ADVERTISEMENT
ADVERTISEMENT
FBI ਵੱਲੋਂ ਭਾਰਤੀ ਮੂਲ ਦੇ ਭਗੌੜੇ ਕਲਪੇਸ਼ਕੁਮਾਰ ਪਟੇਲ ਦੀ ਭਾਲ, ਧੋਖਾਧੜੀ ਦੇ ਗੰਭੀਰ ਦੋਸ਼
ਪਟੇਲ ਵਿਰੁੱਧ 22 ਜੂਨ, 2023 ਨੂੰ ਕੇਨਟਕੀ ਦੀ ਅਦਾਲਤ ਵਿੱਚ ਗ੍ਰਿਫ਼ਤਾਰੀ ਵਾਰੰਟ ਜਾਰੀ ਕੀਤਾ ਗਿਆ ਸੀ
-
ਮਾਲਵਿਕਾ ਚੌਧਰੀ - Thu, 19, Mar 2026
- 11:17 EDT
- 3
ਕਲਪੇਸ਼ਕੁਮਾਰ ਪਟੇਲ / FBI
ਅਮਰੀਕੀ ਜਾਂਚ ਏਜੰਸੀ FBI ਨੇ ਇੱਕ ਦੇਸ਼ ਵਿਆਪੀ ਮੇਲ ਫਰਾਡ (ਡਾਕ ਧੋਖਾਧੜੀ) ਸਕੀਮ ਵਿੱਚ ਕਥਿਤ ਭੂਮਿਕਾ ਲਈ ਲੋੜੀਂਦੇ ਭਾਰਤੀ ਮੂਲ ਦੇ ਵਿਅਕਤੀ ਦੀ ਭਾਲ ਦਾ ਐਲਾਨ ਕੀਤਾ ਹੈ।
ਕਲਪੇਸ਼ਕੁਮਾਰ ਰਸਿਕਭਾਈ ਪਟੇਲ, ਜਿਸ ਨੂੰ "ਕੇਨੀ ਪਟੇਲ” ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ, ਬਾਰੇ ਵਿਸ਼ਵਾਸ ਹੈ ਕਿ ਉਹ ਇਲੀਨੋਇਸ ਅਤੇ ਪੈਨਸਿਲਵੇਨੀਆ ਦੇ ਵਿਚਕਾਰ ਰਹਿ ਰਿਹਾ ਹੈ ਜਾਂ ਯਾਤਰਾ ਕਰ ਰਿਹਾ ਹੈ। FBI ਨੇ ਉਸ ਦੇ ਟਿਕਾਣੇ ਬਾਰੇ ਜਾਣਕਾਰੀ ਮੰਗੀ ਹੈ।
ਪਟੇਲ 2017 ਅਤੇ 2021 ਦੇ ਵਿਚਕਾਰ ਕਈ ਪੀੜਤਾਂ ਨਾਲ ਧੋਖਾਧੜੀ ਕਰਨ ਲਈ ਲੋੜੀਂਦਾ ਹੈ। ਅਧਿਕਾਰੀਆਂ ਅਨੁਸਾਰ ਉਸ ਵਲੋਂ ਪੀੜਤਾਂ ਨਾਲ ਅਕਸਰ ਫ਼ੋਨ ਰਾਹੀਂ ਸੰਪਰਕ ਕੀਤਾ ਜਾਂਦਾ ਸੀ। ਉਨ੍ਹਾਂ ਨੂੰ ਇਹ ਵਿਸ਼ਵਾਸ ਦਿਵਾ ਕੇ ਡਰਾਇਆ ਜਾਂਦਾ ਸੀ ਕਿ ਉਨ੍ਹਾਂ ਦੀ ਪਛਾਣ ਜਾਂ ਨਿੱਜੀ ਜਾਣਕਾਰੀ ਅਪਰਾਧਿਕ ਗਤੀਵਿਧੀਆਂ ਨਾਲ ਜੁੜੀ ਹੋਈ ਹੈ। ਪੀੜਤਾਂ ਨੂੰ ਨਕਦ ਜਾਂ ਪ੍ਰੀਪੇਡ ਡੈਬਿਟ ਕਾਰਡਾਂ ਰਾਹੀਂ ਵੱਡੀ ਰਕਮ ਅਮਰੀਕਾ ਦੇ ਵੱਖ-ਵੱਖ ਪਤਿਆਂ 'ਤੇ ਭੇਜਣ ਲਈ ਮਜਬੂਰ ਕੀਤਾ ਜਾਂਦਾ ਸੀ।
FBI ਵਲੋਂ ਨਾਰੀ ਕੀਤੀ ਜਾਣਕਾਰੀ ਅਨੁਸਾਰ ਕੇਨੀ ਪਟੇਲ ਭਾਰਤ ਦਾ ਰਹਿਣ ਵਾਲਾ ਹੈ ਅਤੇ ਉਸਦੀ ਉਮਰ 33 ਸਾਲ ਹੈ। ਉਸਦੇ ਕਾਲੇ ਵਾਲ, ਭੂਰੀਆਂ ਅੱਖਾਂ, ਕੱਦ ਲਗਭਗ 5 ਫੁੱਟ 9 ਇੰਚ ਹੈ। ਉਸ ਨੇ ਫਿਊਲ ਸਟੇਸ਼ਨ ਅਟੈਂਡੈਂਟ, ਕੈਸ਼ੀਅਰ ਅਤੇ ਸਟੋਰ ਵਰਕਰ ਵਜੋਂ ਕੰਮ ਕੀਤਾ ਹੈ। ਉਹ "ਮੇਕੋ", "ਕੇਨੀ", ਕਲਪੇਸ਼ ਆਰ. ਪਟੇਲ ਅਤੇ ਕਲਪੇਸ਼ ਪਟੇਲ ਵਰਗੇ ਕਈ ਨਾਵਾਂ ਦੀ ਵਰਤੋਂ ਕਰਦਾ ਹੈ।
ਪਟੇਲ ਵਿਰੁੱਧ 22 ਜੂਨ, 2023 ਨੂੰ ਕੇਨਟਕੀ ਦੀ ਅਦਾਲਤ ਵਿੱਚ ਗ੍ਰਿਫ਼ਤਾਰੀ ਵਾਰੰਟ ਜਾਰੀ ਕੀਤਾ ਗਿਆ ਸੀ। ਉਸ 'ਤੇ ਮੇਲ ਅਤੇ ਵਾਇਰ ਫਰਾਡ ਕਰਨ ਦੀ ਸਾਜ਼ਿਸ਼ ਰਚਣ ਦੇ ਦੋਸ਼ ਹਨ।
ਕੇਨੀ ਪਟੇਲ ਤੋਂ ਇਲਾਵਾ ਇਸੇ ਮਹੀਨੇ ਇੱਕ ਵੱਖਰੇ ਮਾਮਲੇ ਵਿੱਚ, FBI ਨੇ ਆਪਣੀ 'ਟੌਪ 10' ਸਭ ਤੋਂ ਲੋੜੀਂਦੇ ਭਗੌੜਿਆਂ ਦੀ ਸੂਚੀ ਵਿੱਚ ਸ਼ਾਮਲ ਭਾਰਤੀ ਨਾਗਰਿਕ ਭਦਰੇਸ਼ਕੁਮਾਰ ਚੇਤਨਭਾਈ ਪਟੇਲ ਦੀ ਗ੍ਰਿਫ਼ਤਾਰੀ ਲਈ ਇਨਾਮ ਵਧਾ ਕੇ 10 ਲੱਖ ਡਾਲਰ ($1,000,000) ਕਰ ਦਿੱਤਾ ਹੈ।
ਉਹ 2015 ਵਿੱਚ ਮੈਰੀਲੈਂਡ ਦੇ ਇੱਕ ਡੋਨਟ ਸ਼ਾਪ ਵਿੱਚ ਆਪਣੀ ਪਤਨੀ ਪਲਕ ਪਟੇਲ ਦੇ ਕਤਲ ਦੇ ਸਬੰਧ ਵਿੱਚ ਲੋੜੀਂਦਾ ਹੈ। ਜਾਂਚਕਰਤਾਵਾਂ ਦਾ ਮੰਨਣਾ ਹੈ ਕਿ ਉਹ ਘਟਨਾ ਤੋਂ ਬਾਅਦ ਫ਼ਰਾਰ ਹੋ ਗਿਆ ਸੀ ਅਤੇ ਸ਼ਾਇਦ ਅਮਰੀਕਾ ਛੱਡ ਚੁੱਕਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login