ADVERTISEMENT
ADVERTISEMENT
ગુજરાત-સ્ટારલિંક વચ્ચે LOI: ડિજિટલ ઇન્ફ્રકાસ્ટ્રક્ચરની દિશામાં વધુ એક માઈલસ્ટોન
પાયલટ તબક્કામાં કોમન સર્વિસ સેન્ટર્સ તેમજ ઇ-ગવર્નન્સ સુવિધાઓને જોડીને સરકારી સેવાઓની ઝડપી અને સરળ પહોંચ સુનિશ્ચિત કરાશે.
-
IANS(ગુજરાતી) - Mon, 09, Feb 2026
- 21:05 EST
- 11
ગુજરાતના સીએમ ભૂપેન્દ્ર પટેલ અને ડેપ્યુટી સીએમ હર્ષ સંઘવી સાથે સ્ટારલિંક ઈન્ડિયાના અધિકારીઓ / IANS
ગુજરાત સરકારે સ્પેસએક્સની પેટા કંપની સ્ટારલિંક સેટેલાઇટ કોમ્યુનિકેશન્સ પ્રાઇવેટ લિમિટેડ સાથે પરસ્પર સહયોગ માટે લેટર ઓફ ઇન્ટેન્ટ (LoI) પર હસ્તાક્ષર કર્યા છે. આ કરાર રાજ્યના અંતરિયાળ, સીમાડા અને આદિવાસી વિસ્તારોમાં ડિજિટલ કનેક્ટિવિટીને મજબૂત બનાવવાની દિશામાં મહત્વનું પગલું ગણાય છે.
આ LoIનું આદાન-પ્રદાન ગાંધીનગરમાં યોજાયેલા કાર્યક્રમમાં મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવીની ઉપસ્થિતિમાં થયું હતું.
આ પહેલ પ્રધાનમંત્રી નરેન્દ્ર મોદીના 'ડિજિટલ ઇન્ડિયા' વિઝન અને 'વિકસિત ભારત @૨૦૪૭'ના લક્ષ્યને મજબૂતી આપવા માટે ડિજિટલ ગવર્નન્સને આધારસ્તંભ બનાવવાના ભાર સાથે સુસંગત છે.
આ કરાર પહેલાં ડિસેમ્બર ૨૦૨૫માં મુખ્યમંત્રી, નાયબ મુખ્યમંત્રી અને સ્ટારલિંક ઓપરેશન્સ સ્પેસએક્સના વાઇસ પ્રેસિડન્ટ લોરેન ડ્રેયર વચ્ચે પ્રાથમિક બેઠક યોજાઈ હતી.
Happy to share that the Government of Gujarat has exchanged a Letter of Intent with @Starlink, a subsidiary of @SpaceX, to strengthen digital connectivity across the state.
— Bhupendra Patel (@Bhupendrapbjp) February 9, 2026
This LoI will enable high-speed satellite-based internet connectivity in remote, border, tribal and… pic.twitter.com/drHxCx3yCl
પ્રસ્તાવિત પાયલટ પહેલ હેઠળ ટેલિકોમ ઇન્ફ્રાસ્ટ્રક્ચર મર્યાદિત હોય તેવા વિસ્તારોમાં સેટેલાઇટ આધારિત હાઇ-સ્પીડ ઇન્ટરનેટ કનેક્ટિવિટી શરૂ કરવામાં આવશે, જેમાં અંતરિયાળ, સીમાડા અને આદિવાસી વિસ્તારોનો સમાવેશ થાય છે.
રાજ્ય સરકારના જણાવ્યા અનુસાર, પાયલટ તબક્કામાં કોમન સર્વિસ સેન્ટર્સ (CSC) અને ઇ-ગવર્નન્સ સુવિધાઓને જોડવા પર ધ્યાન કેન્દ્રિત કરવામાં આવશે, જેથી સરકારી સેવાઓ વધુ ઝડપી અને સુલભ રીતે લોકો સુધી પહોંચી શકે.
