ADVERTISEMENT
ADVERTISEMENT
ਪੁਤਿਨ, ਜ਼ੇਲੇਂਸਕੀ ਸਮਝੌਤਾ ਚਾਹੁੰਦੇ ਹਨ! ਯੂਕਰੇਨ-ਰੂਸ ਯੁੱਧ ‘ਤੇ ਟਰੰਪ ਦਾ ਬਿਆਨ
ਟਰੰਪ ਨੇ ਕਿਹਾ ਕਿ ਜ਼ੇਲੇਂਸਕੀ ਨੇ ਉਨ੍ਹਾਂ ਨੂੰ ਮਿਲਣ ਲਈ ਯਾਤਰਾ ਕੀਤੀ ਅਤੇ ਇੱਕ ਸਮਝੌਤੇ 'ਤੇ ਪਹੁੰਚਣ ਦੀ ਆਪਣੀ ਇੱਛਾ ਜ਼ਾਹਰ ਕੀਤੀ
-
ਆਈਏਐਨਐਸ - Fri, 23, Jan 2026
- 09:14 EST
- 7
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ / REUTERS/Evelyn Hockstein/File Photo
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਯੂਕਰੇਨ-ਰੂਸ ਸਮਝੌਤੇ ਵਿੱਚ ਮੁੱਖ ਰੁਕਾਵਟ ਅਜੇ ਵੀ ਉਹੀ ਕਾਰਕ ਹਨ ਜੋ ਮਹੀਨਿਆਂ ਤੋਂ ਗੱਲਬਾਤ ਨੂੰ ਰੋਕ ਰਹੇ ਹਨ। ਉਨ੍ਹਾਂ ਨੇ ਇਸ ਸੰਘਰਸ਼ ਨੂੰ ਗੁੰਝਲਦਾਰ ਦੱਸਿਆ ਅਤੇ ਜ਼ੋਰ ਦੇ ਕੇ ਕਿਹਾ ਕਿ ਇਹ ਉਨ੍ਹਾਂ ਦੀ ਜੰਗ ਨਹੀਂ ਸੀ।
ਡਾਵੋਸ ਤੋਂ ਵਾਸ਼ਿੰਗਟਨ ਵਾਪਸ ਆਉਂਦੇ ਸਮੇਂ ਏਅਰ ਫੋਰਸ ਵਨ 'ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਟਰੰਪ ਨੇ ਕਿਹਾ, “ਵੇਖੋ, ਇਹ ਇੱਕ ਜੰਗ ਹੈ। ਇਹ ਬਾਇਡਨ ਦੀ ਜੰਗ ਹੈ। ਇਹ ਮੇਰੀ ਜੰਗ ਨਹੀਂ।” ਜਦੋਂ ਉਨ੍ਹਾਂ ਨੂੰ ਸਮਝੌਤੇ ਵਿੱਚ ਹੋ ਰਹੀ ਦੇਰੀ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ, “ਇਹ ਇੱਕ ਅਜਿਹੀ ਜੰਗ ਹੈ ਜੋ ਕਦੇ ਹੋਣੀ ਹੀ ਨਹੀਂ ਚਾਹੀਦੀ ਸੀ ਪਰ ਇਹ ਜਟਿਲ ਹੈ, ਕਿਉਂਕਿ ਇੱਥੇ ਸਰਹੱਦਾਂ, ਇਲਾਕੇ, ਗਲੀਆਂ, ਦਰਿਆ ਹਰ ਚੀਜ਼ ਸ਼ਾਮਲ ਹੈ।”
ਟਰੰਪ ਨੇ ਕਿਹਾ ਕਿ ਖੇਤਰ ਅਤੇ ਸਰਹੱਦਾਂ ਦੇ ਵਿਵਾਦਾਂ ਨੇ ਲੜਾਈ ਨੂੰ ਲੰਬਾ ਖਿੱਚ ਦਿੱਤਾ ਹੈ। ਉਨ੍ਹਾਂ ਕਿਹਾ, "ਇਹ ਕਿੱਥੇ ਖਤਮ ਹੋਵੇਗੀ? ਇਹ ਥੋੜ੍ਹਾ ਗੁੰਝਲਦਾਰ ਹੈ।" ਉਨ੍ਹਾਂ ਅੱਗੇ ਕਿਹਾ ਕਿ ਹੋਰਨਾਂ ਸੰਘਰਸ਼ਾਂ ਵਿੱਚ ਵੀ ਅਜਿਹੇ ਹੀ ਮੁੱਦੇ ਪੈਦਾ ਹੋਏ ਸਨ ਜਿਨ੍ਹਾਂ ਨੂੰ ਉਨ੍ਹਾਂ ਨੇ ਜਲਦੀ ਹੱਲ ਕਰਨ ਦਾ ਦਾਅਵਾ ਕੀਤਾ ਸੀ। "ਮੈਂ ਉਨ੍ਹਾਂ ਨੂੰ ਦਿਨਾਂ ਵਿੱਚ ਤੇਜ਼ੀ ਨਾਲ ਨਿਪਟਾ ਦਿੱਤਾ ਸੀ ਅਤੇ ਇਹ ਵਾਲਾ ਬਸ ਚੱਲੀ ਜਾ ਰਿਹਾ ਹੈ।"
