ADVERTISEMENTs
ਨਿਊਯਾਰਕ ਦੇ ਮੇਅਰ ਹੋਣਗੇ ਜ਼ੋਹਰਾਨ ਮਮਦਾਨੀ? ਕੁਓਮੋ ਨੇ ਮੰਨੀ ਹਾਰ!
ਜੇ ਜ਼ੋਹਰਾਨ ਮਮਦਾਨੀ ਨਵੰਬਰ ਵਿੱਚ ਚੁਣੇ ਜਾਂਦੇ ਹਨ, ਤਾਂ ਉਹ ਨਿਊਯਾਰਕ ਸਿਟੀ ਦੇ ਪਹਿਲੇ ਮੂਸਲਮਾਨ ਅਤੇ ਭਾਰਤੀ-ਅਮਰੀਕੀ ਮੇਅਰ ਹੋਣਗੇ।
-
ਪ੍ਰਨਵੀ ਸ਼ਰਮਾ - Wed, 25, Jun 2025
- 06:20 EDT
- 4
ਜ਼ੋਹਰਾਨ ਮਮਦਾਨੀ / courtesy photo
ਨਿਊਯਾਰਕ ਸਿਟੀ ਦੀ ਡੈਮੋਕ੍ਰੇਟਿਕ ਮੇਅਰਲ ਪ੍ਰਾਇਮਰੀ (New York City’s Democratic mayoral primary) 'ਚ 24 ਜੂਨ ਨੂੰ ਜੋਹਰਾਨ ਮਮਦਾਨੀ (Zohran Mamdani) ਦੀ ਅਗਵਾਈ ਦੀ ਪ੍ਰਮਿਲਾ ਜੈਪਾਲ ਨੇ ਤਾਰੀਫ਼ ਕੀਤੀ। ਉਹਨਾਂ ਕਿਹਾ ਕਿ ਇਹ ਅਮੀਰਾਂ ਦੇ ਖ਼ਰਚ ਵਿਰੁੱਧ ਲੋਕਤੰਤਰੀ ਤਾਕਤ ਦੀ ਜਿੱਤ ਹੈ। “@ZohranKMamdani ਨੇ ਅਮੀਰਾਂ ਦੇ ਖ਼ਿਲਾਫ਼ ਅਵਾਜ਼ ਬੁਲੰਦ ਕੀਤੀ ਅਤੇ ਲੋਕ ਉਨ੍ਹਾਂ ਦੇ ਨਾਲ ਖੜੇ ਹੋਏ,” ਉਨ੍ਹਾਂ ਨੇ ਲਿਖਿਆ, ਜਦੋਂ 33 ਸਾਲਾ ਸਟੇਟ ਅਸੈਂਬਲੀ ਮੈਂਬਰ ਅਤੇ ਭਾਰਤੀ ਫਿਲਮ ਨਿਰਦੇਸ਼ਿਕਾ ਮੀਰਾ ਨਾਇਰ ਦੇ ਪੁੱਤਰ ਨੇ ਉੱਚ ਪ੍ਰੋਫਾਈਲ ਰੇਸ ਵਿੱਚ ਸਾਬਕਾ ਗਵਰਨਰ ਐਂਡਰੂ ਕੁਓਮੋ (former Governor Andrew Cuomo) ਨੂੰ ਪਿੱਛੇ ਛੱਡ ਦਿੱਤਾ।
ਜੇ ਮਮਦਾਨੀ ਚੁਣੇ ਜਾਂਦੇ ਹਨ, ਤਾਂ ਉਹ ਨਿਊਯਾਰਕ ਸਿਟੀ ਦੇ ਪਹਿਲੇ ਮੂਸਲਮਾਨ ਅਤੇ ਭਾਰਤੀ-ਅਮਰੀਕੀ ਮੇਅਰ ਹੋਣਗੇ। ਹੁਣ ਉਹ ਨਵੰਬਰ ਵਿੱਚ ਹੋਣ ਵਾਲੇ ਆਮ ਚੋਣ ਵਿੱਚ ਮੌਜੂਦਾ ਮੇਅਰ ਏਰਿਕ ਐਡਮਜ਼ (Eric Adams) ਦਾ ਸਾਹਮਣਾ ਕਰਨਗੇ। ਦਸ ਦਈਏ ਕਿ ਐਡਮਜ਼, ਜੋ ਸ਼ਹਿਰ ਦੇ ਦੂਜੇ ਅਫਰੀਕੀ-ਅਮਰੀਕੀ ਮੇਅਰ ਹਨ, ਨੇ ਡੈਮੋਕ੍ਰੈਟਿਕ ਪ੍ਰਾਇਮਰੀ ਨੂੰ ਛੱਡ ਕੇ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜਣ ਦਾ ਫੈਸਲਾ ਕੀਤਾ ਹੈ।
