ਜ਼ੋਹਰਾਨ ਮਮਦਾਨੀ 25 ਜੂਨ, 2025 ਨੂੰ ਨਿਊਯਾਰਕ ਸਿਟੀ ਵਿੱਚ ਆਪਣੀ ਪ੍ਰਾਇਮਰੀ ਚੋਣ ਲਈ ਰੱਖੀ ਗਈ ਵਾਚ ਪਾਰਟੀ ਦੌਰਾਨ ਇੱਕ ਸਮਰਥਕ ਨੂੰ ਮਿਲਦੇ ਹੋਏ। ਇਹ ਚੋਣ ਉਨ੍ਹਾਂ ਦੀ ਨਵੰਬਰ 2025 ਵਿੱਚ ਹੋਣ ਵਾਲੀ ਨਿਊਯਾਰਕ ਸਿਟੀ ਦੇ ਮੇਅਰ ਲਈ ਡੈਮੋਕਰੇਟਿਕ ਉਮੀਦਵਾਰ ਬਣਨ ਦੀ ਕੋਸ਼ਿਸ਼ ਦਾ ਹਿੱਸਾ ਸੀ। / courtesy photo

ਨਿਊਯਾਰਕ ਸਿਟੀ ਦੇ ਮੇਅਰ ਉਮੀਦਵਾਰ ਜ਼ੋਹਰਾਨ ਮਮਦਾਨੀ ਨੇ 29 ਜੂਨ ਨੂੰ ਆਪਣੇ 'ਡੈਮੋਕ੍ਰੇਟਿਕ ਸੋਸ਼ਲਿਜ਼ਮ' ਦਾ ਬਚਾਅ ਕੀਤਾ ਅਤੇ ਦਲੀਲ ਦਿੱਤੀ ਕਿ ਆਰਥਿਕ ਮਸਲਿਆਂ ‘ਤੇ ਕੇਂਦਰਤ ਉਨ੍ਹਾਂ ਦੀ ਨੀਤੀ ਡੈਮੋਕ੍ਰੈਟਿਕ ਪਾਰਟੀ ਲਈ ਇੱਕ ਮਾਡਲ ਹੋ ਸਕਦੀ ਹੈ—ਭਾਵੇਂ ਕੁਝ ਪ੍ਰਮੁੱਖ ਡੈਮੋਕ੍ਰੈਟ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਸਵੀਕਾਰ ਨਹੀਂ ਕਰ ਰਹੇ। 

NBC ਦੇ "Meet the Press" ਨਾਲ ਇੱਕ ਇੰਟਰਵਿਊ ਦੌਰਾਨ ਮਮਦਾਨੀ ਨੇ ਦੱਸਿਆ ਕਿ ਉਨ੍ਹਾਂ ਦੀ ਯੋਜਨਾ—ਅਮੀਰ ਨਿਊਯਾਰਕਰਾਂ ਅਤੇ ਕਾਰਪੋਰੇਸ਼ਨਾਂ ‘ਤੇ ਟੈਕਸ ਵਧਾ ਕੇ ਮੁਫ਼ਤ ਬੱਸ ਸੇਵਾਵਾਂ, ਘੱਟੋ-ਘੱਟ 30 ਡਾਲਰ ਪ੍ਰਤੀ ਘੰਟਾ ਤਨਖਾਹ ਅਤੇ ਕਿਰਾਏ ਉੱਤੇ ਰੋਕ ਵਰਗੀਆਂ ਨੀਤੀਆਂ ਲਾਗੂ ਕਰਨਾ—ਸਿਰਫ਼ ਹਕੀਕਤ ਤੇ ਆਧਾਰਤ ਹੀ ਨਹੀਂ, ਸਗੋਂ ਇਹ ਸ਼ਹਿਰ ਦੇ ਮਿਹਨਤੀ ਵਰਗ ਦੀਆਂ ਜ਼ਰੂਰਤਾਂ ਨੂੰ ਧਿਆਨ ਵਿੱਚ ਰੱਖ ਕੇ ਬਣਾਈ ਗਈ ਹੈ।

