ADVERTISEMENTs
ਭਾਰਤੀ ਮੂਲ ਦੇ ਡਾਕਟਰਾਂ ਵੱਲੋਂ ਦੱਖਣੀ ਏਸ਼ੀਆਈਆਂ ਲਈ ਜਲਦੀ ਦਿਲ ਦੀ ਜਾਂਚ ਦੀ ਸਿਫ਼ਾਰਸ਼
ਦੱਖਣੀ ਏਸ਼ੀਆਈਆਂ ਨੂੰ ਜੈਨੇਟਿਕ, ਸੱਭਿਆਚਾਰਕ ਅਤੇ ਵਾਤਾਵਰਣਕ ਕਾਰਕਾਂ ਦੇ ਕਾਰਨ ਦਿਲ ਦੀ ਬਿਮਾਰੀ ਦਾ ਵਧੇਰੇ ਜੋਖਮ ਹੁੰਦਾ ਹੈ
-
ਪ੍ਰਨਵੀ ਸ਼ਰਮਾ - Tue, 10, Jun 2025
- 04:37 EDT
- 14
.jpg)
ਯੂਨੀਵਰਸਿਟੀ ਆਫ ਟੈਕਸਾਸ ਸਾਊਥਵੈਸਟਰਨ ਮੈਡੀਕਲ ਸੈਂਟਰ ਵਿਖੇ ਭਾਰਤੀ ਮੂਲ ਦੇ ਕਾਰਡੀਓਲੋਜਿਸਟ ਡਾ. ਆਨੰਦ ਰੋਹਤਗੀ ਨੇ ਇੱਕ ਨਵੇਂ ਢਾਂਚੇ ਦੀ ਅਗਵਾਈ ਕੀਤੀ ਹੈ। ਇਸ ਢਾਂਚੇ ਰਾਹੀਂ ਅਮਰੀਕਾ ਅਤੇ ਕੈਨੇਡਾ ਵਿੱਚ ਦੱਖਣੀ ਏਸ਼ੀਆਈਆਂ ਵਿੱਚ ਦਿਲ ਦੀ ਬਿਮਾਰੀ ਦੀ ਵੱਧ ਰਹੀ ਦਰ ਨੂੰ ਕਾਬੂ ਕਰਨ ਲਈ ਜਲਦੀ ਸਕ੍ਰੀਨਿੰਗ ਅਤੇ ਦੇਖਭਾਲ ਦੀ ਅਪੀਲ ਕੀਤੀ ਗਈ ਹੈ।
ਉਨ੍ਹਾਂ ਨੇ ਵਿਸ਼ਵਵਿਆਪੀ ਸਹਿਯੋਗੀਆਂ ਨਾਲ ਮਿਲ ਕੇ ਇਹ ਖਰੜਾ ਵਿਕਸਤ ਕੀਤਾ, ਜੋ ਅਮਰੀਕਨ ਜਰਨਲ ਆਫ ਪ੍ਰੀਵੈਂਟਿਵ ਕਾਰਡੀਓਲੋਜੀ ਵਿੱਚ ਪ੍ਰਕਾਸ਼ਿਤ ਹੋਇਆ।
ਡਾ. ਰੋਹਤਗੀ ਨੇ ਕਿਹਾ, "ਸਾਨੂੰ ਇਹ ਸਮਝ ਆਈ ਕਿ ਸਿਹਤ ਸੰਭਾਲ ਕਰਮਚਾਰੀ ਅਤੇ ਹੋਰ ਹਿੱਸੇਦਾਰ ਜਾਤੀ ਆਧਾਰਤ ਫਰਕ ਦੀ ਪਛਾਣ ਕਰਨ ਅਤੇ ਰੋਕਥਾਮ ਦੀ ਯੋਜਨਾ ਬਣਾਉਣ ਲਈ ਇਸ ਰੋਡਮੈਪ ਦੀ ਵਰਤੋਂ ਕਰ ਸਕਦੇ ਹਨ।"
ਦੱਖਣੀ ਏਸ਼ੀਆਈ- ਭਾਰਤ, ਪਾਕਿਸਤਾਨ, ਬੰਗਲਾਦੇਸ਼, ਨੇਪਾਲ, ਸ਼੍ਰੀਲੰਕਾ, ਮਾਲਦੀਵ ਅਤੇ ਭੂਟਾਨ ਦੇ ਲੋਕਾਂ ਦੀ ਸੰਖਿਆ ਅਮਰੀਕਾ ਵਿੱਚ 50 ਲੱਖ ਅਤੇ ਕੈਨੇਡਾ ਵਿੱਚ 20 ਲੱਖ ਤੋਂ ਵੱਧ ਹੈ। ਹਾਲਾਂਕਿ ਇਹ ਆਬਾਦੀ ਵਿਸ਼ਵ ਦੀ ਲਗਭਗ 25% ਹੈ, ਪਰ ਇਨਾਂ ਵਿੱਚ ਦਿਲ ਦੀਆਂ ਬਿਮਾਰੀਆਂ ਦੇ ਲਗਭਗ 60% ਮਾਮਲੇ ਪਾਏ ਜਾਂਦੇ ਹਨ।
ਡਾ. ਰੋਹਤਗੀ ਨੇ ਦੱਸਿਆ ਕਿ ਇਹ ਵਧਿਆ ਹੋਇਆ ਜੋਖਮ ਜੈਨੇਟਿਕ, ਸੱਭਿਆਚਾਰਕ ਅਤੇ ਵਾਤਾਵਰਣਕ ਕਾਰਕਾਂ ਕਾਰਨ ਹੁੰਦਾ ਹੈ। ਇਹ ਲੋਕ ਛੋਟੀ ਉਮਰ ਅਤੇ ਆਮ ਭਾਰ ਹੋਣ ਦੇ ਬਾਵਜੂਦ ਵੀ ਦਿਲ ਦੀਆਂ ਬਿਮਾਰੀਆਂ ਦਾ ਸ਼ਿਕਾਰ ਹੋ ਸਕਦੇ ਹਨ।
