ADVERTISEMENT
ADVERTISEMENT
ਅਰਵਿੰਦਰ ਸਿੰਘ ਬਹਿਲ ਨੇ 80 ਸਾਲ ਦੀ ਉਮਰ 'ਚ ਕੀਤੀ ਪੁਲਾੜ ਯਾਤਰਾ
ਭਾਰਤ ਦੇ ਆਗਰਾ 'ਚ ਜਨਮੇ ਬਹਿਲ ਰੀਅਲ ਅਸਟੇਟ ਇਨਵੈਸਟਰ ਅਤੇ ਅਮਰੀਕੀ ਨਾਗਰਿਕ ਹਨ
-
ਮਾਲਵਿਕਾ ਚੌਧਰੀ - Sun, 10, Aug 2025
- 04:43 EDT
- 33
ਅਰਵੀ ਬਹਿਲ / courtesy photo
ਭਾਰਤੀ-ਅਮਰੀਕੀ ਸਾਹਸੀ ਅਰਵਿੰਦਰ ਸਿੰਘ ਬਹਿਲ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਇਤਿਹਾਸ ਰਚਿਆ, ਉਹ ਬਲੂ ਓਰਿਜਿਨ ਦੇ ਨਿਊ ਸ਼ੈਫਰਡ ਵਿੱਚ ਸਵਾਰ ਹੋ ਕੇ ਸਪੇਸ ਵਿੱਚ ਜਾਣ ਵਾਲੇ ਪਹਿਲੇ ਦਸਤਾਰਧਾਰੀ ਸਿੱਖ ਬਣ ਗਏ ਹਨ।
ਬਹਿਲ ਨੇ ਕੰਪਨੀ ਦੀ 14ਵੀਂ ਹਿਊਮਨ ਸਪੇਸਫਲਾਈਟ ਅਤੇ 34ਵੇਂ ਮਿਸ਼ਨ 'ਚ ਭਾਗ ਲਿਆ, ਉਹਨਾਂ ਨੇ 3 ਅਗਸਤ ਨੂੰ ਵੈਸਟ ਟੈਕਸਾਸ ਤੋਂ ਉਡਾਣ ਭਰੀ, ਜਿਸ ਵਿੱਚ ਛੇ ਚਾਲਕ ਦਲ ਦੇ ਮੈਂਬਰ ਸਵਾਰ ਸਨ।
ਭਾਰਤ ਦੇ ਆਗਰਾ ਵਿੱਚ ਜਨਮੇ ਬਹਿਲ ਇੱਕ ਰੀਅਲ ਅਸਟੇਟ ਇਨਵੈਸਟਰ ਅਤੇ ਅਮਰੀਕੀ ਨਾਗਰਿਕ ਹਨ। ਇੱਕ ਤਜਰਬੇਕਾਰ ਯਾਤਰੀ ਅਤੇ ਖੋਜੀ ਹੋਣ ਵਜੋਂ ਉਹ ਦੁਨੀਆ ਦੇ ਹਰ ਦੇਸ਼ ਦਾ ਦੌਰਾ ਕਰ ਚੁੱਕੇ ਹਨ ਅਤੇ ਮਾਊਂਟ ਐਵਰੈਸਟ ਅਤੇ ਗੀਜ਼ਾ ਦੇ ਪਿਰਾਮਿਡਾਂ ਉੱਤੇ ਸਕਾਈਡਾਈਵਿੰਗ ਕਰ ਚੁੱਕੇ ਹਨ। ਉਹ ਇੱਕ ਲਾਇਸੰਸਸ਼ੁਦਾ ਪਾਇਲਟ ਅਤੇ ਹੈਲੀਕਾਪਟਰ ਫਲਾਇਰ ਵੀ ਹਨ।
ਮਿਸ਼ਨ ਦੇ ਚਾਲਕ ਦਲ ਵਿੱਚ ਤੁਰਕੀ ਤੋਂ ਗੋਖਾਨ ਅਰਡੇਮ, ਪੋਰਟੋ ਰੀਕਨ ਮੌਸਮ ਵਿਗਿਆਨੀ ਡੇਬੋਰਾ ਮਾਰਟੋਰੇਲ, ਯੂਕੇ ਤੋਂ ਲਿਓਨਲ ਪਿਚਫੋਰਡ, ਅਮਰੀਕਾ ਤੋਂ ਜੇ.ਡੀ. ਰਸਲ, ਅਤੇ ਗ੍ਰੇਨਾਡਾ ਤੋਂ ਜਸਟਿਨ ਵੀ ਸ਼ਾਮਲ ਸਨ। ਇਹ ਉਡਾਣ ਲਿਫਟਆਫ ਤੋਂ ਕੈਪਸੂਲ ਲੈਂਡਿੰਗ ਤੱਕ ਲਗਭਗ 10 ਮਿੰਟ ਤੱਕ ਚੱਲੀ, ਜਿਸ ਦੌਰਾਨ ਕਰੂ ਮੈਂਬਰਾਂ ਨੂੰ ਕੁਝ ਸਮੇਂ ਲਈ ਭਾਰਹੀਨਤਾ ਦਾ ਅਨੁਭਵ ਹੋਇਆ ਅਤੇ ਉਨ੍ਹਾਂ ਸਪੇਸ ਤੋਂ ਧਰਤੀ ਦੇ ਨਜ਼ਾਰੇ ਵੇਖੇ।
NS-34 ਨਾਲ, ਨਿਊ ਸ਼ੈਫਰਡ ਨੇ ਹੁਣ ਤੱਕ 75 ਲੋਕਾਂ ਨੂੰ ਕਾਰਮਨ ਲਾਈਨ ਤੋਂ ਉੱਪਰ ਉਡਾਣ ਭਰਵਾਈ ਹੈ, ਜਿਨ੍ਹਾਂ ਵਿੱਚ ਪੰਜ ਦੁਬਾਰਾ ਉਡਾਣ ਭਰਨ ਵਾਲੇ ਵੀ ਸ਼ਾਮਲ ਹਨ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login