ADVERTISEMENT
ADVERTISEMENT
ਅਰਿਸਟਾ ਦੀ ਸੀਈਓ ਜੈਸ਼੍ਰੀ ਉਲਾਲ ਬਣੀ ਭਾਰਤੀ ਮੂਲ ਦੀ ਸਭ ਤੋਂ ਅਮੀਰ ਲੀਡਰ
ਜੈਸ਼੍ਰੀ ਉਲਾਲ ਵਰਤਮਾਨ ਵਿੱਚ 5.7 ਅਰਬ ਡਾਲਰ ਦੀ ਅਨੁਮਾਨਿਤ ਕੁੱਲ ਸੰਪੱਤੀ ਦੇ ਨਾਲ ਅਰਬਪਤੀਆਂ ਦੀ ਵਿਸ਼ਵਵਿਆਪੀ ਸੂਚੀ ਵਿੱਚ 714ਵੇਂ ਸਥਾਨ 'ਤੇ ਹੈ
-
ਜੈਫਿਨ ਟੀ. ਕਾਲੇਕਲ - Mon, 29, Dec 2025
- 10:47 EST
- 7
ਅਰਿਸਟਾ ਦੀ ਸੀਈਓ ਜੈਸ਼੍ਰੀ ਉਲਾਲ / Jayshree Ullal via LinkedIn
ਭਾਰਤੀ ਮੂਲ ਦੀ ਅਰਬਪਤੀ ਟੈਕ ਸੀਈਓ ਜੈਸ਼੍ਰੀ ਉਲਾਲ ਨੇ ਹੁਰੁਨ ਇੰਡੀਆ ਦੀ ਤਾਜ਼ਾ ਸੂਚੀ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਉਨ੍ਹਾਂ ਨੇ ਸੁੰਦਰ ਪਿਚਾਈ ਅਤੇ ਸਤਿਆ ਨਡੇਲਾ ਵਰਗੇ ਪ੍ਰਸਿੱਧ ਦਿੱਗਜਾਂ ਨੂੰ ਪਿੱਛੇ ਛੱਡਦੇ ਹੋਏ 5.7 ਅਰਬ ਡਾਲਰ ਦੀ ਕੁੱਲ ਸੰਪੱਤੀ ਨਾਲ ਇਹ ਮੁਕਾਮ ਹਾਸਲ ਕੀਤਾ ਹੈ।
ਉਲਾਲ ਇੱਕ ਭਾਰਤੀ-ਅਮਰੀਕੀ ਬਿਜ਼ਨਸ ਏਗਜ਼ਿਕਿਊਟਿਵ ਹੈ, ਜਿਨ੍ਹਾਂ ਦਾ ਜਨਮ 1957 ਵਿੱਚ ਲੰਡਨ ਵਿੱਚ ਹੋਇਆ ਸੀ। ਉਹ 2008 ਤੋਂ ਅਰਿਸਟਾ ਨੈੱਟਵਰਕਸ ਦੀ ਚੇਅਰਪਰਸਨ ਅਤੇ ਸੀਈਓ ਵਜੋਂ ਸੇਵਾਵਾਂ ਨਿਭਾ ਰਹੀ ਹੈ ਅਤੇ ਉਨ੍ਹਾਂ ਨੇ ਆਪਣੀ ਕੰਪਨੀ ਨੂੰ ਕਲਾਊਡ ਨੈੱਟਵਰਕਿੰਗ ਹੱਲਾਂ ਵਿੱਚ ਵਿਸ਼ਵ ਪੱਧਰ 'ਤੇ ਮੋਹਰੀ ਬਣਾਇਆ ਹੈ।
