ADVERTISEMENT
ADVERTISEMENT
ਅਮਰੀਕੀ ਆਜ਼ਾਦੀ ਦਿਵਸ ਮੌਕੇ ਪ੍ਰਮਿਲਾ ਜੈਪਾਲ ਨੇ ਯਾਦ ਕੀਤਾ ਆਪਣਾ ਨਾਗਰਿਕਤਾ ਸਫ਼ਰ
ਕਿਹਾ- 16 ਸਾਲ ਦੀ ਉਮਰ ਵਿੱਚ ਭਾਰਤ ਤੋਂ ਖਾਲੀ ਹੱਥ ਆਈ ਸੀ, ਅੱਜ ਅਮਰੀਕੀ ਕਾਂਗਰਸ ਦੀ ਮੈਂਬਰ ਹੋਣ 'ਤੇ ਮਾਣ ਹੈ
-
1759953093.png)
ਸਟਾਫ ਪੱਤਰਕਾਰ - Mon, 06, Jul 2026
- 03:40 EDT
- 20
ਪ੍ਰਮਿਲਾ ਜੈਪਾਲ / X/ @RepJayapal
ਅਮਰੀਕੀ ਪ੍ਰਤੀਨਿਧੀ ਸਭਾ ਲਈ ਚੁਣੀ ਜਾਣ ਵਾਲੀ ਪਹਿਲੀ ਭਾਰਤੀ-ਅਮਰੀਕੀ ਮਹਿਲਾ ਪ੍ਰਮਿਲਾ ਜੈਪਾਲ ਨੇ ਅਮਰੀਕੀ ਆਜ਼ਾਦੀ ਦਿਵਸ ਮੌਕੇ ਆਪਣੇ ਪਰਵਾਸੀ ਤੋਂ ਕਾਂਗਰਸ ਮੈਂਬਰ ਬਣਨ ਤੱਕ ਦੇ ਸਫ਼ਰ ਨੂੰ ਯਾਦ ਕੀਤਾ। ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਕੀਤੀ ਪੋਸਟ ਵਿੱਚ ਉਨ੍ਹਾਂ ਲਿਖਿਆ ਕਿ ਉਹ 16 ਸਾਲ ਦੀ ਉਮਰ ਵਿੱਚ ਭਾਰਤ ਤੋਂ ਅਮਰੀਕਾ ਆਈ ਸੀ ਅਤੇ ਉਸ ਵੇਲੇ ਉਨ੍ਹਾਂ ਕੋਲ ਕੁਝ ਵੀ ਨਹੀਂ ਸੀ। ਅੱਜ ਇੱਕ ਅਮਰੀਕੀ ਨਾਗਰਿਕ ਅਤੇ ਕਾਂਗਰਸ ਮੈਂਬਰ ਹੋਣ 'ਤੇ ਉਨ੍ਹਾਂ ਨੂੰ ਮਾਣ ਹੈ।
I came to this country from India at 16 with nothing in my pockets. Now, I am proud to be a U.S. citizen and Member of Congress.
— Rep. Pramila Jayapal (@RepJayapal) July 4, 2026
This 4th of July, we celebrate America – a country that has always been and will always be a land of immigrants.https://t.co/ZF0tdK9F23 pic.twitter.com/yPkql0ZK5p
ਡੈਮੋਕ੍ਰੈਟਿਕ ਪਾਰਟੀ ਨਾਲ ਸੰਬੰਧਤ ਜੈਪਾਲ ਨੇ ਕਿਹਾ ਕਿ ਆਜ਼ਾਦੀ ਦਿਵਸ ਅਮਰੀਕਾ ਨੂੰ ਪਰਵਾਸੀਆਂ ਦੀ ਧਰਤੀ ਵਜੋਂ ਮਨਾਉਣ ਦਾ ਵੀ ਮੌਕਾ ਹੈ। ਸਾਲ 2017 ਤੋਂ ਉਹ ਵਾਸ਼ਿੰਗਟਨ ਰਾਜ ਦੇ 7ਵੇਂ ਕਾਂਗਰੈਸ਼ਨਲ ਜ਼ਿਲ੍ਹੇ ਦੀ ਨੁਮਾਇੰਦਗੀ ਕਰ ਰਹੀ ਹਨ। 1965 ਵਿੱਚ ਚੇਨਈ ਵਿੱਚ ਜਨਮੀ ਜੈਪਾਲ ਭਾਰਤ, ਇੰਡੋਨੇਸ਼ੀਆ ਅਤੇ ਸਿੰਗਾਪੁਰ ਵਿੱਚ ਪਲੀ-ਵਧੀ, ਜਿਸ ਤੋਂ ਬਾਅਦ ਉਹ ਇਕੱਲੀ ਅਮਰੀਕਾ ਚਲੀ ਗਈ।
