ADVERTISEMENT
ADVERTISEMENT
ਆਸਟ੍ਰੇਲੀਆ: ਰੀਅਲ ਅਸਟੇਟ ਧੋਖਾਧੜੀ ਦੇ ਮਾਮਲੇ ‘ਚ ਭਾਰਤੀ ਵਿਦਿਆਰਥੀ ਨੂੰ ਜੇਲ੍ਹ
ਪ੍ਰਦੀਪ ਨੂੰ ਦੋ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ ਅਤੇ ਸਜ਼ਾ ਪੂਰੀ ਹੋਣ ਤੋਂ ਬਾਅਦ ਉਸ ਨੂੰ ਡਿਪੋਰਟ ਕੀਤੇ ਜਾਣ ਦੀ ਸੰਭਾਵਨਾ ਹੈ
-
ਜੈਫਿਨ ਟੀ. ਕਾਲੇਕਲ - Fri, 30, Jan 2026
- 10:06 EST
- 11
Representative image / Pexels
ਆਸਟ੍ਰੇਲੀਆ ਵਿੱਚ ਇੱਕ ਉਬਰ ਡਰਾਈਵਰ ਪ੍ਰਦੀਪ ਨੂੰ ਸਿਡਨੀ ਦੀ ਇੱਕ ਲਾਅ ਫਰਮ (ਕਾਨੂੰਨੀ ਸੰਸਥਾ) ਦੇ ਪ੍ਰਧਾਨ ਬਣ ਕੇ ਧੋਖਾਧੜੀ ਕਰਨ ਅਤੇ ਇੱਕ ਗਾਹਕ ਕੋਲੋਂ 200,000 ਡਾਲਰ ਤੋਂ ਵੱਧ ਠੱਗਣ ਦੇ ਦੋਸ਼ ਵਿੱਚ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ।
ਲਿਵਰਪੂਲ ਲੋਕਲ ਕੋਰਟ ਨੇ ਪ੍ਰਦੀਪ ਨੂੰ ਧੋਖੇ ਨਾਲ ਜਾਇਦਾਦ ਹਾਸਲ ਕਰਨ ਅਤੇ ਅਪਰਾਧ ਦੀ ਕਮਾਈ ਨਾਲ ਸੌਦਾ ਕਰਨ ਦੇ ਦੋਸ਼ਾਂ ਵਿੱਚ ਦੋਸ਼ੀ ਕਰਾਰ ਦਿੰਦਿਆਂ ਵੱਧ ਤੋਂ ਵੱਧ ਦੋ ਸਾਲ ਕੈਦ ਦੀ ਸਜ਼ਾ ਸੁਣਾਈ। ‘ਦ ਸਿਡਨੀ ਮੋਰਨਿੰਗ ਹੇਰਲਡ’ ਅਨੁਸਾਰ, ਜੱਜ ਨੇ ਇਸ ਅਪਰਾਧ ਨੂੰ “ਸੋਚ-ਸਮਝ ਕੇ ਕੀਤਾ ਗਿਆ, ਧੋਖੇਬਾਜ਼ੀ ਭਰਿਆ ਅਤੇ ਗੰਭੀਰ” ਕਰਾਰ ਦਿੱਤਾ।