ਮੌਜੂਦਾ ਸਮੇਂ ਉਲਾਲ 5.7 ਅਰਬ ਡਾਲਰ ਦੀ ਅਨੁਮਾਨਿਤ ਨਿੱਜੀ ਸੰਪੱਤੀ ਨਾਲ ਵਿਸ਼ਵ ਅਰਬਪਤੀਆਂ ਦੀ ਸੂਚੀ ਵਿੱਚ 714ਵੇਂ ਸਥਾਨ ’ਤੇ ਹੈ। ਉਨ੍ਹਾਂ ਕੋਲ ਅਰਿਸਟਾ ਦੇ ਲਗਭਗ 3 ਫੀਸਦੀ ਸ਼ੇਅਰ ਹਨ, ਜਿਨ੍ਹਾਂ ਵਿੱਚੋਂ ਕੁਝ ਉਨ੍ਹਾਂ ਦੇ ਦੋ ਬੱਚਿਆਂ, ਭਤੀਜੀ ਅਤੇ ਭਤੀਜੇ ਲਈ ਰਾਖਵੇਂ ਰੱਖੇ ਗਏ ਹਨ। ਇਸ ਤੋਂ ਇਲਾਵਾ, ਉਹ ਅਮਰੀਕਾ ਦੀਆਂ ਸਭ ਤੋਂ ਅਮੀਰ ਸਵੈ-ਨਿਰਮਿਤ ਔਰਤਾਂ ਦੀ ਸੂਚੀ ਵਿੱਚ 8ਵੇਂ ਸਥਾਨ 'ਤੇ ਹੈ।
ਇਸ ਤੋਂ ਪਹਿਲਾਂ ਜੈਸ਼੍ਰੀ ਉਲਾਲ ਨੇ ਸਿਸਕੋ ਸਿਸਟਮਜ਼ ਵਿੱਚ ਲਗਭਗ 15 ਸਾਲ ਤੱਕ ਉੱਚ ਅਹੁਦਿਆਂ ’ਤੇ ਕੰਮ ਕੀਤਾ, ਜਿਸ ਵਿੱਚ ਈਥਰਨੈਟ ਸਵਿੱਚਿੰਗ ਕਾਰੋਬਾਰ ਦੀ ਅਗਵਾਈ ਕਰਨਾ ਵੀ ਸ਼ਾਮਲ ਸੀ। ਉਨ੍ਹਾਂ ਨੂੰ ਤਕਨਾਲੋਜੀ ਖੇਤਰ ਦੀਆਂ ਸਭ ਤੋਂ ਪ੍ਰਭਾਵਸ਼ਾਲੀ ਮਹਿਲਾ ਸੀਈਓਜ਼ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।
ਨਵੀਂ ਦਿੱਲੀ ਸਥਿਤ ਕਾਨਵੈਂਟ ਆਫ ਜੀਸਸ ਐਂਡ ਮੇਰੀ ਤੋਂ ਆਪਣੀ ਮੁੱਢਲੀ ਸਿੱਖਿਆ ਪੂਰੀ ਕਰਨ ਤੋਂ ਬਾਅਦ, ਉਲਾਲ ਨੇ ਸੈਨ ਫਰਾਂਸਿਸਕੋ ਸਟੇਟ ਯੂਨੀਵਰਸਿਟੀ ਤੋਂ ਇਲੈਕਟ੍ਰੀਕਲ ਅਤੇ ਇਲੈਕਟ੍ਰਾਨਿਕਸ ਇੰਜੀਨੀਅਰਿੰਗ ਵਿੱਚ ਗ੍ਰੈਜੂਏਸ਼ਨ ਅਤੇ ਸੈਂਟਾ ਕਲਾਰਾ ਯੂਨੀਵਰਸਿਟੀ ਤੋਂ ਇੰਜੀਨੀਅਰਿੰਗ ਮੈਨੇਜਮੈਂਟ ਵਿੱਚ ਪੋਸਟ-ਗ੍ਰੈਜੂਏਸ਼ਨ (ਮਾਸਟਰਜ਼) ਦੀ ਡਿਗਰੀ ਪ੍ਰਾਪਤ ਕੀਤੀ।
Related
.png)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login