸਵਾਮੀ / courtesy photo
ਭਾਰਤੀ ਮੂਲ ਦੀ ਖੋਜਕਰਤਾ ਸਮੀਤਾ ਕ੍ਰਿਸ਼ਨਾਸਵਾਮੀ, ਜੋ ਯੇਲ ਯੂਨੀਵਰਸਿਟੀ ਵਿੱਚ ਕੰਪਿਊਟਰ ਸਾਇੰਸ ਅਤੇ ਜੈਨੇਟਿਕਸ ਦੀ ਐਸੋਸੀਏਟ ਪ੍ਰੋਫੈਸਰ ਹਨ, ਉਸ ਨੇ ਇੱਕ ਨਵੇਂ ਏਆਈ ਟੂਲ ਨੂੰ ਵਿਕਸਿਤ ਕਰਨ ਲਈ ਪ੍ਰੋਗਰਾਮ ਦੀ ਅਗਵਾਈ ਕੀਤੀ ਹੈ, ਜੋ ਸਿੰਗਲ ਟਿਊਮਰ ਅੰਦਰ ਵੱਖ-ਵੱਖ ਕਿਸਮ ਦੇ ਕੈਂਸਰ ਸੈੱਲਾਂ ਦੀ ਪਛਾਣ ਕਰ ਸਕਦਾ ਹੈ। ਇਹ ਖੋਜ 24 ਜੂਨ ਨੂੰ ਕੈਂਸਰ ਡਿਸਕਵਰੀ ਜਰਨਲ ਵਿੱਚ ਪ੍ਰਕਾਸ਼ਤ ਹੋਈ ਅਤੇ ਇਸ ਖੋਜ ਨਾਲ ਕੈਂਸਰ ਦੀ ਜਾਂਚ ਅਤੇ ਇਲਾਜ ਵਿੱਚ ਮਹੱਤਵਪੂਰਨ ਤਰੱਕੀ ਹੋਣ ਦੀ ਉਮੀਦ ਹੈ।
ਯੇਲ ਇੰਜੀਨੀਅਰਿੰਗ ਨਾਲ ਗੱਲ ਕਰਦਿਆਂ, ਕ੍ਰਿਸ਼ਨਾਸਵਾਮੀ ਨੇ ਦੱਸਿਆ ਕਿ ਇਸ ਟੂਲ ਦਾ ਨਾਂ "AAnet" ਰੱਖਿਆ ਗਿਆ ਹੈ। ਉਹਨਾਂ ਕਿਹਾ ਕਿ ਸਾਡਾ ਅਧਿਐਨ ਪਹਿਲੀ ਵਾਰੀ ਹੈ ਅਤੇ ਇਹ ਇਕ ਗੇਮ ਚੇਂਜਰ ਹੋ ਸਕਦਾ ਹੈ।
"AAnet" ਨੂੰ ਟ੍ਰਿਪਲ-ਨੇਗੇਟਿਵ ਬਰੇਸਟ ਕੈਂਸਰ ਦੇ ਮਨੁੱਖੀ ਮਾਡਲਾਂ, ਨਾਲ ਹੀ ER-positive ਅਤੇ HER2-positive ਨਮੂਨਿਆਂ ਦੇ ਡਾਟਾ ਉੱਤੇ ਟ੍ਰੇਨ ਕੀਤਾ ਗਿਆ ਸੀ। ਖੋਜਕਰਤਾਵਾਂ ਦੇ ਅਨੁਸਾਰ, ਇਹ ਟੂਲ ਟਿਊਮਰ ਵਿੱਚ ਪੰਜ ਵੱਖਰੇ ਕੈਂਸਰ ਸੈੱਲ ਗਰੁੱਪਾਂ ਦੀ ਪਛਾਣ ਕਰਦਾ ਹੈ, ਜੋ ਹਰੇਕ ਦੀਆਂ ਵੱਖ-ਵੱਖ ਜੀਵ ਵਿਗਿਆਨਕ ਪ੍ਰਕਿਰਿਆਵਾਂ, ਮੈਟਾਸਟੈਸਿਸ (ਸੈੱਲਾਂ ਦੀ ਫੈਲਾਵਟ) ਅਤੇ ਮਾੜੇ ਨਤੀਜਿਆਂ ਨਾਲ ਜੁੜੀਆਂ ਨਿਸ਼ਾਨੀਆਂ ਦਾ ਸੰਕੇਤ ਦਿੰਦੇ ਹਨ।
ਆਸਟ੍ਰੇਲੀਆ ਦੇ ਗਾਰਵਨ ਇੰਸਟੀਚਿਊਟ ਆਫ਼ ਮੈਡੀਕਲ ਰਿਸਰਚ ਦੀ ਸਹਿ-ਸੀਨੀਅਰ ਲੇਖਕ ਅਤੇ ਐਸੋਸੀਏਟ ਪ੍ਰੋਫੈਸਰ, ਕ੍ਰਿਸਟੀਨ ਚੈਫਰ ਨੇ ਕਿਹਾ ਕਿ ਟਿਊਮਰ ਹੈਟਰੋਜੀਨੀਅਟੀ( Tumor heterogeneity ) ਕੈਂਸਰ ਦੇ ਇਲਾਜ ਵਿੱਚ ਇੱਕ ਵੱਡੀ ਚੁਣੌਤੀ ਹੈ।