ਰਾਸ਼ਟਰਪਤੀ ਨੇ ਕਿਹਾ ਕਿ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਅਤੇ ਯੂਕਰੇਨੀ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਦੋਵੇਂ ਹੀ ਹੁਣ ਸਮਝੌਤੇ ਲਈ ਤਿਆਰ ਦਿਖ ਰਹੇ ਹਨ, ਹਾਲਾਂਕਿ ਉਨ੍ਹਾਂ ਨੇ ਕਿਸੇ ਵੱਡੀ ਸਫਲਤਾ ਦੀ ਭਵਿੱਖਬਾਣੀ ਨਹੀਂ ਕੀਤੀ। ਟਰੰਪ ਨੇ ਕਿਹਾ, "ਮੈਂ ਕੋਈ ਭਵਿੱਖਬਾਣੀ ਨਹੀਂ ਕਰ ਰਿਹਾ। ਕੋਈ ਬਦਲਾਅ ਨਹੀਂ ਹਨ। ਮੈਨੂੰ ਲੱਗਦਾ ਹੈ ਕਿ ਰਾਸ਼ਟਰਪਤੀ ਪੁਤਿਨ ਅਤੇ ਰਾਸ਼ਟਰਪਤੀ ਜ਼ੇਲੇਂਸਕੀ ਸਮਝੌਤਾ ਕਰਨਾ ਚਾਹੁੰਦੇ ਹਨ।“
ਟਰੰਪ ਨੇ ਦੱਸਿਆ ਕਿ ਜ਼ੇਲੇਂਸਕੀ ਉਨ੍ਹਾਂ ਨੂੰ ਮਿਲਣ ਆਏ ਸਨ ਅਤੇ ਸਮਝੌਤਾ ਕਰਨ ਦੀ ਇੱਛਾ ਜ਼ਾਹਰ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਕਿ ਯੂਕਰੇਨ ਦੇ ਅੰਦਰ ਹਾਲਾਤ ਕਾਫ਼ੀ ਮੁਸ਼ਕਲ ਹਨ, ਖ਼ਾਸ ਕਰਕੇ ਸਰਦੀਆਂ ਦੌਰਾਨ। ਇਹ ਕੋਈ ਢੰਗ ਨਹੀਂ ਹੈ।
ਗ੍ਰੀਨਲੈਂਡ ਦੇ ਮੁੱਦੇ 'ਤੇ, ਟਰੰਪ ਨੇ ਕਿਹਾ ਕਿ ਪ੍ਰਸ਼ਾਸਨ ਇੱਕ ਢਾਂਚਾਗਤ ਸਮਝੌਤੇ ‘ਤੇ ਕੰਮ ਕਰ ਰਿਹਾ ਹੈ ਅਤੇ ਸੰਕੇਤ ਦਿੱਤਾ ਕਿ ਜਲਦੀ ਹੀ ਸਥਿਤੀ ਸਪੱਸ਼ਟ ਹੋ ਜਾਵੇਗੀ। ਉਨ੍ਹਾਂ ਕਿਹਾ, "ਦੋ ਹਫ਼ਤਿਆਂ ਵਿੱਚ ਕੁਝ ਹੋਵੇਗਾ" ਅਤੇ ਅੱਗੇ ਜੋੜਿਆ ਕਿ "ਕੁਝ ਨੇਪਰੇ ਚਾੜ੍ਹਨ ਲਈ ਚੰਗੀ ਭਾਵਨਾ ਮੌਜੂਦ ਹੈ।" ਹਥਿਆਰਾਂ ਦੀ ਸਮਰੱਥਾ ਅਤੇ ਰੱਖਿਆ ਉਤਪਾਦਨ ਦੀ ਗਤੀ ਦਾ ਹਵਾਲਾ ਦਿੰਦੇ ਹੋਏ ਉਨ੍ਹਾਂ ਕਿਹਾ, "ਸਾਡੇ ਕੋਲ ਇੱਕ ਮਹਾਨ ਫੌਜ ਹੈ। ਮੈਂ ਇੱਕ ਮਹਾਨ ਫੌਜ ਬਣਾਈ ਹੈ।“
