ADVERTISEMENTs
ਪੱਤਰਕਾਰਾਂ ਨੇ ਰਾਸ਼ਟਰਪਤੀ ਟਰੰਪ ਨਾਲ ਕੀਤੀ ਮੁਲਾਕਾਤ, ਐਂਟੀਫਾ ਹਿੰਸਾ ਨੂੰ ਲੈਕੇ ਜਤਾਈ ਚਿੰਤਾ
ਉਨ੍ਹਾਂ ਰਾਸ਼ਟਰਪਤੀ ਨੂੰ ਦੱਸਿਆ ਕਿ ਐਂਟੀਫਾ ਕਾਰਕੁਨਾਂ ਵੱਲੋਂ ਉਨ੍ਹਾਂ ’ਤੇ ਹਮਲੇ ਕੀਤੇ ਗਏ ਅਤੇ ਉਨ੍ਹਾਂ ਨੂੰ ਧਮਕਾਇਆ ਗਿਆ
-
ਲਲਿਤ ਕੇ ਝਾਅ (5WH) - Thu, 09, Oct 2025
- 08:38 EDT
- 6
ਰਾਸ਼ਟਰਪਤੀ ਡੋਨਾਲਡ ਟਰੰਪ / Instagram/@realdonaldtrump
ਆਜ਼ਾਦ ਪੱਤਰਕਾਰਾਂ ਅਤੇ ਟਿੱਪਣੀਕਾਰਾਂ ਨੇ ਬੁੱਧਵਾਰ ਨੂੰ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਦੱਸਿਆ ਕਿ ਉਨ੍ਹਾਂ ’ਤੇ ਐਂਟੀਫਾ ਕਾਰਕੁਨਾਂ ਵੱਲੋਂ ਹਮਲੇ ਕੀਤੇ ਗਏ, ਉਨ੍ਹਾਂ ਨੂੰ ਧਮਕਾਇਆ ਗਿਆ ਅਤੇ ਚੁੱਪ ਕਰਾਇਆ ਗਿਆ ਹੈ। ਉਨ੍ਹਾਂ ਨੇ ਮੁੱਖ ਧਾਰਾ ਮੀਡੀਆ ਅਤੇ ਸਥਾਨਕ ਅਧਿਕਾਰੀਆਂ ’ਤੇ ਖੱਬੇ ਪੱਖੀ ਹਿੰਸਾ ਦੀ ਸਾਲਾਂ-ਬੱਧੀ ਮੁਹਿੰਮ ਨੂੰ ਨਜ਼ਰਅੰਦਾਜ਼ ਕਰਨ ਦੇ ਦੋਸ਼ ਵੀ ਲਗਾਏ।
ਟਰੰਪ ਦੇ ਐਂਟੀਫ਼ਾ 'ਤੇ ਦੇਸ਼-ਵਿਆਪੀ ਕਾਰਵਾਈ ਦੇ ਐਲਾਨ ਤੋਂ ਬਾਅਦ ਵਾਈਟ ਹਾਊਸ 'ਚ ਬੁਲਾਈ ਗਈ ਇੱਕ ਗੋਲਮੇਜ਼ ਕਾਨਫਰੰਸ ਵਿੱਚ ਪੱਤਰਕਾਰਾਂ ਅਤੇ ਆਨਲਾਈਨ ਪ੍ਰਸਾਰਕਾਂ ਦੇ ਇੱਕ ਸਮੂਹ ਨੇ ਉਨ੍ਹਾਂ ਹਮਲਿਆਂ ਦਾ ਵਰਣਨ ਕੀਤਾ ਜੋ ਉਨ੍ਹਾਂ ਦੇ ਕਹਿਣ ਮੁਤਾਬਕ ਪੋਰਟਲੈਂਡ, ਸੀਐਟਲ ਅਤੇ ਹੋਰ ਅਮਰੀਕੀ ਸ਼ਹਿਰਾਂ ਵਿੱਚ ਪ੍ਰਦਰਸ਼ਨਾਂ ਦੀ ਰਿਪੋਰਟਿੰਗ ਦੌਰਾਨ ਹੋਏ।
ਐਂਡੀ ਨਗੋ, ਜੋ ਐਂਟੀਫ਼ਾ ਦੀਆਂ ਗਲੀਆਂ ਦੀਆਂ ਕਾਰਵਾਈਆਂ ਨੂੰ ਦਸਤਾਵੇਜ਼ੀ ਰੂਪ ਦੇ ਕੇ ਪ੍ਰਸਿੱਧੀ 'ਚ ਆਏ ਸਨ, ਨੇ 2019 ਵਿੱਚ “ਇੱਕ ਮਾਲ ਵਿਚ ਹੋਏ ਹਮਲੇ” ਨੂੰ ਯਾਦ ਕੀਤਾ ਜਿਸ ਕਾਰਨ ਉਨ੍ਹਾਂ ਨੂੰ ਬ੍ਰੇਨ ਹੈਮਰੇਜ ਹੋ ਗਿਆ ਸੀ। ਉਨ੍ਹਾਂ ਨੇ ਟਰੰਪ ਨੂੰ ਕਿਹਾ, "ਕਿਉਂਕਿ ਮੈਂ ਉਸ ਹਮਲੇ ਵਿੱਚ ਨਹੀਂ ਮਰਿਆ, ਤਾਂ ਲੋਕਾਂ ਦਾ ਇਕ ਹੋਰ ਸਮੂਹ ਮੇਰੇ ਪਿੱਛੇ ਪੈ ਗਿਆ।” ਨਗੋ ਨੇ ਸਰਕਾਰ ਨੂੰ ਬੇਨਤੀ ਕੀਤੀ ਕਿ ਐਂਟੀਫਾ ਦੇ ਅੰਤਰਰਾਸ਼ਟਰੀ ਨੈੱਟਵਰਕਾਂ ਨੂੰ ਵਿਦੇਸ਼ੀ ਅੱਤਵਾਦੀ ਸੰਗਠਨ ਘੋਸ਼ਿਤ ਕੀਤਾ ਜਾਵੇ ਅਤੇ ਕੇਂਦਰੀ ਸਾਜ਼ਿਸ਼ ਦੇ ਮਾਮਲੇ ਦਰਜ ਕੀਤੇ ਜਾਣ।
ਸੀਐਟਲ ਦੀ ਹੋਰ ਪੱਤਰਕਾਰ ਕੇਟੀ ਡੇਵਿਸਕੋਰਟ ਕਾਲੀ ਅੱਖ ਅਤੇ ਸੱਟ ਲੱਗੇ ਮੱਥੇ ਨਾਲ ਮੌਜੂਦ ਸੀ। ਉਹਨਾਂ ਦੱਸਿਆ ਕਿ ਪੋਰਟਲੈਂਡ ਦੀ ICE ਸਹੂਲਤ ਬਾਹਰ ਫਿਲਮਿੰਗ ਕਰਦੇ ਸਮੇਂ “ਧਾਤ ਦੇ ਡੰਡੇ ਨਾਲ ਉਸ ਦੇ ਮੂੰਹ ’ਤੇ ਜ਼ੋਰ ਨਾਲ ਮਾਰਿਆ ਗਿਆ।” ਉਸ ਨੇ ਦਾਅਵਾ ਕੀਤਾ ਕਿ ਪੁਲਿਸ ਨੇ ਦੋਸ਼ੀ ਨੂੰ ਨਹੀਂ ਫੜਿਆ। “ਇਹ ਸੰਯੁਕਤ ਰਾਜ ’ਤੇ ਲਗਾਤਾਰ ਹਮਲੇ ਤੋਂ ਘੱਟ ਨਹੀਂ,” ਉਹਨਾਂ ਕਿਹਾ।
ਨਿਕ ਸੋਰਟਰ, ਜਿਸ ਨੂੰ ਝੰਡਾ ਸਾੜਨ ਵਾਲੇ ਵਿਰੋਧ ਪ੍ਰਦਰਸ਼ਨ ਦੌਰਾਨ ਝਗੜੇ ਤੋਂ ਬਾਅਦ ਥੋੜ੍ਹੇ ਸਮੇਂ ਲਈ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਨੇ ਕਿਹਾ, “ਮੈਨੂੰ ਕਦੇ ਉਮੀਦ ਨਹੀਂ ਸੀ ਕਿ ਹਮਲੇ ਦਾ ਸ਼ਿਕਾਰ ਹੋਣ ਤੋਂ ਬਾਅਦ ਮੈਨੂੰ ਹੀ ਗ੍ਰਿਫ਼ਤਾਰ ਕੀਤਾ ਜਾਵੇਗਾ।" ਉਸ ਨੇ ਪੋਰਟਲੈਂਡ ਦੇ ਮੇਅਰ ਅਤੇ ਗਵਰਨਰ ’ਤੇ “ਪੇਡੋਫ਼ਾਈਲਾਂ ਅਤੇ ਅੱਤਵਾਦੀਆਂ ਦੀ ਰੱਖਿਆ ਕਰਨ” ਦੇ ਦੋਸ਼ ਲਗਾਏ।
ਸਾਬਕਾ ਸੀਐਟਲ ਟੀਵੀ ਰਿਪੋਰਟਰ ਬ੍ਰੈਂਡੀ ਕ੍ਰਿਊਜ਼ ਨੇ ਕਿਹਾ ਕਿ ਇੱਕ ਸਮੇਂ ਉਹ “ਟਰੰਪ ਡੀਰੇਂਜਮੈਂਟ ਸਿੰਡਰੋਮ” ਤੋਂ ਸ਼ਿਕਾਰ ਸੀ ਪਰ ਹਿੰਸਾ ਨੂੰ ਆਪਣੀਆਂ ਅੱਖਾਂ ਨਾਲ ਦੇਖਣ ਤੋਂ ਬਾਅਦ ਉਸਨੇ ਆਪਣਾ ਨਜ਼ਰੀਆ ਬਦਲ ਲਿਆ। ਉਹਨਾਂ ਨੇ ਟਰੰਪ ਨੂੰ ਕਿਹਾ, “ਜੇ ਤੁਸੀਂ ਐਂਟੀਫਾ ਨੂੰ ਅੱਤਵਾਦੀ ਸੰਗਠਨ ਨਹੀਂ ਕਹਿੰਦੇ, ਤਾਂ ਅੱਜ ਸਾਡੇ ਵਿੱਚੋਂ ਕੁਝ ਜਿਊਂਦੇ ਨਾ ਹੁੰਦੇ।"
