ADVERTISEMENT
ADVERTISEMENT
ਭਾਰਤੀ-ਅਮਰੀਕੀ ਆਗੂ ਰਾਜ ਗੋਇਲ ਨੂੰ ਡੈਮੋਕ੍ਰੈਟਿਕ ਪ੍ਰਾਇਮਰੀ ਚੋਣ ਵਿੱਚ ਹਾਰ
ਨਿਊਯਾਰਕ ਸਟੇਟ ਕੰਪਟ੍ਰੋਲਰ ਅਹੁਦੇ ਦੀ ਦੌੜ ਵਿੱਚ ਥੌਮਸ ਪੀ. ਡੀਨਾਪੋਲੀ ਨੇ ਦਰਜ ਕੀਤੀ ਜਿੱਤ; ਰਾਜ ਗੋਇਲ ਨੇ ਸਮਰਥਕਾਂ ਦਾ ਕੀਤਾ ਧੰਨਵਾਦ
-
1759953093.png)
ਸਟਾਫ ਪੱਤਰਕਾਰ - Fri, 26, Jun 2026
- 04:45 EDT
- 21
ਭਾਰਤੀ-ਅਮਰੀਕੀ ਆਗੂ ਰਾਜ ਗੋਇਲ / image provided
ਭਾਰਤੀ-ਅਮਰੀਕੀ ਆਗੂ ਰਾਜ ਗੋਇਲ ਨੂੰ ਨਿਊਯਾਰਕ ਸਟੇਟ ਕੰਪਟ੍ਰੋਲਰ ਅਹੁਦੇ ਲਈ ਹੋਈ ਡੈਮੋਕ੍ਰੈਟਿਕ ਪ੍ਰਾਇਮਰੀ ਚੋਣ ਵਿੱਚ ਲੰਬੇ ਸਮੇਂ ਤੋਂ ਇਸ ਅਹੁਦੇ 'ਤੇ ਕਾਇਮ ਥੌਮਸ ਪੀ. ਡੀਨਾਪੋਲੀ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਡੀਨਾਪੋਲੀ ਨਿਊਯਾਰਕ ਦੇ ਸਭ ਤੋਂ ਲੰਬੇ ਸਮੇਂ ਤੋਂ ਚੁਣੇ ਗਏ ਰਾਜ ਪੱਧਰੀ ਅਧਿਕਾਰੀਆਂ ਵਿੱਚੋਂ ਇੱਕ ਹਨ।
ਆਪਣੀ ਪਹਿਲੀ ਡੈਮੋਕ੍ਰੈਟਿਕ ਪ੍ਰਾਇਮਰੀ ਚੁਣੌਤੀ ਦਾ ਸਾਹਮਣਾ ਕਰ ਰਹੇ ਡੀਨਾਪੋਲੀ ਨੇ ਆਪਣੇ ਦੋਵੇਂ ਵਿਰੋਧੀਆਂ ਰਾਜ ਗੋਇਲ ਅਤੇ ਡਰੂ ਵਾਰਸ਼ਾ ਨੂੰ ਵੱਡੇ ਫ਼ਰਕ ਨਾਲ ਹਰਾਇਆ। ਐਸੋਸੀਏਟਿਡ ਪ੍ਰੈੱਸ ਅਨੁਸਾਰ ਲਗਭਗ 90 ਫ਼ੀਸਦੀ ਵੋਟਾਂ ਦੀ ਗਿਣਤੀ ਤੋਂ ਬਾਅਦ ਡੀਨਾਪੋਲੀ ਨੂੰ 65.7 ਫ਼ੀਸਦੀ ਵੋਟਾਂ ਮਿਲੀਆਂ, ਜਦਕਿ ਡਰੂ ਵਾਰਸ਼ਾ ਨੂੰ 20.1 ਫ਼ੀਸਦੀ ਅਤੇ ਰਾਜ ਗੋਇਲ ਨੂੰ 13.8 ਫ਼ੀਸਦੀ ਵੋਟਾਂ ਪ੍ਰਾਪਤ ਹੋਈਆਂ।
ਇਸ ਜਿੱਤ ਨਾਲ ਡੀਨਾਪੋਲੀ ਨੇ ਨਵੰਬਰ ਵਿੱਚ ਹੋਣ ਵਾਲੀਆਂ ਆਮ ਚੋਣਾਂ ਲਈ ਆਪਣੀ ਉਮੀਦਵਾਰੀ ਪੱਕੀ ਕਰ ਲਈ ਹੈ, ਜਿੱਥੇ ਉਨ੍ਹਾਂ ਦਾ ਮੁਕਾਬਲਾ ਰਿਪਬਲਿਕਨ ਉਮੀਦਵਾਰ ਜੋਸਫ਼ ਹਰਨਾਂਡੇਜ਼ ਨਾਲ ਹੋਵੇਗਾ। ਕਿਊਬਾ-ਅਮਰੀਕੀ ਮੂਲ ਦੇ ਬਾਇਓਟੈਕ ਉਦਯੋਗਪਤੀ ਜੋਸਫ਼ ਹਰਨਾਂਡੇਜ਼ ਬਿਨਾਂ ਕਿਸੇ ਵਿਰੋਧ ਦੇ ਰਿਪਬਲਿਕਨ ਪ੍ਰਾਇਮਰੀ ਜਿੱਤ ਚੁੱਕੇ ਹਨ।
ਹਾਰ ਤੋਂ ਬਾਅਦ ਰਾਜ ਗੋਇਲ ਨੇ ਜਨਤਕ ਬਿਆਨ ਜਾਰੀ ਕਰਦਿਆਂ ਆਪਣੇ ਸਮਰਥਕਾਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਚੋਣ ਨਤੀਜੇ ਉਨ੍ਹਾਂ ਦੀਆਂ ਉਮੀਦਾਂ ਅਨੁਸਾਰ ਨਹੀਂ ਰਹੇ, ਪਰ ਉਹ ਹਰ ਉਸ ਵਿਅਕਤੀ ਦੇ ਧੰਨਵਾਦੀ ਹਨ ਜਿਸ ਨੇ ਉਨ੍ਹਾਂ ਦੀ ਮੁਹਿੰਮ ਅਤੇ ਉਸ ਵਿਜ਼ਨ 'ਤੇ ਭਰੋਸਾ ਕੀਤਾ, ਜਿਸ ਲਈ ਸਭ ਨੇ ਮਿਲ ਕੇ ਸੰਘਰਸ਼ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਚੋਣ ਮੁਹਿੰਮ ਦੌਰਾਨ ਉਨ੍ਹਾਂ ਨੇ ਪੂਰੇ ਨਿਊਯਾਰਕ ਦਾ ਦੌਰਾ ਕੀਤਾ, ਸੂਬੇ ਦੇ ਹਰ ਖੇਤਰ ਦੇ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣੀਆਂ ਅਤੇ ਉਨ੍ਹਾਂ ਲੋਕਾਂ ਦੀ ਆਵਾਜ਼ ਨੂੰ ਉਭਾਰਿਆ, ਜਿਨ੍ਹਾਂ ਨੂੰ ਅਕਸਰ ਨੀਤੀਗਤ ਚਰਚਾਵਾਂ ਵਿੱਚ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ। ਭਾਵੇਂ ਉਹ ਇਹ ਚੋਣ ਨਹੀਂ ਜਿੱਤ ਸਕੇ, ਪਰ ਜਿਸ ਮਕਸਦ ਲਈ ਉਨ੍ਹਾਂ ਨੇ ਆਵਾਜ਼ ਉਠਾਈ, ਉਸ 'ਤੇ ਉਨ੍ਹਾਂ ਨੂੰ ਮਾਣ ਹੈ।
ਰਾਜ ਗੋਇਲ ਨੇ ਕਿਹਾ ਕਿ ਉਨ੍ਹਾਂ ਦੀ ਮੁਹਿੰਮ ਦਾ ਮੁੱਖ ਉਦੇਸ਼ ਬਿਜਲੀ ਅਤੇ ਹੋਰ ਜਨਤਕ ਸੇਵਾਵਾਂ ਦੀ ਲਾਗਤ ਘਟਾਉਣਾ ਅਤੇ ਸੂਬੇ ਦੇ ਪੈਨਸ਼ਨ ਫੰਡ ਦਾ ਜ਼ਿੰਮੇਵਾਰੀ ਅਤੇ ਨੈਤਿਕਤਾ ਨਾਲ ਨਿਵੇਸ਼ ਯਕੀਨੀ ਬਣਾਉਣਾ ਸੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਵੱਧ ਰਹੇ ਬਿੱਲਾਂ ਅਤੇ ਕਾਰਪੋਰੇਟ ਲਾਲਚ ਤੋਂ ਪ੍ਰਭਾਵਿਤ ਨਿਊਯਾਰਕ ਵਾਸੀਆਂ ਲਈ ਆਵਾਜ਼ ਬੁਲੰਦ ਕੀਤੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਮੁਹਿੰਮ ਨੇ ਇਹ ਯਕੀਨੀ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਸੂਬੇ ਦੇ ਪੈਨਸ਼ਨ ਫੰਡ ਦਾ ਨਿਵੇਸ਼ ਜਲਵਾਯੂ ਸੰਕਟ ਨੂੰ ਵਧਾਉਣ ਵਾਲੀਆਂ ਜੀਵਾਸ਼ਮ ਈਂਧਨ ਕੰਪਨੀਆਂ, ਨਿਗਰਾਨੀ ਤਕਨਾਲੋਜੀ ਜਾਂ ਵਿਦੇਸ਼ਾਂ ਵਿੱਚ ਹੋ ਰਹੀ ਨਸਲਕੁਸ਼ੀ ਨਾਲ ਜੁੜੀਆਂ ਗਤੀਵਿਧੀਆਂ ਵਿੱਚ ਨਾ ਹੋਵੇ, ਸਗੋਂ ਇਸ ਦਾ ਲਾਭ ਨਿਊਯਾਰਕ ਦੇ ਲੋਕਾਂ ਨੂੰ ਮਿਲੇ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਚੋਣ ਮੁਹਿੰਮ ਦੌਰਾਨ ਕਿਫ਼ਾਇਤੀ ਰਿਹਾਇਸ਼, ਬਾਲ ਸੰਭਾਲ ਸੇਵਾਵਾਂ ਅਤੇ ਪਰਿਵਾਰਾਂ ਲਈ ਲੋੜੀਂਦੇ ਬੁਨਿਆਦੀ ਢਾਂਚੇ ਵਿੱਚ ਨਿਵੇਸ਼ ਨੂੰ ਵੀ ਤਰਜੀਹ ਦਿੱਤੀ ਗਈ। ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਉਹ ਸੇਵਾਮੁਕਤ ਕਰਮਚਾਰੀਆਂ ਲਈ ਪੈਨਸ਼ਨ ਫੰਡ ਤੋਂ ਬਿਹਤਰ ਅਤੇ ਜ਼ਿੰਮੇਵਾਰ ਰਿਟਰਨ ਯਕੀਨੀ ਬਣਾਉਣ ਦੇ ਹੱਕ ਵਿੱਚ ਰਹੇ ਹਨ।
Leave A Comment
Related
.JPG)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login