ADVERTISEMENT
ADVERTISEMENT
ਭਾਰਤੀ-ਅਮਰੀਕੀ ਨਿਰਦੇਸ਼ਕ ਦੀ ਹੌਰਰ ਫ਼ਿਲਮ ਵਿੱਚ ਦਿਖਾਈ ਦੇਣਗੇ ਐਰਿਕ ਰੌਬਰਟਸ
ਹਾਲ ਹੀ ਵਿੱਚ ਜਾਰੀ ਕੀਤੇ ਗਏ ਇੱਕ ਪੋਸਟਰ ਵਿੱਚ ਰੌਬਰਟਸ ਨੂੰ ਇੱਕ ਗੌਥਿਕ ਚਰਚ ਦੇ ਸਾਹਮਣੇ ਪਾਦਰੀ ਦੇ ਪਹਿਰਾਵੇ ਵਿੱਚ ਬਾਈਬਲ ਫੜੀ ਦਿਖਾਇਆ ਗਿਆ ਹੈ, ਜੋ ਫ਼ਿਲਮ ਦੇ ਅਲੌਕਿਕ ਮਾਹੌਲ ਦੀ ਝਲਕ ਦਿੰਦਾ ਹੈ
-
ਮਾਲਵਿਕਾ ਚੌਧਰੀ - Tue, 02, Dec 2025
- 04:07 EST
- 9
ਐਰਿਕ ਰੌਬਰਟਸ/ਸ਼ਰਵਣ ਤਿਵਾੜੀ / IMDb
ਆਸਕਰ-ਨਾਮਜ਼ਦ ਅਦਾਕਾਰ ਐਰਿਕ ਰੌਬਰਟਸ, ਭਾਰਤੀ-ਅਮਰੀਕੀ ਫ਼ਿਲਮਕਾਰ ਸ਼ਰਵਣ ਤਿਵਾੜੀ ਦੀ ਲਿਖੀ ਤੇ ਨਿਰਦੇਸ਼ਿਤ ਆਉਣ ਵਾਲੀ ਹਾਰਰ-ਥ੍ਰਿਲਰ “ਹੋਲੀ ਫਾਧਰ” ਦੀ ਕਾਸਟ ਵਿੱਚ ਸ਼ਾਮਲ ਹੋਇਆ ਹੈ।
ਰੌਬਰਟਸ, ਜਿਨ੍ਹਾਂ ਦਾ ਕਰੀਅਰ ‘ਦ ਡਾਰਕ ਨਾਈਟ’ ਅਤੇ ’ਰਨਅਵੇ ਟ੍ਰੇਨ’ ਸਮੇਤ 735 ਤੋਂ ਵੱਧ ਫ਼ਿਲਮੀ ਪ੍ਰੋਜੈਕਟਾਂ ’ਚ ਫੈਲਿਆ ਹੋਇਆ ਹੈ, ਇਸ ਫ਼ਿਲਮ ਵਿੱਚ ‘ਫਾਧਰ ਵੇਲਜ਼’ ਦਾ ਕਿਰਦਾਰ ਨਿਭਾਅ ਰਹੇ ਹਨ—ਇੱਕ ਐਗਜ਼ੋਰਸਿਜ਼ਮ ਸਪੈਸ਼ਲਿਸਟ, ਜਿਸਨੂੰ ਭੂਤ-ਪ੍ਰੇਤਾਂ ਦੇ ਕਬਜ਼ੇ ਵਿੱਚ ਆਏ ਪਾਦਰੀ ’ਤੇ ਖ਼ਤਰਨਾਕ ਰਸਮ ਅਦਾ ਕਰਨ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।
ਨਵੇਂ ਜਾਰੀ ਕੀਤੇ ਪੋਸਟਰ ਵਿੱਚ ਰੌਬਰਟਸ ਨੂੰ ਪਾਦਰੀ ਦੇ ਚੋਲੇ ਵਿੱਚ, ਹੱਥ ਵਿੱਚ ਬਾਈਬਲ ਫੜ੍ਹੇ, ਗੌਥਿਕ ਚਰਚ ਦੀ ਪਿਛੋਕੜ ਅੱਗੇ ਖੜ੍ਹਾ ਦਿਖਾਇਆ ਗਿਆ ਹੈ, ਜੋ ਫ਼ਿਲਮ ਦੇ ਅਲੌਕਿਕ ਮਾਹੌਲ ਦੀ ਝਲਕ ਦਿੰਦਾ ਹੈ।
