ADVERTISEMENT
ADVERTISEMENT
ਨੈੱਟਫਲਿਕਸ ਦੇ ਸਹਿ-ਸੀਈਓ ਟੈੱਡ ਸਰੈਂਡੋਸ ਨੇ ਪ੍ਰਧਾਨ ਮੰਤਰੀ ਮੋਦੀ ਨਾਲ ਕੀਤੀ ਮੁਲਾਕਾਤ
'ਨੈੱਟਫਲਿਕਸ ਇੰਡੀਆ ਸਟੋਰੀਟੈਲਿੰਗ ਇਨੀਸ਼ੀਏਟਿਵ' ਦਾ ਕੀਤਾ ਐਲਾਨ
-
ਆਈਏਐਨਐਸ - Thu, 06, Aug 2026
- 01:52 EDT
- 67
ਨੈੱਟਫਲਿਕਸ ਦੇ ਸਹਿ-ਸੀਈਓ ਟੈੱਡ ਸਰੈਂਡੋਸ ਨੇ ਪ੍ਰਧਾਨ ਮੰਤਰੀ ਮੋਦੀ ਨਾਲ ਕੀਤੀ ਮੁਲਾਕਾਤ / PR
ਨੈੱਟਫਲਿਕਸ ਦੇ ਸਹਿ-ਸੀਈਓ ਟੈੱਡ ਸਰੈਂਡੋਸ ਨੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕੀਤੀ ਅਤੇ ਵਿਸ਼ਵ ਪੱਧਰ 'ਤੇ ਭਾਰਤੀ ਕਹਾਣੀਕਾਰੀ ਦੇ ਵੱਧ ਰਹੇ ਪ੍ਰਭਾਵ ਬਾਰੇ ਚਰਚਾ ਕੀਤੀ। ਭਾਰਤ ਦੀ ਰਚਨਾਤਮਕ ਅਰਥਵਿਵਸਥਾ ਪ੍ਰਤੀ ਨੈੱਟਫਲਿਕਸ ਦੀ ਵਚਨਬੱਧਤਾ ਨੂੰ ਦੁਹਰਾਉਂਦਿਆਂ, ਸਟ੍ਰੀਮਿੰਗ ਕੰਪਨੀ ਨੇ 'ਨੈੱਟਫਲਿਕਸ ਇੰਡੀਆ ਸਟੋਰੀਟੈਲਿੰਗ ਇਨੀਸ਼ੀਏਟਿਵ' ਦਾ ਵੀ ਐਲਾਨ ਕੀਤਾ।
ਇਸ ਪਹਿਲਕਦਮੀ ਤਹਿਤ ਨੈੱਟਫਲਿਕਸ ਭਾਰਤੀ ਕਹਾਣੀਕਾਰੀ ਦੀ ਅਗਲੀ ਪੀੜ੍ਹੀ ਦੀ ਪ੍ਰਤਿਭਾ ਨੂੰ ਤਿਆਰ ਕਰਨ ਲਈ ਭਾਰਤ ਦੀਆਂ ਪ੍ਰਮੁੱਖ ਸੰਸਥਾਵਾਂ ਨਾਲ ਰਣਨੀਤਕ ਭਾਈਵਾਲੀਆਂ ਕਰੇਗਾ। ਇਸ ਤਹਿਤ ਉਨ੍ਹਾਂ ਨੂੰ ਐਨੀਮੇਸ਼ਨ, ਵਿਜ਼ੂਅਲ ਇਫੈਕਟਸ, ਗੇਮਿੰਗ ਅਤੇ ਕਾਮਿਕਸ (AVGC) ਈਕੋਸਿਸਟਮ ਨਾਲ ਸਬੰਧਤ ਲੋੜੀਂਦੇ ਹੁਨਰਾਂ ਨਾਲ ਲੈਸ ਕੀਤਾ ਜਾਵੇਗਾ।
ਇਸ ਬਾਰੇ ਹੋਰ ਜਾਣਕਾਰੀ ਦਿੰਦਿਆਂ ਨੈੱਟਫਲਿਕਸ ਦੇ ਸਹਿ-ਸੀਈਓ ਟੈੱਡ ਸਰੈਂਡੋਸ ਨੇ ਕਿਹਾ, "ਭਾਰਤ ਹਮੇਸ਼ਾ ਤੋਂ ਹੀ ਦੁਨੀਆ ਦੇ ਮਹਾਨ ਕਹਾਣੀਕਾਰੀ ਵਾਲੇ ਦੇਸ਼ਾਂ ਵਿੱਚੋਂ ਇੱਕ ਰਿਹਾ ਹੈ। ਪਿਛਲੇ ਇੱਕ ਦਹਾਕੇ ਦੌਰਾਨ ਸਾਨੂੰ ਇਹ ਦੇਖਣ ਦਾ ਮੌਕਾ ਮਿਲਿਆ ਹੈ ਕਿ ਭਾਰਤੀ ਕਹਾਣੀਆਂ ਨੇ ਨਾ ਸਿਰਫ਼ ਭਾਰਤ ਵਿੱਚ, ਸਗੋਂ ਦੁਨੀਆ ਭਰ ਦੇ ਦਰਸ਼ਕਾਂ ਨਾਲ ਵੀ ਡੂੰਘਾ ਰਿਸ਼ਤਾ ਬਣਾਇਆ ਹੈ। ਇੱਥੇ ਆਪਣੇ ਅਗਲੇ ਦਹਾਕੇ ਦੀ ਸ਼ੁਰੂਆਤ ਕਰਦਿਆਂ ਸਾਡਾ ਮੰਨਣਾ ਹੈ ਕਿ ਸਾਡਾ ਸਭ ਤੋਂ ਵੱਡਾ ਨਿਵੇਸ਼ ਉਨ੍ਹਾਂ ਲੋਕਾਂ ਵਿੱਚ ਹੈ, ਜੋ ਭਾਰਤ ਦੀ ਅਗਲੀ ਪੀੜ੍ਹੀ ਦੀਆਂ ਕਹਾਣੀਆਂ ਸੁਣਾਉਣਗੇ।" ਉਨ੍ਹਾਂ ਅੱਗੇ ਕਿਹਾ, "'ਨੈੱਟਫਲਿਕਸ ਇੰਡੀਆ ਸਟੋਰੀਟੈਲਿੰਗ ਇਨੀਸ਼ੀਏਟਿਵ' ਭਾਰਤ ਦੇ ਰਚਨਾਤਮਕ ਈਕੋਸਿਸਟਮ ਨੂੰ ਮਜ਼ਬੂਤ ਕਰਨ ਲਈ ਸਾਡੀ ਲੰਬੀ ਮਿਆਦ ਦੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ। ਉੱਭਰਦੇ ਰਚਨਾਕਾਰਾਂ ਲਈ ਵੱਧ ਮੌਕੇ ਪੈਦਾ ਕਰਨਾ ਹੀ ਇਸ ਦਾ ਉਦੇਸ਼ ਹੈ, ਕਿਉਂਕਿ ਰਚਨਾਕਾਰਾਂ ਵਿੱਚ ਨਿਵੇਸ਼ ਕਰਨਾ ਭਾਰਤ ਦੇ ਰਚਨਾਤਮਕ ਭਵਿੱਖ ਵਿੱਚ ਨਿਵੇਸ਼ ਕਰਨ ਦੇ ਬਰਾਬਰ ਹੈ।"
ਇਸ ਪਹਿਲਕਦਮੀ ਦੇ ਪਹਿਲੇ ਪੜਾਅ ਵਿੱਚ ਨੈੱਟਫਲਿਕਸ ਇੰਡੀਅਨ ਇੰਸਟੀਚਿਊਟ ਆਫ਼ ਕ੍ਰੀਏਟਿਵ ਟੈਕਨਾਲੋਜੀਜ਼ (IICT) ਨਾਲ ਮਿਲ ਕੇ ਵਿਜ਼ੂਅਲ ਇਫੈਕਟਸ ਮਾਸਟਰੀ ਅਤੇ ਮੀਡੀਆ ਟੈਕਨਾਲੋਜੀ ਵਰਕਫਲੋਜ਼ ਲਈ ਉਦਯੋਗ-ਅਨੁਕੂਲ ਪਾਠਕ੍ਰਮ ਤਿਆਰ ਕਰੇਗਾ, ਤਾਂ ਜੋ ਵਿਦਿਆਰਥੀਆਂ ਕੋਲ ਬਦਲਦੀਆਂ ਉਤਪਾਦਨ ਲੋੜਾਂ ਦੇ ਅਨੁਸਾਰ ਹੁਨਰ ਹੋਣ।
ਇਸ ਤੋਂ ਇਲਾਵਾ, IICT ਵਿੱਚ ਕਰਵਾਏ ਜਾਣ ਵਾਲੇ ਇੰਟਰਐਕਟਿਵ ਕਾਮਿਕਸ ਐਂਡ ਸੀਕਵੈਂਸ਼ੀਅਲ ਆਰਟ, ਵਰਚੁਅਲ ਆਰਟ ਡਿਪਾਰਟਮੈਂਟ ਕੰਟੈਂਟ ਕ੍ਰੀਏਸ਼ਨ, ਆਰਟ ਆਫ਼ ਕੈਰੈਕਟਰ ਐਨੀਮੇਸ਼ਨ, ਈ-ਸਪੋਰਟਸ ਐਂਡ ਗੇਮਿੰਗ ਮੈਨੇਜਮੈਂਟ ਵਰਗੇ ਕੋਰਸਾਂ ਲਈ ਭਾਰਤੀ ਵਿਦਿਆਰਥੀਆਂ ਨੂੰ ਸਕਾਲਰਸ਼ਿਪ ਵੀ ਦਿੱਤੀ ਜਾਵੇਗੀ।
ਦੂਜੇ ਪੜਾਅ ਦੌਰਾਨ ਨੈੱਟਫਲਿਕਸ ਨੈਸ਼ਨਲ ਫ਼ਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ (NFDC) ਨਾਲ ਮਿਲ ਕੇ ਕੰਮ ਕਰੇਗਾ। ਦੋਵੇਂ ਮਿਲ ਕੇ ਪ੍ਰਧਾਨ ਮੰਤਰੀ ਦੀ ਪਹੁੰਚਯੋਗਤਾ ਮੁਹਿੰਮ ਤਹਿਤ ਪੈਦਾ ਹੋਈਆਂ ਨਵੀਆਂ ਨੌਕਰੀਆਂ ਲਈ ਪ੍ਰਤਿਭਾ ਦੀ ਲੜੀ ਤਿਆਰ ਕਰਨਗੇ।
ਦ੍ਰਿਸ਼ਟੀ ਅਤੇ ਸੁਣਨ ਸਬੰਧੀ ਦਿਵਿਆਂਗ ਦਰਸ਼ਕਾਂ ਲਈ ਫ਼ਿਲਮਾਂ ਅਤੇ ਸੀਰੀਜ਼ ਨੂੰ ਵਧੇਰੇ ਪਹੁੰਚਯੋਗ ਬਣਾਉਣ ਲਈ ਆਡੀਓ ਵਰਣਨ ਲੇਖਕਾਂ ਅਤੇ ਵੌਇਸ ਕਲਾਕਾਰਾਂ ਨੂੰ ਵੀ ਸਿਖਲਾਈ ਦਿੱਤੀ ਜਾਵੇਗੀ।
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login