ADVERTISEMENT
ADVERTISEMENT
ਗੁਆਂਢੀ ਦੇਸ਼ਾਂ 'ਤੇ ਦਿਖਾਈ ਦੇਣ ਲੱਗਾ ਪੱਛਮੀ ਏਸ਼ੀਆ ‘ਚ ਚੱਲ ਰਹੀ ਜੰਗ ਦਾ ਅਸਰ, NATO ਨੇ ਲਿਆ ਅਹਿਮ ਫੈਸਲਾ
ਨਾਟੋ ਮਿਸ਼ਨ ਨੇ ਇਰਾਕ 'ਚੋਂ ਆਪਣੇ ਸਟਾਫ਼ ਨੂੰ ਅਸਥਾਈ ਤੌਰ 'ਤੇ ਵਾਪਸ ਬੁਲਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ
-
1759953093.png)
ਸਟਾਫ ਪੱਤਰਕਾਰ - Sat, 21, Mar 2026
- 06:07 EDT
- 0
Representative Image / staff reporter
ਪੱਛਮੀ ਏਸ਼ੀਆ ਵਿੱਚ ਇਜ਼ਰਾਈਲ ਅਤੇ ਅਮਰੀਕਾ ਦੀ ਇਰਾਨ ਨਾਲ ਚੱਲ ਰਹੀ ਭਿਆਨਕ ਜੰਗ ਦਾ ਅਸਰ ਹੁਣ ਗੁਆਂਢੀ ਦੇਸ਼ਾਂ 'ਤੇ ਵੀ ਦਿਖਾਈ ਦੇਣ ਲੱਗਾ ਹੈ। ਇਸੇ ਦੌਰਾਨ ਸੁਰੱਖਿਆ ਕਾਰਨਾਂ ਦਾ ਹਵਾਲਾ ਦਿੰਦੇ ਹੋਏ ਨਾਟੋ (NATO) ਮਿਸ਼ਨ ਨੇ ਇਰਾਕ 'ਚੋਂ ਆਪਣੇ ਸਟਾਫ਼ ਨੂੰ ਅਸਥਾਈ ਤੌਰ 'ਤੇ ਵਾਪਸ ਬੁਲਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।
ਇਕ ਰਿਪੋਰਟ ਅਨੁਸਾਰ ਇਹ ਕਦਮ ਮਿਸ਼ਨ ਦੇ ਮੈਂਬਰਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਚੁੱਕਿਆ ਗਿਆ ਹੈ। ਰਿਪੋਰਟ ਅਨੁਸਾਰ ਖੇਤਰ ਵਿੱਚ ਚੱਲ ਰਹੀ ਜੰਗ ਅਤੇ ਇਰਾਕ ਵਿੱਚ ਸਥਿਤ ਵਿਦੇਸ਼ੀ ਮਿਸ਼ਨਾਂ 'ਤੇ ਸੰਭਾਵੀ ਹਮਲਿਆਂ ਦਾ ਖ਼ਤਰਾ ਹੈ। ਨਾਟੋ ਦਾ ਇਹ ਮਿਸ਼ਨ ਗੈਰ-ਲੜਾਕੂ ਸੀ, ਜੋ 2018 ਤੋਂ ਇਰਾਕੀ ਸੁਰੱਖਿਆ ਬਲਾਂ ਨੂੰ ਟ੍ਰੇਨਿੰਹ ਅਤੇ ਸਲਾਹ ਦੇ ਰਿਹਾ ਸੀ। ਨਾਟੋ ਅਧਿਕਾਰੀਆਂ ਨੇ ਸਪੱਸ਼ਟ ਕੀਤਾ ਹੈ ਕਿ ਜਿਵੇਂ ਹੀ ਜੰਗ ਖ਼ਤਮ ਹੋਵੇਗੀ ਅਤੇ ਸੁਰੱਖਿਆ ਸਥਿਤੀ ਸਥਿਰ ਹੋਵੇਗੀ, ਉਨ੍ਹਾਂ ਦਾ ਇਹ ਫ਼ੌਜੀ ਸਟਾਫ਼ ਮੁੜ ਇਰਾਕ ਪਰਤ ਆਵੇਗਾ।
ਇਹ ਫੈਸਲਾ 28 ਫਰਵਰੀ ਤੋਂ ਇਰਾਨ 'ਤੇ ਹੋ ਰਹੇ ਅਮਰੀਕੀ-ਇਜ਼ਰਾਈਲੀ ਹਮਲਿਆਂ ਅਤੇ ਉਸ ਦੇ ਜਵਾਬ ਵਿੱਚ ਇਰਾਨੀ ਸਮਰਥਕ ਸਮੂਹਾਂ ਵੱਲੋਂ ਮੱਧ-ਪੂਰਬ ਵਿੱਚ ਅਮਰੀਕੀ ਟਿਕਾਣਿਆਂ 'ਤੇ ਕੀਤੇ ਜਾ ਰਹੇ ਹਮਲਿਆਂ ਤੋਂ ਬਾਅਦ ਲਿਆ ਗਿਆ ਹੈ। ਯੂਰਪ ਵਿੱਚ ਨਾਟੋ ਫ਼ੌਜਾਂ ਦੇ ਕਮਾਂਡਰ ਜਨਰਲ ਅਲੈਕਸਸ ਗ੍ਰਿਨਕੇਵਿਚ ਨੇ ਇਸ ਮੁਸ਼ਕਲ ਸਮੇਂ ਵਿੱਚ ਸਹਿਯੋਗ ਦੇਣ ਲਈ ਇਰਾਕ ਅਤੇ ਸਹਿਯੋਗੀ ਦੇਸ਼ਾਂ ਦਾ ਧੰਨਵਾਦ ਕੀਤਾ ਹੈ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਨਾਟੋ ਵਰਗੀ ਵੱਡੀ ਸੰਸਥਾ ਦਾ ਪਿੱਛੇ ਹਟਣਾ ਇਹ ਸੰਕੇਤ ਦਿੰਦਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਇਰਾਕ ਅਤੇ ਸੀਰੀਆ ਵਰਗੇ ਦੇਸ਼ ਇਸ ਜੰਗ ਦੀ ਲਪੇਟ ਵਿੱਚ ਹੋਰ ਬੁਰੀ ਤਰ੍ਹਾਂ ਆ ਸਕਦੇ ਹਨ। ਨਾਟੋ ਦੇ ਜਾਣ ਨਾਲ ਇਰਾਕੀ ਫ਼ੌਜ ਦੀ ਅੱਤਵਾਦ ਵਿਰੋਧੀ ਟ੍ਰੇਨਿੰਗ 'ਤੇ ਅਸਰ ਪੈ ਸਕਦਾ ਹੈ, ਜੋ ਕਿ ਪਹਿਲਾਂ ਹੀ ISIS ਵਰਗੇ ਸਮੂਹਾਂ ਨਾਲ ਜੂਝ ਰਿਹਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login