ADVERTISEMENTs
-10”-x-5.jpg)
ਕੈਨੇਡਾ-ਅਮਰੀਕਾ ਸਬੰਧਾਂ 'ਚ ਨਵਾਂ ਮੋੜ: ਅਮਰੀਕਾ ਨੇ ਵਧਾਇਆ ਟੈਰਿਫ, ਕੈਨੇਡਾ ਨੇ ਦਿੱਤਾ ਮੂੰਹ-ਤੋੜ ਜਵਾਬ
ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਕੈਨੇਡੀਅਨ ਬਰਾਮਦਾਂ 'ਤੇ ਟੈਰਿਫ 25% ਤੋਂ ਵਧਾ ਕੇ 35% ਕਰਨ ਦਾ ਐਲਾਨ ਕੀਤਾ ਹੈ
-
ਪ੍ਰਭਜੋਤ ਸਿੰਘ - Fri, 01, Aug 2025
- 05:31 EDT
- 20
ਅਮਰੀਕੀ ਰਾਸ਼ਟਰਪਤੀ ਟਰੰਪ ਅਤੇ ਕੈਨੇਡੀਅਨ ਪੀ.ਐਮ. ਮਾਰਕ ਕਾਰਨੀ / facebook
1 ਅਗਸਤ ਨੂੰ ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਦੋ-ਪੱਖੀ ਰਿਸ਼ਤਿਆਂ ਵਿੱਚ ਇੱਕ ਮਹੱਤਵਪੂਰਣ ਮੋੜ ਦੇ ਤੌਰ 'ਤੇ ਨੋਟ ਕੀਤਾ ਜਾ ਰਿਹਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਉਹਨਾਂ ਕੈਨੇਡੀਅਨ ਬਰਾਮਦਾਂ 'ਤੇ ਟੈਰਿਫ 25% ਤੋਂ ਵਧਾ ਕੇ 35% ਕਰਨ ਦਾ ਐਲਾਨ ਕੀਤਾ ਹੈ ਜੋ ਕੈਨੇਡਾ-ਸੰਯੁਕਤ ਰਾਜ-ਮੈਕਸੀਕੋ ਸਮਝੌਤੇ (CUSMA) ਦੇ ਅਧੀਨ ਨਹੀਂ ਆਉਂਦੇ।
ਅਮਰੀਕਾ ਦੇ ਇਸ ਕਦਮ ਤੋਂ ਬਾਅਦ, ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਅੱਧੀ ਰਾਤ ਤੋਂ ਬਾਅਦ ਜਾਰੀ ਕੀਤੇ ਇੱਕ ਬਿਆਨ 'ਚ, ਨਾ ਸਿਰਫ਼ ਅਮਰੀਕਾ ਦੇ ਇਸ ਕਦਮ 'ਤੇ ਆਪਣੀ ਸਰਕਾਰ ਦੀ ਨਿਰਾਸ਼ਾ ਜ਼ਾਹਿਰ ਕੀਤੀ, ਸਗੋਂ ਇਹ ਵੀ ਦੱਸਿਆ ਕਿ ਕੈਨੇਡਾ ਹੁਣ ਆਪਣੇ ਆਪ ਲਈ ਸਭ ਤੋਂ ਵਧੀਆ ਗਾਹਕ ਬਣਨ ਲਈ ਵਚਨਬੱਧ ਹੈ।
ਕੈਨੇਡਾ ਦਾ ਟੈਰਿਫ ਦੇ ਫੈਸਲਿਆਂ ਅੱਗੇ ਨਾ ਝੁਕਣ ਦਾ ਇਹ ਰਵੱਈਆ ਉਦੋਂ ਸਾਹਮਣੇ ਆਇਆ ਹੈ ਜਦੋਂ ਫੈਡਰਲ ਅਤੇ ਸੂਬਾਈ ਸਰਕਾਰਾਂ ਰਾਜਨੀਤਿਕ ਸਬੰਧਾਂ ਨੂੰ ਪਿੱਛੇ ਛੱਡ ਕੇ, ਅਮਰੀਕੀ ਟੈਰਿਫਾਂ ਦਾ ਇੱਕਜੁੱਟ ਹੋ ਕੇ ਮੁਕਾਬਲਾ ਕਰਨ ਲਈ ਇਕੱਠੀਆਂ ਹੋਈਆਂ ਹਨ।
