ADVERTISEMENT
ADVERTISEMENT
ਟਰੰਪ ਦੀਆਂ ਨੀਤੀਆਂ ਦੇ ਮੱਦੇਨਜ਼ਰ BRICS ਸਬੰਧ ਡੂੰਘੇ ਕਰ ਸਕਦੈ ਭਾਰਤ: ਰਿਪੋਰਟ
-
ਆਈਏਐਨਐਸ - Fri, 12, Dec 2025
- 05:02 EST
- 28
Representative image / Yonhap/IANS
ਇੱਕ ਰਿਪੋਰਟ ਦੇ ਅਨੁਸਾਰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਦੂਜੇ ਕਾਰਜਕਾਲ ਨੇ ਭਾਰਤ ਨਾਲ ਉਹ ਸਬੰਧ ਕਮਜ਼ੋਰ ਕਰ ਦਿੱਤੇ ਜੋ ਪਿਛਲੇ 20 ਸਾਲਾਂ ਦੇ ਕੂਟਨੀਤਕ ਨਿਵੇਸ਼ ਨਾਲ ਬਣੇ ਸਨ ਅਤੇ ਇਹ ਨਵੀਂ ਦਿੱਲੀ ਨੂੰ ਰੂਸ ਨਾਲ ਰਿਸ਼ਤੇ ਹੋਰ ਡੂੰਘੇ ਕਰਨ ਅਤੇ BRICS ਦਾ ਹੋਰ ਹਿੰਮਤ ਨਾਲ ਲਾਭ ਉਠਾਉਣ ਲਈ ਪ੍ਰੇਰਿਤ ਕਰ ਸਕਦਾ ਹੈ।
ਵਾਸ਼ਿੰਗਟਨ ਵਿੱਚ ਇੱਕ ਤਿਖੀ ਚਰਚਾ ਛਿੜ ਪਈ ਹੈ, ਜਿੱਥੇ ਡੈਮੋਕ੍ਰੈਟਿਕ ਕਾਂਗਰਸਵੂਮੈਨ ਸਿਡਨੀ ਕਮਲਾਗਰ-ਡੋਵ ਨੇ ਚੇਤਾਵਨੀ ਦਿੱਤੀ ਹੈ ਕਿ ਟਰੰਪ ਦੀ ਟੈਰਿਫ਼ ਨੀਤੀ ਅਮਰੀਕਾ ਦੇ ਸਭ ਤੋਂ ਮਹੱਤਵਪੂਰਣ ਗਠਜੋੜਾਂ ਵਿੱਚੋਂ ਇੱਕ ਨੂੰ “ਲੰਬੇ ਸਮੇਂ ਦਾ ਨੁਕਸਾਨ” ਪਹੁੰਚਾ ਰਹੀ ਹੈ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਸਿਡਨੀ ਨੇ ਦੋਸ਼ ਲਗਾਇਆ ਕਿ ਬਾਈਡਨ ਪ੍ਰਸ਼ਾਸਨ ਦੇ ਸਮੇਂ ਬਹਾਲ ਕੀਤੇ ਗਏ ਕੁਆਡ, ਰੱਖਿਆ-ਤਕਨੀਕੀ ਪਹਿਲਕਦਮੀਆਂ ਅਤੇ ਸਪਲਾਈ-ਚੇਨ ਭਾਗੀਦਾਰੀਆਂ ਵਰਗੇ ਰਿਸ਼ਤਿਆਂ ਨੂੰ ਟਰੰਪ ਨੇ ਅਣਗੌਲਾ ਕਰ ਦਿੱਤਾ ਹੈ।
ਰਿਪੋਰਟ ਨੇ ਦਰਸਾਇਆ ਕਿ ਭਾਰਤ ਵਿਭਿੰਨਤਾ ਵਧਾਉਣ ‘ਤੇ ਦੋਹਰਾ ਜ਼ੋਰ ਦੇ ਰਿਹਾ ਹੈ, BRICS ਅਤੇ ਗਲੋਬਲ ਸਾਊਥ ਮੰਚਾਂ ਨੂੰ ਮਜ਼ਬੂਤ ਕਰ ਰਿਹਾ ਹੈ ਅਤੇ ਆਪਣੇ ਆਪ ਨੂੰ ਯੂਰਪੀ, ਜਾਪਾਨੀ ਅਤੇ ਮੱਧ ਪੂਰਬੀ ਨਿਵੇਸ਼ਕਾਂ ਦੇ ਸਾਹਮਣੇ ਇੱਕ ਉਭਰਦੇ ਮਨੂਫੈਕਚਰਿੰਗ ਕੇਂਦਰ ਵਜੋਂ ਪੇਸ਼ ਕਰ ਰਿਹਾ ਹੈ। ਰਿਪੋਰਟ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇ ਵਾਸ਼ਿੰਗਟਨ ਆਰਥਿਕ ਸਹਿਯੋਗ ਨੂੰ ਇਨਾਮ ਦੀ ਬਜਾਏ ਸਜ਼ਾ ਵਜੋਂ ਪੇਸ਼ ਕਰਦਾ ਰਿਹਾ, ਤਾਂ ਭਾਰਤ ਅਮਰੀਕਾ ਨੂੰ “ਖ਼ਾਸ ਸਾਥੀ” ਦੀ ਥਾਂ ਸਿਰਫ਼ ਬਹੁਤ ਸਾਰੇ ਭਾਗੀਦਾਰਾਂ ਵਿੱਚੋਂ ਇੱਕ ਵਜੋਂ ਦੇਖਣ ਲਈ ਤਿਆਰ ਦਿਖਾਈ ਦਿੰਦਾ ਹੈ।
ਹਾਲ ਹੀ ਵਿੱਚ ਲਗਾਏ ਟੈਰਿਫ਼ਾਂ ਤੋਂ ਇਲਾਵਾ, ਵਿਸ਼ਲੇਸ਼ਕਾਂ ਨੇ ਰੂਸ ਨਾਲ ਭਾਰਤ ਦੇ ਰੱਖਿਆ ਅਤੇ ਊਰਜਾ ਸਬੰਧਾਂ ਨਾਲ ਜੁੜੀਆਂ ਸੰਭਾਵਿਤ ਸਕੈਂਡਰੀ ਪਾਬੰਦੀਆਂ ‘ਤੇ ਵੀ ਚਿੰਤਾ ਜਤਾਈ। ਇਹ ਤਣਾਅ ਉਸ ਵਕਤ ਵਧਿਆ ਜਦੋਂ ਅਮਰੀਕਾ ਨੇ ਭਾਰਤੀ ਆਯਾਤ ‘ਤੇ ਵਾਧੂ 25 ਪ੍ਰਤੀਸ਼ਤ ਟੈਰਿਫ਼ ਲਗਾ ਦਿੱਤਾ, ਜਿਸ ਨਾਲ ਕੁਝ ਉਤਪਾਦਾਂ ‘ਤੇ ਡਿਊਟੀ ਲਗਭਗ 50 ਪ੍ਰਤੀਸ਼ਤ ਤੱਕ ਪਹੁੰਚ ਗਈ ਅਤੇ ਟੈਕਸਟਾਈਲ, ਜੁੱਤੀ ਅਤੇ ਗਹਿਣਿਆਂ ਵਰਗੇ ਕਿਰਤ-ਆਧਾਰਿਤ ਖੇਤਰਾਂ ਨੂੰ ਵੱਡਾ ਝਟਕਾ ਲੱਗਿਆ।
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login