ਚੋਣਾਂ ਦੇ ਮੁੱਢਲੇ ਨਤੀਜਿਆਂ ਤੋਂ ਬਾਅਦ ਮਮਦਾਨੀ ਨੇ ਨੈਲਸਨ ਮੰਡੇਲਾ ਦੇ ਸ਼ਬਦਾਂ ਦਾ ਹਵਾਲਾ ਦਿੱਤਾ, “ਨੈਲਸਨ ਮੰਡੇਲਾ (Nelson Mandela) ਦੇ ਸ਼ਬਦਾਂ ਵਿੱਚ: ਇਹ ਹਮੇਸ਼ਾ ਅਸੰਭਵ ਲੱਗਦਾ ਹੈ ਜਦ ਤਕ ਇਹ ਪੂਰਾ ਨਾ ਹੋ ਜਾਵੇ। ਮੇਰੇ ਦੋਸਤੋ, ਇਹ ਹੁਣ ਪੂਰਾ ਹੋ ਗਿਆ ਹੈ ਅਤੇ ਤੁਸੀਂ ਹੀ ਉਹ ਹੋ ਜੋ ਇਹ ਕਰ ਦਿਖਾਇਆ। ਮੈਨੂੰ ਗਰਵ ਹੈ ਕਿ ਮੈਂ ਨਿਊਯਾਰਕ ਸਿਟੀ ਲਈ ਤੁਹਾਡਾ ਡੈਮੋਕ੍ਰੈਟਿਕ ਉਮੀਦਵਾਰ ਹਾਂ।”
ਪ੍ਰਾਇਮਰੀ ਵਿੱਚ ਕਿਸੇ ਵੀ ਡੈਮੋਕ੍ਰੈਟ ਉਮੀਦਵਾਰ ਨੂੰ ਪੂਰੀ ਬਹੁਮਤ ਨਾ ਮਿਲੀ, ਜਿਸ ਕਰਕੇ ਰੈਂਕਡ-ਚੋਇਸ ਗਿਣਤੀ (ranked-choice tabulation) ਦੀ ਪ੍ਰਕਿਰਿਆ ਸ਼ੁਰੂ ਹੋਈ। ਪਰ ਪਹਿਲੀ ਪਸੰਦ ਵਾਲੀਆਂ ਵੋਟਾਂ ਵਿੱਚ ਮਹੱਤਵਪੂਰਨ ਅਗਵਾਈ ਹਾਸਲ ਹੋਣ ਕਾਰਨ, ਕੁਓਮੋ ਨੇ 24 ਜੂਨ ਦੀ ਰਾਤ ਆਪਣੀ ਹਾਰ ਮੰਨ ਲਈ। ਉਸ ਨੇ ਆਪਣੇ ਸਮਰਥਕਾਂ ਨੂੰ ਕਿਹਾ, “ਅੱਜ ਦੀ ਰਾਤ ਉਸ ਦੀ ਹੈ। ਮੈਂ ਉਸਨੂੰ ਫ਼ੋਨ ਕੀਤਾ, ਵਧਾਈ ਦਿੱਤੀ... ਉਹ ਜਿੱਤ ਗਿਆ।” ਕੁਓਮੋ ਨੇ ਅੱਗੇ ਕਿਹਾ, “ਅਸੀਂ ਹੁਣ ਇਹ ਸਾਰੀ ਸਥਿਤੀ ਦੇਖਾਂਗੇ ਅਤੇ ਫੇਰ ਕੁਝ ਫੈਸਲੇ ਲਵਾਂਗੇ।”
ਮਾਮਦਾਨੀ ਦੀ ਮੁਹਿੰਮ, ਜੋ ਡੈਮੋਕ੍ਰੇਟਿਕ ਸੋਸ਼ਲਿਸਟ ਕਦਰਾਂ-ਕੀਮਤਾਂ 'ਤੇ ਆਧਾਰਿਤ ਹੈ, ਨੇ ਨੌਜਵਾਨ ਵੋਟਰਾਂ ਅਤੇ ਡੈਮੋਕ੍ਰੈਟਿਕ ਸਮਰਥਕਾਂ ਵਿੱਚ ਤੇਜ਼ੀ ਫੜੀ। ਉਸਦੇ ਪਲੇਟਫਾਰਮ ਵਿੱਚ ਸਥਿਰ ਕਿਰਾਏ ਵਾਲੇ ਕਿਰਾਏਦਾਰਾਂ ਲਈ ਕਿਰਾਇਆ ਫ੍ਰੀਜ਼ ਕਰਨਾ, ਮੁਫ਼ਤ ਆਵਾਜਾਈ ਸੇਵਾਵਾਂ ਦਾ ਵਿਸਥਾਰ ਕਰਨਾ, ਬਿਨਾ ਲਾਗਤ ਵਾਲੀ ਚਾਈਲਡਕੇਅਰ ਦੀ ਸ਼ੁਰੂਆਤ ਅਤੇ ਸ਼ਹਿਰ ਦੀਆਂ ਮਲਕੀਅਤ ਵਾਲੀਆਂ ਕਰਿਆਨੇ ਦੀਆਂ ਦੁਕਾਨਾਂ ਖੋਲ੍ਹਣ ਦੀ ਯੋਜਨਾਵਾਂ ਸ਼ਾਮਲ ਹਨ।
ਸੈਨੇਟਰ ਬਰਨੀ ਸੈਂਡਰਸ (Senator Bernie Sanders), ਜਿਨ੍ਹਾਂ ਨੇ 17 ਜੂਨ ਨੂੰ ਮਾਮਦਾਨੀ ਦਾ ਸਮਰਥਨ ਕੀਤਾ ਸੀ, ਨੇ ਇਸ ਮੁਹਿੰਮ ਦੀ ਪ੍ਰਸ਼ੰਸਾ ਕੀਤੀ। ਸੈਂਡਰਸ ਨੇ X 'ਤੇ ਲਿਖਿਆ, “ਜ਼ੋਹਰਾਨ ਮਾਮਦਾਨੀ ਅਤੇ ਉਸਦੇ ਹਜ਼ਾਰਾਂ ਜ਼ਮੀਨੀ ਪੱਧਰ ਦੇ ਸਮਰਥਕਾਂ ਨੂੰ ਉਨ੍ਹਾਂ ਦੀ ਬੇਮਿਸਾਲ ਮੁਹਿੰਮ ਲਈ ਵਧਾਈਆਂ।” “ਤੁਸੀਂ ਰਾਜਨੀਤਿਕ, ਆਰਥਿਕ ਅਤੇ ਮੀਡੀਆ ਸੰਸਥਾਵਾਂ ਦਾ ਮੁਕਾਬਲਾ ਕੀਤਾ ਅਤੇ ਤੁਸੀਂ ਉਨ੍ਹਾਂ ਨੂੰ ਹਰਾਇਆ।”
ਪ੍ਰਤੀਨਿਧੀ ਅਲੈਗਜ਼ੈਂਡਰੀਆ ਓਕਾਸੀਓ-ਕੋਰਟੇਜ਼ (Alexandria Ocasio-Cortez), ਜੋ ਮਾਮਦਾਨੀ ਨਾਲ ਕਈ ਰੈਲੀਆਂ ਵਿੱਚ ਸ਼ਾਮਲ ਹੋਈ ਸੀ, ਨੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ। ਉਨ੍ਹਾਂ ਲਿਖਿਆ, “ਅਰਬਪਤੀਆਂ ਅਤੇ ਲੋਬੀਇਸਟਿਸ ਨੇ ਤੁਹਾਡੇ ਅਤੇ ਸਾਡੇ ਜਨਤਕ ਵਿੱਤ ਪ੍ਰਣਾਲੀ ਦੇ ਵਿਰੁੱਧ ਲੱਖਾਂ ਡਾਲਰ ਖਰਚ ਕੀਤੇ ਅਤੇ ਤੁਸੀਂ ਜਿੱਤ ਗਏ।” “ਇੱਕ ਕਿਫ਼ਾਇਤੀ, ਸੁਆਗਤਯੋਗ ਅਤੇ ਸੁਰੱਖਿਅਤ ਨਿਊਯਾਰਕ ਸਿਟੀ ਪ੍ਰਤੀ ਤੁਹਾਡਾ ਸਮਰਪਣ, ਜਿੱਥੇ ਕੰਮ ਕਰਨ ਵਾਲੇ ਪਰਿਵਾਰਾਂ ਨੂੰ ਮੌਕਾ ਮਿਲ ਸਕੇ, ਨੇ ਸ਼ਹਿਰ ਭਰ ਦੇ ਲੋਕਾਂ ਨੂੰ ਪ੍ਰੇਰਿਤ ਕੀਤਾ ਹੈ।”
Related
.jpg)
.JPG)
.jpeg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login