ADVERTISEMENT
ADVERTISEMENT
ਨਿਊਯਾਰਕ ਸਿਟੀ ਵਿੱਚ ਭਾਰਤੀ ਪਕਵਾਨਾਂ ਦਾ ਸੁਆਦ ਲਿਆਏਗਾ 'ਮੁਸਾਫ਼ਿਰ'
ਰੈਸਟੋਰੈਂਟ ਨੂੰ ਦਿੱਲੀ-ਅਧਾਰਤ ਕ੍ਰੋਮਡ ਸਟੂਡੀਓ ਦੇ ਸਹਿਯੋਗ ਨਾਲ ਨਿਰਮਿਤ ਕਰਵਾਇਆ ਗਿਆ ਹੈ
-
ਭਾਵਨਾ ਪੀ - Tue, 26, Aug 2025
- 06:22 EDT
- 25
ਰੈਸਟੋਰੈਂਟ 'ਮੁਸਾਫ਼ਿਰ' ਦੀ ਤਸਵੀਰ / courtesy photo
ਹਿਊਸਟਨ ਦਾ ਮਿਸ਼ੇਲਿਨ-ਸਟਾਰ ਜੇਤੂ ਭਾਰਤੀ ਫਾਈਨ ਡਾਇਨਿੰਗ ਰੈਸਟੋਰੈਂਟ 'ਮੁਸਾਫ਼ਿਰ' ਹੁਣ ਨਿਊਯਾਰਕ ਸਿਟੀ ‘ਚ ਵੀ ਪਹੁੰਚ ਗਿਆ ਹੈ। ਇਸਦਾ ਦੂਜਾ ਰੈਸਟੋਰੈਂਟ ਟ੍ਰਾਈਬੇਕਾ ਦੇ ਇਤਿਹਾਸਕ ਹੋਪ ਬਿਲਡਿੰਗ ਵਿੱਚ ਖੋਲ੍ਹਿਆ ਗਿਆ ਹੈ।
ਹਿਊਸਟਨ ਵਿੱਚ ਟੈਕਸਸ ਦੇ ਪਹਿਲੇ ਮਿਸ਼ੇਲਿਨ ਗਾਈਡ ‘ਚ ਸਟਾਰ ਹਾਸਲ ਕਰਨ ਤੋਂ ਬਾਅਦ, ਰੈਸਟੋਰੈਂਟ ਨੇ ਨਿਊਯਾਰਕ ਆਊਟਪੋਸਟ ਵਿੱਚ ਵੀ ਆਪਣੇ ਅਦਭੁਤ ਡਿਜ਼ਾਇਨ ਅਤੇ ਨਵੀਂ ਸੋਚ ਵਾਲੇ ਭੋਜਨ ਦਾ ਵਾਅਦਾ ਕੀਤਾ ਹੈ। ਦਿੱਲੀ-ਅਧਾਰਤ ਕ੍ਰੋਮਡ ਸਟੂਡੀਓ ਨਾਲ ਮਿਲ ਕੇ ਵਿਕਸਤ ਕੀਤੀ ਗਈ ਇਸਦੀ ਇੰਟੀਰੀਅਰ ਡਿਜ਼ਾਇਨ, ਹਵਾ ਮਹਿਲ ਅਤੇ ਤਾਜ ਮਹਿਲ ਵਰਗੀਆਂ ਭਾਰਤੀ ਇਮਾਰਤਾਂ ਤੋਂ ਪ੍ਰੇਰਨਾ ਹੈ।
ਅੰਦਰੂਨੀ ਸਜਾਵਟ ਵਿੱਚ ਸ਼ਾਨਦਾਰ ਮਾਰਬਲ ਦੀਆਂ ਕੰਧਾਂ, ਕਲਾਤਮਕ ਕੱਚ ਦੇ ਡਿਜ਼ਾਈਨ, ਐਂਟੀਕ ਟੁਕੜੇ ਅਤੇ ਕਮਲ-ਆਕਾਰ ਦੇ ਝੂਮਰ ਸ਼ਾਮਲ ਹਨ, ਜੋ ਰਿਵਾਇਤੀ ਹਥਕਲ੍ਹਾ ਅਤੇ ਆਧੁਨਿਕ ਸੁੰਦਰਤਾ ਦਾ ਮਿਲਾਪ ਪੇਸ਼ ਕਰਦੇ ਹਨ। ਸਭ ਤੋਂ ਵੱਡਾ ਆਕਰਸ਼ਣ ਸ਼ੀਸ਼ ਮਹਿਲ ਹੈ, ਇੱਕ ਸੈਮੀ-ਪ੍ਰਾਈਵੇਟ ਡਾਇਨਿੰਗ ਖੇਤਰ, ਜਿਸਨੂੰ ਸੁੰਦਰ ਡਿਜ਼ਾਈਨਾਂ ਵਿੱਚ ਸਜਾਇਆ ਗਿਆ ਹੈ।
ਮੇਨੂ ਵਿੱਚ ਹਿਊਸਟਨ ਦੇ ਮਸ਼ਹੂਰ ਵਿਅੰਜਨ- ਜਿਵੇਂ ਕਿ ਲੀਚੀ ਸੇਵੀਚੇ, ਧਨੀਆ ਸ਼੍ਰਿਮਪ, ਬੀਫ਼ ਵਿਂਦਾਲੂ, ਅਤੇ ਮੁਸਾਫ਼ਿਰ ਦਾ ਬਟਰ ਚਿਕਨ ਸ਼ਾਮਲ ਹਨ। ਨਿਊਯਾਰਕ ਲਈ ਖਾਸ ਤੌਰ ‘ਤੇ ਨਿਹਾਰੀ ਬੀਰਿਆ ਟਾਕੋ, ਚਾਂਪ ਲੈਂਬ ਚਾਪਸ ਬੀਟਰੂਟ ਸ਼ਾਮਲ ਕੀਤੇ ਗਏ ਹਨ। ਰੈਸਟੋਰੈਂਟ ਦਾ ਕਾਕਟੇਲ ਪ੍ਰੋਗਰਾਮ ਵੀ ਵਿਲੱਖਣ ਹੈ, ਜੋ ਵਿਸ਼ਵ ਭਰ ਦੇ ਸੁਆਦਾਂ ਨੂੰ ਭਾਰਤੀ ਬੋਟੈਨਿਕਲ ਨਾਲ ਮਿਲਾ ਕੇ ਪੇਸ਼ ਕਰਦਾ ਹੈ।
ਮੁਸਾਫ਼ਿਰ ਦਾ ਨਿਊਯਾਰਕ ਤੱਕ ਵਿਸਥਾਰ ਭਾਰਤੀ ਫਾਈਨ ਡਾਇਨਿੰਗ ਦੀ ਵਧਦੀ ਅੰਤਰਰਾਸ਼ਟਰੀ ਪਹਿਚਾਣ ਨੂੰ ਦਰਸਾਉਂਦਾ ਹੈ। ਇਸ ਨਵੇਂ ਆਗ਼ਾਜ਼ ਨਾਲ, ਮੁਸਾਫ਼ਿਰ ਨੇ ਆਪਣੇ ਆਪ ਨੂੰ ਨਿਊਯਾਰਕ ਦੇ ਪ੍ਰਸਿੱਧ ਭੋਜਨ ਸਥਾਨਾਂ ਦੀ ਕਤਾਰ ਵਿੱਚ ਸ਼ਾਮਲ ਕਰਨ ਦਾ ਮਨੋਰਥ ਹੋਰ ਮਜ਼ਬੂਤ ਕੀਤਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login