ADVERTISEMENT
ADVERTISEMENT
ਅਮਰੀਕੀ ਦੂਤਾਵਾਸ ਨੇ ਅੰਤਰਰਾਸ਼ਟਰੀ ਯਾਤਰੀਆਂ ਦੇ ਰਹਿਣ ਦੀ ਮਿਆਦ ਦੇ ਨਿਯਮਾਂ ਨੂੰ ਕੀਤਾ ਸਪੱਸ਼ਟ
-
ਸਟਾਫ਼ ਪੱਤਰਕਾਰ - Fri, 19, Dec 2025
- 22:59 EST
- 5
ਭਾਰਤ ਵਿੱਚ ਸਥਿਤ ਅਮਰੀਕੀ ਦੂਤਾਵਾਸ / X (@USAndIndia)
ਭਾਰਤ ਵਿੱਚ ਸਥਿਤ ਅਮਰੀਕੀ ਦੂਤਾਵਾਸ ਨੇ ਸਪੱਸ਼ਟ ਕੀਤਾ ਹੈ ਕਿ ਕਿਸੇ ਅੰਤਰਰਾਸ਼ਟਰੀ ਯਾਤਰੀ ਨੂੰ ਅਮਰੀਕਾ ਵਿੱਚ ਕਿੰਨੇ ਸਮੇਂ ਲਈ ਰਹਿਣ ਦੀ ਇਜਾਜ਼ਤ ਮਿਲੇਗੀ, ਇਸ ਦਾ ਫੈਸਲਾ ਦਾਖ਼ਲੇ ਦੇ ਸਥਾਨ (ਪੋਰਟ ਆਫ਼ ਐਂਟਰੀ) ‘ਤੇ ਤੈਨਾਤ ਅਮਰੀਕੀ ਕਸਟਮਜ਼ ਐਂਡ ਬੋਰਡਰ ਪ੍ਰੋਟੈਕਸ਼ਨ (CBP) ਅਧਿਕਾਰੀ ਕਰਦਾ ਹੈ, ਨਾ ਕਿ ਵੀਜ਼ੇ ਦੀ ਮਿਆਦ ਖ਼ਤਮ ਹੋਣ ਦੀ ਤਾਰੀਖ।
ਇਸ ਦੇ ਨਾਲ ਹੀ ਦੂਤਾਵਾਸ ਨੇ ਯਾਤਰੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਰਿਹਾਇਸ਼ ਦੀ ਅਧਿਕਾਰਤ ਮਿਆਦ ਦੀ ਪੁਸ਼ਟੀ ਕਰਨ ਲਈ CBP ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਆਪਣੇ I-94 "ਐਡਮਿਟ ਅੰਟਿਲ ਡੇਟ" ਦੀ ਜਾਂਚ ਜ਼ਰੂਰ ਕਰਨ।
I-94, ਇੱਕ ਅਧਿਕਾਰਤ ਦਸਤਾਵੇਜ਼ ਹੈ ਜੋ ਅਮਰੀਕਾ ਵਿੱਚ ਦਾਖਲੇ ਦਾ ਰਿਕਾਰਡ ਰੱਖਦਾ ਹੈ ਅਤੇ ਉਹ ਮਿਤੀ ਨਿਰਧਾਰਤ ਕਰਦਾ ਹੈ ਜਦੋਂ ਤੱਕ ਤੁਹਾਨੂੰ ਦੇਸ਼ ਛੱਡਣਾ ਪਵੇਗਾ ਜਾਂ ਵੀਜ਼ਾ ਵਧਾਉਣ ਲਈ ਅਪਲਾਈ ਕਰਨਾ ਪਵੇਗਾ। ਇਸਦੇ ਉਲਟ, ਪਾਸਪੋਰਟ ‘ਤੇ ਲੱਗਿਆ ਵੀਜ਼ਾ ਸਿਰਫ਼ ਇਹ ਦਰਸਾਉਂਦਾ ਹੈ ਕਿ ਕਿੰਨੇ ਸਮੇਂ ਦੀ ਮਿਆਦ ਤੱਕ ਯਾਤਰੀ ਅਮਰੀਕਾ ਵਿੱਚ ਦਾਖ਼ਲੇ ਦੀ ਬੇਨਤੀ ਕਰ ਸਕਦਾ ਹੈ। ਇਹ ਅਮਰੀਕਾ ਵਿੱਚ ਰਹਿਣ ਦੀ ਮਿਆਦ ਤੈਅ ਨਹੀਂ ਕਰਦਾ।
