ADVERTISEMENT
ADVERTISEMENT
ਕੈਨੇਡਾ ਵੱਲੋਂ ਨਵੀਆਂ ਡਿਪਲੋਮੈਟਿਕ ਨਿਯੁਕਤੀਆਂ ਦਾ ਐਲਾਨ, ਮੁੰਬਈ 'ਚ ਨਵਾਂ ਕੌਂਸਲ ਜਨਰਲ ਤਾਇਨਾਤ
ਜੈੱਫ ਡੇਵਿਡ ਮੁੰਬਈ ਵਿੱਚ ਕੈਨੇਡਾ ਦੇ ਨਵੇਂ ਕੌਂਸਲ ਜਨਰਲ ਹੋਣਗੇ
-
ਪ੍ਰਭਜੋਤ ਸਿੰਘ - Thu, 31, Jul 2025
- 08:49 EDT
- 58
.jpg)
ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ / Wikipedia
ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਨੇ ਚਾਰ ਨਵੀਆਂ ਡਿਪਲੋਮੈਟਿਕ ਨਿਯੁਕਤੀਆਂ ਦਾ ਐਲਾਨ ਕੀਤਾ ਹੈ, ਜਿਨ੍ਹਾਂ ਵਿੱਚ ਮੁੰਬਈ ਵਿੱਚ ਇੱਕ ਨਵੇਂ ਕੌਂਸਲ ਜਨਰਲ ਦੀ ਤਾਇਨਾਤੀ ਵੀ ਸ਼ਾਮਲ ਹੈ। ਹਾਲਾਂਕਿ, ਭਾਰਤ ਵਿੱਚ ਨਵੇਂ ਹਾਈ ਕਮਿਸ਼ਨਰ ਦੀ ਨਿਯੁਕਤੀ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਇੱਥੇ ਇਹ ਦੱਸਣਾ ਮਹੱਤਵਪੂਰਨ ਹੈ ਕਿ ਜਦੋਂ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਜੀ-7 ਸੰਮੇਲਨ ਦੌਰਾਨ ਅਲਬਰਟਾ ਵਿੱਚ ਮੁਲਾਕਾਤ ਹੋਈ ਸੀ, ਤਾਂ ਉਨ੍ਹਾਂ ਨੇ ਐਲਾਨ ਕੀਤਾ ਸੀ ਕਿ ਜਲਦੀ ਹੀ ਇੱਕ ਦੂਜੇ ਦੇ ਦੇਸ਼ਾਂ ਵਿੱਚ ਨਵੇਂ ਹਾਈ ਕਮਿਸ਼ਨਰ ਨਿਯੁਕਤ ਕੀਤੇ ਜਾਣਗੇ।
ਹਾਲਾਂਕਿ ਕਾਰਨੀ ਦੀ ਨਵੀਂ ਸਰਕਾਰ ਦੁਆਰਾ ਕੁਝ ਹਫ਼ਤੇ ਪਹਿਲਾਂ ਲਗਭਗ 20 ਡਿਪਲੋਮੈਟਿਕ ਨਿਯੁਕਤੀਆਂ ਕੀਤੀਆਂ ਗਈਆਂ ਸਨ, ਪਰ ਉਸ ਸੂਚੀ ਵਿੱਚ ਭਾਰਤ ਸ਼ਾਮਲ ਨਹੀਂ ਸੀ। ਪਿਛਲੇ ਸਾਲ ਭਾਰਤ ਅਤੇ ਕੈਨੇਡਾ ਵਿਚਾਲੇ ਇੱਕ ਰਾਜਨੀਤਿਕ ਟਕਰਾਅ ਤੋਂ ਬਾਅਦ ਦੋਵਾਂ ਦੇਸ਼ਾਂ ਨੇ ਆਪਣੇ-ਆਪਣੇ ਡਿਪਲੋਮੈਟਿਕ ਸਟਾਫ ਵਿੱਚ ਕਟੌਤੀ ਕੀਤੀ ਸੀ।
ਅਲਬਰਟਾ 'ਚ ਦੋਵਾਂ ਪ੍ਰਧਾਨ ਮੰਤਰੀਆਂ ਦੀ ਮੁਲਾਕਾਤ ਤੋਂ ਬਾਅਦ ਦੋਵਾਂ ਦੇਸ਼ਾਂ ਵਿਚਾਲੇ ਦੋਸਤਾਨਾ ਮਾਹੌਲ ਬਹਾਲ ਹੋਣ ਦੀ ਉਮੀਦ ਵਧੀ ਸੀ ਅਤੇ ਅਲਬਰਟਾ ਮੀਟਿੰਗ ਤੋਂ ਬਾਅਦ ਵਿਦੇਸ਼ ਮੰਤਰੀਆਂ ਅਤੇ ਪ੍ਰਧਾਨ ਮੰਤਰੀਆਂ ਦਰਮਿਆਨ ਟੈਲੀਫੋਨ 'ਤੇ ਕੁਝ ਚੰਗੇ ਵਿਚਾਰ-ਵਟਾਂਦਰੇ ਵੀ ਹੋਏ।
ਜੈੱਫ ਡੇਵਿਡ ਮੁੰਬਈ ਵਿੱਚ ਕੈਨੇਡਾ ਦੇ ਨਵੇਂ ਕੌਂਸਲ ਜਨਰਲ ਹੋਣਗੇ। ਉਹ ਡਾਇਡ੍ਰਾਹ ਕੈਲੀ ਦੀ ਥਾਂ ਲੈਣਗੇ। ਮੁੰਬਈ ਦੇ ਨਵੇਂ ਕੌਂਸਲ ਜਨਰਲ, ਜੈੱਫ ਡੇਵਿਡ, 2002 ਵਿੱਚ Ivey Business School, Western University ਦੀ ਡਿਗਰੀ ਲੈਣ ਤੋਂ ਬਾਅਦ 2003 ਵਿੱਚ ਵਿਦੇਸ਼ ਮਾਮਲਿਆਂ ਅਤੇ ਅੰਤਰਰਾਸ਼ਟਰੀ ਵਪਾਰ ਵਿਭਾਗ ਵਿੱਚ ਸ਼ਾਮਿਲ ਹੋਏ। ਹੋਰ ਕਈ ਅਹੁਦੇ ਸੰਭਾਲਣ ਤੋਂ ਇਲਾਵਾ ਉਹਨਾਂ ਨੇ ਇੱਕ ਵਾਰ ਅਫਗਾਨਿਸਤਾਨ ਵਿੱਚ ਅਤੇ ਤਿੰਨ ਵਾਰ ਚੀਨ ਵਿੱਚ ਸੇਵਾ ਨਿਭਾਈ ਹੈ। ਹਾਲ ਹੀ ਵਿੱਚ, ਉਹ ਅੰਤਰਰਾਸ਼ਟਰੀ ਵਪਾਰ ਦੇ ਮੰਤਰੀ ਦੇ ਦਫ਼ਤਰ ਵਿੱਚ ਇੱਕ ਵਿਸ਼ੇਸ਼ ਸਲਾਹਕਾਰ ਸਨ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login