ਅਕਤੂਬਰ 2024 ਵਿੱਚ, ਇੱਕ ਘਰ ਖਰੀਦਣ ਵਾਲੇ ਵਿਅਕਤੀ ਨੇ ਸਿਡਨੀ ਦੀ ਇੱਕ ਰੀਅਲ ਅਸਟੇਟ ਲਾਅ ਫਰਮ ਨਾਲ ਸੰਪਰਕ ਕੀਤਾ ਅਤੇ ਇਸਦੇ ਮੁਖੀ ਨਾਲ ਗੱਲ ਕੀਤੀ। ਪ੍ਰਦੀਪ, ਜੋ ਆਸਟ੍ਰੇਲੀਆ ਵਿੱਚ ਸਟੂਡੈਂਟ ਵੀਜ਼ੇ 'ਤੇ ਸੀ, ਉਸਨੇ ਪੀੜਤ ਦੇ ਵੇਰਵੇ ਹਾਸਲ ਕੀਤੇ, ਫਰਮ ਦੇ ਨਾਮ ਨਾਲ ਮਿਲਦਾ-ਜੁਲਦਾ ਇੱਕ ਡੋਮੇਨ ਨੇਮ ਅਤੇ ਈਮੇਲ ਪਤਾ ਬਣਾਇਆ, ਵਕੀਲ ਦਾ ਰੂਪ ਧਾਰਿਆ, ਇੱਕ ਫਰਜ਼ੀ ਕੰਪਨੀ ਅਤੇ ਬੈਂਕ ਖਾਤਾ ਖੋਲ੍ਹਿਆ ਅਤੇ ਪੀੜਤ ਨੂੰ ਕਈ ਹਫ਼ਤਿਆਂ ਦੌਰਾਨ 209,874 ਡਾਲਰ ਟ੍ਰਾਂਸਫਰ ਕਰਨ ਲਈ ਗੁੰਮਰਾਹ ਕੀਤਾ।
ਰਕਮ ਭੇਜਣ ਤੋਂ ਇੱਕ ਹਫ਼ਤਾ ਬਾਅਦ, ਪੀੜਤ ਨੇ ਅਸਲੀ ਵਕੀਲ ਨਾਲ ਗੱਲ ਕੀਤੀ, ਤਦੋਂ ਉਸ ਨੂੰ ਠੱਗੀ ਦਾ ਪਤਾ ਲੱਗਿਆ ਅਤੇ ਦੇਖਿਆ ਕਿ ਪੈਸੇ ਗਾਇਬ ਹੋ ਚੁੱਕੇ ਹਨ। ਜਾਂਚਕਰਤਾਵਾਂ ਨੇ ਇਸ ਧੋਖਾਧੜੀ ਦੀ ਜਾਂਚ ਕਰਕੇ ਪ੍ਰਦੀਪ ਨੂੰ ਫੜ ਲਿਆ, ਪਰ ਉਹ ਸਿਰਫ਼ 900 ਡਾਲਰ ਹੀ ਬਰਾਮਦ ਕਰ ਸਕੇ।
ਅਦਾਲਤ ਨੂੰ ਦੱਸਿਆ ਗਿਆ ਕਿ ਪ੍ਰਦੀਪ ਸਿਡਨੀ ਦੇ ਪੱਛਮੀ ਇਲਾਕੇ ਗ੍ਰੈਨਵਿਲ ਵਿੱਚ ਆਪਣੀ ਸਾਥੀ ਨਾਲ ਰਹਿੰਦਾ ਸੀ ਅਤੇ ਆਸਟ੍ਰੇਲੀਆ ਵਿੱਚ ਉਸਦਾ ਹੋਰ ਕੋਈ ਪਰਿਵਾਰ ਨਹੀਂ ਸੀ। ਉਸ ਦੀ ਰਿਹਾਈ ਤੋਂ ਬਾਅਦ ਸੰਭਾਵਨਾ ਹੈ ਕਿ ਉਸ ਨੂੰ ਦੇਸ਼ ਨਿਕਾਲਾ ਦੇ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ, ਅਦਾਲਤ ਨੇ ਉਸ ਨੂੰ 100,000 ਡਾਲਰ ਮੁਆਵਜ਼ੇ ਵਜੋਂ ਵਾਪਸ ਕਰਨ ਦਾ ਹੁਕਮ ਦਿੱਤਾ, ਜੋ ਕਿ ਲੋਕਲ ਕੋਰਟ ਵੱਲੋਂ ਦਿੱਤਾ ਜਾ ਸਕਣ ਵਾਲਾ ਵੱਧ ਤੋਂ ਵੱਧ ਮੁਆਵਜ਼ਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login