ਟਰੰਪ ਨੇ ਵੈਨੇਜ਼ੁਏਲਾ ਬਾਰੇ ਵੀ ਵਿਸਥਾਰ ਵਿੱਚ ਗੱਲ ਕੀਤੀ, ਜਿਸ ਵਿਚ ਉਨ੍ਹਾਂ ਨੇ ਮਜ਼ਬੂਤ ਲੀਡਰਸ਼ਿਪ ਦੀ ਤਾਰੀਫ਼ ਕੀਤੀ ਅਮਰੀਕਾ ਵੱਲ ਤੇਲ ਦੀ ਆਵਾਜਾਈ ਦਾ ਵੇਰਵਾ ਦਿੱਤਾ। ਉਨ੍ਹਾਂ ਕਿਹਾ, "50 ਮਿਲੀਅਨ ਬੈਰਲ ਤੋਂ ਵੱਧ ਤੇਲ ਪਹਿਲਾਂ ਹੀ ਅਮਰੀਕਾ ਆ ਚੁੱਕਾ ਹੈ ਜਾਂ ਆ ਰਿਹਾ ਹੈ ਅਤੇ ਹੋਰ ਬਹੁਤ ਕੁਝ ਆਉਣਾ ਬਾਕੀ ਹੈ।" ਟਰੰਪ ਨੇ ਕਿਹਾ ਕਿ ਇਹ ਪ੍ਰਬੰਧ ਦੋਵਾਂ ਦੇਸ਼ਾਂ ਲਈ ਫਾਇਦੇਮੰਦ ਹੋਵੇਗਾ। "ਸਾਡਾ ਦੇਸ਼ ਅਮੀਰ ਬਣੇਗਾ, ਅਤੇ ਇਸਦਾ ਮਤਲਬ ਹੈ ਕਿ ਸਾਡੇ ਟੈਕਸ ਘੱਟ ਹੋਣ ਜਾ ਰਹੇ ਹਨ। ਵੈਨੇਜ਼ੁਏਲਾ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਬਿਹਤਰ ਬਣੇਗਾ।"
ਈਰਾਨ ਬਾਰੇ ਟਰੰਪ ਨੇ ਕਿਹਾ ਕਿ ਅਮਰੀਕਾ ਨੇ ਵੱਡੀ ਫੌਜੀ ਤਾਇਨਾਤ ਕੀਤੀ ਹੈ, ਪਰ ਨਾਲ ਹੀ ਟਕਰਾਅ ਤੋਂ ਬਚਣ ਦੀ ਇੱਛਾ ਜ਼ਾਹਰ ਕੀਤੀ। ਟਰੰਪ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੇ ਵੱਡੇ ਪੈਮਾਨੇ ’ਤੇ ਫਾਂਸੀਆਂ ਰੁਕਵਾਈਆਂ। ਉਨ੍ਹਾਂ ਕਿਹਾ, “ਮੈਂ 22 ਜਨਵਰੀ ਨੂੰ 837 ਫਾਂਸੀਆਂ ਰੋਕ ਦਿੱਤੀਆਂ” ਅਤੇ ਅੱਗੇ ਕਿਹਾ ਕਿ ਚੇਤਾਵਨੀ ਦੇਣ ਤੋਂ ਬਾਅਦ ਇਹ ਕਾਰਵਾਈ ਰੱਦ ਕਰ ਦਿੱਤੀ ਗਈ।
ਰਾਸ਼ਟਰਪਤੀ ਨੇ ਆਪਣੇ ਮੌਜੂਦਾ ਕਾਰਜਕਾਲ ਤੋਂ ਬਾਅਦ ਵੀ ਆਪਣੀ ਸੰਭਾਵੀ ਭੂਮਿਕਾ ਬਾਰੇ ਗੱਲ ਕੀਤੀ ਅਤੇ ਕਿਹਾ ਕਿ ਉਹ ਸ਼ਾਂਤੀ ਯਤਨਾਂ ਵਿੱਚ ਸ਼ਾਮਲ ਰਹਿ ਸਕਦੇ ਹਨ। ਪੀਸ ਬੋਰਡ ਦਾ ਹਵਾਲਾ ਦਿੰਦੇ ਹੋਏ ਉਨ੍ਹਾਂ ਕਿਹਾ, "ਜੇ ਮੈਂ ਚਾਹਾਂ ਤਾਂ ਮੈਨੂੰ ਉੱਥੇ ਰਹਿਣ ਦਾ ਅਧਿਕਾਰ ਹੈ।" ਉਨ੍ਹਾਂ ਕਿਹਾ ਕਿ ਇਹ ਸੰਯੁਕਤ ਰਾਸ਼ਟਰ ਨਾਲ ਮਿਲ ਕੇ ਕੰਮ ਕਰ ਸਕਦਾ ਹੈ, ਜਿਸ ਵਿੱਚ ਉਨ੍ਹਾਂ ਦੇ ਅਨੁਸਾਰ "ਬਹੁਤ ਸੰਭਾਵਨਾਵਾਂ" ਹਨ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login