ADVERTISEMENT
ADVERTISEMENT
ઓસ્ટ્રેલિયામાં ૨૦૧૮ની હત્યા મામલે ભારતીય નાગરિક દોષિત ઠર્યો
રજવિંદર સિંહ પોલીસની શોધખોળ વચ્ચે ભારત ભાગી ગયો હતો, નવી દિલ્હીના ગુરુદ્વારામાંથી ઝડપાયો
-
જેફીન કલિકાલ - Tue, 09, Dec 2025
- 07:40 EST
- 23
પ્રતીકાત્મક તસ્વીર / Pexels
ઓસ્ટ્રેલિયામાં ૨૦૧૮માં થયેલી ટોયા કોર્ડિંગ્લીની હત્યા મામલે ભારતીય નાગરિક રજવિંદર સિંહને દોષિત ઠરવવામાં આવ્યો છે.
૨૪ વર્ષીય ટોયા કોર્ડિંગ્લી સવારની ચાલમાં પોતાના કૂતરા સાથે નીકળી હતી ત્યારે તેના કૂતરાએ રજવિંદર સિંહ પર ભસવાનું શરૂ કર્યું હતું, જેના કારણે આ હુમલો થયો હોવાનું મનાય છે. તેને ઓછામાં ઓછા ૨૬ વખત છરીના ઘા મારવામાં આવ્યા હતા અને ત્યારબાદ ગળું કાપી નાખવામાં આવ્યું હતું.
હત્યા બાદ પૂર્વ નર્સ તરીકે કામ કરતો સિંહ ઓસ્ટ્રેલિયાથી ભારત ભાગી ગયો હતો. ક્વીન્સલેન્ડ પોલીસે તેની ધરપકડ માટે ૧ મિલિયન ઓસ્ટ્રેલિયન ડોલર (લગભગ ૬.૬૩ લાખ અમેરિકી ડોલર)નું ઈનામ જાહેર કર્યું તે પછી ૨૦૨૨ના અંતમાં નવી દિલ્હીના એક ગુરુદ્વારામાંથી તેને ઝડપી પાડવામાં આવ્યો હતો.
જાણવા મળ્યું છે કે સિંહ ઓસ્ટ્રેલિયાથી ભાગતી વખતે પત્ની, ત્રણ બાળકો અને માતા-પિતાને ત્યાં છોડી ગયો હતો.
૨૦૨૩ની શરૂઆતમાં તેને ઓસ્ટ્રેલિયા પરત લાવવામાં આવ્યો અને કોર્ટમાં કેસ ચલાવવામાં આવ્યો. પ્રથમ ટ્રાયલમાં જ્યુરી સર્વસંમતિ નહોતી લાવી શકી, પરંતુ આઠ મહિના બાદ શરૂ થયેલી બીજી ટ્રાયલમાં સિંહને દોષિત ઠરાવવામાં આવ્યો છે.
પશુ આશ્રયસ્થાનમાં સ્વયંસેવક તરીકે કામ કરતી ટોયા કોર્ડિંગ્લીની આ હત્યાએ ફાર નોર્થ ક્વીન્સલેન્ડમાં વ્યાપક રોષ ફેલાવ્યો હતો અને ન્યાય માટે હજારો લોકો રસ્તા પર ઊતરી આવ્યા હતા. તેના પિતાએ વાંગેટ્ટી બીચ પરના રેતીના ટેકરામાં અડધી દટાયેલી toest દીકરીની લાશ શોધી કાઢી હતી.
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login