ખાસ કરીને નર્મદા અને દાહોદ જેવા આકાંક્ષી જિલ્લાઓ તેમજ આદિવાસી પટ્ટાઓમાં વિશ્વસનીય ડિજિટલ કનેક્ટિવિટીથી વહીવટી પહોંચ અને સેવા વિતરણમાં સુધારો થશે.
LoIમાં પ્રાથમિક આરોગ્ય કેન્દ્રો, સરકારી શાળાઓ અને રાજ્યવ્યાપી ટેલી-મેડિસિન કેન્દ્રો માટે સ્માર્ટ કનેક્ટિવિટીની વ્યવસ્થા કરવામાં આવી છે, જેથી આરોગ્ય અને શિક્ષણ સેવાઓની પહોંચમાં વધારો થાય.
આ પણ વાંચો: ભારત-શ્રીલંકા સંબંધોને વધુ મજબૂત કરવા પર ભાર, કોલંબોમાં ઉચ્ચસ્તરીય ચર્ચા
Journey of Togetherness, Moving Forward!
— Harsh Sanghavi (@sanghaviharsh) February 9, 2026
Under the leadership of CM Shri @Bhupendrapbjp Ji, the Government of Gujarat has exchanged a Letter of Intent with @Starlink to strengthen digital connectivity across the state, especially in aspirational and tribal districts.
This step… https://t.co/qlR6qp2Nu7 pic.twitter.com/4uiulDk24k
જિલ્લા આપત્તિ વ્યવસ્થાપન નિયંત્રણ કક્ષ, વન્યજીવ અભયારણ્યો, પોર્ટ સુવિધાઓ તેમજ દરિયાકાંઠાના વિસ્તારોને પણ આ કનેક્ટિવિટી યોજનામાં સામેલ કરવાની દરખાસ્ત છે, જેથી સંકલન, નિરીક્ષણ અને પ્રતિસાદ ક્ષમતામાં વધારો થાય.
આ ઉપરાંત, સહયોગના ફ્રેમવર્કમાં ક્ષમતા નિર્માણની પહેલોનો સમાવેશ છે, જેમાં સરકારી એજન્સીઓ, સરકારી શાળાઓ અને આપત્તિ વ્યવસ્થાપન ટીમો માટે સંયુક્ત તાલીમ કાર્યક્રમોનું આયોજન કરવામાં આવશે જેથી ડિજિટલ ઇન્ફ્રાસ્ટ્રક્ચરનો અસરકારક ઉપયોગ થઈ શકે.
ગુજરાત ઇન્ડસ્ટ્રીયલ ડેવલપમેન્ટ કોર્પોરેશનના ઔદ્યોગિક પાર્ક્સ, હાઇવે સેફ્ટી સિસ્ટમ્સ, મેરીટાઇમ અને પોર્ટ ઓપરેશન્સ તેમજ દરિયાકાંઠા પોલીસ એકમો માટે કનેક્ટિવિટી મજબૂત કરવાની પણ યોજના રાખવામાં આવી છે.
આ પહેલના અસરકારક અમલીકરણ માટે રાજ્ય સરકાર અને સ્ટારલિંકના પ્રતિનિધિઓની સંયુક્ત કાર્ય જૂથ (Joint Working Group) રચવામાં આવશે, જે આયોજન અને અમલ પર નજર રાખશે.
LoIનું આદાન-પ્રદાન રાજ્ય સરકાર તરફથી ઉદ્યોગ કમિશનર પી. સ્વરૂપ અને સ્ટારલિંક તરફથી સ્ટારલિંક ઇન્ડિયાના હેડ પ્રભાકર જયકુમારે કર્યું હતું.
મુખ્યમંત્રી ભૂપેન્દ્ર પટેલે વિશ્વાસ વ્યક્ત કર્યો છે કે આ સહયોગ રાજ્યમાં ડિજિટલ સેવાઓના વિસ્તરણમાં માઇલસ્ટોન સાબિત થશે અને ઇ-ગવર્નન્સની પ્રગતિને વેગ આપશે.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login