ADVERTISEMENTs
_page-0001.jpg)
-10”-x-5.jpg)
ਏਅਰ ਇੰਡੀਆ ਦਿੱਲੀ–ਵਾਸ਼ਿੰਗਟਨ ਨਾਨ-ਸਟਾਪ ਉਡਾਣਾਂ ਕਰੇਗੀ ਬੰਦ
ਭਾਰਤ ਤੋਂ ਵਾਸ਼ਿੰਗਟਨ ਜਾਣ ਵਾਲੇ ਯਾਤਰੀ ਇੱਕ-ਸਟਾਪ ਯਾਤਰਾ 'ਤੇ ਨਿਰਭਰ ਕਰਨਗੇ
-
ਆਰ ਸੂਰਿਆਮੂਰਤੀ - Mon, 11, Aug 2025
- 12:47 EDT
- 6
ਏਅਰ ਇੰਡੀਆ / Wikipedia
ਏਅਰ ਇੰਡੀਆ ਵੱਲੋਂ ਸਤੰਬਰ 2025 ਤੋਂ ਆਪਣੀਆਂ ਦਿੱਲੀ - ਵਾਸ਼ਿੰਗਟਨ, ਡੀ.ਸੀ. ਨਾਨ-ਸਟਾਪ ਉਡਾਣਾਂ ਮੁਅੱਤਲ ਕਰਨ ਦਾ ਫ਼ੈਸਲਾ ਵਧ ਰਹੀਆਂ ਸੰਚਾਲਕੀ ਚੁਣੌਤੀਆਂ ਨੂੰ ਦਰਸਾਉਂਦਾ ਹੈ। ਏਅਰਲਾਈਨ ਆਪਣੀ ਲੰਬੀ ਦੂਰੀ ਵਾਲੀ ਫਲੀਟ ਦੀ ਵਿਆਪਕ ਨਵੀਨੀਕਰਨ ਪ੍ਰਕਿਰਿਆ ਵਿੱਚ ਹੈ ਅਤੇ ਰੁਕਾਵਟਾਂ ਦਾ ਸਾਹਮਣਾ ਕਰ ਰਹੀ ਹੈ।
ਰੀਟਰੋਫਿਟਿੰਗ ਪ੍ਰੋਗਰਾਮ ਕਾਰਨ ਲੰਬੇ ਸਮੇਂ ਲਈ ਜਹਾਜ਼ਾਂ ਦੀ ਅਣਉਪਲਬਧਤਾ ਅਤੇ ਪਾਕਿਸਤਾਨੀ ਹਵਾਈ ਖੇਤਰ ਦੇ ਲਗਾਤਾਰ ਬੰਦ ਹੋਣ ਕਾਰਨ ਪੱਛਮ ਵੱਲ ਜਾਣ ਵਾਲੀਆਂ ਉਡਾਣਾਂ ਲਈ ਮਹਿੰਗੇ ਅਤੇ ਜਿਆਦਾ ਸਮਾਂ ਲੱਗਣ ਵਾਲੇ ਰਸਤੇ ਅਪਣਾਉਣ ਦੀ ਲੋੜ- ਦੋ ਆਪਸੀ ਤੌਰ 'ਤੇ ਜੁੜੀਆਂ ਪਾਬੰਦੀਆਂ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
ਏਅਰ ਇੰਡੀਆ ਨੇ ਜੁਲਾਈ ਵਿੱਚ 400 ਮਿਲੀਅਨ ਡਾਲਰ ਦੇ ਕੇਬਿਨ ਅੱਪਗ੍ਰੇਡ ਪ੍ਰੋਜੈਕਟ ਦੇ ਹਿੱਸੇ ਵਜੋਂ 26 ਬੋਇੰਗ 787-8 ਡ੍ਰੀਮਲਾਈਨਰਾਂ ਦੀ ਰੀਟਰੋਫਿਟਿੰਗ ਸ਼ੁਰੂ ਕੀਤੀ, ਜਿਸ ਦਾ ਮਕਸਦ ਆਪਣੇ ਉਤਪਾਦ ਨੂੰ ਗਲੋਬਲ ਮੁਕਾਬਲੇ ਦੇ ਮਿਆਰ ਦੇ ਬਰਾਬਰ ਲਿਆਉਣਾ ਹੈ। ਹਰ ਜਹਾਜ਼ ਕਈ ਹਫ਼ਤਿਆਂ ਲਈ ਗ੍ਰਾਊਂਡ ਰਹੇਗਾ ਅਤੇ ਇਹ ਪ੍ਰਕਿਰਿਆ ਘੱਟੋ-ਘੱਟ 2026 ਦੇ ਅੰਤ ਤੱਕ ਚੱਲੇਗੀ।