ਉਨ੍ਹਾਂ NBC ਦੀ ਐਂਕਰ ਕ੍ਰਿਸਟਿਨ ਵੈਲਕਰ ਨੂੰ ਕਿਹਾ: "ਇਹ ਦੁਨੀਆਂ ਦੇ ਇਤਿਹਾਸ ਦਾ ਸਭ ਤੋਂ ਅਮੀਰ ਸ਼ਹਿਰ, ਸਭ ਤੋਂ ਅਮੀਰ ਦੇਸ਼ ਵਿੱਚ ਸਥਿਤ ਹੈ, ਪਰ ਫਿਰ ਵੀ ਹਰ ਚੌਥਾ ਨਿਊਯਾਰਕਰ ਗਰੀਬੀ ਵਿੱਚ ਜੀਅ ਰਿਹਾ ਹੈ ਅਤੇ ਬਾਕੀ ਲੋਕ ਚਿੰਤਾ ਦੀ ਹਾਲਤ ਵਿੱਚ ਫੰਸੇ ਹੋਏ ਨਜ਼ਰ ਆਉਂਦੇ ਹਨ।"

ਮਮਦਾਨੀ ਦੀ 24 ਜੂਨ ਨੂੰ ਹੋਈ ਪ੍ਰਾਇਮਰੀ ਚੋਣ ਵਿੱਚ ਸਾਬਕਾ ਡੈਮੋਕ੍ਰੈਟਿਕ ਗਵਰਨਰ ਐਂਡਰਿਊ ਕੁਓਮੋ ਉੱਤੇ ਸ਼ਾਨਦਾਰ ਜਿੱਤ ਨੇ ਕੁਝ ਪਾਰਟੀ ਆਗੂਆਂ ਵਿੱਚ ਚਿੰਤਾ ਪੈਦਾ ਕਰ ਦਿੱਤੀ ਹੈ ਕਿ ਉਨ੍ਹਾਂ ਦੀ ਲੋਕਤੰਤਰਕ ਸਮਾਜਵਾਦੀ ਸੋਚ ਆਉਣ ਵਾਲੀਆਂ ਮੱਧਾਵਧੀ ਚੋਣਾਂ ਤੋਂ ਪਹਿਲਾਂ ਡੈਮੋਕ੍ਰੈਟਿਕ ਪਾਰਟੀ ਉੱਤੇ ਰਿਪਬਲਿਕਨ ਪੱਖੋਂ ਹੋਣ ਵਾਲੇ ਹਮਲਿਆਂ ਨੂੰ ਹੋਰ ਬਲ ਦੇ ਸਕਦੀ ਹੈ। ਕਾਰੋਬਾਰੀ ਆਗੂਆਂ ਨੇ ਵੀ ਉਨ੍ਹਾਂ ਦੀਆਂ ਨੀਤੀਆਂ ਨੂੰ ਲੈ ਕੇ ਚਿੰਤਾ ਜਤਾਈ ਹੈ।

ਨਵੰਬਰ ਦੀਆਂ ਚੋਣਾਂ ਵਿੱਚ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਵ੍ਹਾਈਟ ਹਾਊਸ ਵਿੱਚ ਵਾਪਸੀ ਅਤੇ ਉਨ੍ਹਾਂ ਦੇ ਰਿਪਬਲਿਕਨਾਂ ਦੁਆਰਾ ਕਾਂਗਰਸ ਦੇ ਦੋਵਾਂ ਸਦਨਾਂ ਉੱਤੇ ਕਬਜ਼ਾ ਕਰਨ ਤੋਂ ਬਾਅਦ, ਡੈਮੋਕ੍ਰੈਟਾਂ ਨੂੰ ਇੱਕ ਠੋਸ ਸੰਦੇਸ਼ ਲੱਭਣ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਰਾਇਟਰਜ਼/ਇਪਸੋਸ ਦੇ ਇੱਕ ਸਰਵੇਖਣ ਵਿੱਚ ਦਿਖਾਇਆ ਗਿਆ ਹੈ ਕਿ ਬਹੁਗਿਣਤੀ ਅਮਰੀਕੀ ਡੈਮੋਕ੍ਰੈਟ ਮੰਨਦੇ ਹਨ ਕਿ ਉਨ੍ਹਾਂ ਦੀ ਪਾਰਟੀ ਨੂੰ ਨਵੀਂ ਲੀਡਰਸ਼ਿਪ ਦੀ ਲੋੜ ਹੈ ਅਤੇ ਆਰਥਿਕ ਮੁੱਦਿਆਂ 'ਤੇ ਵਧੇਰੇ ਧਿਆਨ ਕੇਂਦਰਿਤ ਕਰਨਾ ਚਾਹੀਦਾ ਹੈ।

