ADVERTISEMENT
ADVERTISEMENT
ਅਮਰੀਕੀ ਕਾਂਗਰਸ ਵੱਲੋਂ ਜਸਦੀਪ ਸਿੰਘ ਜੈਸੀ ਦਾ ਵੱਕਾਰੀ ਸਨਮਾਨ
ਅਧਿਕਾਰਤ ਤੌਰ ‘ਤੇ ਰਿਕਾਰਡ ’ਚ ਕੀਤਾ ਗਿਆ ਨਾਂਅ ਦਰਜ
-
1759953093.png)
ਸਟਾਫ ਪੱਤਰਕਾਰ - Sun, 14, Jun 2026
- 04:24 EDT
- 96
ਸਿੱਖ ਆਗੂ ਅਤੇ ਸਮਾਜ ਸੇਵਕ ਜਸਦੀਪ ਸਿੰਘ ਜੈਸੀ / Photo Courtesy
ਅਮਰੀਕਾ ਦੇ ਹਾਊਸ ਆਫ਼ ਰਿਪ੍ਰੈਜ਼ੈਂਟੇਟਿਵਜ਼ ਵੱਲੋਂ ਉੱਘੇ ਸਿੱਖ ਆਗੂ ਅਤੇ ਸਮਾਜ ਸੇਵਕ ਜਸਦੀਪ ਸਿੰਘ ਚੰਢੋਕ, ਜਿਨਾਂ ਨੂੰ ਭਾਈਚਾਰੇ ਵਿੱਚ ‘ਜੈਸੀ ਸਿੰਘ’ ਵਜੋਂ ਪ੍ਰਸਿੱਧੀ ਹਾਸਲ ਹੈ, ਦੀਆਂ ਮਿਸਾਲੀ ਮਾਨਵਤਾਵਾਦੀ ਸੇਵਾਵਾਂ ਲਈ ਉਨਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ ਹੈ। ਇਸ ਮਾਣਮੱਤੀ ਪ੍ਰਾਪਤੀ ਨੂੰ 19 ਮਈ, 2026 ਨੂੰ ਅਮਰੀਕੀ ਸੰਸਦ ਦੇ ਅਧਿਕਾਰਤ ਰਿਕਾਰਡ ਕਾਂਗਰੈਸ਼ਨਲ ਰਿਕਾਰਡ (119ਵੀਂ ਕਾਂਗਰਸ, ਫਰਸਟ ਸੈਸ਼ਨ) ਵਿੱਚ ਅਧਿਕਾਰਤ ਤੌਰ ’ਤੇ ਸ਼ਾਮਲ ਕਰਕੇ ਸਦੀਵੀ ਬਣਾ ਦਿੱਤਾ ਗਿਆ ਹੈ। ਇਲੀਨੋਇਸ ਸੂਬੇ ਤੋਂ ਕਾਂਗਰਸਮੈਨ ਜੋਨਾਥਨ ਐਲ. ਜੈਕਸਨ ਵੱਲੋਂ ਹਾਊਸ ਦੇ ਸਪੀਕਰ ਦੇ ਸਾਹਮਣੇ ਸ. ਚੰਢੋਕ ਦੀ ਬੇਮਿਸਾਲ ਲੀਡਰਸ਼ਿਪ ਦੀ ਸ਼ਲਾਘਾ ਕਰਦਿਆਂ ਇਹ ਪ੍ਰਸ਼ੰਸਾ ਪੱਤਰ ਪੇਸ਼ ਕੀਤਾ ਗਿਆ। ਦਸਤਾਵੇਜ਼ਾਂ ਮੁਤਾਬਕ ਮਿਸਟਰ ਚੰਢੋਕ ਪਿਛਲੇ ਤਿੰਨ ਦਹਾਕਿਆਂ ਤੋਂ ਵੱਧ ਦੇ ਲੰਬੇ ਸਮੇਂ ਤੋਂ ਹੈਲਥਕੇਅਰ (ਸਿਹਤ ਸੰਭਾਲ), ਨਾਨ-ਪ੍ਰੌਫਿਟ (ਗੈਰ-ਲਾਭਕਾਰੀ) ਪ੍ਰਬੰਧਨ, ਪੈਟਰੋਲੀਅਮ ਮਾਰਕੀਟਿੰਗ, ਰੀਅਲ ਅਸਟੇਟ ਡਿਵੈਲਪਮੈਂਟ, ਇੰਟਰਨੈਸ਼ਨਲ ਕੰਸਲਟਿੰਗ (ਅੰਤਰਰਾਸ਼ਟਰੀ ਸਲਾਹਕਾਰ) ਅਤੇ ਜਨਤਕ ਮਾਮਲਿਆਂ ਵਿੱਚ ਇੱਕ ਦੂਰਅੰਦੇਸ਼ੀ ਐਗਜ਼ੈਕਟਿਵ ਅਤੇ ਐਂਟਰਪ੍ਰੀਨਿਓਰ (ਉੱਦਮੀ) ਵਜੋਂ ਨਿਰੰਤਰ ਵੱਡੀਆਂ ਸੇਵਾਵਾਂ ਨਿਭਾ ਰਹੇ ਹਨ।
