ADVERTISEMENT
ADVERTISEMENT
ਕ੍ਰਿਸ਼ਨਮੂਰਤੀ ਨੇ ਐਕਟਿੰਗ ਡੀਐਨਆਈ ਵਜੋਂ ਬਿਲ ਪੁਲਟੇ ਦੀ ਨਿਯੁਕਤੀ ਦਾ ਕੀਤਾ ਵਿਰੋਧ
ਕਿਹਾ, "ਐਕਟਿੰਗ ਡੀਐਨਆਈ ਅਹੁਦੇ ਲਈ ਤਜਰਬੇਕਾਰ ਖੁਫੀਆ ਅਗਵਾਈ ਦੀ ਲੋੜ ਹੈ"
-
ਮਾਲਵਿਕਾ ਚੌਧਰੀ - Wed, 03, Jun 2026
- 04:53 EDT
- 18
ਰਾਜਾ ਕ੍ਰਿਸ਼ਨਮੂਰਤੀ/ਬਿੱਲ ਪੁਲਟੇ / ਰਾਇਟਰਜ਼
ਅਮਰੀਕੀ ਕਾਂਗਰਸ ਮੈਂਬਰ ਰਾਜਾ ਕ੍ਰਿਸ਼ਨਮੂਰਤੀ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਬਿਲ ਪੁਲਟੇ ਨੂੰ ਕਾਰਜਕਾਰੀ ਡਾਇਰੈਕਟਰ ਆਫ਼ ਨੈਸ਼ਨਲ ਇੰਟੈਲੀਜੈਂਸ (DNI) ਨਿਯੁਕਤ ਕਰਨ ਦੇ ਫ਼ੈਸਲੇ ਦੀ ਆਲੋਚਨਾ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਨਿਯੁਕਤੀ ਸਿਆਸੀ ਵਫ਼ਾਦਾਰੀ ਨੂੰ ਰਾਸ਼ਟਰੀ ਸੁਰੱਖਿਆ ਤੋਂ ਉੱਪਰ ਰੱਖਣ ਵਾਲਾ ਕਦਮ ਹੈ।
ਹਾਊਸ ਪਰਮਾਨੈਂਟ ਸਿਲੈਕਟ ਕਮੇਟੀ ਆਨ ਇੰਟੈਲੀਜੈਂਸ ਦੇ ਸੀਨੀਅਰ ਮੈਂਬਰ ਕ੍ਰਿਸ਼ਨਮੂਰਤੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਬਿਲ ਪੁਲਟੇ ਕੋਲ ਰਾਸ਼ਟਰੀ ਸੁਰੱਖਿਆ ਜਾਂ ਖੁਫੀਆ ਮਾਮਲਿਆਂ ਦਾ ਉਹ ਤਜਰਬਾ ਨਹੀਂ ਹੈ, ਜੋ ਆਮ ਤੌਰ ’ਤੇ ਦੇਸ਼ ਦੇ ਸਭ ਤੋਂ ਉੱਚੇ ਖੁਫੀਆ ਅਹੁਦੇ ਲਈ ਲੋੜੀਂਦਾ ਮੰਨਿਆ ਜਾਂਦਾ ਹੈ।
ਉਨ੍ਹਾਂ ਕਿਹਾ, “ਅਜਿਹੇ ਸਮੇਂ ਜਦੋਂ ਦੁਨੀਆ ਭਰ ਵਿੱਚ ਸੁਰੱਖਿਆ ਖ਼ਤਰੇ ਵੱਧ ਰਹੇ ਹਨ, ਅਮਰੀਕਾ ਨੂੰ ਤਜਰਬੇਕਾਰ ਖੁਫੀਆ ਅਗਵਾਈ ਦੀ ਲੋੜ ਹੈ, ਨਾ ਕਿ ਸਿਆਸੀ ਵਫ਼ਾਦਾਰੀ ਦੇ ਆਧਾਰ ’ਤੇ ਕੀਤੀਆਂ ਨਿਯੁਕਤੀਆਂ ਦੀ।”
ਕ੍ਰਿਸ਼ਨਮੂਰਤੀ ਨੇ ਪੁਲਟੇ ਦੇ ਸਰਕਾਰੀ ਕਾਰਜਕਾਲ ਦੀ ਵੀ ਆਲੋਚਨਾ ਕਰਦਿਆਂ ਦੋਸ਼ ਲਾਇਆ ਕਿ ਉਨ੍ਹਾਂ ਦੀ ਅਗਵਾਈ ਹੇਠ ਕੀਤੀਆਂ ਕੁਝ ਜਾਂਚਾਂ ਰਾਸ਼ਟਰਪਤੀ ਦੇ ਸਿਆਸੀ ਵਿਰੋਧੀਆਂ ਨੂੰ ਨਿਸ਼ਾਨਾ ਬਣਾਉਣ ਨਾਲ ਸਬੰਧਤ ਸਨ ਅਤੇ ਕਾਨੂੰਨੀ ਪੜਤਾਲ ਵਿੱਚ ਸਹੀ ਸਾਬਤ ਨਹੀਂ ਹੋ ਸਕੀਆਂ।
