ADVERTISEMENT
ADVERTISEMENT
ਭਾਰਤੀ ਮੂਲ ਦੀ ਸ਼ੈੱਫ ਆਰਤੀ ਸੰਪਤ ਨੇ ਮੈਨਹਟਨ ਵਿੱਚ ਖੋਲ੍ਹਿਆ ਨਵਾਂ ਰੈਸਟੋਰੈਂਟ
ਇਸ ਰੈਸਟੋਰੈਂਟ ਵਿਚ ਦੱਖਣੀ ਏਸ਼ੀਆਈ ਪਕਵਾਨਾਂ ਦੀ ਝਲਕ ਦੇਖਣ ਨੂੰ ਮਿਲੇਗੀ
-
ਮਾਲਵਿਕਾ ਚੌਧਰੀ - Fri, 22, May 2026
- 12:10 EDT
- 14
ਦ੍ਰਾਵਿੜਾ / dravidanyc.com
ਭਾਰਤੀ ਮੂਲ ਦੀ ਮਸ਼ਹੂਰ ਸ਼ੈੱਫ ਆਰਤੀ ਸੰਪਤ ਨੇ ਮੈਨਹਟਨ ਦੇ ਈਸਟ ਵਿਲੇਜ ਵਿੱਚ 'ਦ੍ਰਾਵਿੜਾ' (Drāvida) ਨਾਮਕ ਇੱਕ ਨਵਾਂ ਰੈਸਟੋਰੈਂਟ ਸ਼ੁਰੂ ਕੀਤਾ ਹੈ, ਜੋ ਦੱਖਣੀ ਏਸ਼ੀਆਈ ਪਕਵਾਨਾਂ ਦੀਆਂ ਪਰੰਪਰਾਵਾਂ ਨੂੰ ਦਰਸਾਉਂਦਾ ਹੈ। ਇਹ ਰੈਸਟੋਰੈਂਟ 20 ਮਈ ਨੂੰ ਖੋਲ੍ਹਿਆ ਗਿਆ ਹੈ ਅਤੇ ਇੱਥੇ ਭਾਰਤ, ਸ੍ਰੀਲੰਕਾ, ਪਾਕਿਸਤਾਨ, ਨੇਪਾਲ, ਤ੍ਰਿਨੀਦਾਦ, ਗੁਆਨਾ, ਦੱਖਣੀ ਅਫਰੀਕਾ ਅਤੇ ਦੱਖਣੀ-ਪੂਰਬੀ ਏਸ਼ੀਆ ਦੇ ਪਕਵਾਨਾਂ ਤੋਂ ਪ੍ਰੇਰਿਤ ਭੋਜਨ ਪਰੋਸਿਆ ਜਾਂਦਾ ਹੈ। ਰੈਸਟੋਰੈਂਟ ਦੇ ਮੇਨੂ (ਪਕਵਾਨਾਂ ਦੀ ਸੂਚੀ) ਵਿੱਚ ਤ੍ਰਿਨੀਦਾਦੀਅਨ ਡਬਲਜ਼, ਦੱਖਣੀ ਅਫ਼ਰੀਕੀ ਆਕਸਟੇਲ ਬਨੀ ਚਾਓ , ਇੰਡੋਨੇਸ਼ੀਆਈ ਅਤੇ ਦੱਖਣ ਭਾਰਤੀ ਸੁਆਦਾਂ ਤੋਂ ਪ੍ਰੇਰਿਤ 'ਇਡਲੀ ਅਤੇ ਸ਼੍ਰਿੰਪ' ਅਤੇ ਇੰਡੋ-ਮਲੇਈ ਨਾਸੀ ਕਾਂਦਾਰ ਵਰਗੇ ਪਕਵਾਨ ਸ਼ਾਮਲ ਹਨ।
ਇੱਕ ਮਸ਼ਹੂਰ ਸ਼ੈੱਫ ਅਤੇ ਟੈਲੀਵਿਜ਼ਨ ਸ਼ਖਸੀਅਤ ਆਰਤੀ ਸੰਪਤ ਦੀ ਅਗਵਾਈ ਵਿੱਚ, 'ਦ੍ਰਾਵਿੜਾ' ਦਾ ਉਦੇਸ਼ ਉਨ੍ਹਾਂ ਖੇਤਰੀ ਅਤੇ ਪ੍ਰਵਾਸੀ ਭਾਈਚਾਰਿਆਂ ਦੇ ਪ੍ਰਭਾਵ ਵਾਲੇ ਪਕਵਾਨਾਂ ਨੂੰ ਪੇਸ਼ ਕਰਨਾ ਹੈ ਜੋ ਆਮ ਤੌਰ 'ਤੇ ਰੈਸਟੋਰੈਂਟਾਂ ਦੀ ਬਜਾਏ ਘਰਾਂ ਵਿੱਚ ਜ਼ਿਆਦਾ ਬਣਾਏ ਜਾਂਦੇ ਹਨ। ਸੰਪਤ ਨੇ ਇੱਕ ਬਿਆਨ ਵਿੱਚ ਕਿਹਾ, "ਮੈਂ 2019 ਵਿੱਚ ਦ੍ਰਾਵਿੜਾ ਦਾ ਕੰਨਸੈਪਟ ਲਿਖਿਆ ਸੀ ਅਤੇ ਹੁਣ, ਉਹ ਸੁਪਨਾ ਹਕੀਕਤ ਦਾ ਰੂਪ ਲੈ ਰਿਹਾ ਹੈ।"
ਆਰਤੀ ਸੰਪਤ ਸਾਲ 2013 ਵਿੱਚ ਮੁੰਬਈ ਤੋਂ ਅਮਰੀਕਾ ਚਲੀ ਗਈ ਸੀ। ਆਪਣਾ ਕਾਰੋਬਾਰ ਸ਼ੁਰੂ ਕਰਨ ਤੋਂ ਪਹਿਲਾਂ ਉਨ੍ਹਾਂ ਨੇ ਜੂਨੂਨ, ਦ ਬ੍ਰੈਸਲਿਨ ਅਤੇ ਰੇਨਬੋ ਰੂਮ ਵਰਗੇ ਨਾਮਵਰ ਰੈਸਟੋਰੈਂਟਾਂ ਵਿੱਚ ਸਿਖਲਾਈ ਲਈ। ਬਾਅਦ ਵਿੱਚ ਉਹ ਫੂਡ ਨੈੱਟਵਰਕ ਦੇ ਪ੍ਰਸਿੱਧ ਪ੍ਰੋਗਰਾਮਾਂ ਜਿਵੇਂ ਕਿ "ਚੌਪਡ" ਅਤੇ "ਬੀਟ ਬੌਬੀ ਫਲੇ" ਵਿੱਚ ਵੀ ਨਜ਼ਰ ਆਈ।
ਸੰਪਤ ਨੇ ਕਿਹਾ, "ਇਹ ਰੈਸਟੋਰੈਂਟ ਉਨ੍ਹਾਂ ਨਿਊਯਾਰਕ ਵਾਸੀਆਂ ਲਈ ਹੈ ਜਿਨ੍ਹਾਂ ਨੇ ਕਦੇ ਆਪਣੇ ਭੋਜਨ ਨੂੰ ਇਸ ਤਰ੍ਹਾਂ ਪੇਸ਼ ਹੁੰਦੇ ਨਹੀਂ ਦੇਖਿਆ—ਇਹ ਉਨ੍ਹਾਂ ਭਾਈਚਾਰਿਆਂ ਲਈ ਹੈ ਜਿਨ੍ਹਾਂ ਨੇ ਇਸ ਸ਼ਹਿਰ ਨੂੰ ਬਣਾਇਆ ਹੈ ਪਰ ਉਨ੍ਹਾਂ ਦੇ ਪਕਵਾਨਾਂ ਨੂੰ ਹਮੇਸ਼ਾ (ਵੱਡੇ) ਮੇਜ਼ 'ਤੇ ਜਗ੍ਹਾ ਨਹੀਂ ਮਿਲੀ।"
ਇਹ ਰੈਸਟੋਰੈਂਟ 211 ਫਸਟ ਐਵੇਨਿਊ 'ਤੇ ਸਥਿਤ ਹੈ, ਜੋ ਕਿ ਇੱਕ 100 ਸਾਲ ਪੁਰਾਣੀ ਨਵੀਨੀਕਰਨ ਕੀਤੀ ਗਈ ਇਮਾਰਤ ਦੀਆਂ ਦੋ ਮੰਜ਼ਿਲਾਂ ਵਿੱਚ ਬਣਿਆ ਹੋਇਆ ਹੈ। ਇਸ ਇਮਾਰਤ ਦੇ ਹੇਠਲੇ ਹਿੱਸੇ ਵਿੱਚ 'ਜੈਮ ਐਂਡ ਜੈਗਰੀ' ਨਾਮਕ ਇੱਕ ਕਾਕਟੇਲ ਬਾਰ ਵੀ ਸ਼ਾਮਲ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login