ADVERTISEMENT
ADVERTISEMENT
ਇੱਕ ਗੁੰਮਰਾਹਕੁੰਨ ਪੋਸਟ ਨੂੰ ਅੱਗੇ ਵਧਾਉਣ ਕਾਰਨ ਲੋਕਾਂ ਦੇ ਨਿਸ਼ਾਨੇ ‘ਤੇ ਐਲਨ ਮਸਕ
ਮਸਕ ਦੀ ਐਕਸ ਪੋਸਟ, ਜਿਸ ਵਿੱਚ ਉਹਨਾਂ ਨੇ ਭਾਰਤ 'ਚ ਬ੍ਰਿਟਿਸ਼ ਰਾਜ ਦੀ ਤੁਲਨਾ ਇਮੀਗ੍ਰੇਸ਼ਨ ਨਾਲ ਕੀਤੀ, ਗੁੱਸੇ ਦਾ ਕਾਰਨ ਬਣ ਗਈ
-
ਮਾਲਵਿਕਾ ਚੌਧਰੀ - Sat, 04, Oct 2025
- 02:59 EDT
- 19
ਐਲਨ ਮਸਕ / Wikipedia
ਐਲਨ ਮਸਕ ਨੇ ਐਕਸ 'ਤੇ ਇੱਕ ਗੁੰਮਰਾਹਕੁੰਨ ਪੋਸਟ ਨੂੰ ਅੱਗੇ ਵਧਾਉਣ ਤੋਂ ਬਾਅਦ ਆਲੋਚਨਾ ਦਾ ਸਾਹਮਣਾ ਕੀਤਾ, ਜਿਸ ਵਿੱਚ ਅਜੀਬੋ-ਗਰੀਬ ਢੰਗ ਨਾਲ ਇਹ ਦਾਅਵਾ ਕੀਤਾ ਗਿਆ ਸੀ ਕਿ ਬ੍ਰਿਟਿਸ਼ ਨੇ ਕਦੇ ਭਾਰਤ ਨੂੰ ਬਸਤੀ ਨਹੀਂ ਬਣਾਇਆ।
ਅਸਲੀ ਪੋਸਟ ਵਿੱਚ ਕਿਹਾ ਗਿਆ ਸੀ: "ਜੇ ਭਾਰਤੀ ਇੰਗਲੈਂਡ ਆ ਕੇ ਅੰਗਰੇਜ਼ ਬਣ ਜਾਂਦੇ ਹਨ, ਤਾਂ ਜੋ ਅੰਗਰੇਜ਼ ਭਾਰਤ ਆਏ ਉਹ ਭਾਰਤੀ ਬਣ ਗਏ। ਇਸ ਲਈ, ਅੰਗਰੇਜ਼ਾਂ ਨੇ ਭਾਰਤ 'ਤੇ ਰਾਜ ਨਹੀਂ ਕੀਤਾ। 'ਕਾਲੋਨਾਈਜ਼ੇਸ਼ਨ' (colonisation) ਜਿਹੀ ਕੋਈ ਚੀਜ਼ ਨਹੀਂ ਸੀ।" ਮਸਕ ਨੇ ਇਹ ਪੋਸਟ "ਸੋਚਦੇ ਚਿਹਰੇ" ਵਾਲੀ ਇਮੋਜੀ ਨਾਲ ਸਾਂਝੀ ਕੀਤੀ, ਜਿਸ ਨਾਲ ਇਸਦੀ ਪਹੁੰਚ ਹੋਰ ਵਧ ਗਈ। ਕੁਝ ਘੰਟਿਆਂ ਵਿੱਚ, ਇਹ ਪੋਸਟ ਕਰੀਬ ਪੰਜ ਮਿਲੀਅਨ ਵਾਰ ਵੇਖੀ ਗਈ ਅਤੇ ਭਾਰਤੀ ਉਪਭੋਗਤਾਵਾਂ ਵਿਚਕਾਰ ਗੁੱਸਾ ਫੈਲ ਗਿਆ, ਜਿਨ੍ਹਾਂ ਨੇ ਮਸਕ 'ਤੇ ਇਤਿਹਾਸਕ ਤੱਥਾਂ ਨੂੰ ਮਰੋੜਣ ਦੇ ਦੋਸ਼ ਲਗਾਏ।
ਸੋਸ਼ਲ ਮੀਡੀਆ ਪਲੇਟਫਾਰਮ ਵਿਰੋਧੀ ਟਿੱਪਣੀਆਂ ਨਾਲ ਭਰ ਗਏ। ਇੱਕ ਵਧ ਚੱਲੀ ਜਾ ਰਹੀ ਟਿੱਪਣੀ ਨੇ ਇਮੀਗ੍ਰੇਸ਼ਨ (ਪ੍ਰਵਾਸ) ਅਤੇ ਕਾਲੋਨਾਈਜ਼ੇਸ਼ਨ (ਬਸਤੀਵਾਦ) ਵਿਚ ਅੰਤਰ ਨੂੰ ਉਜਾਗਰ ਕੀਤਾ: "ਭਾਰਤੀ ਇੰਗਲੈਂਡ ਦੇ ਸਰੋਤਾਂ ਨੂੰ ਨਹੀਂ ਲੁੱਟ ਰਹੇ। ਭਾਰਤੀ ਬ੍ਰਿਟਿਸ਼ ਨਾਗਰਿਕਾਂ ਨੂੰ ਤੜਪਾ ਨਹੀਂ ਰਹੇ। ਭਾਰਤੀ ਬੰਗਾਲ ਵਰਗੇ (1943) ਅਕਾਲ (famines) ਦੀ ਵਜ੍ਹਾ ਨਹੀਂ ਬਣ ਰਹੇ। ਭਾਰਤੀ ਜਲਿਆਂਵਾਲਾ ਬਾਗ਼ (1919) ਵਾਂਗ ਕਤਲਾਂ ਨੂੰ ਅੰਜਾਮ ਨਹੀਂ ਦੇ ਰਹੇ। ਭਾਰਤੀ ਨਮਕ 'ਤੇ ਟੈਕਸ ਨਹੀਂ ਲਾ ਰਹੇ ਜਾਂ ਬ੍ਰਿਟਿਸ਼ ਉਦਯੋਗਾਂ, ਜਿਵੇਂ ਕਿ ਕਪੜੇ ਦੀ ਉਦਯੋਗ, ਨੂੰ ਤਬਾਹ ਨਹੀਂ ਕਰ ਰਹੇ। ਭਾਰਤੀ ਬ੍ਰਿਟਿਸ਼ ਲੋਕਾਂ ਨੂੰ ਸੈੱਲੂਲਰ ਜੇਲ੍ਹ ਨਹੀਂ ਭੇਜ ਰਹੇ ਜਾਂ ਰੌਲਟ ਐਕਟ ਵਰਗੇ ਕਾਨੂੰਨ ਨਹੀਂ ਲਾਗੂ ਕਰ ਰਹੇ। ਭਾਰਤੀ ਵੰਡ ਵਾਂਗ ਉਜਾੜ ਦਾ ਕਾਰਨ ਨਹੀਂ ਬਣ ਰਹੇ।"
ਇੰਨਾਂ ਹੀ ਨਹੀਂ ਹੋਰਨਾਂ ਯੂਜ਼ਰਜ਼ ਨੇ ਵੀ ਮਸਕ ਦੀ ਆਲੋਚਨਾ ਕੀਤੀ। ਇਹ ਪੋਸਟ ਹੁਣ "ਕਮਿਊਨਿਟੀ ਨੋਟ" ਨਾਲ ਫਲੈਗ ਕੀਤੀ ਗਈ ਹੈ, ਜਿਸ ਵਿੱਚ ਸਪਸ਼ਟ ਕੀਤਾ ਗਿਆ ਕਿ:
"ਇਹ ਦੋਵਾਂ ਦੀ ਤੁਲਨਾ ਕਰਨੀ ਬੇਅਕਲੀ ਹੈ। ਅੰਗਰੇਜ਼ ਭਾਰਤ ਵਿੱਚ ਗੈਰਕਾਨੂੰਨੀ ਤਰੀਕੇ ਨਾਲ ਆਏ, ਭਾਰਤ ਦੀ ਦੌਲਤ ਨੂੰ ਲੁੱਟਿਆ, ਲੱਖਾਂ ਲੋਕਾਂ ਨੂੰ ਮਾਰਿਆ ਅਤੇ ਜਦੋਂ ਉਨ੍ਹਾਂ ਨੇ ਭਾਰਤ ਛੱਡਿਆ ਤਾਂ ਇਹ ਦੁਨੀਆ ਦੇ ਸਭ ਤੋਂ ਗਰੀਬ ਦੇਸ਼ਾਂ 'ਚੋਂ ਇੱਕ ਸੀ। ਇਸ ਦੇ ਵਿਰੁੱਧ, ਯੂਕੇ ਵਿੱਚ ਰਹਿ ਰਹੇ ਭਾਰਤੀ ਬ੍ਰਿਟਿਸ਼ ਸਰਕਾਰ ਵੱਲੋਂ ਜਾਰੀ ਕੀਤੇ ਵੀਜ਼ਿਆਂ ਰਾਹੀਂ ਕਾਨੂੰਨੀ ਤੌਰ 'ਤੇ ਪਹੁੰਚੇ ਹਨ।"
ਇਤਿਹਾਸਕਾਰ ਦਰਜ ਕਰਦੇ ਹਨ ਕਿ ਭਾਰਤ ਲਗਭਗ ਦੋ ਸਦੀਆਂ ਤੱਕ ਅੰਗਰੇਜ਼ੀ ਸ਼ਾਸਨ ਹੇਠ ਸੀ, ਜਿਸ ਦੌਰਾਨ ਕਰੀਬ $45 ਟ੍ਰਿਲੀਅਨ ਦੀ ਦੌਲਤ ਭਾਰਤ ਤੋਂ ਲੁੱਟੀ ਗਈ ਅਤੇ ਬ੍ਰਿਟਿਸ਼ ਸਾਮਰਾਜ ਨੂੰ ਅਮੀਰ ਬਣਾਇਆ ਗਿਆ।
ਐਲੋਨ ਮਸਕ ਨੇ ਹਾਲੇ ਤੱਕ ਇਸ ਵਿਰੋਧ 'ਤੇ ਕੋਈ ਜਵਾਬ ਨਹੀਂ ਦਿੱਤਾ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login