ADVERTISEMENT
ADVERTISEMENT
રેશ્મા સૌજનીની નોન-પ્રોફિટ સંસ્થા ‘મોમ્સ ફર્સ્ટ’એ ઐતિહાસિક ડોક્યુમેન્ટરી ફિલ્મની જાહેરાત કરી
અમેરિકન માતૃત્વ પર આધારિત આ ગ્રાઉન્ડબ્રેકિંગ ફીચર ડોક્યુમેન્ટરી મધર્સ ડે ૨૦૨૬ની આસપાસ પ્રીમિયર થશે
-
માલવિકા ચૌધરી - Tue, 02, Dec 2025
- 01:34 EST
- 12
રેશ્મા સૌજાની તેના પુત્ર સાથે / X (reshmasaujani)
ભારતીય મૂળની અમેરિકન એક્ટિવિસ્ટ રેશ્મા સૌજનીએ સ્થાપેલી રાષ્ટ્રીય નોન-પ્રોફિટ સંસ્થા ‘મોમ્સ ફર્સ્ટ’એ અમેરિકન માતૃત્વ પર કેન્દ્રિત એક ઐતિહાસિક ફુલ-લેન્થ ડોક્યુમેન્ટરી ફિલ્મની જાહેરાત કરી છે. આ ફિલ્મ મધર્સ ડે ૨૦૨૬ની આસપાસ પ્રીમિયર થવાની છે.
આ ડોક્યુમેન્ટરીમાં બીજા વિશ્વયુદ્ધ પછીના ઘરેલું પ્રોપેગન્ડાથી લઈને આજની ‘ગર્લબોસ’ મહત્વાકાંક્ષા અને ‘ટ્રેડ વાઇફ’ના પુનરુત્થાન સુધીની સાંસ્કૃતિક વાર્તાઓની ચર્ચા કરવામાં આવી છે. તે દર્શાવશે કે આ વાર્તાઓએ માતાઓની અપેક્ષાઓ કેવી રીતે ઘડી છે અને પરિવાર, જાતિ તથા કામકાજને લગતા રાજકીય વિભાજનમાં કેવો ફાળો આપ્યો છે.
એમી-નોમિનેટેડ ‘કલ્ચર હાઉસ મીડિયા’, ટેન ફ્રાન્સની ‘ફ્રેન્ચ ટક મીડિયા’ અને ‘મોમ્સ ફર્સ્ટ’ આ પ્રોજેક્ટના સહ-નિર્માતા છે. ફિલ્મનું દિગ્દર્શન રેશેમ નિજોન કરી રહ્યાં છે. એક્ઝિક્યુટિવ પ્રોડ્યુસર્સમાં રેશ્મા સૌજની, ટેન ફ્રાન્સ, ડોના મેકલેચી, નિકોલ ગેલોવ્સ્કી અને કેરી ટ્વિગનો સમાવેશ થાય છે, જ્યારે લોરેન સિનામોન અને એશ્લી યોર્ક પ્રોડ્યુસર છે.
નિર્માતાઓના જણાવ્યા મુજબ, આ ડોક્યુમેન્ટરીમાં તપાસાત્મક પત્રકારત્વ, ઐતિહાસિક આર્કાઇવ્ઝ તથા અમેરિકાભરની માતાઓની પ્રત્યક્ષ વાતોનો સમન્વય કરવામાં આવ્યો છે. તેમાં બતાવવામાં આવશે કે અર્થવ્યવસ્થાની નીતિઓ, મીડિયાના ચિત્રણો અને બદલાતા સામાજિક મૂલ્યોના કારણે માતૃત્વ કેવી રીતે સાંસ્કૃતિક વિવાદનું કેન્દ્ર બન્યું છે.