ਇਸ ਦੇ ਨਾਲ ਹੀ ਮੌਜੂਦਾ ਸਮੇਂ ਵਿੱਚ ਉਹ ਸੈਂਟਰ ਫਾਰ ਸੋਸ਼ਲ ਚੇਂਜ ਸੰਸਥਾ ਦੇ ਚੀਫ਼ ਓਪਰੇਟਿੰਗ ਅਫ਼ਸਰ (ਸੀਓਓ) ਵਜੋਂ ਵੱਡੀ ਜ਼ਿੰਮੇਵਾਰੀ ਸੰਭਾਲ ਰਹੇ ਹਨ। ਉਨਾਂ ਦੀ ਅਗਵਾਈ ਹੇਠ ਇਹ ਸੰਸਥਾ ਇੰਟਲੈਕਚੁਅਲ ਐਂਡ ਡਿਵੈਲਪਮੈਂਟਲ ਡਿਸਏਬਿਲਿਟੀਜ਼ (ਬੌਧਿਕ ਅਤੇ ਵਿਕਾਸ ਸੰਬੰਧੀ ਅਪਾਹਜਤਾਵਾਂ) ਨਾਲ ਜੂਝ ਰਹੇ ਨਾਗਰਿਕਾਂ ਨੂੰ ਰਿਹਾਇਸ਼ੀ ਦੇਖਭਾਲ, ਵੋਕੇਸ਼ਨਲ (ਕਿੱਤਾਮੁਖੀ) ਸੇਵਾਵਾਂ, ਬਿਹੇਵੀਅਰਲ ਹੈਲਥ (ਮਾਨਸਿਕ ਸਿਹਤ) ਅਤੇ ਮਜ਼ਬੂਤ ਕਮਿਊਨਿਟੀ ਸਪੋਰਟ ਸਿਸਟਮ ਪ੍ਰਦਾਨ ਕਰਕੇ ਉਨਾਂ ਦੇ ਜੀਵਨ ਪੱਧਰ ਨੂੰ ਉੱਚਾ ਚੁੱਕ ਰਹੀ ਹੈ।
ਇਸ ਤੋਂ ਇਲਾਵਾ, ਉਹ ‘ਸਿੱਖਸ ਆਫ਼ ਅਮੈਰਿਕਾ’ ਸੰਸਥਾ ਦੇ ਚੇਅਰਮੈਨ ਵਜੋਂ ਵੀ ਸਰਗਰਮ ਹਨ, ਜਿੱਥੇ ਉਨਾਂ ਨੇ ਪੂਰੇ ਅਮਰੀਕਾ ਵਿੱਚ ਸਿੱਖ-ਅਮਰੀਕਨ ਭਾਈਚਾਰੇ ਦੀ ਪਛਾਣ ਨੂੰ ਪ੍ਰਫੁੱਲਤ ਕਰਨ, ਸਿਵਿਕ ਇੰਗੇਜਮੈਂਟ (ਨਾਗਰਿਕ ਭਾਈਵਾਲੀ) ਵਧਾਉਣ, ਇੰਮੀਗ੍ਰੈਂਟਸ (ਪ੍ਰਵਾਸੀਆਂ) ਨੂੰ ਮੁੱਖ ਧਾਰਾ ਵਿੱਚ ਸ਼ਾਮਲ ਕਰਨ ਅਤੇ ਵੱਖ-ਵੱਖ ਧਰਮਾਂ ਵਿੱਚ ਆਪਸੀ ਸਾਂਝ ਤੇ ਸੱਭਿਆਚਾਰਕ ਤਾਲਮੇਲ ਮਜ਼ਬੂਤ ਕਰਨ ਲਈ ਦਿਨ-ਰਾਤ ਇੱਕ ਕੀਤਾ ਹੈ। ਕਾਂਗਰਸਮੈਨ ਜੋਨਾਥਨ ਐਲ ਜੈਕਸਨ ਨੇ ਸੰਸਦ ਮੈਂਬਰਾਂ ਨੂੰ ਅਪੀਲ ਕੀਤੀ ਕਿ ਉਹ ਹੈਲਥਕੇਅਰ ਲੀਡਰਸ਼ਿਪ, ਡਿਸਏਬਿਲਿਟੀ ਐਡਵੋਕੇਸੀ (ਅਪਾਹਜਾਂ ਦੇ ਹੱਕਾਂ ਦੀ ਰਾਖੀ), ਨਾਨ-ਪ੍ਰੌਫਿਟ ਸੇਵਾਵਾਂ, ਇੰਮੀਗ੍ਰੈਂਟ ਇੰਗੇਜਮੈਂਟ, ਐਂਟਰਪ੍ਰੀਨਿਓਰਸ਼ਿਪ (ਉੱਦਮਤਾ) ਅਤੇ ਇੰਟਰਫੇਥ ਕੋਆਪ੍ਰੇਸ਼ਨ (ਧਾਰਮਿਕ ਸਹਿਣਸ਼ੀਲਤਾ) ਦੇ ਖੇਤਰ ਵਿੱਚ ਪਾਏ ਅਸਾਧਾਰਨ ਯੋਗਦਾਨ ਲਈ ਜਸਦੀਪ ਸਿੰਘ ਚੰਢੋਕ ਦੇ ਇਸ ਸਨਮਾਨ ਦਾ ਹਿੱਸਾ ਬਣਨ। ਉਨਾਂ ਕਿਹਾ ਕਿ ਜਸਦੀਪ ਚੰਢੋਕ ਨੇ ਹਮੇਸ਼ਾ ਨਿੱਜੀ ਪ੍ਰਸਿੱਧੀ ਤੋਂ ਉੱਪਰ ਉੱਠ ਕੇ ਪਰਉਪਕਾਰ ਅਤੇ ਸਮਾਜ ਸੇਵਾ ਨੂੰ ਸਰਵਉੱਚ ਰੱਖਿਆ ਹੈ, ਜਿਸ ਨਾਲ ਅਮਰੀਕਾ ਵਿੱਚ ਰਹਿ ਰਹੇ ਸਮੁੱਚੇ ਸਿੱਖ ਜਗਤ ਦਾ ਨਾਂਅ ਰੌਸ਼ਨ ਹੋਇਆ ਹੈ।
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login