ADVERTISEMENTs
_page-0001.jpg)
ਨਾਸਾ-ਇਸਰੋ ਦਾ NISAR ਸੈਟੇਲਾਈਟ ਸਫਲਤਾਪੂਰਵਕ ਲਾਂਚ
ਸੈਟੇਲਾਈਟ ਬੁੱਧਵਾਰ ਨੂੰ ਸ਼੍ਰੀਹਰੀਕੋਟਾ, ਆਂਧਰਾ ਪ੍ਰਦੇਸ਼ ਦੇ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਲਾਂਚ ਕੀਤਾ ਗਿਆ
-
ਲਲਿਤ ਕੇ ਝਾਅ - Thu, 31, Jul 2025
- 05:15 EDT
- 12
NISAR ਸੈਟੇਲਾਈਟ ਲਾਂਚ ਹੁੰਦੇ ਹੋਏ ਦੀਆਂ ਤਸਵੀਰਾਂ / @isrosight/Instagram
ਭਾਰਤ-ਅਮਰੀਕਾ ਸਿਵਲ ਸਪੇਸ ਕੋ-ਓਪਰੇਸ਼ਨ ਲਈ ਇੱਕ ਇਤਿਹਾਸਕ ਓਦੋਂ ਬਣਿਆ ਜਦੋਂ ਨਾਸਾ-ਇਸਰੋ ਸਿੰਥੈਟਿਕ ਐਪਰਚਰ ਰਾਡਾਰ (NISAR) ਸੈਟੇਲਾਈਟ ਨੂੰ ਬੁੱਧਵਾਰ ਨੂੰ ਸ਼੍ਰੀਹਰੀਕੋਟਾ, ਆਂਧਰਾ ਪ੍ਰਦੇਸ਼ ਦੇ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਸਫਲਤਾਪੂਰਵਕ ਲਾਂਚ ਕੀਤਾ ਗਿਆ। ਇਹ ਨਾਸਾ ਅਤੇ ਇਸਰੋ ਦਰਮਿਆਨ ਧਰਤੀ ਦੀ ਨਿਗਰਾਨੀ ਸਬੰਧੀ ਪਹਿਲੀ ਵੱਡੀ ਸਾਂਝੀ ਭਾਗੀਦਾਰੀ ਹੈ।
ਇਹ ਸੈਟੇਲਾਈਟ ਇਸਰੋ ਦੇ ਜੀਓਸਿੰਕਰੋਨਸ ਸੈਟੇਲਾਈਟ ਲਾਂਚ ਵਾਹਨ (GSLV) ਰਾਹੀਂ ਸ਼ਾਮ 5:10 ਵਜੇ IST ‘ਤੇ ਲਾਂਚ ਕੀਤਾ ਗਿਆ ਅਤੇ ਸਵੇਰੇ 8:29 ਵਜੇ EDT 'ਤੇ ਇਸ ਨਾਲ ਸਫਲਤਾਪੂਰਵਕ ਸੰਚਾਰ ਹੋ ਗਿਆ।
ਨਾਸਾ ਦੇ ਸਾਇੰਸ ਮਿਸ਼ਨ ਡਾਇਰੈਕਟੋਰੇਟ ਦੇ ਐਸੋਸੀਏਟ ਐਡਮਿਨਿਸਟ੍ਰੇਟਰ ਡਾ. ਨਿੱਕੀ ਫੌਕਸ ਨੇ ਕਿਹਾ, "ਸਫਲ ਲਾਂਚ ਲਈ ਪੂਰੀ NISAR ਮਿਸ਼ਨ ਟੀਮ ਨੂੰ ਵਧਾਈਆਂ।" ਉਨ੍ਹਾਂ ਇੱਕ ਬਿਆਨ ਵਿੱਚ ਕਿਹਾ, "NISAR ਦਾ ਡਾਟਾ ਧਰਤੀ 'ਤੇ ਪ੍ਰਭਾਵਿਤ ਲੋਕਾਂ ਦੀ ਸਿਹਤ ਅਤੇ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਵਿੱਚ ਮਦਦ ਕਰੇਗਾ।"
