ADVERTISEMENT
ADVERTISEMENT
અતુલ ગવાંડેએ નવી ફિલ્મમાં અમેરિકી સહાયમાં કાપના પરિણામોનો પર્દાફાશ કર્યો
ગવાંડે પોતાનો જાહેર આરોગ્ય અને હેલ્થ-સિસ્ટમ સંશોધનનો અનુભવ આ પ્રોજેક્ટમાં લાવ્યા
-
માલવિકા ચૌધરી - Sun, 23, Nov 2025
- 01:22 EST
- 38
અતુલ ગવાંડેની ડોક્યુમેન્ટરીનું પોસ્ટર / news.harvard.edu/ IMDb
ભારતીય મૂળના અમેરિકી સર્જન તથા લેખક અતુલ ગવાંડેએ ‘ધ ન્યૂ યોર્કર’ની ડોક્યુમેન્ટરી ફિલ્મ ‘રોવિનાઝ ચોઇસ’ના એક્ઝિક્યુટિવ પ્રોડ્યુસર તરીકેની ભૂમિકા નિભાવી છે. આ ફિલ્મ અમેરિકી વિદેશી સહાયમાં થયેલા ઘટાડાની અસરોની તપાસ કરે છે.
થોમસ જેનિંગ્સ અને એની વોંગના દિગર્શનમાં બનેલી આ ઓસ્કર-નોમિનેટેડ ફિલ્મ કેન્યાના કુપોષણ કાર્યક્રમો પર કેન્દ્રિત છે અને રોવિના નાબોઇ નામની એક માતાની વાતને કેન્દ્રમાં રાખે છે, જેમણે પોતાની દીકરીને ભૂખમરીથી બચાવવા ગામથી ૧૨ કિલોમીટર ચાલીને કાકુમા રેફ્યુજી કેમ્પમાં આવેલી ક્લિનિક-૭ સુધી પહોંચવું પડ્યું હતું.
રોવિનાનો અનુભવ આ ડોક્યુમેન્ટરીના મુખ્ય વર્ણનને આકાર આપે છે, જે દર્શાવે છે કે અમેરિકી નાણાંપોષણથી ચાલતી કુપોષણ સારવાર વ્યવસ્થા કેવી રીતે ધરાશાયી થઈ ગઈ – આ બધું રાષ્ટ્રપતિ ડોનાલ્ડ ટ્રમ્પે જાન્યુઆરી ૨૦૨૫માં સત્તા સંભાળતાની સાથે જ વિદેશી સહાય બંધ કરવાના આદેશ પર હસ્તાક્ષર કર્યા પછી થયું.
ફિલ્મમાં દર્શાવાયું છે કે આ આદેશના કલાકોની અંદર જ ક્લિનિકો બંધ થઈ ગયા, થેરાપ્યુટિક ખોરાકની ડિલિવરી અટકી ગઈ અને ગંભીર તીવ્ર કુપોષણ સામે દાયકાઓથી ચાલી આવતી પ્રગતિ ઉલટાવી દેવાઈ ગઈ.
યુનિસેફ અને WHOના આંકડા અનુસાર, નાણાંપોષણ બંધ થાય તે પહેલાં અનેક વિસ્તારોમાં સારવારનો સફળતા દર ૯૦ ટકાથી વધુ હતો.
૨૦૨૨થી ૨૦૨૫ સુધી અમેરિકી વિકાસ એજન્સી USAIDમાં વૈશ્વિક આરોગ્યના વડા રહી ચૂકેલા ગવાંડેએ પોતાના જાહેર આરોગ્ય અને હેલ્થ-સિસ્ટમ સંશોધનના અનુભવને આ પ્રોજેક્ટમાં ઉમેર્યા છે.
‘રોવિનાઝ ચોઇસ’માં દર્શાવાયેલા તારણો પર પ્રતિક્રિયા આપતાં ગવાંડેએ X પર લખ્યું કે આ બંધના કારણે અત્યાર સુધીમાં અંદાજે ૬ લાખ લોકોનાં મોત થયાં છે, જેમાંથી બે-તૃતીયાંશ બાળકો છે. તેમણે ઉમેર્યું કે ફિલ્મ “આ નિર્દય અને જવાબદારીથી રહિત વ્યક્તિએ કેટલાં મોતો કરાવ્યાં છે તેનો દસ્તાવેજી પુરાવો આપે છે.”
PBS ફ્રન્ટલાઇન સાથે લાંબા સમયથી જોડાયેલા પુરસ્કાર વિજેતા ફિલ્મમેકર્સ જેનિંગ્સ અને વોંગે રોવિનાના અનુભવ દ્વારા દર્શાવ્યું છે કે વોશિંગ્ટનમાં લેવાયેલા નિર્ણયો હજારો કિલોમીટર દૂર આવેલા શરણાર્થી વસાહતોમાં જીવન-મરણની સ્થિતિ કેવી રીતે બદલી નાખે છે.
કાકુમામાં તેમના ગ્રાઉન્ડ રિપોર્ટિંગમાં ૨૦૧૫થી દક્ષિણ સુદાનમાંથી ભાગી આવેલા પત્રકાર યેલ અવાતનો સહયોગ મળ્યો હતો. અનુભવી નિર્માતા સાઇમન કિલમરી પણ એક્ઝિક્યુટિવ પ્રોડ્યુસર છે.
બ્રિઘમ એન્ડ વિમેન્સ હોસ્પિટલમાં સર્જન અને હાર્વર્ડ મેડિકલ સ્કૂલ તેમજ હાર્વર્ડ ટી.એચ. ચાન સ્કૂલ ઓફ પબ્લિક હેલ્થમાં પ્રોફેસર એવા ગવાંડે ‘ધ ન્યૂ યોર્કર’ના સ્ટાફ રાઇટર છે અને વૈશ્વિક આરોગ્ય સંસ્થાઓ એરિયાડ્ને લેબ્સ તથા લાઇફબોક્સના સહ-સ્થાપક છે. તેમણે ૨૦૨૪માં ઓસ્કર-નોમિનેટેડ ડોક્યુમેન્ટરી ‘ટુ કિલ અ ટાઇગર’નું પણ એક્ઝિક્યુટિવ પ્રોડ્યુસર તરીકે નિર્માણ કર્યું હતું.
Related
.png)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login