ਹੋਰ ਪੱਤਰਕਾਰਾਂ ਨੇ ਵੀ ਇਸ ਤਰ੍ਹਾਂ ਦੀਆਂ ਨਾਰਾਜ਼ਗੀਆਂ ਜ਼ਾਹਿਰ ਕੀਤੀਆਂ। ਸਵੰਨਾ ਹਰਨੈਂਡਜ਼, ਟਰਨਿੰਗ ਪੌਇੰਟ ਯੂਐਸਏ ਦੀ ਪੱਤਰਕਾਰ, ਰੋ ਪਈ ਜਦੋਂ ਉਸ ਨੇ ਦੱਸਿਆ ਕਿ 2020 ਵਿੱਚ ਉਸ ਦੀ ਵਾਸ਼ਿੰਗਟਨ ਡੀ.ਸੀ. ਦੀ ਫੁਟੇਜ ਟਰੰਪ ਵੱਲੋਂ ਰੀਟਵੀਟ ਕੀਤੀ ਗਈ ਸੀ ਪਰ ਫਿਰ ਟਵਿੱਟਰ ਤੋਂ ਹਟਾ ਦਿੱਤੀ ਗਈ। ਉਸ ਨੇ ਕਿਹਾ, “ਅਸੀਂ ਲਗਭਗ ਦੱਸ ਸਾਲਾਂ ਤੋਂ ਗਲੀਆਂ ’ਚ ਹਮਲਿਆਂ ਦਾ ਸਾਹਮਣਾ ਕਰ ਰਹੇ ਹਾਂ। ਇਹ ਸਾਡੀ ਰਾਜਧਾਨੀ ਵਿੱਚ ਨਹੀਂ ਹੋਣਾ ਚਾਹੀਦਾ।”
ਟਰੰਪ ਨੇ ਲਗਭਗ ਦੋ ਘੰਟੇ ਤੱਕ ਉਨ੍ਹਾਂ ਦੀਆਂ ਗੱਲਾਂ ਸੁਣੀਆਂ ਅਤੇ ਕਿਹਾ ਕਿ ਉਨ੍ਹਾਂ ਦੇ ਬਿਆਨ “ਅਵਿਸ਼ਵਾਸ਼ਯੋਗ” ਹਨ। ਉਹਨਾਂ ਨੇ ਐਲਾਨ ਕੀਤਾ ਕਿ ਸੰਘੀ ਏਜੰਸੀਆਂ ਪ੍ਰਦਰਸ਼ਨ ਕਵਰੇਜ ਕਰਦੇ ਪੱਤਰਕਾਰਾਂ ਦੀ ਸੁਰੱਖਿਆ ਵਧਾਉਣਗੀਆਂ। ਟਰੰਪ ਨੇ ਐਂਟੀਫਾ ਦੇ “ਫੰਡਰਾਂ ਅਤੇ ਸਮਰਥਕਾਂ” ਦੀ ਜਾਂਚ ਕਰਨ ਦੇ ਹੁਕਮ ਦਿੱਤੇ।
ਕਈ ਬੁਲਾਰਿਆਂ ਨੇ ਐਂਟੀਫ਼ਾ ਦੀ ਫੰਡਿੰਗ ਨੂੰ ਗੈਰ-ਲਾਭਕਾਰੀ ਸੰਸਥਾਵਾਂ ਅਤੇ ਸਿਆਸੀ ਦਾਨੀਆਂ ਨਾਲ ਜੋੜਿਆ। ਲੇਖਕ ਸੀਮਸ ਬਰੂਨਰ ਨੇ ਕਿਹਾ ਕਿ “ਐਨ.ਜੀ.ਓਜ਼ ਅਤੇ ਅਰਬਪਤੀਆਂ” ਦੇ ਇੱਕ ਨੈੱਟਵਰਕ ਨੇ “ਰਾਇਟ ਇੰਕ.” ਵਿੱਚ 100 ਮਿਲੀਅਨ ਡਾਲਰ ਤੋਂ ਵੱਧ ਦੀ ਰਕਮ ਪਾਈ ਹੈ। ਟਰੰਪ ਨੇ ਉਸ ਨੂੰ ਕਿਹਾ ਕਿ "ਇਹ ਨਾਮ ਕੇਂਦਰੀ ਜਾਂਚ ਏਜੰਸੀਆਂ ਨੂੰ ਦੇਵੇ। ਜੋ ਲੋਕ ਉਨ੍ਹਾਂ ਨੂੰ ਫੰਡ ਕਰਦੇ ਹਨ, ਉਹ ਵੱਡੀ ਮੁਸੀਬਤ ਵਿੱਚ ਹਨ।"
Related
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
Video
Comments
Start the conversation
Become a member of New India Abroad to start commenting.
Sign Up Now
Already have an account? Login