ਉਨ੍ਹਾਂ ਨੇ ਕਿਹਾ,"ਜਦੋਂ ਕਿ ਦੱਖਣੀ ਏਸ਼ੀਆਈ ਭਾਈਚਾਰੇ ਵਿੱਚ ਦਿਲ ਦੀ ਬਿਮਾਰੀ ਦੇ ਜੋਖਮ ਬਾਰੇ ਬਹੁਤ ਸਾਰਾ ਇਤਿਹਾਸ ਹੈ, ਪਰ ਰੋਕਥਾਮ ਲਈ ਕਾਰਗਰ ਦਸਤਾਵੇਜ਼ ਅਤੇ ਦਖ਼ਲ ਅਜੇ ਵੀ ਘੱਟ ਹਨ।"
ਨਵਾਂ ਮਾਰਗਦਰਸ਼ਨ ਡਾਕਟਰਾਂ ਨੂੰ ਇਹ ਸਿਫ਼ਾਰਸ਼ ਕਰਦਾ ਹੈ ਕਿ ਉਨ੍ਹਾਂ ਨੂੰ ਲੋੜੀਂਦੇ ਟੈਸਟ, ਜਿਵੇਂ ਕਿ ਬਲੱਡ ਸ਼ੂਗਰ, ਸਰੀਰਕ ਬਣਤਰ ਅਤੇ ਜੈਨੇਟਿਕ ਜੋਖਮ ਕਾਰਕਾਂ ਦੀ ਜਾਂਚ ਜਲਦੀ ਕਰਨੀ ਚਾਹੀਦੀ ਹੈ। ਮਾਨਸਿਕ ਸਿਹਤ ਅਤੇ ਗਰਭ ਅਵਸਥਾ ਦੇ ਪ੍ਰਭਾਵ ਵੀ ਮੁਲਾਂਕਣ ਵਿੱਚ ਸ਼ਾਮਲ ਹੋਣੇ ਚਾਹੀਦੇ ਹਨ।
ਦੱਖਣੀ ਏਸ਼ੀਆਈ ਲੋਕ ਅਕਸਰ ਸਧਾਰਣ ਟੈਸਟ ਨਤੀਜਿਆਂ ਦੇ ਬਾਵਜੂਦ ਦਵਾਈ ਜਾਂ ਜੀਵਨ ਸ਼ੈਲੀ ਦੀ ਤਬਦੀਲੀ ਤੋਂ ਹੀ ਠੀਕ ਹੋ ਸਕਦੇ ਹਨ।ਡਾ. ਰੋਹਤਗੀ ਉੱਤਰੀ ਟੈਕਸਾਸ ਵਿੱਚ ਕੋਰੋਨਰੀ ਪਲੇਕ ਰਜਿਸਟਰੀ ਦੀ ਵੀ ਅਗਵਾਈ ਕਰ ਰਹੇ ਹਨ, ਜੋ ਜੋਖਮ ਬਾਰੇ ਹੋਰ ਡੇਟਾ ਇਕੱਠਾ ਕਰ ਰਹੀ ਹੈ।
ਲੇਖਕਾਂ ਨੇ ਸੱਭਿਆਚਾਰਕ ਤੌਰ 'ਤੇ ਦੇਖਭਾਲ ਦੀ ਲੋੜ ਉਤੇ ਵੀ ਜ਼ੋਰ ਦਿੱਤਾ, ਜਿਸ ਵਿੱਚ ਦੱਖਣੀ ਏਸ਼ੀਆਈ ਭੋਜਨ ਰਵਾਇਤਾਂ ਦੇ ਅਨੁਕੂਲ ਖੁਰਾਕ ਸਿਫ਼ਾਰਸ਼ਾਂ, ਅਤੇ ਸਿਹਤਮੰਦ ਆਦਤਾਂ ਨੂੰ ਉਤਸ਼ਾਹਿਤ ਕਰਨ ਲਈ ਕਮਿਊਨਿਟੀ ਨੇਤਾਵਾਂ ਨਾਲ ਸਾਂਝੇਦਾਰੀ ਸ਼ਾਮਲ ਹੈ।
ਡਾ. ਰੋਹਤਗੀ ਨੇ ਅਖੀਰ 'ਚ ਕਿਹਾ, "ਸਾਡੀ ਸਭ ਤੋਂ ਵੱਡੀ ਅਪੀਲ ਇਹ ਹੈ ਕਿ ਜੋ ਲੋਕ ਦੱਖਣੀ ਏਸ਼ੀਆਈ ਭਾਈਚਾਰੇ ਨਾਲ ਜੁੜੇ ਹਨ, ਖਾਸ ਕਰਕੇ ਦਵਾਈ ਦੇ ਖੇਤਰ ਵਿੱਚ, ਉਹ ਜੋਖਮ ਨੂੰ ਸਮਝਣ ਅਤੇ ਭਾਈਚਾਰਿਆਂ ਨੂੰ ਸਿਹਤਮੰਦ ਜੀਵਨ ਦੇ ਰਾਹੀਂ ਅੱਗੇ ਵਧਾਉਣ ਲਈ ਕਾਰਵਾਈ ਕਰਨ।"
Related
.jpg)
 (1).jpg)
.jpg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login