ਇੱਕ ਹਵਾਈ ਯਾਤਰਾ ਨੇ ਕਿਹਾ, "ਜੇ ਏਅਰ ਇੰਡੀਆ ਨੇ ਪ੍ਰੀਮੀਅਮ ਕੈਰੀਅਰ ਵਜੋਂ ਆਪਣੀ ਸਥਿਤੀ ਬਣਾਉਣੀ ਹੈ ਤਾਂ ਇਹ ਸੁਧਾਰ ਜਰੂਰੀ ਹੈ। ਪਰ ਮੌਜੂਦਾ ਹਾਲਾਤਾਂ ਵਿੱਚ ਉਨਾਂ ਨੂੰ ਸੰਚਾਲਨ ਪੱਖੋਂ ਚੁਣੌਤੀਪੂਰਨ ਰੂਟ ਘਟਾਉਣੇ ਪੈ ਰਹੇ ਹਨ, ਜਿਸ ਵਿੱਚ ਵਾਸ਼ਿੰਗਟਨ ਵੀ ਸ਼ਾਮਲ ਹੈ।"
ਏਅਰਲਾਈਨ ਉਪਲਬਧ ਸਮਰੱਥਾ ਦੇ ਨਾਲ, ਸਭ ਤੋਂ ਲਾਭਕਾਰੀ ਅਤੇ ਵੱਧ ਮੰਗ ਵਾਲੇ ਰੂਟਾਂ ਨੂੰ ਜਾਰੀ ਰੱਖਦੇ ਹੋਏ ਆਪਣੇ ਨੈਟਵਰਕ ਦੀ ਸਥਿਰਤਾ ਕਾਇਮ ਰੱਖਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਜਦੋਂ ਕਿ ਉਹ ਸੇਵਾਵਾਂ ਘਟਾ ਰਹੀ ਹੈ ਜਿਨ੍ਹਾਂ ਲਈ ਵੱਧ ਲਚਕਦਾਰ ਸੰਚਾਲਨ ਦੀ ਲੋੜ ਹੁੰਦੀ ਹੈ।
2019 ਵਿੱਚ ਸੈਨਿਕ ਟਕਰਾਅ ਤੋਂ ਬਾਅਦ ਪਾਕਿਸਤਾਨ ਵੱਲੋਂ ਹਵਾਈ ਖੇਤਰ ਬੰਦ ਕਰਨ ਤੋਂ ਬਾਅਦ, ਭਾਰਤ ਅਤੇ ਅਮਰੀਕਾ ਦੇ ਪੂਰਬੀ ਤਟ ਦੀਆਂ ਉਡਾਣਾਂ ਨੂੰ ਅਰਬ ਸਾਗਰ, ਓਮਾਨ ਅਤੇ ਯੂਰਪ ਦੇ ਲੰਬੇ ਰਸਤੇ ਰਾਂਹੀ ਜਾਣਾ ਪੈਂਦਾ ਹੈ। ਇਸ ਨਾਲ ਵਾਸ਼ਿੰਗਟਨ ਲਈ, ਉਡਾਣ ਦੇ ਸਮੇਂ ਵਿੱਚ 60–90 ਮਿੰਟ ਦਾ ਵਾਧਾ ਹੁੰਦਾ ਹੈ, ਈਂਧਨ ਦੀ ਖਪਤ ਅਤੇ ਕਰੂ ਦੀ ਲਾਗਤ ਵਧਦੀ ਹੈ।
ਬਾਜ਼ਾਰ 'ਤੇ ਪ੍ਰਭਾਵ
ਮੁਅੱਤਲੀ ਨਾਲ ਯੂਨਾਈਟਡ ਏਅਰਲਾਈਨਜ਼, ਭਾਰਤ–ਵਾਸ਼ਿੰਗਟਨ ਦੀਆਂ ਸਿੱਧੀਆਂ ਉਡਾਣਾਂ ਦੀ ਇਕਲੌਤੀ ਸੰਚਾਲਕ ਰਹਿ ਜਾਵੇਗੀ, ਜਿਸ ਨਾਲ ਉਸਦੀ ਟ੍ਰਾਂਸਐਟਲਾਂਟਿਕ ਸੈਗਮੈਂਟ ਵਿੱਚ ਸਥਿਤੀ ਮਜ਼ਬੂਤ ਹੋਵੇਗੀ ਜਿੱਥੇ ਨਾਨ-ਸਟਾਪ ਵਿਕਲਪ ਘੱਟ ਹਨ। ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਨਾਨ-ਸਟਾਪ ਸੇਵਾ ਦੇ ਨੁਕਸਾਨ ਨਾਲ ਵਾਸ਼ਿੰਗਟਨ ਬਾਜ਼ਾਰ ਵਿੱਚ ਏਅਰ ਇੰਡੀਆ ਦੀ ਬ੍ਰਾਂਡ ਮੌਜੂਦਗੀ ਕਮਜ਼ੋਰ ਹੋ ਸਕਦੀ ਹੈ, ਜਿੱਥੇ 2017 ਵਿੱਚ ਰੂਟ ਸ਼ੁਰੂ ਕਰਨ ਤੋਂ ਬਾਅਦ ਇਸ ਨੇ ਦੱਖਣੀ ਏਸ਼ੀਆਈ ਡਾਇਸਪੋਰਾ ਦਾ ਗਾਹਕ ਆਧਾਰ ਬਣਾਇਆ ਹੈ। ਭਾਵੇਂ ਇੱਕ-ਸਟਾਪ ਵਿਕਲਪ ਮੌਜੂਦ ਹਨ, ਪਰ ਸਿੱਧੀ ਫਲਾਈਟ ਰਾਜਨੀਤਕ, ਵਪਾਰਕ ਅਤੇ ਅਕਾਦਮਿਕ ਯਾਤਰੀਆਂ ਲਈ ਸੁਵਿਧਾ ਦਿੰਦੀ ਸੀ।