ਕਾਰਨੀ ਨੇ ਆਪਣੇ ਬਿਆਨ 'ਚ ਸਾਫ਼ ਕੀਤਾ ਕਿ "ਅਸੀਂ ਅਮਰੀਕਾ ਨਾਲ ਆਪਣੇ ਵਪਾਰਕ ਰਿਸ਼ਤਿਆਂ 'ਤੇ ਗੱਲਬਾਤ ਜਾਰੀ ਰੱਖਾਂਗੇ, ਪਰ ਕੈਨੇਡੀਅਨ ਸਰਕਾਰ ਦਾ ਧਿਆਨ ਹੁਣ ਇਸ ਗੱਲ 'ਤੇ ਹੈ ਕਿ ਕੈਨੇਡਾ ਨੂੰ ਮਜ਼ਬੂਤ ਕਿਵੇਂ ਬਣਾਇਆ ਜਾਵੇ।
ਉਨ੍ਹਾਂ ਕਿਹਾ ਕਿ ਫੈਡਰਲ ਸਰਕਾਰ, ਸੂਬੇ ਅਤੇ ਖੇਤਰ ਇੱਕ ਕੈਨੇਡੀਅਨ ਅਰਥਵਿਵਸਥਾ ਬਣਾਉਣ ਲਈ ਵਪਾਰਕ ਰੁਕਾਵਟਾਂ ਨੂੰ ਘਟਾਉਣ ਲਈ ਮਿਲ ਕੇ ਕੰਮ ਕਰ ਰਹੇ ਹਨ। ਅਸੀਂ ਸੂਬਾਈ, ਖੇਤਰੀ ਅਤੇ ਮੂਲਨਿਵਾਸੀ ਭਾਈਵਾਲਾਂ ਨਾਲ ਰਾਸ਼ਟਰ-ਨਿਰਮਾਣ ਦੇ ਪ੍ਰਮੁੱਖ ਪ੍ਰੋਜੈਕਟਾਂ ਦੀ ਇੱਕ ਲੜੀ ਵਿਕਸਿਤ ਕਰ ਰਹੇ ਹਾਂ। ਇਹ ਰਾਸ਼ਟਰ-ਨਿਰਮਾਣ ਪ੍ਰੋਜੈਕਟ 500 ਅਰਬ ਡਾਲਰ ਤੋਂ ਵੱਧ ਦੇ ਨਵੇਂ ਨਿਵੇਸ਼ਾਂ ਨੂੰ ਉਤਸ਼ਾਹਿਤ ਕਰਨ ਦੀ ਸਮਰੱਥਾ ਰੱਖਦੇ ਹਨ।
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ, "ਕੈਨੇਡੀਅਨ ਹੀ ਆਪਣੇ ਸਭ ਤੋਂ ਵਧੀਆ ਗਾਹਕ ਬਣਨਗੇ, ਅਸੀਂ ਦੇਸ਼ ਦੇ ਹਰ ਕੋਨੇ ਵਿੱਚ ਚੰਗੀਆਂ ਤਨਖਾਹ ਵਾਲੀਆਂ ਨੌਕਰੀਆਂ ਪੈਦਾ ਕਰਾਂਗੇ। ਅਸੀਂ ਕੈਨੇਡੀਅਨ ਮਜ਼ਦੂਰਾਂ ਨਾਲ ਨਿਰਮਾਣ ਕਰਕੇ ਅਤੇ ਸਾਰੇ ਕੈਨੇਡੀਅਨਾਂ ਨੂੰ ਲਾਭ ਪਹੁੰਚਾਉਣ ਲਈ ਕੈਨੇਡੀਅਨ ਸਰੋਤਾਂ ਦੀ ਵਰਤੋਂ ਕਰਕੇ ਆਪਣੇ ਆਪ ਨੂੰ ਕਿਸੇ ਵੀ ਵਿਦੇਸ਼ੀ ਸਰਕਾਰ ਤੋਂ ਵੱਧ ਦੇ ਸਕਦੇ ਹਾਂ।"
ਇਸ ਬਿਆਨ 'ਤੇ ਕੈਨੇਡਾ ਵਿੱਚ ਵੱਖ-ਵੱਖ ਵਰਗਾਂ ਤੋਂ ਮਿਲੀ-ਜੁਲੀ ਪ੍ਰਤੀਕਿਰਿਆ ਆਈ ਹੈ। ਨਵੀਂ ਲਿਬਰਲ ਸਰਕਾਰ ਦੇ ਜ਼ਿਆਦਾਤਰ ਆਲੋਚਕਾਂ ਨੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੇ ਇਸ ਦਲੇਰਾਨਾ ਰੁਖ ਦੀ ਪ੍ਰਸ਼ੰਸਾ ਕੀਤੀ ਹੈ।
Related
.png)
.jpeg)
.jpg)
.jpg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login