ADVERTISEMENT
ADVERTISEMENT
વોશિંગ્ટનમાં પીઓકેની માનવતાવાદી સ્થિતિ મુદ્દે કાશ્મીરી સમુદાયનો વિરોધ પ્રદર્શન
પ્રદર્શનકારીઓએ પાકિસ્તાન અધિકૃત કાશ્મીર (પીઓકે)માં સર્જાયેલી માનવતાવાદી કટોકટી દૂર કરવા આંતરરાષ્ટ્રીય હસ્તક્ષેપની માંગ કરી.
-
સંવાદદાતા - Mon, 13, Jul 2026
- 02:23 EDT
- 43
વિરોધ પ્રદર્શનની ઝલક / Provided
વોશિંગ્ટન ડી.સી., મેરીલેન્ડ અને વર્જિનિયામાં વસતા જમ્મુ-કાશ્મીર સમુદાયના સભ્યોએ 11 જુલાઈના રોજ પાકિસ્તાન અધિકૃત કાશ્મીર (પીઓકે)માં બગડી રહેલી માનવતાવાદી પરિસ્થિતિ સામે વિરોધ પ્રદર્શન યોજ્યું.
પ્રદર્શનકારીઓએ અમેરિકી સરકાર તેમજ આંતરરાષ્ટ્રીય સમુદાયને પીઓકેની સ્થિતિમાં તાત્કાલિક હસ્તક્ષેપ કરવાની અપીલ કરી.
આયોજકોના જણાવ્યા અનુસાર, પીઓકેના રહેવાસીઓ લાંબા સમયથી રાજકીય પ્રતિનિધિત્વના અભાવ, રોજગારીની અછત, ખાદ્યસામગ્રીની તંગી તેમજ વીજળી-પાણી સહિતની મૂળભૂત સુવિધાઓના અભાવ જેવી ગંભીર સમસ્યાઓનો સામનો કરી રહ્યા છે.
તેમણે દાવો કર્યો કે હાલની પરિસ્થિતિ માનવતાવાદી કટોકટીનું સ્વરૂપ ધારણ કરી ચૂકી છે. સાથે જ એવો પણ આક્ષેપ કર્યો કે પાકિસ્તાનના સુરક્ષા દળોએ ખાદ્યસામગ્રી, જીવનજરૂરી ચીજવસ્તુઓ અને આવશ્યક સેવાઓ સુધી લોકોની પહોંચ પર પ્રતિબંધ મૂક્યો છે.
આયોજકોએ વધુમાં આરોપ લગાવ્યો કે તાજેતરમાં યોજાયેલા શાંતિપૂર્ણ વિરોધ પ્રદર્શનો દરમિયાન સુરક્ષા દળોએ જીવલેણ બળનો ઉપયોગ કર્યો હતો.
પ્રદર્શનકારીઓએ મહિલાઓ, બાળકો અને વૃદ્ધોની સુરક્ષા અંગે ગંભીર ચિંતા વ્યક્ત કરતાં જણાવ્યું કે માનવાધિકારોના સતત ઉલ્લંઘન, શારીરિક સુરક્ષાને રહેલા જોખમો અને વ્યાપક ભૂખમરાના કારણે તેઓ સતત ભયના માહોલમાં જીવન જીવી રહ્યા છે.
વોશિંગ્ટન ડી.સી.માં યોજાયેલા આ વિરોધ પ્રદર્શનમાં પીઓકે સાથે પારિવારિક અને વ્યક્તિગત સંબંધ ધરાવતા અંદાજે 100 અમેરિકન રહેવાસીઓ, જેમાં મહિલાઓ, બાળકો અને વિવિધ સમુદાયના આગેવાનોનો સમાવેશ થતો હતો, તેમણે ભાગ લીધો.
દેશની રાજધાનીમાં એકત્ર થયેલા પ્રદર્શનકારીઓએ લોકશાહી દેશો અને આંતરરાષ્ટ્રીય માનવાધિકાર સંસ્થાઓને નાગરિકોની સુરક્ષા સુનિશ્ચિત કરવા તેમજ પીઓકેમાં વણસી રહેલી માનવતાવાદી સ્થિતિનો તાત્કાલિક ઉકેલ લાવવા માટે અસરકારક પગલાં ભરવાની અપીલ કરી.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login