ਇਹ ਮੁਅੱਤਲੀ ਉਸ ਵੇਲੇ ਆਈ ਹੈ ਜਦੋਂ ਭਾਰਤ-ਉੱਤਰੀ ਅਮਰੀਕਾ ਰੂਟਾਂ 'ਤੇ ਮੁਕਾਬਲਾ ਤੇਜ਼ ਹੋ ਰਿਹਾ ਹੈ। ਮੱਧ ਪੂਰਬ ਦੇ ਕੈਰੀਅਰ ਜਿਵੇਂ ਕਿ ਐਮੀਰੇਟਸ, ਕਤਾਰ ਏਅਰਵੇਜ਼ ਅਤੇ ਏਤਿਹਾਦ ਭਾਰਤ-ਅਮਰੀਕਾ ਕਨੈਕਟਿੰਗ ਟ੍ਰੈਫਿਕ 'ਤੇ ਕਬਜ਼ਾ ਕਰ ਰਹੇ ਹਨ, ਜਦੋਂ ਕਿ ਏਅਰ ਕੈਨੇਡਾ ਅਤੇ ਯੂਨਾਈਟਡ ਟੋਰਾਂਟੋ, ਨਿਊਯਾਰਕ ਅਤੇ ਹੋਰ ਹੱਬਾਂ ਤੋਂ ਮਜ਼ਬੂਤ ਨਾਨ-ਸਟਾਪ ਸੇਵਾਵਾਂ ਚਲਾ ਰਹੇ ਹਨ।
ਇੱਕ ਵਿਸ਼ਲੇਸ਼ਕ ਨੇ ਕਿਹਾ, "ਏਅਰ ਇੰਡੀਆ ਦੀ ਤਾਕਤ ਸਿੱਧੀਆਂ ਉਡਾਣਾਂ ਵਿੱਚ ਹੈ। ਉਹਨਾਂ ਨੂੰ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਇਹ ਮੁਅੱਤਲੀਆਂ ਅਸਥਾਈ ਹਨ ਅਤੇ ਹੋਰ ਮਜ਼ਬੂਤ ਵਾਪਸੀ ਕਰਨ ਜੋ ਯਾਤਰੀਆਂ ਲਈ ਲੰਬੇ ਰਸਤੇ ਨੂੰ ਵੀ ਸੁਹਾਵਾ ਬਣਾਏ।"
ਏਅਰ ਇੰਡੀਆ ਨੇ ਕਿਹਾ ਹੈ ਕਿ ਵਾਸ਼ਿੰਗਟਨ ਰੂਟ ਦੀ ਮੁਅੱਤਲੀ ਅਸਥਾਈ ਹੈ ਅਤੇ ਸੰਭਾਵਨਾ ਹੈ ਕਿ ਰੀਟਰੋਫਿਟ ਪ੍ਰੋਗਰਾਮ ਪੂਰਾ ਹੋਣ ਤੋਂ ਬਾਅਦ ਇਸਦੀ ਵਾਪਸੀ ਹੋਵੇਗੀ। ਉਦਯੋਗ ਦੇ ਨਿਗਰਾਨ ਅੰਦਾਜ਼ਾ ਲਗਾਉਂਦੇ ਹਨ ਕਿ 2027 ਤੱਕ ਇਹ ਰੂਟ ਮੁੜ ਸ਼ੁਰੂ ਕੀਤਾ ਜਾ ਸਕਦਾ ਹੈ, ਸੰਭਵ ਹੈ ਕਿ ਅੱਪਗਰੇਡ ਕੀਤੇ ਕੈਬਿਨ ਅਤੇ ਵੱਧ ਕੁਸ਼ਲ ਸੰਚਾਲਨ ਦੇ ਨਾਲ ਭੂ-ਰਾਜਨੀਤਿਕ ਹਵਾਈ ਖੇਤਰ ਦੇ ਮੁੱਦੇ ਹੱਲ ਹੋ ਜਾਣਗੇ।
ਉਦੋਂ ਤੱਕ, ਭਾਰਤ ਤੋਂ ਵਾਸ਼ਿੰਗਟਨ ਜਾਣ ਵਾਲੇ ਯਾਤਰੀ ਇੱਕ-ਸਟਾਪ ਯਾਤਰਾ 'ਤੇ ਨਿਰਭਰ ਕਰਨਗੇ, ਜਿਸ ਨਾਲ ਯਾਤਰਾ ਦਾ ਸਮਾਂ ਵਧੇਗਾ ਪਰ ਏਅਰਲਾਈਨਾਂ ਦੀ ਚੋਣ ਵੀ ਵਧੇਗੀ।
Related
.jpg)
.jpg)
.jpeg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login