ADVERTISEMENT
ADVERTISEMENT
ਅਮਰੀਕਾ ਵਿੱਚ ਫਲੂ ਅਤੇ ਪੋਲਨ ਐਲਰਜੀ: ਬਦਲਦੇ ਮੌਸਮ ਦੀਆਂ ਚੁਣੌਤੀਆਂ
-
1759953093.png)
ਸਟਾਫ ਪੱਤਰਕਾਰ - Fri, 10, Apr 2026
- 15:00 EDT
- 5
ਫਲੂ / ਫਲੂ
ਅਮਰੀਕਾ ਵਿੱਚ ਫਲੂ ਇੱਕ ਬਹੁਤ ਹੀ ਘਾਤਕ ਬਿਮਾਰੀ ਹੈ ਜੋ ਆਮ ਤੌਰ 'ਤੇ ਮੌਸਮ ਦੇ ਬਦਲਾਅ ਨਾਲ, ਯਾਨੀ ਅਕਤੂਬਰ ਤੋਂ ਮਾਰਚ-ਮਈ ਤੱਕ ਫੈਲਦੀ ਹੈ। ਇਸ ਦੇ ਨਾਲ ਹੀ ਮਾਰਚ ਦੇ ਮਹੀਨੇ ਵਿੱਚ ਪੋਲਨ (ਪਰਾਗ) ਐਲਰਜੀ ਵੀ ਸ਼ੁਰੂ ਹੋ ਜਾਂਦੀ ਹੈ, ਜੋ ਸਾਹ ਦੇ ਮਰੀਜ਼ਾਂ ਲਈ ਕਾਫ਼ੀ ਮੁਸ਼ਕਲ ਪੈਦਾ ਕਰਦੀ ਹੈ।
1. ਫਲੂ (ਇਨਫਲੂਐਂਜ਼ਾ) ਦੇ ਲੱਛਣ ਅਤੇ ਬਚਾਅ
ਫਲੂ ਇੱਕ ਤੇਜ਼ੀ ਨਾਲ ਫੈਲਣ ਵਾਲੀ ਸਾਹ ਦੀ ਲਾਗ ਹੈ ਜੋ ਇਨਫਲੂਐਂਜ਼ਾ ਵਾਇਰਸ ਕਾਰਨ ਹੁੰਦੀ ਹੈ। ਇਹ ਖੰਘਣ ਜਾਂ ਛਿੱਕਣ ਰਾਹੀਂ ਅਤੇ ਖਾਸ ਕਰਕੇ ਸਕੂਲੀ ਬੱਚਿਆਂ ਰਾਹੀਂ ਤੇਜ਼ੀ ਨਾਲ ਫੈਲਦਾ ਹੈ। ਤੇਜ਼ ਬੁਖਾਰ, ਖੰਘ-ਜ਼ੁਕਾਮ, ਗਲੇ ਅਤੇ ਸਰੀਰ ਵਿੱਚ ਅਸਹਿ ਦਰਦ ਇਸਦੇ ਮੁੱਖ ਲੱਛਣ ਹਨ। ਬੱਚਿਆਂ ਵਿੱਚ ਉਲਟੀਆਂ ਅਤੇ ਪੇਟ ਖਰਾਬ ਹੋਣ ਵਰਗੇ ਲੱਛਣ ਵੀ ਦਿਖ ਸਕਦੇ ਹਨ।
ਆਮ ਤੌਰ 'ਤੇ 8-10 ਦਿਨਾਂ ਵਿੱਚ ਇਹ ਠੀਕ ਹੋ ਜਾਂਦਾ ਹੈ, ਪਰ ਸਰੀਰਕ ਕਮਜ਼ੋਰੀ 15-20 ਦਿਨਾਂ ਤੱਕ ਰਹਿੰਦੀ ਹੈ। ਨਿਮੋਨੀਆ ਜਾਂ ਸਾਹ ਦੀ ਬਿਮਾਰੀ ਵਾਲੇ ਲੋਕਾਂ ਲਈ ਇਹ ਜਾਨਲੇਵਾ ਹੋ ਸਕਦਾ ਹੈ। ਸਿਹਤਮੰਦ ਖੁਰਾਕ, ਵਾਰ-ਵਾਰ ਹੱਥ ਧੋਣਾ, ਸੰਕਰਮਿਤ ਵਿਅਕਤੀ ਤੋਂ ਦੂਰੀ ਅਤੇ ਟੀਕਾਕਰਨ ਨਾਲ ਤੁਸੀ ਇਸਤੋਂ ਬੱਚ ਸਕਦੇ ਹੋ। ਟੀਕਾਕਰਨ ਪੂਰੀ ਤਰ੍ਹਾਂ ਫੂਲਪਰੂਫ ਨਹੀਂ ਹੈ, ਪਰ ਇਹ ਬਿਮਾਰੀ ਦੇ ਪ੍ਰਭਾਵ ਨੂੰ ਘਟਾ ਦਿੰਦਾ ਹੈ।
2. ਪੋਲਨ ਐਲਰਜੀ ਅਤੇ 'ਹੇ ਫੀਵਰ'
ਮਾਰਚ ਵਿੱਚ ਜਿੱਥੇ ਧਰਤੀ ਫੁੱਲਾਂ ਨਾਲ ਸਜਦੀ ਹੈ, ਉੱਥੇ ਹੀ ਹਵਾ ਵਿੱਚ ਤੈਰ ਰਹੇ ਸੂਖਮ ਪਰਾਗਕਣ (Pollen) ਐਲਰਜੀ ਦਾ ਕਾਰਨ ਬਣਦੇ ਹਨ। ਪੋਲਨ ਕਾਰਨ ਹੋਣ ਵਾਲੇ ਬੁਖਾਰ ਨੂੰ 'ਹੇ ਫੀਵਰ' ਕਿਹਾ ਜਾਂਦਾ ਹੈ। ਇਸ ਵਿੱਚ ਬੁਖਾਰ ਦੇ ਨਾਲ-ਨਾਲ ਸਰੀਰ ਵਿੱਚ ਖੁਜਲੀ ਅਤੇ ਸਰਦੀ-ਜ਼ੁਕਾਮ ਵਰਗੇ ਲੱਛਣ ਹੁੰਦੇ ਹਨ।
ਇਹ ਪਰਾਗਕਣ ਇੰਨੇ ਬਾਰੀਕ ਹੁੰਦੇ ਹਨ ਕਿ ਸਾਹ ਰਾਹੀਂ ਸਿੱਧੇ ਫੇਫੜਿਆਂ ਵਿੱਚ ਚਲੇ ਜਾਂਦੇ ਹਨ। ਦਮੇ ਦੇ ਮਰੀਜ਼ਾਂ ਲਈ ਇਹ ਬਹੁਤ ਖ਼ਤਰਨਾਕ ਸਾਬਤ ਹੋ ਸਕਦੇ ਹਨ। ਬਾਹਰ ਨਿਕਲਦੇ ਸਮੇਂ ਮਾਸਕ ਪਹਿਨਣਾ, ਵਿਟਾਮਿਨ-ਸੀ ਲੈਣਾ ਅਤੇ ਵੱਧ ਤੋਂ ਵੱਧ ਤਰਲ ਪਦਾਰਥਾਂ ਦਾ ਸੇਵਨ ਕਰਨਾ।
ਦਸੰਬਰ ਤੋਂ ਮਈ ਤੱਕ ਜਿੱਥੇ ਅਮਰੀਕਾ ਦੀ ਕੁਦਰਤੀ ਸੁੰਦਰਤਾ ਆਪਣੇ ਸਿਖਰ 'ਤੇ ਹੁੰਦੀ ਹੈ, ਉੱਥੇ ਹੀ ਆਮ ਇਨਸਾਨ ਇਨ੍ਹਾਂ ਵਾਇਰਸਾਂ ਅਤੇ ਐਲਰਜੀ ਕਾਰਨ ਕਾਫ਼ੀ ਪ੍ਰੇਸ਼ਾਨ ਰਹਿੰਦਾ ਹੈ। ਸਾਵਧਾਨੀ ਅਤੇ ਸਹੀ ਖੁਰਾਕ ਹੀ ਇਸ ਮੌਸਮ ਵਿੱਚ ਤੰਦਰੁਸਤ ਰਹਿਣ ਦਾ ਇੱਕੋ-ਇੱਕ ਰਸਤਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login