29 ਜੂਨ ਨੂੰ ਹੀ, ਡੈਮੋਕ੍ਰੈਟਿਕ ਹਾਊਸ ਮਾਈਨੋਰਿਟੀ ਲੀਡਰ ਹਕੀਮ ਜੈਫਰੀਜ਼ (Hakeem Jeffries), ਜੋ ਸ਼ਹਿਰ ਦੇ ਕੁਝ ਹਿੱਸੇ ਦੀ ਪ੍ਰਤੀਨਿਧਤਾ ਕਰਦੇ ਹਨ, ਨੇ ਏ.ਬੀ.ਸੀ. (ABC) ਦੇ "ਦਿਸ ਵੀਕ" (This Week) ਨੂੰ ਦੱਸਿਆ ਕਿ ਉਹ ਮਮਦਾਨੀ ਦਾ ਸਮਰਥਨ ਕਰਨ ਲਈ ਅਜੇ ਤਿਆਰ ਨਹੀਂ ਹਨ ਕਿਉਂਕਿ ਉਹ ਮਮਦਾਨੀ ਦੇ ਵਿਜ਼ਨ ਬਾਰੇ ਹੋਰ ਜਾਣਨਾ ਚਾਹੁੰਦੇ ਹਨ।

ਨਿਊਯਾਰਕ ਦੇ ਹੋਰ ਪ੍ਰਮੁੱਖ ਡੈਮੋਕ੍ਰੈਟਾਂ, ਜਿਨ੍ਹਾਂ ਵਿੱਚ ਨਿਊਯਾਰਕ ਦੀ ਗਵਰਨਰ ਕੈਥੀ ਹੋਚੁਲ (Kathy Hochul) ਅਤੇ ਸੈਨੇਟ ਘੱਟ ਗਿਣਤੀ ਆਗੂ ਚੱਕ ਸ਼ੂਮਰ (Chuck Schumer) ਸ਼ਾਮਲ ਹਨ, ਨੇ ਵੀ ਹੁਣ ਤੱਕ ਮਮਦਾਨੀ ਦਾ ਸਮਰਥਨ ਕਰਨ ਤੋਂ ਇਨਕਾਰ ਕੀਤਾ ਹੈ।

ਟਰੰਪ, ਜੋ ਖੁਦ ਨਿਊਯਾਰਕ ਦੇ ਮੂਲ ਨਿਵਾਸੀ ਹਨ, ਨੇ ਫੌਕਸ ਨਿਊਜ਼ ਚੈਨਲ (Fox News Channel) ਦੇ "29 ਜੂਨ ਮਾਰਨਿੰਗ ਫਿਊਚਰਜ਼ ਵਿਦ ਮਾਰੀਆ ਬਾਰਤੀਰੋਮੋ" (Morning Futures with Maria Bartiromo) ਨੂੰ ਦੱਸਿਆ ਕਿ ਜੇ ਮਮਦਾਨੀ ਮੇਅਰ ਦੀ ਚੋਣ ਜਿੱਤ ਜਾਂਦਾ ਹੈ, ਤਾਂ "ਉਸਨੂੰ ਠੀਕ ਕੰਮ ਕਰਨਾ ਹੋਵੇਗਾ" ਨਹੀਂ ਤਾਂ ਉਹ ਸ਼ਹਿਰ ਲਈ ਫੈਡਰਲ ਫੰਡ ਰੋਕ ਦੇਣਗੇ।