2017 ਵਿੱਚ ਦ ਨਿਊਯਾਰਕ ਟਾਈਮਜ਼ ਵਿੱਚ ਪ੍ਰਕਾਸ਼ਿਤ ਇੱਕ ਲੇਖ ਵਿੱਚ ਜੈਪਾਲ ਨੇ ਲਿਖਿਆ ਸੀ ਕਿ ਵਿਆਹ ਰਾਹੀਂ ਗ੍ਰੀਨ ਕਾਰਡ ਮਿਲਣ ਤੋਂ ਪਹਿਲਾਂ ਉਨ੍ਹਾਂ ਨੇ ਇੱਕ ਦਹਾਕੇ ਤੋਂ ਵੱਧ ਸਮਾਂ ਸਟੂਡੈਂਟ ਅਤੇ ਵਰਕ ਵੀਜ਼ੇ 'ਤੇ ਅਮਰੀਕਾ ਵਿੱਚ ਬਿਤਾਇਆ। ਉਨ੍ਹਾਂ ਦੱਸਿਆ ਕਿ ਸਮੇਂ ਤੋਂ ਪਹਿਲਾਂ ਜਨਮੇ ਆਪਣੇ ਪੁੱਤਰ ਨਾਲ ਜੁੜੀ ਇੱਕ ਮੈਡੀਕਲ ਐਮਰਜੈਂਸੀ ਦੌਰਾਨ ਸਥਾਈ ਨਿਵਾਸੀ ਦਰਜੇ ਨੂੰ ਲੈ ਕੇ ਪੈਦਾ ਹੋਈਆਂ ਚਿੰਤਾਵਾਂ ਤੋਂ ਬਾਅਦ ਉਨ੍ਹਾਂ ਨੇ ਅਮਰੀਕੀ ਨਾਗਰਿਕ ਬਣਨ ਦਾ ਫ਼ੈਸਲਾ ਕੀਤਾ।
ਸਾਲ 2000 ਵਿੱਚ ਸਿਆਟਲ ਵਿੱਚ ਹੋਏ ਨਾਗਰਿਕਤਾ ਸਮਾਗਮ ਨੂੰ ਯਾਦ ਕਰਦਿਆਂ ਜੈਪਾਲ ਨੇ ਕਿਹਾ ਕਿ ਨਾਗਰਿਕਤਾ ਦੀ ਸਹੁੰ ਚੁੱਕਦੇ ਸਮੇਂ ਉਹ ਆਪਣੇ ਜਨਮ ਦੇਸ਼ ਭਾਰਤ ਪ੍ਰਤੀ ਆਪਣੀ ਨਾਗਰਿਕ ਨਿਸ਼ਠਾ ਛੱਡਣ ਬਾਰੇ ਸੋਚ ਰਹੀ ਸੀ, ਜਿੱਥੇ ਉਹ 35 ਸਾਲਾਂ ਤੱਕ ਨਾਗਰਿਕ ਰਹੀ।
ਰਾਜਨੀਤੀ ਵਿੱਚ ਆਉਣ ਤੋਂ ਪਹਿਲਾਂ ਪ੍ਰਮਿਲਾ ਜੈਪਾਲ ਨੇ ਗਲੋਬਲ ਹੈਲਥ ਅਤੇ ਵਿਕਾਸ ਦੇ ਖੇਤਰ ਵਿੱਚ ਕੰਮ ਕੀਤਾ ਅਤੇ ਬਾਅਦ ਵਿੱਚ ਪਰਵਾਸੀਆਂ ਦੇ ਅਧਿਕਾਰਾਂ ਲਈ ਕੰਮ ਕਰਨ ਵਾਲੀ ਸੰਸਥਾ ਵਨਅਮੈਰਿਕਾ (OneAmerica) ਦੀ ਸਥਾਪਨਾ ਕੀਤੀ। 2016 ਵਿੱਚ ਉਹ ਕਾਂਗਰਸ ਲਈ ਚੁਣੀ ਗਈ ਅਤੇ ਵਾਸ਼ਿੰਗਟਨ ਰਾਜ ਦੀ ਨੁਮਾਇੰਦਗੀ ਕਰਨ ਵਾਲੀ ਪਹਿਲੀ ਏਸ਼ੀਆਈ-ਅਮਰੀਕੀ ਕਾਂਗਰਸ ਮੈਂਬਰ ਬਣੀ। ਉਹ 2026 ਦੀਆਂ ਚੋਣਾਂ ਵਿੱਚ ਇੱਕ ਵਾਰ ਫਿਰ ਆਪਣੀ ਸੀਟ ਬਰਕਰਾਰ ਰੱਖਣ ਲਈ ਮੈਦਾਨ ਵਿੱਚ ਉਤਰ ਰਹੀ ਹੈ।
Leave A Comment
Related
.JPG)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login