ਉਨ੍ਹਾਂ ਕਿਹਾ ਕਿ ਅਮਰੀਕਾ ਨੂੰ ਅਜਿਹੀ ਖੁਫੀਆ ਅਗਵਾਈ ਦੀ ਲੋੜ ਹੈ ਜੋ ਦੇਸ਼ ਦੀ ਸੁਰੱਖਿਆ ’ਤੇ ਧਿਆਨ ਦੇਵੇ, ਨਾ ਕਿ ਸਿਆਸੀ ਬਦਲੇ ਦੀ ਭਾਵਨਾ ਨਾਲ ਕੰਮ ਕਰੇ।
ਰਾਸ਼ਟਰਪਤੀ ਟਰੰਪ ਨੇ 2 ਜੂਨ ਨੂੰ ਬਿਲ ਪੁਲਟੇ ਦੀ ਨਿਯੁਕਤੀ ਦਾ ਐਲਾਨ ਕੀਤਾ ਸੀ। ਪੁਲਟੇ ਇਸ ਸਮੇਂ ਫੈਡਰਲ ਹਾਊਸਿੰਗ ਫਾਇਨੈਂਸ ਏਜੰਸੀ (FHFA) ਦੇ ਡਾਇਰੈਕਟਰ ਹਨ ਅਤੇ ਤੁਲਸੀ ਗੈਬਾਰਡ ਦੇ ਅਸਤੀਫ਼ੇ ਤੋਂ ਬਾਅਦ ਉਨ੍ਹਾਂ ਨੂੰ ਅਸਥਾਈ ਤੌਰ ’ਤੇ ਅਮਰੀਕੀ ਖੁਫੀਆ ਕਮਿਊਨਿਟੀ ਦੀ ਅਗਵਾਈ ਸੌਂਪੀ ਗਈ ਹੈ। ਉਹ FHFA ਦੀ ਜ਼ਿੰਮੇਵਾਰੀ ਦੇ ਨਾਲ-ਨਾਲ ਕਾਰਜਕਾਰੀ ਡੀਐਨਆਈ ਵਜੋਂ ਵੀ ਕੰਮ ਕਰਨਗੇ।
ਪੁਲਟੇ ਦੀ ਨਿਯੁਕਤੀ ਇਸ ਲਈ ਵੀ ਚਰਚਾ ਵਿੱਚ ਹੈ ਕਿਉਂਕਿ ਉਨ੍ਹਾਂ ਦਾ ਪਿਛੋਕੜ ਮੁੱਖ ਤੌਰ ’ਤੇ ਹਾਊਸਿੰਗ ਫਾਇਨੈਂਸ ਅਤੇ ਕਾਰੋਬਾਰ ਨਾਲ ਜੁੜਿਆ ਹੋਇਆ ਹੈ, ਜਦਕਿ ਖੁਫੀਆ ਜਾਂ ਰਾਸ਼ਟਰੀ ਸੁਰੱਖਿਆ ਖੇਤਰ ਵਿੱਚ ਉਨ੍ਹਾਂ ਕੋਲ ਸਿੱਧਾ ਤਜਰਬਾ ਨਹੀਂ ਹੈ।
ਰਿਪੋਰਟਾਂ ਅਨੁਸਾਰ ਪੁਲਟੇ ਸੈਨੇਟ ਦੀ ਪੁਸ਼ਟੀ ਤੋਂ ਬਿਨਾਂ 210 ਦਿਨਾਂ ਤੱਕ ਕਾਰਜਕਾਰੀ ਡੀਐਨਆਈ ਵਜੋਂ ਸੇਵਾ ਨਿਭਾ ਸਕਣਗੇ। ਉਨ੍ਹਾਂ ਦੀ ਨਿਯੁਕਤੀ ਅਜਿਹੇ ਸਮੇਂ ਹੋਈ ਹੈ ਜਦੋਂ ਅਮਰੀਕਾ ਨੂੰ ਅੰਤਰਰਾਸ਼ਟਰੀ ਤਣਾਅ ਅਤੇ ਖੁਫੀਆ ਪ੍ਰਣਾਲੀ ਨਾਲ ਜੁੜੀਆਂ ਕਈ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਡਾਇਰੈਕਟਰ ਆਫ਼ ਨੈਸ਼ਨਲ ਇੰਟੈਲੀਜੈਂਸ ਅਮਰੀਕਾ ਦੀਆਂ 18 ਖੁਫੀਆ ਏਜੰਸੀਆਂ ਦੇ ਕੰਮ ਦਾ ਤਾਲਮੇਲ ਕਰਦਾ ਹੈ ਅਤੇ ਰਾਸ਼ਟਰੀ ਸੁਰੱਖਿਆ ਮਾਮਲਿਆਂ ਵਿੱਚ ਰਾਸ਼ਟਰਪਤੀ ਦਾ ਮੁੱਖ ਖੁਫੀਆ ਸਲਾਹਕਾਰ ਹੁੰਦਾ ਹੈ।
Related
.png)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login