ਟਰੰਪ ਨੇ ਕਿਹਾ, “ਉਹ ਇੱਕ ਕਮਿਊਨਿਸਟ ਹੈ। ਮੇਰੇ ਵਿਚਾਰ ਵਿੱਚ ਇਹ ਨਿਊਯਾਰਕ ਲਈ ਬਹੁਤ ਖ਼ਰਾਬ ਹੈ।” ਜਦੋਂ NBC ਨੇ ਮਮਦਾਨੀ ਨੂੰ ਟਰੰਪ ਦੇ ਦਾਅਵੇ ਬਾਰੇ ਪੁੱਛਿਆ ਕਿ ਉਹ ਕਮਿਊਨਿਸਟ ਹਨ, ਤਾਂ ਮਮਦਾਨੀ ਨੇ ਕਿਹਾ ਕਿ ਇਹ ਸੱਚ ਨਹੀਂ ਹੈ ਅਤੇ ਰਾਸ਼ਟਰਪਤੀ ਉੱਤੇ ਇਲਜ਼ਾਮ ਲਾਇਆ ਕਿ ਉਹ ਲੋਕਾਂ ਦਾ ਧਿਆਨ ਇਹੋ ਜਿਹੀ ਗੱਲ ਨਾਲ ਭਟਕਾਉਣਾ ਚਾਹੁੰਦੇ ਹਨ। ਉਹਨਾਂ ਕਿਹਾ ਕਿ “ਮੈਂ ਉਹਨਾਂ ਮਿਹਨਤੀ ਲੋਕਾਂ ਲਈ ਲੜ ਰਿਹਾ ਹਾਂ, ਜਿਨ੍ਹਾਂ ਦੇ ਨਾਮ 'ਤੇ ਟਰੰਪ ਨੇ ਆਪਣੀ ਚੋਣ ਮੁਹਿੰਮ ਚਲਾਈ ਸੀ, ਪਰ ਜਿਨ੍ਹਾਂ ਨੂੰ ਉਨ੍ਹਾਂ ਨੇ ਉਸ ਤੋਂ ਬਾਅਦ ਧੋਖਾ ਦਿੱਤਾ।”

ਉਨ੍ਹਾਂ ਨੇ ਇਸ ਗੱਲ 'ਤੇ ਵੀ ਕੋਈ ਚਿੰਤਾ ਜ਼ਾਹਰ ਨਹੀਂ ਕੀਤੀ ਕਿ ਜੈਫਰੀਜ਼ ਅਤੇ ਹੋਰ ਡੈਮੋਕ੍ਰੈਟਾਂ ਨੇ ਅਜੇ ਤੱਕ ਉਸਦੀ ਉਮੀਦਵਾਰੀ ਦਾ ਸਮਰਥਨ ਨਹੀਂ ਕੀਤਾ ਹੈ।

ਉਨ੍ਹਾਂ ਕਿਹਾ: “ਮੇਰੇ ਖ਼ਿਆਲ ਵਿੱਚ ਲੋਕ ਹੁਣ ਹੌਲੀ-ਹੌਲੀ ਚੋਣ ‘ਚ ਦਿਲਚਸਪੀ ਲੈ ਰਹੇ ਹਨ। ਅਸੀਂ ਇਹ ਦਿਖਾ ਰਹੇ ਹਾਂ ਕਿ ਜਦੋਂ ਅਸੀਂ ਮਿਹਨਤੀ ਲੋਕਾਂ ਨੂੰ ਪਹਿਲ ਦੇਣੀ ਸ਼ੁਰੂ ਕਰਦੇ ਹਾਂ, ਜਦੋਂ ਅਸੀਂ ਡੈਮੋਕ੍ਰੈਟਿਕ ਪਾਰਟੀ ਦੀਆਂ ਜੜ੍ਹਾਂ ਵਲ ਮੁੜਦੇ ਹਾਂ, ਤਾਂ ਅਸੀਂ ਇਸ ਸਮੇਂ ਤੋਂ ਬਾਹਰ ਨਿਕਲਣ ਦਾ ਰਸਤਾ ਲੱਭ ਸਕਦੇ ਹਾਂ, ਜਿੱਥੇ ਅਸੀਂ ਵਾਸ਼ਿੰਗਟਨ ਡੀ.ਸੀ. ਵਿੱਚ ਤਾਨਾਸ਼ਾਹੀ ਦਾ ਸਾਹਮਣਾ ਕਰ ਰਹੇ ਹਾਂ।”