ਦੂਤਾਵਾਸ ਵੱਲੋਂ ਦਿੱਤਾ ਗਿਆ ਇਹ ਸਪਸ਼ਟੀਕਰਨ ਉਸ ਸਮੇਂ ਆਇਆ ਹੈ ਜਦੋਂ ਭਾਰਤ ਅਤੇ ਅਮਰੀਕਾ ਦਰਮਿਆਨ ਯਾਤਰਾ ਲਗਾਤਾਰ ਜਾਰੀ ਹੈ ਅਤੇ ਹਰ ਸਾਲ ਵੱਡੀ ਗਿਣਤੀ ਵਿੱਚ ਭਾਰਤੀ ਨਾਗਰਿਕ ਸੈਰ-ਸਪਾਟੇ, ਕਾਰੋਬਾਰ, ਸਿੱਖਿਆ ਅਤੇ ਪਰਿਵਾਰਕ ਕਾਰਨਾਂ ਲਈ ਅਮਰੀਕਾ ਜਾਂਦੇ ਹਨ। ਵੀਜ਼ੇ ਦੀ ਮਿਆਦ ਅਤੇ ਅਧਿਕਾਰਤ ਰਿਹਾਇਸ਼ ਵਿਚਕਾਰ ਗਲਤਫ਼ਹਮੀ ਵਾਰ-ਵਾਰ ਆਉਣ ਵਾਲੀ ਸਮੱਸਿਆ ਰਹੀ ਹੈ, ਜੋ ਅਕਸਰ ਅਣਜਾਣੇ ‘ਚ ਇਮੀਗ੍ਰੇਸ਼ਨ ਨਿਯਮਾਂ ਦੀ ਉਲੰਘਣਾ ਦਾ ਕਾਰਨ ਬਣ ਜਾਂਦੀ ਹੈ।
ਅਮਰੀਕੀ ਇਮੀਗ੍ਰੇਸ਼ਨ ਕਾਨੂੰਨ ਅਨੁਸਾਰ, I-94 ‘ਤੇ ਦਰਜ “ਐਡਮਿਟ ਅੰਟਿਲ ਡੇਟ” ਤੋਂ ਵੱਧ ਸਮੇਂ ਤੱਕ ਦੇਸ਼ ਵਿੱਚ ਰਹਿਣਾ “ਓਵਰਸਟੇਅ” ਮੰਨਿਆ ਜਾਂਦਾ ਹੈ। ਓਵਰਸਟੇਅ ਦੇ ਗੰਭੀਰ ਨਤੀਜੇ ਨਿਕਲ ਸਕਦੇ ਹਨ, ਜਿਵੇਂ ਕਿ ਵੀਜ਼ਾ ਰੱਦ ਹੋਣਾ, ਭਵਿੱਖ ਦੀ ਯਾਤਰਾ ‘ਤੇ ਪਾਬੰਦੀ ਅਤੇ ਮੁੜ ਦਾਖ਼ਲੇ ‘ਤੇ ਰੋਕ ਲਗਾਈ ਜਾ ਸਕਦੀ ਹੈ।
ਹੋਮਲੈਂਡ ਸਿਕਿਓਰਿਟੀ ਵਿਭਾਗ (DHS) ਅਤੇ ਅਮਰੀਕੀ ਵਿਦੇਸ਼ ਵਿਭਾਗ ਨੇ ਆਉਣ-ਜਾਣ ਦੀ ਇਲੈਕਟ੍ਰਾਨਿਕ ਟ੍ਰੈਕਿੰਗ 'ਤੇ ਲਗਾਤਾਰ ਜ਼ੋਰ ਦਿੱਤਾ ਹੈ। ਯਾਤਰੀਆਂ ਨੂੰ ਪਹੁੰਚਣ ਤੋਂ ਬਾਅਦ ਦਾਖਲੇ ਦੀਆਂ ਸ਼ਰਤਾਂ ਦੀ ਪਾਲਣਾ ਯਕੀਨੀ ਬਣਾਉਣ ਲਈ 'ਸੀ.ਬੀ.ਪੀ.' (CBP) ਦੇ ਆਨਲਾਈਨ ਪੋਰਟਲ ਰਾਹੀਂ ਆਪਣੇ I-94 ਰਿਕਾਰਡ ਪ੍ਰਾਪਤ ਕਰਨ ਅਤੇ ਉਨ੍ਹਾਂ ਨੂੰ ਸੰਭਾਲ ਕੇ ਰੱਖਣ ਲਈ ਕਿਹਾ ਗਿਆ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login