ਫਿਲਮ ਦਾ ਪੋਸਟਰ / ਸ਼ਰਵਣ ਤਿਵਾੜੀ / SRHP Films/ IMDb‘ਹੋਲੀ ਫਾਧਰ’, SRHP Films ਦੀ “ਹੋਲੀ ਟ੍ਰਿਲੋਜੀ” ਦਾ ਦੂਜਾ ਭਾਗ ਹੈ। ਪਹਿਲਾ ਭਾਗ ‘ਹੋਲੀ ਘੋਸਟ’ ਇਸ ਵੇਲੇ 39 ਦੇਸ਼ਾਂ ਵਿੱਚ ਐਮਾਜ਼ਾਨ ਪ੍ਰਾਈਮ ਵੀਡੀਓ, ਐਪਲ ਟੀਵੀ ਅਤੇ ਗੂਗਲ ਪਲੇਅ ਮੂਵੀਜ਼ ’ਤੇ ਸਟ੍ਰੀਮ ਹੋ ਰਿਹਾ ਹੈ।
ਟ੍ਰਿਲੋਜੀ ਦਾ ਤੀਜਾ ਭਾਗ ‘ਹੋਲੀ ਸਨ’ ਇਸ ਸਮੇਂ ਬਣਾਇਆ ਜਾ ਰਿਹਾ ਹੈ। ਜਾਰਜੀਆ-ਅਧਾਰਤ ਸਟੂਡੀਓ ਨੇ ਸੰਦੀਪ ਪਟੇਲ ਦੁਆਰਾ ਨਿਰਮਿਤ ਇਸ ਨਵੀਂ ਫ਼ਿਲਮ ਨੂੰ 2026 ਵਿੱਚ ਰਿਲੀਜ਼ ਕਰਨ ਦੀ ਯੋਜਨਾ ਬਣਾਈ ਹੈ।
ਤਿਵਾੜੀ—ਜਿਨ੍ਹਾਂ ਦਾ ਜਨਮ ਪ੍ਰਯਾਗਰਾਜ ਵਿੱਚ ਹੋਇਆ ਅਤੇ ਜੋ ਹੁਣ ਅਮਰੀਕਾ ਵਿੱਚ ਰਹਿ ਰਹੇ ਹਨ—ਛੋਟੀਆਂ ਫ਼ਿਲਮਾਂ, ਹਿੰਦੀ ਭਾਸ਼ਾ ਦੇ ਕ੍ਰਾਈਮ ਥ੍ਰਿਲਰਾਂ ਅਤੇ ਅੰਤਰਰਾਸ਼ਟਰੀ ਸਟ੍ਰੀਮਿੰਗ ਪ੍ਰੋਜੈਕਟਾਂ ਰਾਹੀਂ ਇੱਕ ਸਰਹੱਦ-ਪਾਰ ਫ਼ਿਲਮਸਾਜ਼ੀ ਕਰੀਅਰ ਤਿਆਰ ਕਰ ਚੁੱਕੇ ਹਨ।
ਉਨ੍ਹਾਂ ਦੀਆਂ ਪਿਛਲੀਆਂ ਰਚਨਾਵਾਂ ਵਿੱਚ ਅਲੌਕਿਕ ਡਰਾਮਾ ‘706’, ਕ੍ਰਾਈਮ ਫ਼ਿਲਮ ‘ਆਜ਼ਮ’, ਅਤੇ 2024 ਦੀ ZEE5 ਸੀਰੀਜ਼ ‘ਮੁਰਸ਼ਿਦ’ ਸ਼ਾਮਲ ਹੈ। ਮਸ਼ਹੂਰ ਅਦਾਕਾਰ ਤਿਵਾੜੀ ਹੁਣ ‘ਹੋਲੀ ਫਾਧਰ’ ਨਾਲ ਗਲੋਬਲ ਹਾਰਰ ਵਿੱਚ ਕਦਮ ਰੱਖ ਰਹੇ ਹਨ, ਜਿੱਥੇ ਉਹ ਇੱਕ ਮਸ਼ਹੂਰ ਹਾਲੀਵੁੱਡ ਨਾਮ ਨੂੰ ਕੇਂਦਰ ਵਿੱਚ ਲਿਆ ਰਹੇ ਹਨ। ਫ਼ਿਲਮ ਦੀ ਕਾਸਟਿੰਗ ਅਤੇ ਡਿਸਟ੍ਰੀਬਿਊਸ਼ਨ ਨਾਲ ਸੰਬੰਧਤ ਹੋਰ ਜਾਣਕਾਰੀ ਰਿਲੀਜ਼ ਦੇ ਨੇੜੇ ਸਾਂਝੀ ਕੀਤੀ ਜਾਵੇਗੀ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login