ਇਜ਼ਰਾਈਲ ਦੀ ਗਾਜ਼ਾ ਜੰਗ ਦੀ ਮਮਦਾਨੀ ਦੀ ਆਲੋਚਨਾ ਨੇ ਉਸਨੂੰ ਬਹੁਤ ਸਾਰੇ ਮੁੱਖ ਧਾਰਾ ਦੇ ਡੈਮੋਕ੍ਰੈਟਾਂ ਤੋਂ ਵੱਖ ਕਰ ਦਿੱਤਾ ਹੈ ਅਤੇ ਯਹੂਦੀ-ਵਿਰੋਧੀ ਹੋਣ ਦੇ ਦੋਸ਼ਾਂ ਨੂੰ ਜਨਮ ਦਿੱਤਾ ਹੈ, ਜਿਸਨੂੰ ਉਹਨਾਂ ਨੇ ਜ਼ੋਰਦਾਰ ਢੰਗ ਨਾਲ ਨਕਾਰਿਆ ਹੈ। ਇਸ ਮਹੀਨੇ ਦੇ ਸ਼ੁਰੂ ਵਿੱਚ, ਰਾਜਨੀਤਿਕ ਪੋਡਕਾਸਟ 'ਦਿ ਬੁਲਵਰਕ' (The Bulwark) ਦੌਰਾਨ ਮਮਦਾਨੀ ਨੇ "ਗਲੋਬਲਾਈਜ਼ ਦ ਇੰਤਿਫਾਦਾ" (Globalize the Intifada) ਨਾਅਰੇ ਦੀ ਨਿੰਦਿਆ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਕੁਝ ਯਹੂਦੀ ਲੋਕ ਇਸ ਵਾਕ ਨੂੰ ਯਹੂਦੀ ਵਿਰੋਧੀ ਅਤੇ ਹਿੰਸਾ ਦੀ ਅਪੀਲ ਵਜੋਂ ਵੇਖਦੇ ਹਨ।

ਜੈਫਰੀਜ਼ (Jeffries) ਨੇ ਏ.ਬੀ.ਸੀ. (ABC) ਨੂੰ ਦੱਸਿਆ ਕਿ ਮਮਦਾਨੀ ਨੂੰ ਇਸ ਵਾਕ ਨੂੰ ਲੈ ਕੇ ਆਪਣੀ ਸਥਿਤੀ ਨੂੰ ਸਪਸ਼ਟ ਕਰਨਾ ਚਾਹੀਦਾ ਹੈ ਤਾਂ ਜੋ ਨਿਊਯਾਰਕ ਦੇ ਯਹੂਦੀ ਭਾਈਚਾਰੇ ਨੂੰ ਆਸ਼ਵਾਸਨ ਮਿਲੇ। 

29 ਜੂਨ ‘ਤੇ ਦੁਬਾਰਾ ਜ਼ੋਰ ਪਾਉਣ 'ਤੇ, ਮਮਦਾਨੀ ਨੇ ਕਿਹਾ ਕਿ ਇਹ "ਉਹ ਭਾਸ਼ਾ ਨਹੀਂ ਹੈ ਜਿਸਦੀ ਮੈਂ ਵਰਤੋਂ ਕਰਦਾ ਹਾਂ" ਪਰ ਫਿਰ ਵੀ ਮੈਂ ਇਸਦੀ ਨਿੰਦਾ ਨਹੀਂ ਕੀਤੀ। ਉਹਨਾਂ ਕਿਹਾ ਕਿ ਉਹ ਦੂਜਿਆਂ ਲਈ ਇਹ ਨਿਰਧਾਰਤ ਨਹੀਂ ਕਰਨਾ ਚਾਹੁੰਦੇ ਕਿ ਕਿਹੜੇ ਸ਼ਬਦ ਵਰਜਿਤ ਹਨ ਜਾਂ ਅਵਰਜਿਤ, ਇਹ ਦਲੀਲ ਦਿੰਦੇ ਹੋਏ ਕਿ ਟਰੰਪ ਨੇ ਆਪਣੀ ਨੀਤੀ ਰਾਹੀਂ ਪੈਲੈਸਟਿਨੀ ਹਮਦਰਦ ਸਰਗਰਮੀਆਂ ਨੂੰ ਨਿਸ਼ਾਨਾ ਬਣਾਇਆ ਹੈ। 

