ADVERTISEMENT
ADVERTISEMENT
હાર્વર્ડ બોર્ડમાં આરતી ગર્ગ અને મેધા ગાર્ગેયાની પસંદગી
ગયા વર્ષે ભારતીય મૂળની ટુબી કંપનીની CEO અંજલી સુદને હાર્વર્ડના ઓવરસીયર તરીકે પસંદ કરવામાં આવ્યા હતા. તેઓ કેનેડાના વડાપ્રધાન બનેલા માર્ક કાર્નીના બાકી રહેલા કાર્યકાળ માટે નિમાયા હતા.
-
1747754650.png)
ઈશાની દત્તગુપ્તા - Sun, 31, May 2026
- 04:40 EDT
- 27
આરતી ગર્ગ અને મેધા ગર્ગેયા / LinkedIn
ભારતીય મૂળની આરતી ગર્ગ અને મેધા ગાર્ગેયા હાર્વર્ડ યુનિવર્સિટીના બોર્ડ ઓફ ઓવરસીયર્સ અને હાર્વર્ડ એલ્યુમ્ની એસોસિએશન (HAA) બોર્ડમાં પસંદ થયેલા 13 પૂર્વ વિદ્યાર્થીઓમાં સામેલ થયા છે.
હાર્વર્ડ ગેઝેટના અહેવાલ મુજબ, આ અઠવાડિયે યોજાયેલી એલ્યુમ્ની ચૂંટણીમાં હાર્વર્ડના પૂર્વ વિદ્યાર્થીઓએ યુનિવર્સિટીના બોર્ડ ઓફ ઓવરસીયર્સ માટે 7 અને HAA બોર્ડ ઓફ ડિરેક્ટર્સ માટે 6 સભ્યોની પસંદગી કરી હતી.
2008માં હાર્વર્ડમાંથી ફિઝિક્સમાં PhD કરનાર અને સ્ટેનફોર્ડ યુનિવર્સિટીમાંથી એરોનોટિકલ એન્ડ એસ્ટ્રોનોટિકલ એન્જિનિયરિંગમાં MS કરનાર આરતી ગર્ગને નવા ઓવરસીયર તરીકે પસંદ કરવામાં આવ્યા છે. કેલિફોર્નિયાના હેવર્ડમાં રહેતી ગર્ગ હાલમાં કેમ્બ્રિજ, યુકે સ્થિત ઔદ્યોગિક સોફ્ટવેર ક્ષેત્રની વૈશ્વિક કંપની Avevaમાં એક્ઝિક્યુટિવ વાઇસ પ્રેસિડન્ટ અને ચીફ ટેક્નોલોજિસ્ટ તરીકે કાર્યરત છે.
તેઓ નવી અને ઉભરતી ટેક્નોલોજી તથા તેનો ઔદ્યોગિક ઉત્પાદન અને મહત્વપૂર્ણ ઈન્ફ્રાસ્ટ્રક્ચરમાં શ્રેષ્ઠ ઉપયોગ કેવી રીતે થઈ શકે તેના પર કામ કરે છે. અગાઉ તેઓ Hewlett Packard Enterpriseમાં CTO ઓફિસ માટે ટેક્નોલોજી સ્ટ્રેટેજી અને મૂલ્યાંકનનું નેતૃત્વ કરી ચૂક્યા છે.
તેમના કારકિર્દીમાં કમ્પ્યુટિંગ અને ઔદ્યોગિક ક્ષેત્રોમાં ડેટા સાયન્સ સંબંધિત અનેક નેતૃત્વભરી ભૂમિકાઓનો સમાવેશ થાય છે. સાથે જ તેમણે વ્હાઇટ હાઉસ બજેટ ઓફિસ અને અમેરિકન કોંગ્રેસમાં વિધાન સલાહકાર તરીકે પણ સેવા આપી છે.
હાર્વર્ડ એલ્યુમ્ની એસોસિએશન બોર્ડમાં પસંદ થયેલી મેધા ગાર્ગેયાએ 2019માં હાર્વર્ડ લૉ સ્કૂલમાંથી અને 2014માં હાર્વર્ડ કોલેજમાંથી અભ્યાસ પૂર્ણ કર્યો હતો. તેઓ હાલમાં WilmerHale કાનૂની ફર્મમાં ટ્રાયલ અને એપિલેટ લિટિગેટર તેમજ સિનિયર એસોસિયેટ તરીકે કાર્યરત છે. સાથે જ તેઓ હાર્વર્ડ લૉ સ્કૂલમાં કાનૂનના લેક્ટરર અને અમેરિકન એર ફોર્સ રિઝર્વમાં કેપ્ટન તરીકે પણ સેવા આપે છે.