747 ਕਿਲੋਮੀਟਰ ਦੀ ਉਚਾਈ 'ਤੇ ਚੱਕਰ ਲਗਾਉਂਦੇ ਹੋਏ, NISAR ਹਰ 12 ਦਿਨਾਂ ਵਿੱਚ L-ਬੈਂਡ ਅਤੇ S-ਬੈਂਡ ਸਿੰਥੈਟਿਕ ਅਪਰਚਰ ਰਡਾਰਾਂ ਦੀ ਵਰਤੋਂ ਕਰਕੇ ਲਗਭਗ ਪੂਰੀ ਧਰਤੀ ਦੀ ਨਿਗਰਾਨੀ ਕਰੇਗਾ। ਇਹ ਯੰਤਰ ਵਿਗਿਆਨੀਆਂ ਨੂੰ ਭੁਚਾਲਾਂ, ਜਵਾਲਾਮੁਖੀ ਫਟਣ ਅਤੇ ਜ਼ਮੀਨ ਖਿਸਕਣ ਵਰਗੀਆਂ ਕੁਦਰਤੀ ਆਫ਼ਤਾਂ ਨੂੰ ਬਿਹਤਰ ਤਰੀਕੇ ਨਾਲ ਸਮਝਣ ਵਿੱਚ ਮਦਦ ਕਰੇਗਾ, ਜਦੋਂ ਕਿ ਆਫ਼ਤ ਪ੍ਰਤੀਕਿਰਿਆ, ਖੇਤੀਬਾੜੀ ਪ੍ਰਬੰਧਨ ਅਤੇ ਜਲਵਾਯੂ ਨਿਗਰਾਨੀ ਵਿੱਚ ਵੀ ਸਹਾਇਤਾ ਕਰੇਗਾ।
ਇਸ ਲਾਂਚ ਨੂੰ ਇਸਰੋ ਦੇ ਚੇਅਰਮੈਨ ਵੀ. ਨਾਰਾਇਣਨ ਨੇ GSLV (ਜੀਓਸਿੰਕਰੋਨਸ ਸੈਟੇਲਾਈਟ ਲਾਂਚ ਵਾਹਨ) ਲਈ ਇੱਕ ਮੀਲ ਪੱਥਰ ਦੱਸਿਆ ਹੈ। ਚੇਅਰਮੈਨ ਨਾਰਾਇਣਨ ਨੇ ਕਿਹਾ, “ਇਹ GSLV ਦਾ ਪਹਿਲਾ ਮਿਸ਼ਨ ਹੈ ਜੋ ਸਨ-ਸਿੰਕਰੋਨਸ ਪੋਲਰ ਔਰਬਿਟ ਵੱਲ ਗਿਆ ਹੈ। ਇਸ ਸਫਲ ਲਾਂਚ ਦੇ ਨਾਲ, ਅਸੀਂ ਉਸ ਵਿਆਪਕ ਵਿਗਿਆਨਕ ਸੰਭਾਵਨਾ ਦੀ ਪੂਰਤੀ ਦੇ ਨਜ਼ਦੀਕ ਹਾਂ ਜੋ ਨਾਸਾ ਅਤੇ ਇਸਰੋ ਨੇ NISAR ਮਿਸ਼ਨ ਲਈ 10 ਸਾਲ ਪਹਿਲਾਂ ਸੋਚੀ ਸੀ।”
ਇਹ ਸੈਟੇਲਾਈਟ ਨਾਸਾ ਦੀ ਜੇਟ ਪ੍ਰੋਪਲਸ਼ਨ ਲੈਬਾਰਟਰੀ ਅਤੇ ਅਹਿਮਦਾਬਾਦ ਵਿੱਚ ਇਸਰੋ ਦੇ ਸਪੇਸ ਐਪਲੀਕੇਸ਼ਨਜ਼ ਸੈਂਟਰ ਦੁਆਰਾ ਸਾਂਝੇ ਤੌਰ 'ਤੇ ਵਿਕਸਤ ਕੀਤਾ ਗਿਆ ਹੈ। NISAR ਇੱਕ ਸਿੰਗਲ ਪਲੇਟਫਾਰਮ 'ਤੇ ਦੋ ਰਡਾਰ ਫ੍ਰੀਕੁਐਂਸੀ ਨੂੰ ਜੋੜਨ ਵਾਲਾ ਪਹਿਲਾ ਸੈਟੇਲਾਈਟ ਹੈ। ਨਾਸਾ ਦਾ L-ਬੈਂਡ ਰਡਾਰ ਮਿੱਟੀ ਦੀ ਨਮੀ ਅਤੇ ਬਰਫ਼ ਦੀ ਗਤੀ ਦਾ ਪਤਾ ਲਗਾਉਣ ਵਿੱਚ ਮਾਹਿਰ ਹੈ, ਜਦੋਂ ਕਿ ਇਸਰੋ ਦਾ S-ਬੈਂਡ ਰਡਾਰ ਖੇਤੀਬਾੜੀ ਅਤੇ ਬੁਨਿਆਦੀ ਢਾਂਚੇ ਵਿੱਚ ਤਬਦੀਲੀਆਂ ਨੂੰ ਟਰੈਕ ਕਰਨ ਲਈ ਤਿਆਰ ਕੀਤਾ ਗਿਆ ਹੈ।
Related
.jpg)
.jpg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login