29 ਜੂਨ ਨੂੰ ਦੁਬਾਰਾ ਦਬਾਅ ਪੈਣ ‘ਤੇ, ਮਮਦਾਨੀ ਨੇ ਕਿਹਾ ਕਿ "ਇਹ ਉਹ ਭਾਸ਼ਾ ਨਹੀਂ ਜੋ ਮੈਂ ਵਰਤਦਾ ਹਾਂ”, ਪਰ ਉਨ੍ਹਾਂ ਨੇ ਇਸ ਦੀ ਨਿੰਦਿਆ ਨਹੀਂ ਕੀਤੀ। ਉਨ੍ਹਾਂ ਕਿਹਾ ਕਿ ਉਹ ਦੂਜਿਆਂ ਲਈ ਇਹ ਨਿਰਧਾਰਤ ਨਹੀਂ ਕਰਨਾ ਚਾਹੁੰਦੇ ਕਿ ਕਿਹੜੇ ਸ਼ਬਦ ਮਨਜ਼ੂਰ ਹੋਣੇ ਚਾਹੀਦੇ ਹਨ ਅਤੇ ਕਿਹੜੇ ਨਹੀਂ। ਉਨ੍ਹਾਂ ਨੇ ਦਲੀਲ ਦਿੱਤੀ ਕਿ ਟਰੰਪ ਨੇ ਆਪਣੀ ਨੀਤੀ ਰਾਹੀਂ ਪੈਲੈਸਟਿਨੀ ਹਮਦਰਦ ਸਰਗਰਮੀਆਂ ਨੂੰ ਨਿਸ਼ਾਨਾ ਬਣਾਇਆ ਹੈ।

ਉਨ੍ਹਾਂ ਕਿਹਾ: “ਸਾਨੂੰ ਇਸ ਕੱਟੜਤਾ ਨੂੰ ਮੂਲ ਤੋਂ ਖਤਮ ਕਰਨਾ ਹੋਵੇਗਾ ਅਤੇ ਅੰਤ ਵਿੱਚ ਅਸੀਂ ਕਾਰਵਾਈਆਂ ਰਾਹੀਂ ਅਜਿਹਾ ਕਰਦੇ ਹਾਂ।"

ਮੌਜੂਦਾ ਮੇਅਰ ਐਰਿਕ ਐਡਮਜ਼ (Eric Adams), ਜੋ ਇੱਕ ਡੈਮੋਕ੍ਰੈਟ ਵਜੋਂ ਚੁਣੇ ਗਏ ਸਨ, ਨਵੰਬਰ ਦੀਆਂ ਚੋਣਾਂ ਵਿੱਚ ਇੱਕ ਸੁਤੰਤਰ ਉਮੀਦਵਾਰ ਵਜੋਂ ਚੋਣ ਲੜ ਰਹੇ ਹਨ। ਇਹ ਫ਼ੈਸਲਾ ਟਰੰਪ ਦੇ ਜਸਟਿਸ ਡਿਪਾਰਟਮੈਂਟ ਵੱਲੋਂ ਉਨ੍ਹਾਂ ਉੱਤੇ ਲਾਏ ਗਏ ਭ੍ਰਿਸ਼ਟਾਚਾਰ ਦੇ ਦੋਸ਼ ਰੱਦ ਕਰਨ ਤੋਂ ਬਾਅਦ ਆਇਆ, ਜਿਸ ਨਾਲ “ਲੇਣ-ਦੇਣ” (quid pro quo) ਦੇ ਦੋਸ਼ਾਂ ਨੂੰ ਹਵਾ ਮਿਲੀ, ਜਿਸਦਾ ਉਹਨਾਂ ਨੇ ਇਨਕਾਰ ਕੀਤਾ ਹੈ। ਰਿਪਬਲਿਕਨ ਨਾਮਜ਼ਦ ਕਰਟਿਸ ਸਲਿਵਾ (Curtis Sliwa), ਗਾਰਡੀਅਨ ਐਂਜਲਸ (Guardian Angels) ਦੇ ਸੰਸਥਾਪਕ ਹਨ, ਅਤੇ ਵਕੀਲ ਜਿਮ ਵਾਲਡੇਨ (Jim Walden) ਵੀ ਇੱਕ ਸੁਤੰਤਰ ਉਮੀਦਵਾਰ ਵਜੋਂ ਚੋਣ ਲੜ ਰਹੇ ਹਨ।

ਐਂਡਰੂ ਕੁਓਮੋ ਨੇ ਹਾਲੇ ਤੱਕ ਇਹ ਨਹੀਂ ਫੈਸਲਾ ਕੀਤਾ ਕਿ ਉਹ ਇੱਕ ਸਵਤੰਤਰ ਉਮੀਦਵਾਰ ਵਜੋਂ ਚੋਣ ‘ਚ ਰਹਿਣਗੇ ਜਾਂ ਨਹੀਂ।