ਉਨ੍ਹਾਂ ਨੇ ਯੇਲ ਇੰਜੀਨੀਅਰਿੰਗ ਨੂੰ ਦੱਸਿਆ, “ਹੈਟਰੋਜੀਨੀਅਟੀ ਇਕ ਸਮੱਸਿਆ ਹੈ ਕਿਉਂਕਿ ਅਸੀਂ ਇਸ ਸਮੇਂ ਟਿਊਮਰਾਂ ਦਾ ਇੰਝ ਇਲਾਜ ਕਰਦੇ ਹਾਂ ਜਿਵੇਂ ਉਹ ਇੱਕੋ ਤਰ੍ਹਾਂ ਦੇ ਸੈੱਲਾਂ ਨਾਲ ਬਣੇ ਹੋਣ। ਇਸਦਾ ਮਤਲਬ ਹੈ ਕਿ ਅਸੀਂ ਇੱਕ ਅਜਿਹਾ ਇਲਾਜ ਦਿੰਦੇ ਹਾਂ ਜੋ ਇੱਕ ਖਾਸ ਵਿਧੀ ਨੂੰ ਨਿਸ਼ਾਨਾ ਬਣਾ ਕੇ ਟਿਊਮਰ ਦੇ ਜ਼ਿਆਦਾਤਰ ਸੈੱਲਾਂ ਨੂੰ ਮਾਰਦਾ ਹੈ। ਪਰ ਸਾਰੇ ਕੈਂਸਰ ਸੈੱਲ ਉਸ ਵਿਧੀ ਨਾਲ ਖਤਮ ਨਹੀਂ ਹੁੰਦੇ।" ਚੈਫਰ ਨੇ ਇਹ ਵੀ ਦੱਸਿਆ ਕਿ ਸੈੱਲਾਂ ਵਿੱਚ ਇਹ ਵਿਭਿੰਨਤਾ ਇਲਾਜ ਮਗਰੋਂ ਕੈਂਸਰ ਦੇ ਦੁਬਾਰਾ ਹੋਣ ਦਾ ਕਾਰਣ ਬਣਦੀ ਹੈ।
ਉਨ੍ਹਾਂ ਕਿਹਾ, "ਹੁਣ ਤੱਕ ਵਿਗਿਆਨੀ ਸਪੱਸ਼ਟ ਤੌਰ 'ਤੇ ਇਹ ਸਮਝਾਉਣ ਦੇ ਯੋਗ ਨਹੀਂ ਹੋਏ ਹਨ ਕਿ ਇੱਕ ਟਿਊਮਰ ਵਿੱਚ ਸੈੱਲ ਇੱਕ ਦੂਜੇ ਤੋਂ ਕਿਵੇਂ ਵੱਖਰੇ ਹਨ।" "ਪਰ ਇਸ ਟੂਲ ਨਾਲ ਅਸੀਂ ਸਹੀ ਇਲਾਜਾਂ ਰਾਂਹੀ ਟਿਊਮਰ ਦੇ ਸਾਰੇ ਸੈੱਲਾਂ ਨੂੰ ਮਾਰ ਸਕਦੇ ਹਾਂ।"
ਸਮੀਤਾ ਕ੍ਰਿਸ਼ਨਾਸਵਾਮੀ ਨੇ ਇਸ਼ਾਰਾ ਕੀਤਾ ਕਿ ਇਹ ਉਪਲਬਧੀ ਸਿੰਗਲ ਸੈੱਲ ਤਕਨਾਲੋਜੀ ਵਿੱਚ ਹਾਲੀਆ ਤਰੱਕੀਆਂ ਕਰਕੇ ਸੰਭਵ ਹੋਈ। “ਤਕਨਾਲੋਜੀ ਦੇ ਵਿਕਾਸ ਕਾਰਨ ਅਸੀਂ ਜਾਣ ਰਹੇ ਹਾਂ ਕਿ ਸਿਰਫ਼ ਹਰ ਰੋਗੀ ਦਾ ਕੈਂਸਰ ਹੀ ਵੱਖਰਾ ਨਹੀਂ ਹੁੰਦਾ, ਸਗੋਂ ਹਰ ਕੈਂਸਰ ਸੈੱਲ ਵੀ ਇਕ-ਦੂਜੇ ਤੋਂ ਵੱਖਰਾ ਵਿਹਾਰ ਕਰਦਾ ਹੈ।”
ਟੀਮ ਨੂੰ ਉਮੀਦ ਹੈ ਕਿ AAnet ਅਜਿਹੀਆਂ ਇਲਾਜ ਯੋਜਨਾਵਾਂ ਬਣਾਉਣ ਵਿੱਚ ਮਦਦ ਕਰੇਗਾ ਜੋ ਟਿਊਮਰ ਵਿੱਚ ਮੌਜੂਦ ਸਾਰੇ ਮੁੱਖ ਸੈੱਲ ਕਿਸਮਾਂ ਨੂੰ ਨਿਸ਼ਾਨਾ ਬਣਾਉਣ ਵਾਲੀਆਂ ਥੈਰੇਪੀਆਂ (combination therapies) ਨੂੰ ਤਿਆਰ ਕਰਨ ਵਿੱਚ ਮਦਦ ਕਰੇਗਾ।
Related
 (1).jpg)
.jpg)
.jpg)
.jpg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login