રેશ્મા સૌજનીએ જણાવ્યું હતું કે, “ઘણા સમયથી આપણે માતાઓને કહીએ છીએ કે વધુ મહેનત કરો, વધુ ઝુકો કે સાચા પ્રોડક્ટ્સ ખરીદો તો બધું મળી જશે. આ ડોક્યુમેન્ટરી સત્ય બહાર લાવશે કે સિસ્ટમ ક્યારેય માતાઓના ખીલવા માટે બની જ નહોતી. હવે વ્યક્તિગત સમસ્યા હોવાનો ડોળ કરવાનો અંત આવ્યો – આ રાષ્ટ્રીય સંકટ છે.”
તેમણે વધુમાં કહ્યું કે આ પ્રોજેક્ટનો હેતુ કામકાજી માતાઓ, ઘરે રહેતી માતાઓ, એકલ માતાઓ અને ધાર્મિક સમુદાયોને સહિતની વ્યાપક ચર્ચા શરૂ કરવાનો છે.
દિગ્દર્શિકા રેશેમ નિજોને કહ્યું, “બે નાના છોકરાઓની માતા તરીકે આ મારા માટે અત્યંત વ્યક્તિગત અને રાજકીય મુદ્દો છે. અમેરિકામાં માતૃત્વને માન-સન્માન અને સમર્થન આપવા માટે વ્યવસ્થાકીય તથા સાંસ્કૃતિક સુધારાની જરૂર છે અને આ ફિલ્મ એ બદલાવ માટે પોપ કલ્ચર દ્વારા મારો ફાળો છે.”
પ્રીમિયર પહેલાં ‘મોમ્સ ફર્સ્ટ’ દેશવ્યાપી અસર અભિયાન શરૂ કરશે, જેમાં સમુદાયિક સ્ક્રીનિંગ, ડિજિટલ વાર્તાલાપ અને હજારો અમેરિકનોને એસોસિયેટ પ્રોડ્યુસર બનાવવાનો પ્રયાસ સામેલ છે. સંસ્થા એક જ ફિલ્મમાં સૌથી વધુ એસોસિયેટ પ્રોડ્યુસર્સનો ગિનીસ વર્લ્ડ રેકોર્ડ બનાવવા માગે છે.
પ્રીમિયર બાદ ફિલ્મનો દેશવ્યાપી ટૂર થશે, જેમાં શાળા, ચર્ચ, થિયેટર અને સમુદાય કેન્દ્રોમાં સ્થાનિક ભાગીદારો અને એસોસિયેટ પ્રોડ્યુસર્સ દ્વારા સ્ક્રીનિંગ થશે. આ ટૂર માતૃત્વની સાંસ્કૃતિક વાર્તાઓને નીતિ-હિમાયત અને સ્થાનિક આયોજન સાથે જોડવાનો છે.
આ જાહેરાત એવા સમયે આવી છે જ્યારે અમેરિકા હજુ પણ કોવિડકાળના કેરગિવિંગ સંકટની અસરો સામનો કરી રહ્યું છે. ‘મોમ્સ ફર્સ્ટ’ની શરૂઆત ‘માર્શલ પ્લાન ફોર મોમ્સ’ નામથી થઈ હતી અને તેનો દાવો હતો કે મહિલાઓનો મોટા પ્રમાણમાં કામની જગ્યા છોડવાની ઘટનાએ કામચલાઉ સમસ્યા નહીં પણ માળખાકીય નબળાઈઓ ઉજાગર કરી હતી.
સંસ્થા અવારનવાર એ ડેટા રજૂ કરે છે કે અમેરિકાના તમામ રાજ્યોમાં બાળસંભાળનો ખર્ચ ભાડા કરતાં વધુ છે, પેઇડ મેટર્નિટી લીવના અભાવે ઘણી મહિલાઓ પ્રસૂતિ પછી અઠવાડિયાઓમાં જ કામે પરત ફરે છે અને અડધાથી વધુ અમેરિકન માતા-પિતા બાળસંભાળ માટે દેવું લે છે.
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login