ADVERTISEMENTs
_page-0001.jpg)
-10”-x-5.jpg)
આયર્લેન્ડના ઉપ-વડાપ્રધાને ભારતીય સમુદાય સાથે મુલાકાત કરી, વધતા જતા જાતિવાદી હુમલાઓ પર ચર્ચા કરી
આ બેઠક યોજાઈ હતી જ્યારે આયર્લેન્ડમાં ભારતીયો સામે પાંચ અલગ-અલગ હિંસાત્મક ઘટનાઓ બની, જેમાં સૌથી તાજેતરની ઘટના એક છ વર્ષની બાળકી સામે બની હતી.
-
જેફીન કલિકાલ - Tue, 12, Aug 2025
- 08:15 EDT
- 6
ભારતીય સમુદાયના લોકો સાથે ચર્ચા કરી રહેલ ડેપ્યુટી સીએમ સિમોન હેરિસ / X/@Simon Harris TD
આયર્લેન્ડના ઉપ-વડાપ્રધાને 11 ઓગસ્ટના રોજ આયર્લેન્ડમાં રહેતા ભારતીય સમુદાયના સભ્યો સાથે મુલાકાત કરી અને તાજેતરમાં ભારતીયો પર થયેલા જાતિવાદી હુમલાઓનો મુદ્દો ઉઠાવ્યો.
આ મુલાકાતની જાહેરાત આયર્લેન્ડમાં ભારતીય દૂતાવાસ દ્વારા નિવેદનમાં કરવામાં આવી હતી, જેમાં આ હુમલાઓને "આયર્લેન્ડ દ્વારા પવિત્ર ગણાતી સમાનતા અને માનવીય ગૌરવના મૂલ્યો પરનો હુમલો" તરીકે વર્ણવવામાં આવ્યો હતો.
આયર્લેન્ડના વિદેશ મંત્રાલયે X પર આ મુલાકાતની ઝલક શેર કરી અને જણાવ્યું, "ટાનાઇસ્ટ (ઉપ-વડાપ્રધાન) @SimonHarrisTDએ આજે આયર્લેન્ડના ભારતીય સમુદાયના સભ્યો સાથે મુલાકાત કરી."
મંત્રાલયે ઉપ-વડાપ્રધાન હેરિસ, સ્થળાંતર મંત્રી કોલ્મ બ્રોફી અને પોલીસના સંયુક્ત પ્રયાસોને પણ હાઇલાઇટ કર્યા, જે આયર્લેન્ડના સ્થળાંતરી સમુદાયોને સમર્થન આપવા માટે કાર્યરત છે.
આ હિંસાના વધતા બનાવોએ ભારતીય સમુદાયમાં ભયનું વાતાવરણ ઊભું કર્યું છે. આયર્લેન્ડમાં ભારતીય દૂતાવાસે 1 ઓગસ્ટના રોજ એક ચેતવણી જાહેર કરી, જેમાં ભારતીયોને "વ્યક્તિગત સુરક્ષા માટે વાજબી સાવચેતી રાખવા અને ખાસ કરીને અસામાન્ય સમયે નિર્જન વિસ્તારો ટાળવા" સૂચના આપી હતી.
.jpg)
આઈરીશ ગવર્મેન્ટ ના અધિકારીઓ ભારતીય સમુદાયના લોકો સાથે / X/@Simon Harris TDઆ ઘટનાઓના પ્રતિસાદમાં, આયર્લેન્ડ ઇન્ડિયા કાઉન્સિલે 17 ઓગસ્ટના રોજ યોજાનાર ભારત દિવસની ઉજવણી અનિશ્ચિત સમય માટે મુલતવી રાખવાની જાહેરાત કરી.
2015થી, આ ઉજવણી આયર્લેન્ડ સરકારના સહયોગમાં કાઉન્સિલ દ્વારા આયોજિત કરવામાં આવે છે, જેમાં વિવિધ સાંસ્કૃતિક પ્રદર્શનો રજૂ થાય છે.
ઉપ-વડાપ્રધાન હેરિસે સમુદાયના સભ્યો સાથે વધતા જાતિવાદ અને હિંસા અંગે ચર્ચા કરી અને X પર જણાવ્યું, "તાજેતરના અઠવાડિયામાં (ભારતીય) સમુદાયના કેટલાક સભ્યો સામે થયેલી હિંસા અને જાતિવાદની ઘૃણાસ્પદ કૃત્યોનો હું સંપૂર્ણ નિંદા કરું છું. હું ભારતીય સમુદાયના (આયર્લેન્ડ માટે) હકારાત્મક યોગદાન માટે તેમનો આભાર માનું છું."
આ મુલાકાત ત્રણ અઠવાડિયામાં ભારતીય સ્થળાંતરીઓ પર થયેલા પાંચ અલગ-અલગ જાતિવાદી હુમલાઓને કારણે જરૂરી બની હતી. સૌથી તાજેતરની ઘટના 4 ઓગસ્ટના રોજ બની, જ્યાં એક છ વર્ષની બાળકી પર 12 થી 14 વર્ષના છોકરાઓના જૂથ દ્વારા કથિત રીતે વારંવાર મુક્કા મારવામાં આવ્યા અને તેના ખાનગી અંગો પર હુમલો કરવામાં આવ્યો.
તે જ દિવસે, એક ભારતીય સૂ-શેફ પર પણ અલગ ઘટનામાં કથિત રીતે હુમલો થયો હતો. આ પહેલાં, 1 ઓગસ્ટ, 27 જુલાઈ અને 29 જુલાઈએ ભારતીયો પર જાતિવાદી હુમલાઓ થયા હતા, જ્યાં ભારતીયો પર હુમલો કરવામાં આવ્યો અને તેમને પોતાના દેશમાં પાછા જવા કહેવામાં આવ્યું.
Related
.jpeg)
.jpg)
.jpg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login