ADVERTISEMENT
ADVERTISEMENT
2026ની 'ગ્રેટ ઇમિગ્રન્ટ્સ' યાદીમાં ચાર ભારતીય-અમેરિકનોનો સમાવેશ
બિઝનેસ, વિજ્ઞાન અને શિક્ષણ ક્ષેત્રના અગ્રણી ચહેરાઓને મળ્યું સન્માન
-
1747754650.png)
ઈશાની દત્તગુપ્તા - Wed, 01, Jul 2026
- 02:43 EDT
- 35
Clockwise: સુનીલ અમૃત, ડૉ. સંજીવ ચોપરા, મહઝરીન બનાજી, નિકેશ અરોરા અને રેશ્મા કેવલરામાની. / Wikipedia
ન્યૂયોર્કની કાર્નેગી કોર્પોરેશને જાહેર કરેલી 2026ની પ્રતિષ્ઠિત 'ગ્રેટ ઇમિગ્રન્ટ્સ, ગ્રેટ અમેરિકન્સ' યાદીમાં ચાર ભારતીય-અમેરિકનો નિકેશ અરોરા, મહઝરીન બનાજી, ડૉ. સંજીવ ચોપરા અને રેશ્મા કેવલરમાની સાથે કેન્યામાં જન્મેલા ઇતિહાસકાર સુનીલ અમૃથનો પણ સમાવેશ કરવામાં આવ્યો છે.
આ સન્માન મેળવનારાઓમાં બિઝનેસ, વિજ્ઞાન અને શિક્ષણ જેવા વિવિધ ક્ષેત્રોના અગ્રણી વ્યક્તિઓનો સમાવેશ થાય છે. સિલિકોન વેલી સ્થિત AI આધારિત સાયબર સુરક્ષા કંપની પાલો આલ્ટો નેટવર્ક્સના ચેરમેન અને CEO નિકેશ અરોરા તથા બોસ્ટન સ્થિત વર્ટેક્સ ફાર્માસ્યુટિકલ્સના પ્રેસિડેન્ટ અને CEO રેશ્મા કેવલરમાની જાણીતા કોર્પોરેટ નેતાઓ છે.
હૈદરાબાદમાં જન્મેલા સામાજિક મનોવૈજ્ઞાનિક મહઝરીન બનાજી અને દિલ્હીમાં જન્મેલા ડૉ. સંજીવ ચોપરા હાલમાં હાર્વર્ડ યુનિવર્સિટીમાં પ્રોફેસર તરીકે કાર્યરત છે. જ્યારે કેન્યાથી અમેરિકા આવેલા જાણીતા ઇતિહાસકાર સુનીલ અમૃથ યેલ યુનિવર્સિટીમાં રેનુ અને આનંદ ધવન પ્રોફેસર ઓફ હિસ્ટ્રી, મેકમિલન સેન્ટરના ડિરેક્ટર અને આંતરરાષ્ટ્રીય બાબતોના વાઇસ પ્રોવોસ્ટ તરીકે સેવા આપી રહ્યા છે.
અમેરિકાના સ્વતંત્રતા દિવસ (4 જુલાઈ)ની પૂર્વસંધ્યાએ જાહેર થતી 'ગ્રેટ ઇમિગ્રન્ટ્સ, ગ્રેટ અમેરિકન્સ'ની 2026ની યાદીમાં 21 દેશોમાંથી આવેલા નેચરલાઇઝ્ડ અમેરિકન નાગરિકોને તેમના શિક્ષણ, કલા, બિઝનેસ, મેડિસિન, રમતગમત, વિજ્ઞાન, ટેક્નોલોજી, એન્જિનિયરિંગ અને ગણિત ક્ષેત્રે નોંધપાત્ર યોગદાન બદલ સન્માનિત કરવામાં આવ્યા છે.
આ વર્ષે અમેરિકાના સ્વતંત્રતા ઘોષણાપત્રના 250 વર્ષ પૂર્ણ થવાના અવસરે કાર્નેગી કોર્પોરેશને અમેરિકાના સ્થાપક દસ્તાવેજ પર હસ્તાક્ષર કરનાર વિદેશમાં જન્મેલા આઠ મહાનુભાવોને પણ વિશેષ રીતે સન્માનિત કર્યા છે.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login