આ પહેલાં તેઓ અમેરિકાના ન્યાય વિભાગની સિવિલ ડિવિઝનના આસિસ્ટન્ટ એટર્ની જનરલ ઓફિસમાં કાઉન્સેલ તરીકે સેવા આપી ચૂક્યા છે.
નવા ઓવરસીયર્સ 29 મેના રોજ તેમની જવાબદારી સંભાળશે, જ્યારે HAAના નવા ડિરેક્ટર્સ 1 જુલાઈથી કાર્યભાર સંભાળશે. ઓવરસીયર્સનો કાર્યકાળ 6 વર્ષનો હોય છે, જ્યારે નવા ડિરેક્ટર્સ 3 વર્ષ માટે ચૂંટાય છે.
ગયા વર્ષે ભારતીય મૂળની ટુબી OTT સ્ટ્રીમિંગ સેવા કંપનીની CEO અંજલી સુદને હાર્વર્ડમાં ઓવરસીયર તરીકે પસંદ કરવામાં આવ્યા હતા. તેઓ Vimeoની ભૂતપૂર્વ CEO રહી ચૂક્યા છે અને 2011માં હાર્વર્ડમાંથી MBA કર્યું હતું.
તે ઉપરાંત, પર્યાવરણ અને સસ્ટેનેબિલિટી ક્ષેત્રના નિષ્ણાત સંજય સેઠને પણ ગયા વર્ષે હાર્વર્ડ એલ્યુમ્ની એસોસિએશન બોર્ડમાં પસંદ કરવામાં આવ્યા હતા. તેમણે જાહેર, ખાનગી, નોનપ્રોફિટ અને શૈક્ષણિક ક્ષેત્રોમાં કામ કર્યું છે.
બોર્ડ ઓફ ઓવરસીયર્સ હાર્વર્ડના બે મુખ્ય શાસકીય બોર્ડમાંથી એક છે. બીજું બોર્ડ "પ્રેસિડન્ટ એન્ડ ફેલોઝ", જેને "કોર્પોરેશન" તરીકે પણ ઓળખવામાં આવે છે. 1642માં સ્થાપિત આ બોર્ડ યુનિવર્સિટીના સંચાલનમાં મહત્વપૂર્ણ ભૂમિકા ભજવે છે.
આ બોર્ડ હાર્વર્ડની વિવિધ સ્કૂલો અને વિભાગોની સમયાંતરે બાહ્ય સમીક્ષા કરવાની પ્રક્રિયાનું માર્ગદર્શન આપે છે. તેની વિવિધ સ્ટેન્ડિંગ કમિટીઓ અને લગભગ 50 વિઝિટિંગ કમિટીઓ દ્વારા યુનિવર્સિટીના કાર્યક્રમોની ગુણવત્તાનું મૂલ્યાંકન કરવામાં આવે છે અને હાર્વર્ડ તેના શૈક્ષણિક ધ્યેયો પ્રત્યે વફાદાર રહે તેની ખાતરી કરવામાં આવે છે.
HAA બોર્ડ એક સલાહકાર બોર્ડ છે, જે વિશ્વભરના હાર્વર્ડના પૂર્વ વિદ્યાર્થીઓમાં જોડાણ, ભાગીદારી અને યુનિવર્સિટી પ્રત્યેની લાગણી મજબૂત બનાવવાનો પ્રયત્ન કરે છે.
આ બોર્ડનો મુખ્ય ફોકસ સ્વયંસેવક નેતૃત્વ વિકસાવવાનો અને વિવિધ કાર્યક્રમો દ્વારા પૂર્વ વિદ્યાર્થીઓની ભાગીદારી વધારવાનો છે. છેલ્લા કેટલાક વર્ષોમાં બોર્ડે નવા ગ્રેજ્યુએટ્સ અને ગ્રેજ્યુએટ સ્કૂલના પૂર્વ વિદ્યાર્થીઓ સુધી પહોંચ મજબૂત બનાવવી અને વધુ સમાવેશક સમુદાયો ઉભા કરવાની દિશામાં કામ કર્યું છે.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login